Connect with us

Headline

बिश्वकप छनोटः अर्जेन्टिना बराबरीमा रोकियो, मेस्सी दुई पटक चुके

wesportz

Published

on

अर्जेन्टिनालाई पराग्वेले २०२२ कतार बिश्वकप अन्तर्गत दक्षिण अमेरिकी छनोट खेलमा बराबरीमा रोकेको छ । शुक्रबारको खेलमा अर्जेन्टिना १–१ गोलको बराबरीमा रोकिएपछि लगातार तीन खेलमा जित हात पार्नबाट बञ्चित भएको छ ।

अर्जेन्टिनाले यसअघि आफ्नो दुई खेलमा बोलिभिया र इक्वेडरलाई पराजित गरेको थियो । अर्को खेलमा इक्वेडरले बोलिभियालाई ३–१ ले हरायो । बराबरीका बावजुद अर्जेन्टिना ७ अंक सहित शिर्ष स्थानमा रहेको छ ।

एक खेल कम खेलेको ब्राजिलले पनि लगातार दुई खेल जितेको छ भने नेमारबिना उसले भेनेजुएलासँग खेल्न गइरहेको छ । एक हार बेहोरेको इक्वेडर पनि ६ अंक साथ तेश्रो स्थानमा रहेको छ ।

ला बोम्बोनेरामा भएको खेलमा एन्जेल रोमेरोले पेनाल्टीमा गोल गरेपछि पराग्वेले २२ औं मिनेटमै अग्रता लिएको थियो । तर ४१ औं मिनेटमा निकोलस गोञ्जालेजले गोल गर्दै खेललाई बराबरीमा ल्याएका थिए ।

५८ औं मिनेटमा जियोभानी ला सेल्सोले दिएको पासमा लियोनेल मेस्सीले गोल त गरे तर उक्त मुभको शुरुवातमा गोन्जालेजले फउल प्रहार गरेको निष्कर्षमा पुग्दै मान्यता दिइएको थिएन । मेस्सीले प्रहार गरेको सटिक फ्रि किकलाई पनि पराग्वे गोलकिपर एन्थोनी सिल्भाले उत्कृष्ट ढँगले बचाउ गरेका थिए ।

यसअघि भेनेजुएलालाई पराजित गर्नुका साथै पेरुसँग बराबरी खेलेको पराग्वे पनि छनोट चरणमा हालसम्म अपराजित रहेको छ । मँगलवार अर्जेन्टिनाले पेरुसँग र पराग्वेले बोलिभियासँग खेल्नेछ ।

Headline

श्रीलंकाले वेष्ट इण्डिजलाई दोश्रो ट्वान्टी ट्वान्टीमा हरायो

wesportz

Published

on

पहिलो खेलमा केरोन पोलार्डको आधीले उडाएपछि श्रीलंकाले वेष्ट इण्डिजबिरुद्धको दोश्रो ट्वान्टी ट्वान्टीमा ४३ रनको जित हात पार्दै श्रंखलामा पुनरागमन गरेको छ ।

एन्टिगामा पहिलो विकेका लागि दनुस्का गुनाथिलका र पाथुमा निसांकाले ९५ रनको साझेदारी गरेपछि श्रीलंकाले २० ओभरमा ६ विकेट गुमाउदै १ सय ६० रन बनायो । पि डि सिल्भा र लक्सन सन्दकनले ३–३ विकेट लिएपछि वेष्ट इण्डिज १८ दशमलव ४ ओभरमा १ सय १७ रनमा अल आउट भयो ।

वेष्ट इण्डिजले खेलमा कुनै पनि समय ठूलो पार्टनरसिप बनाउन सकेन । उसका लागि ओपनर लेन्डल सिमन्सले २१ रन बनाए भने उनीसँगै दोश्रो विकेटका लागि ३६ रनको साझेदारी गरेका क्रिस गेलले १६ रन जोडे ।

अघिल्लो खेलमा अकिला धनन्जयलाई एकै ओभरमा ६ छक्का प्रहार गरेका कप्तान पोलार्डले १३ रन जोडे । १० नम्बरका ब्याट्स्म्यान ओबेद म्याकोयले ७ बलमा दुई छक्का र उति नै चौकाको मद्दतमा २३ रन बनाए । श्रीलंकको इनिङ्गसमा १९ रन पनि बनाएका म्यान अफ द म्याच डि सिल्भाले चार ओभरमा मात्र १७ रन खर्चेका थिए । यस्तै दुशमन्था चमिराले दुई विकेट हात पारे ।

यसअघि गुनाथिलका र निसांकाले बिशाल साझेदारी गरेपछि श्रीलंका पहिलो खेलको लज्जास्पद हारबाट बाहिर निक्लने तर्पm अग्रसर देखियो । गुनाथिलकाले ४२ बलको सामना गर्दै चार चौका र दुई छक्काको मद्दतमा ५६ रन बनाए ।

निसाँकाले २३ बलमा ३७ रन जोडे । उनले चार चौका र एक छक्का हिर्काए । श्रीलंकाले अझै ठूलो योगफल बनाउने देखिएपनि उसलाई ड्वेन ब्राभाले रोकेका थिए । ब्राभोले चार ओभरमा २५ रन खर्चदै दुई विकेट लिएका थिए । पहिलो १० ओभरमा ९४ रन जोडेको श्रीलंकाले अन्तिम १० मा मात्र ६६ रन बटुल्न सकेको थियो ।

Continue Reading

Headline

किर्गिस्तान र बङ्गलादेश सम्मिलित थ्रि नेसन कप दशरथ रँगशालामा हुदै

Avatar

Published

on

अखिल नेपाल फुटबल संघ (एन्फा) ले दशरथ रँगशालामा तीन राष्ट्र सम्मिलित थ्रि नेसन कप गराउने भएको छ ।

मार्च २२ देखि ३० सम्म हुने प्रतियोगितामा नेपालसँगै बङ्गलादेश र किर्गिस्तानको सहभागित रहनेछ । मार्चमा फुटबलको अन्तर्राष्ट्रिय बिश्राम पनि हुनेछ । एक चरणको राउण्ड रोबिन लिग पछि शिर्ष दुई स्थानमा रहने टिमले फाइनल खेल्ने छन् ।

नेपालले मार्चको अन्तराष्ट्रिय बिश्राममा विश्वकप छनोट अन्तर्गत अष्ट्रेलियासँग खेल्ने तलिका रहे पनि त्यो खेल कोरोना भाईरसका कारण स्थगित हुन पुगेको थियो । प्रतियोगिताका लागि किर्गिस्तानले भने अण्डर–२३ टोली पठाउनेछ ।

विश्वकप छनोट खेल्न अफ्गानिस्तान नआउने भए पछि बङ्गलादेशले यसअघि नै थ्रि नेसन कप खेल्न पक्का गरिसकेको एन्फाले जानकारी दियो । “हामी नेपालसँग खेल्न निकै उत्साहित छौं । आउने दिनहरुको प्रतिस्पर्धात्मक खेलहरु खेल्न यो प्रतियोगिताले हामीलाई निकै मद्दत गर्नेछ,” बङ्गलादेशका प्रशिक्षक जेमी डेले विस्पोर्ट्जलाई भने ।

“अष्ट्रेलियासँगको खेल नहुने भए पछि हामीले यो प्रतियोगिता गर्ने निर्णय गरेका हौँ । लामो समय पछि खेलाडी मैदानमा फर्कने र दर्शकहरुले पनि लामो समय पछि नेपालको खेल हेर्न पाउने भनेर यो प्रतियोगिता गर्न लागेका हौँ,” एन्फा अध्यक्ष कर्मा छिरिङ्ग शेर्पाले भने ।

Continue Reading

Headline

बि डिभिजन: मध्यपुरसँग पराजित भए पछि पुलचोकलाई रेलिगेसनको खतरा

wesportz

Published

on

शहिद स्मारक बि डिभिजन लिग अन्तर्गत शुक्रबार भएको दोस्रो खेलमा मध्यपुर युथ एसोसिएसनले पुलचोक स्पोर्टइङ क्लब माथि ३-२ को पुनरागमन जित निकालेको छ । रेलिगेसन जोनमा रहेका यि दुवै क्लबलाई आज जितको दवाब रहेको छ ।

मध्यपुरका लागि धीरज श्रेष्ठले एक गोल गर्दा एक गोल भने उपहार पायो । पुलचोकका लागि भने श्य्ररब लो तमाङ र किस्मत लिम्बुले एक्-एक गोल गरेका थिए ।

खेलमा पहिलो गोल १७ औँ मिनेटमा भएको थियो । फ्रिकिकबाट आएको क्रसलाई मध्यपुरको डिफेन्सले रोके पनि रिबाउण्डमा किस्मत लिम्बुले गोल गर्दै पुलचोकलाई अग्रता दिलाएका थिए । तर पहिलो हाफको ३३ औँ मिनेटमा भने मध्यपुरले बराबरी गोल गर्‍यो । कर्नरबाट आएको पासलाई धीरज श्रेष्ठले डाइभिङ हेडर गर्दै गोल गरेका थिए ।

पुलचोकले पहिलो हाफको इन्जुरी समयमा भने अग्रता लियो । किस्मत लिम्बुको क्रसमा श्य्ररब लो तमाङले गोल गर्दै पुलचोकलाई २-१ को अग्रता दिलाए ।

पहिलो हाफमा २-१ को अग्रता बनाए पनि पुलचोकले दोस्रो हाफमा भने दुई गोल खान पुग्यो । मध्यपुरले दोस्रो गोल भने अत्मघतिक गोलको रुपमा उपहार पाएको थियो । सन्नी लामालाई रोक्ने क्रममा यम बहादुर थापाको खुट्टामा ठोकिदै ६३ औँ मिनेटमा बराबरी गोल हुन पुगेको थियो ।

तर त्यस्को चार मिनेट पनि नबित्दै मध्यपुरले बिजयी गोल गरेको थियो । सन्नी लामाको उत्कृष्ट ब्याकहिल पासमा कप्तान धीरज श्रेष्ठले हेडिङ गर्दै गोल गरेका थिए ।

जितसँगै मध्यपुर रेलिगेसन जोनबाट केही माथि उठेको छ । पुलचोकलाई पराजित गरेको मध्यपुर ९ अंकका साथ नवौँ स्थानमा रहदा पुलचोक २ अंकका साथ पुछारमा रहेको छ ।

Continue Reading
Headline2 hours ago

श्रीलंकाले वेष्ट इण्डिजलाई दोश्रो ट्वान्टी ट्वान्टीमा हरायो

Headline16 hours ago

किर्गिस्तान र बङ्गलादेश सम्मिलित थ्रि नेसन कप दशरथ रँगशालामा हुदै

Headline16 hours ago

बि डिभिजन: मध्यपुरसँग पराजित भए पछि पुलचोकलाई रेलिगेसनको खतरा

Headline16 hours ago

रिशब पन्तको शतकमा भारत बलियो स्थितिमा

Headline17 hours ago

जेभियरलाई थ्रि बाई थ्रि कलेज बास्केटबलको उपाधि

Headline17 hours ago

न्युजिल्याण्ड माथि अष्ट्रेलियाको फराकिलो जित

Headline19 hours ago

तीन बर्ष पछि राष्ट्रिय प्रतियोगितामा पुनरागमन गर्दै सन्दिप 

Headline20 hours ago

बि डिभिजन: बाँसबारीलाई हराउँदै सातदोबाटो उपाधी नजिक

Headline22 hours ago

पिएसजी विरुद्धको दोस्रो लेग गुमाउदै पिके

Headline24 hours ago

सान्चेजको दुई गोलमा इन्टरलाई ६ अंकको स्पष्ट अग्रता

Headline3 months ago

१० फुटबलर जसले बार्सिलोना जान मानेनन्

Headline6 months ago

धेरै ऋणको भारी बोकेका पाँच युरोपेली क्लबहरु

Headline10 months ago

ब्राजिलले पाएको अहिलेसम्मकै उत्कृष्ट १० फुटबलर

Headline6 months ago

सात महादेशका सात उत्कृष्ट खेलाडीहरु

Headline6 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline9 months ago

ट्रान्सफर मार्फत सर्वाधिक कमाउने ५ खेलाडी

Headline5 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline4 months ago

फेरि पनि टिममा अटाएनन् स्ट्राइकर बिमल

Headline8 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline7 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending