Euro 2020
युरो कप छनोटः स्कटल्याण्डले तोड्यो २२ बर्षदेखिको खडेरी, नर्थ मेसेडोनिया पहिलो पटक युरोमा
Published
3 years agoon
By
wesportzबिश्व फुटबलको मुख्य प्रतियोगिताको सहभागितामा २२ बर्ष देखिको पर्खाइलाई अन्त्य गर्दै स्कटल्याण्ड २०२१ को युरो कपको लागि छनोट भएको छ ।
बिहिबार निकै संघर्षपूर्ण छनोटमा स्कटल्याण्डले सर्बियालाई टाइ ब्रेकरमा पराजित गर्यो भने बिश्व फुटबलको सानो टोली नर्थ मेसेडोनिया पनि जर्जियालाई हराउदै इतिहासमै पहिलो पटक युरो कपका लागि छनोट भयो ।
बर्षको शुरुवाताका लागि तय गरिएको प्लेअफ कोरोना भाइरसका लागि स्थगित भएपछि सञ्चालनमा आउदा हँगेरी र स्लोभाकिया पनि आ–आफ्नो खेल जित्दै छनोट भएका छन् । युरो कप २०२१ को जुन र जुलाईका लागि स्थगित गरिएको हो ।
पछिल्लो पटक १९९८ मा फ्रान्समा भएको बिश्वकपमा सहभागिता जनाएको स्कटल्याण्ड १० वटा छनोट खेलहरुमा असफल भएको थियो भने सर्बियासँगको प्लेअफमा पनि झण्डै पराजित भएको थियो ।
बेलग्रेडमा भएको खेलमा स्कटल्याण्ड रायन क्रिष्टीको गोल मार्फत दोश्रो हाफको शुरुवातमै अग्रता लिन सफल भएको थियो । तर लुका जोभिचले ९० औं मिनेटमा गोल गरेपछि खेल अतिरिक्त समयमा पुगेको थियो । थप आधा घण्टामा कुनै गोल नभएपछि स्कटल्याण्डले टाई ब्रेकरमा ५–४ को जित हात पार्यो ।
स्कटिस गोलकिपर डेभिड मार्सलले एलेक्जेण्डर मित्रोभिचको प्रहार रोकेपछि स्कटल्याण्डले लामै समय खुशीयाली मनाएको थियो । ९ खेलमा अपराजित रहेको स्कटल्याण्डले अब युरो कपको समुह डिमा इङ्गल्याण्ड, चेक रिपब्लिक र क्रोएसियासँग खेल्नेछ ।
नर्दन आयरल्याण्ड असफल
अतिरिक्त समयमा स्लोभाकियासँग घरेलु मैदानमै २–१ ले पराजित भएपछि नर्दन आयरल्याण्डले भने स्कटल्याण्ड जस्तो खुशीयाली मनाउन पाएन । नर्दन आयरल्याण्डले २०१६ को युरो कप खेलेको थियो ।
जुराज कुच्काले स्लोभाकियालाई अग्रता दिलाएपनि मिलान स्क्रिनियरको आत्मघाती गोलमा नर्दन आयरल्याण्डले खेलमा बराबरी गरेको थियो । तर मिकल डोरिसले १ सय १० औं मिनेटमा गोल गरेपछि स्लोभाकियाको भाग्य चम्कियो । स्लोभाकियाले समुह इ मा पोल्याण्ड, स्पेन र स्विडेनसँग खेल्नेछ ।
पछिल्लो केही बर्ष यता उत्कृष्ट फुटबल खेल्न सफल आइसल्याण्ड भने हँगेरीसँग २–१ ले पराजित हुदा लगातार दुई युरो खेल्ने मौकाबाट बञ्चित हुन पुग्यो । २०१८ को पनि बिश्वकप खेलेको आइसल्याण्ड लगातार तीन मुख्य प्रतियोगिता खेल्ने थयो ।
जिल्फी सिगुर्ड्सनले ११ औं मिनेटमा फ्रि किकमा गोल गर्दै आइसल्याण्डलाई अग्रता दिलाएका थिए । आइसल्याण्डले लामै समय अग्रतालाई बचाइ राख्यो तर ८८ औं मिनेटमा लोइक नेगोले बराबरी गोल गरे । अतिरिक्त समयको दोश्रो मिनेटमा डोमिक जोबोस्ज्लाईले गोल गर्दै हँगेरीलाई युरोमा पुर्याए ।
दुई पटकको बिश्वकप उपबिजेता हँगेरीले २०१६ को युरोमा छनोट हुदा ३० बर्ष देखिको प्रमुख प्रतियोगितामा सहभागिताको खडेरीलाई तोडेको थियो । हँगेरीले २०२१ युरोको समुह एफमा बिश्वकप बिजेता फ्रान्स, जर्मनी र युरो कप डिफेन्डिङ्ग च्याम्पियन पोर्चुगलको सामना गर्नेछ । समुह एफ ग्रुप अफ डेथ रहेको छ ।
पान्डेभले जर्जियालाई डुबाए
भेटेरान ३७ बर्षिय स्ट्राइकर गोरान पान्डेभले ५६ औं मिनेटमा गोल गर्दा नर्थ मेसेडोनिया पहिलो पटक ठूलो प्रतियोगिताका लागि छनोट भयो । इन्टर मिलानका लागि सन् २०१० को च्याम्पियन्स लिग जितेका पान्डेभ हाल अर्को इटालियन टोली जेनोआबाट खेलिरहेका छन् भने आफ्नो देशको लागि सर्वाधिक अन्तर्राष्ट्रिय गोलकर्ता पनि हुन् ।
फिफा बरियतामा ६५ औं स्थानमा रहेको बाल्कन राष्ट्र मेसेडोनियाले समुह सि मा नेदरल्याण्ड्स, अष्ट्रिया र युक्रेनको सामना गर्नेछ ।
२४ टिम सम्मिलित युरो कप यसपटक युरोपका १२ शहरहरुमा खेलाइनेछ भने सेमिफाइनल र फाइनल लण्डनको वेम्ब्ली स्टेडियममा हुनेछ ।
You may like
Euro 2020
युभेन्टस छोड्ने मुडमा छैनन सुपरस्टार रोनाल्डो
Published
3 years agoon
July 15, 2021By
wesportzयुरो कपमा पांच गोलसहित सर्वाधिक गोकर्ताको गोल्डेन बुट जितेका पोर्चुगिज सुपरस्टार क्रिष्चियानो रोनाल्डोले इटालियन सिरी आ टोली युभेन्टस नछोड्ने संकेत गरेका छन् ।
क्लबका निर्देशक तथा पुर्व चेक रिपब्लिक लेजेण्ड पाभेल नेदभेदले रोनाल्डोले क्लबमै रहने अथवा छोड्ने बिषयमा कुनै जानकारी नगराएको र यसै महिनाको अन्तिम साता टुरिनमा प्रशिक्षणमा सहभागी हुने जानकारी दिएका हुन् ।
“क्रिष्चियानो अहिले छुट्टी मनाइरहेका छन् । उनी छोड्ने बिषयमा उनको टोलीले केही भनेको छैन र पुर्व निर्धारित तालिका अनुसार नै उनी अब जुलाई २५ मा प्रशिक्षणमा सहभागी हुनेछन्,” युभेन्टसको २०२१-२२ सिजनको क्यालेण्डर सार्वजनिक गर्ने क्रममा नेदभेदले भने ।
३६ बर्षको उमेरमा पनि युरो कपमा स्थापित युवा अनुहारहरुलाई पछि पार्दै गोल्डेन बुट जितेका रोनाल्डोको युभेन्टससंगको सम्झौतमा अझै एक बर्ष बाकी रहेको छ ।
सिरी उपाधिमा ९ बर्षपछि पहिलो पटक आफ्नो नियन्त्रण गुमाउनुका साथै गत बर्षको च्याम्पियन्स लिगमा अन्तिम १६ बाट बाहिरिएको युभेन्टस यो सिजनको युरोपियन प्रतियोगिताका लागि पनि मुस्किलले स्थान बनाएपछि रोनाल्डोभविष्य अनिश्चित रहन पुगेको थियो ।
प्रशिक्षक मासिमिलियानो एलेग्रिको पुनरागमनमा युभेन्सटले सिजनको आफ्नो पहिलो खेल युडिनेजी बिरुद्ध खेल्नेछ ।
“एलेग्रिलाई लिएर हाम्रो पांच बर्षको निश्चित कार्य तालिका थियो । त्यसपछि उनी दुई बर्ष छुट्टीमा गएका थिए । अब नयां उर्जा सहित उनी टोलीमा फर्कदैछन्,” नेदभेदले भने ।
Euro 2020
युरो कप फाइनलका पोर्चुगिज हिरो कसरी बने बेरोजगार ?
Published
3 years agoon
July 14, 2021By
wesportz२०१६ को गर्मिमा एडर पोर्चुगलका राष्ट्रिय हिरो थिए । सब्स्टिच्युटको रुपमा बेञ्चबाट आउदै उनले अतिरिक्त समयमा गोल गर्दै पोर्चुगललाई युरो कपको उपाधि जिताएका थिए ।
स्टाड डि फ्रान्समा घरेलु टोलीबिरुद्ध भएको फाइनलमा हाल ३३ बर्षपुगिसकेका एडर रेनातो सान्चेजको स्थानमा ९० औं मिनेटमा मैदान प्रवेश गरेका थिए ।
सुपरस्टार क्रिष्चियानो रोनाल्डो चोटका कारण मैदानबाट खेलको शुरुवातमै बाहिरिएको स्थितिको पूर्ण फाइदा उठाउदै ११ मिनेट बाकी रहदा एडरले गोल गरेपछि उनी पोर्चुगलमा एका एक हिरो बने । सबैले रोनाल्डो, रोनाल्डो भनिरहदा पोर्चुगलले अनपेक्षित हिरो पाउदा झनै धेरै उत्साहित भएका थिए ।
तर पांच बर्षयता आइपुग्दा आइतबार वेम्ब्लीमा इटाली र इंगल्याण्ड युरो कपको उपाधिका लागि भिड्नु अघि ट्रफि लिएर आएका एडर सबैले बिर्सिएका हिरो भइसकेका छन् ।
कति पयको लागि एडरको मुहारमा देखिएको निराशा स्पष्ट रुपमा नै ध्यानमा आएको थियो । तर एडर आफ्नै लागि भने ६५ हजार दर्शक रहेको वेम्ब्लीमा ट्रफि लिएर हिड्दा आफ्नो असफलताको बयान गर्दै थियो ।
२०१६ को उक्त ऐतिहासिक रात पछि के भयो त एडरको जीवनमा ?
पोर्चुगिज महारथी ब्रागाबाट एडर युरो कपको ठ्याक्कै एक बर्ष अगाडी ५ मिलियन पाउण्डमा इंग्लिस प्रिमियर लिग टोली स्वान्सेसंग अनुबन्धित भएका थिए । तर पहिलो १५ खेलमा गोल गर्न चुकेपछि बाकी सिजनका लागि उनलाई लोनमा फ्रेञ् च लिग वान टोली लिल पठाइयो ।
लिलका लागि १३ खेलमा ६ गोल गरेपछि उनी रोनाल्डो, नानी र साञ्चेजसंगै पोर्चुगलको युरो कप टोली अटाए । ३-३ गोल गरेपछि रोनाल्डो र नानी पोर्चुगलको युरो अभियानको दुई मुख्य खेलाडी रहे। नकआउटमा पोल्याण्ड र वेल्सलाई हराएपछि पोर्चुगलले फ्रान्ससंगको भिडन्त पक्क गर्यो ।
पहिलो उपाधि पछ्याइरहेको एडर उक्त युरोलाई आफ्नो ब्रेकथ्रु प्रतियोगिता बनाएका सान्चेजको स्थानमा ८० औं मिनेटमा प्रवेश गरे । अतिरिक्त समयमा मात्र ११ मिनेट रहेको स्थितिमा एडरले अविश्वसनीय रुपमा प्रतियोगिताको पहिलो र एक मात्र गोल गरे ।
फ्रान्स गोल फर्काउन असफल रहेपनि पोर्चुगल पहिलो पटक उपाधि जित्न सपल रह्यो ।
एडरको नायकत्वको अपेक्षा गर्दै फ्रान्समा उनको लोन मुभलाई नयां सिजनका लागि स्थायी बनाइयो । तर ३१ लिग वान खेलमा मात्र ६ गोल गरेपछि लिलले पनि उनलाई रसियन प्रिमियर लिग क्लब लोकोमोटिभ मस्कोमा लोनमा पठायो ।
एक बर्षपछि लोकोमोटिभ मस्कोले उनको लोन मुभलाई स्थायी बनायो ।
२०१६ को युरोको हिरो रहनुका साथै पछिल्लो एक बर्ष रुसमै बिताएपनि एडर रुसमै हुन गइरहेको बिश्वपका लागि पोर्चुगिज टोलीमा अटाएनन् ।
गत सिजनसम्म लोकोमोटिभमै बिताएका एडरले आफू खेलेका ९ खेलमा गोल गर्न असफल रहे । उनले चार सिजन बिताउदा रुसी टोलीका लागि ७२ खेलमा जम्मा ९ गोलमात्र गरे ।
लोकोमोटिभले उनलाई रिलिज गरेपछि उनी अहिले भने बेरोजगार भएका छन् । आफू युरोपको प्रमुख खेलाडीको रुपमा धेरै दिन सक्ने साबित गर्न उनी मौका कुरिरहेका छन् ।
एडर वेम्ब्लीमा झल्कदा उनी उपलब्ध रहेको बिषयमा धेरै व्यवस्थापकहरु जानकार पनि भएका होलान् ।
यद्दपि एडर बेरोजगारीको पहिलो दिनहरुमा मात्रै छन् । पुर्व इंगल्याण्ड स्टार ड्यानियल स्टरिज अहिले यसैसिजन ला लिगामा बढुवा भएको स्पेनिस टोली रियल मायोर्कासंग प्रशिक्षण गर्दैछन् ।
मार्च२०२० मा टर्किस टोली ट्राब्जन्सपोरले पनि साथ छोडेपछि उनी डेढ बर्ष भन्दा क्लबबिहिन बन्न पुगे । एडर आफू त्यति लामो समय बेरोजगार रहनु नपर्ने आशा गरिरहेका छन् ।
उनलाई लिएर अर्को प्रिमियर लिग क्लब ब्राइटन केही सकारात्मक रहेको हल्ला मार्चमा चलेको थियो ।
पेनाल्टी सुटआउटमा तीन खेलाडी चुक्दा इग्ल्याण्डको युरोकप उपाधि जित्ने सपना अधुरै रह्यो । इटालीसँग ३–२ गोल अन्तरले पराजित भएसँगै पहिलो पटक युरो कपको उपाधि जित्ने इग्ल्याण्डको सपनामा तुसारापात भयो ।
६० हजार दर्शक सहभागी घरेलु मैदानमा इंग्ल्याण्डले सुरूवाती अग्रता लिएको थियो । तर अग्रता जोगाउन नसक्दा निर्धारित र अतिरिक्त समय १–१ गोलको बराबरीमा रोकिएपछि खेल पेनाल्टी सुटआउट तर्फ धकेलिएको थियो ।
पेनाल्टी प्रहार गरेका पाँच खेलाडी मध्ये ह्यारी केन र ह्यारी मग्वाएरको प्रहारले मात्रै जाली चुमेको थियो । पेनाल्टी सुट कै लागि अतिरिक्त समयमा मैदान प्रवेश गरेका मार्कस राषफोर्डको प्रहार बारमा लागेर बाहिरियो । जाेडान सान्चो र साका बाकुयोको प्रहार इटालीका गोल रक्षकले रोके । इटालीका आन्द्रे बेलोट्टी र जोर्गिन्हो प्रहार इग्ल्याण्डका गोल रक्षकले रोकेका थिए । र इटालीले ५३ औँ वर्ष पछी युरो जित्यो ।
तर, युरो २०२० को उपाधी बाहेक व्यक्तिगत अवार्डमा कस्ले के-के जिते ?
टूर्नामेन्टका सर्वश्रेष्ठ खेलाडी-गियालुइगी डोन्नारुम्मा
इटालीका गोलरक्षक डोन्नारुम्माले प्रतियोगितामा चार गोल मात्रै खाए । उनले युरोमा शानदार प्रदर्शन गरे । फाइनलमा पेनाल्टी पनि बचाए । २२ वर्षिय डोन्नारुम्मा टूर्नामेन्टका सर्वश्रेष्ठ खेलाडी घोषित भए ।
गोल्डन बुट – क्रिस्टियानो रोनाल्डो
यूरोपीयन च्याम्पियनशिपको इतिहासमा सर्वाधिक गोलकर्ता क्रिष्चियानो रोनाल्डोले युरो २०२० मा अर्को उपलब्धी हात पारे । गोल्डेन बुट जितेका रोनाल्डोले पाँच गोल गरेका थिए । दोस्रो स्थानमा रहेका चेक रिपब्लिकका प्याट्रिक सिचको पाँच गोल रहे पनि उनले धेरै समय खेलेका कारण गोल्डेन बुट जित्न बाट चुक्न पुगे ।
टूर्नामेन्टका युवा प्लेयर – पेद्री
१८ वर्षिय पेद्रीको प्रदर्शन निकै तारिफ योग्य थियो । पेद्रीले स्पेनको टोलीबाट राम्रा मात्रै खेलेनन् सबै फुटबल समर्थकहरुको ध्यान तान्न पनि सफल भए र उनी युरोका युवा खेलाडी घोषित भए ।
फाइनलको स्टार – लियोनार्डो बोनुची
अनुभवी डिफेन्डर लियोनार्डो बोनुचिलाई युरो २०२० फाइनलमा डिफेन्डमा उत्कृष्ट प्रदर्शनका लागि प्लेयर अफ द मैच घोषित गरियो साथै उनले दोस्रो हाफमा गरेको गोलका कारण इटालीले पेनाल्टी सम्म खेल पुर्याएको थियो ।