Connect with us

Headline

नेपाल र बङ्गलादेश आज भिड्दै, कसको पलडा भारी ? 

गौरव फुयाल

Published

on

२०१८ को साफ च्याम्पियन्शिप पछि नेपाल र बङ्गलादेश आज पहिलो पटक भिड्दै छन् । दुई बर्षको अन्तरालमा भिड्न लागेका दुवै टोलीले झण्डै एक बर्ष यता अन्तर्राष्ट्रिय खेल खेलेका छैनन् ।

मुजिब बर्षो अन्तर्राष्ट्रिय फुटबल सिरिज नाम दिइएकोयो दुई मैत्रीपूर्ण फुटबल सिरिजलाई लिएर नेपाली टोली, समर्थक, दर्शक देखि सम्पूर्ण खेल प्रेमीहरु उत्तिकै आतुर रहेका छन् । खेल जितका लागि नै खेलिन्छ तर के लामो समयकोअन्तराल पछि नेपाली टोलीले जित आत्मसात गर्ला ?

पछिल्ला पाँच खेलहरुमा नेपाली टोली हावी रहेपनि अहिलेसम्म खेलिएका १९ खेलमा भने नेपाल १२ खेलमा पराजित भएको छ । नेपाल र बङ्गलादेश विरुद्धको खेल निकै रोमान्चक हुने गर्छ र त्यसको उदाहारण हो १९ खेलमा यिदुई टोलीबीचको एक मात्र बराबरी ।

बङ्गलादेश विरुद्धको अन्तिम तीन खेलहरुमा राम्रो प्रदर्शन गरेको नेपालले दुई मैत्रीपूर्ण खेलमा आफ्नो लय कायम गर्न सक्ला किनसक्ला यो एउटा मुख्य प्रश्न हुने छ । बङ्गलादेशका प्रशिक्षक जेमी डे पनि पछिल्ला तीनखेलको नतिजा हेर्दा नेपाल निकै बलियो टोली भएको बताउछन् ।

“नेपालको टोली निकैबलियो छ र उनीहरुको अट्याकिङ खेलाडीहरु अझै राम्रा छन् । डिफेन्स पनि उतिकै बलियो छ । मलाई लाग्छ उनीहरुको खेल बुझेर खेल्न हामीलाई अझै समस्या हुने छ तर हामी आफ्नो सक्दो दिएर खेल्ने छौँ र वर्षौ पछि बङ्गलादेशमा फुटबलको खुशी  फर्काउने छौँ,” डे ले भनेका थिए ।

नेपालका प्रशिक्षक बालगोपाल महर्जन पनि आफ्नोटोलीले राम्रो खेल्नेमा आशावादी देखिन्छन् । उनी भन्छन्ः “अहिलेको अवस्थामा थोरैसमय पाए पनि मेरो टोलीले आफ्नो शतप्रतिशत दिएर खेल्नेमा म पूर्ण आशावादी छु।”

नेपालका कप्तान किरण चेम्जोङ पनि बङ्गलादेश विरुद्ध आफ्नो टोलीले राम्रो नतिजा दिने र खेल एकदम प्रतिस्पर्धात्मक हुने बताउछन् । “अहिलेको अवस्थामा फुटबल फर्किएको छ, यो ठुलो कुरा हो । बङ्गलादेश विरुद्धको खेलनिकै प्रतिस्पर्धात्मक हुने छ । हामी दुवै टोली एकै स्तरमा छौं,” किरणले भने ।

नेपाल र बङ्गलादेशको रणनीति कस्तो ?

अहिलेको अवस्थामा नेपाल र बङ्गलादेशप्रतियोगिता भन्दा पनि फुटबल फर्किएकोमा खुशी देखिन्छन् । अझै भनौ एसियाली फुटबल महासंघले विश्वकप छनोटको नयाँ मिती जारी गरे पछि बाँकी रहेका खेल खेल्नुअघि यो दुई मैत्रीपूर्ण खेल खेल्न पाउनु दुवै टोलीका लागि राम्रो मौका रहेको छ ।

नेपालले विश्वकप छनोट अन्तर्गत अष्ट्रेलिया, चाइनिज ताइपेइ र जोर्डनसँग घरमा खेल्न बाँकी रहेको छ भने बङ्गलादेशले पनि ओमान, कतार र भारतसँग खेल्नेछ । यस्तो अवस्थामा यो दुई मैत्रिपूर्ण खेल दुवै टोलीका लागि अभ्यास खेल जस्तो मान्न सकिन्छ ।

खेल मैत्रिपूर्ण भए पनि फिफा बरियतामा असर पर्ने हुँदा दुवै टोलीको लक्ष्य भनेको जित नै हुने छ । बङ्गलादेश र नेपाल दुवैको टोली हेर्ने हो भने को भन्दा को कमको अवस्था देखिन्छ । तर पनि बङ्गलादेशका लागि घरेलु फुटबल केहीसमयका लागि चलेका कारण केही फाईदा भने छ ।

बङ्गलादेशले आज हुने खेलमा पुरानो ४–२–३–१बाट विश्वकप छनोटका लागि हुने खेलहरुलाई मध्येनजर गर्दै ४–४–२ अथवा ४–३–३ को रणनीतिमा खेलाउन सक्ने छ । प्रशिक्षक जेमी डे ले पनि आउने खेलहरुका लागि तयारी गर्नका लागि पुरानो फर्मेसनलाई त्यागेर नयाँ फर्मेसनमा खेल्न सक्ने बताएका थिए ।

“कतार जस्तो ठुलो राष्ट्रसँग हाम्रो खेलबाँकी नै भएको हुँदा हामी ४–४–२ र ४–३–३ को फर्मेसनमा मैदान उत्रिने छौँ र मलाई यो खेलमा पराजित भए पनि ठुलो असर पर्ने छैन किन भने मलाई खेलाडीहरुलाई मैदान फर्काउनु छ र उनीहरुलाई खेलको समय दिनु छ,” डे भन्छन् ।

नेपाल भने बालगोपालको पुरानो शैली ४–४–२मा उत्रन सक्ने प्रभल सम्भावना छ । महर्जनले चार मिडफिल्डर खेलाए पनि दुई डिफेन्सिभ र दुई विङ्ग–ब्याकको रुपमा खेलाउने गर्छन् । २०१९ मा भएको दक्षिण एसियाली खेलकुदमा बङ्गलादेशले खेलाएको अण्डर २३ टोली र अहिलेमा धेरै अन्तर देखिदैन ।

१३ ऑ दक्षिण एसियाली खेलकुदमा नेपालले बङ्गलादेश विरुद्ध  ४-२-२ को फर्मेसनमा खेलाएको खेल

प्लेयर्स टु वाच

बिकास खवास, फुलब्याक (नेपाल) 

नेपालबाट उमेर समुहमा खेलेका जति उपाधि जितेकाबिकास खवास त्रिभुवन आर्मी क्लबका खेलाडी हुन् । क्लब फुटबल र उमेर समुहमा राम्रोप्रदर्शन गरेका बिकासले राष्ट्रिय टोलीमा भने आज डेब्युको मौका पाउन सक्ने छन् । लेफ्ट–ब्याक र सेन्टर–ब्याकको भूमिकामा खेल्ने बिकास नेपालका लागि उत्कृष्ट युवाखेलाडी हुन् ।

नेपालले १३ औँ दक्षिण एसियाली खेलकुदमा स्वर्ण पदक जित्दाका महत्वपूर्ण खेलाडी रहेका बिकासलाई बालगोपालले शुरुवाती ११मा राख्न सक्ने सम्भावना पनि बलियो छ ।

 

जमाल भुयन, डिफेन्सिभ मिडफिल्डर (बङ्गलादेश) 

डेनमार्कको शिर्ष डिभिजनका लिग खेलिसकेका जमालभुयन बङ्गलादेशका कप्तान हुन् । ३० वर्षिय भुयन दक्षिण एसियाकै उत्कृष्ट डिफेन्सिभमिडफिल्डर मध्येका एक हुन् । बङ्गलादेशले भारतलाई विश्वकप छनोट अन्तर्गतको खेलमा १–१ को बराबरीमा रोक्दा उनको प्रदर्शन सम्झन लायक थियो ।

नेपालका लागि भोली हुने खेलमा सबै भन्दाठुलो टाउको दुखाइ भुयनको लामो दुरीको पास र उनको टोलीलाई नेतृत्व गर्न सक्नेक्षमता बन्न सक्छ । भुयन एक्लै बङ्गलादेशको मिडफिल्ड राज गर्न सक्ने खेलाडी हुन् । जेमी डे ले नेपाल विरुद्धको खेलमा ४–२–३–१ अथवा ४–४–२ कै फर्मेसन खेल्ने हो भने पनि भुयन र अर्का फुटबलर मोहम्मद इब्राहिमको डिफेन्सिभ मिडमा साझेदारी हेर्न लायक हुने छ ।

 

खेल नेपाली समय अनुसार ४ः४५ मा शुरु हुनेछ भने बङ्गलादेशी युट्यब च्यानल टिस्पोर्ट्समा लाइभ हेर्न सकिने छ ।    

 

यो पनि पढ्नुहोस्: अन्तर्राष्ट्रिय फुटबलको पुनरागमनमा जितको आशा

 

गौरव फुयाल नेपाली खेल्कुद पत्रकारितामा नयाँ नाम हो । उनी फुटबल विश्लेषक हुन् । उनले बिशेष गरि फुटबलबारे लेख्ने गर्दछन।

Click to comment

Leave a Reply

Your email address will not be published. Required fields are marked *

Headline

नेपालको ओलम्पिक्स सहभागिता सक्कियो

wesportz

Published

on

सरस्वती चौधरी १ सय मिटर दौडको पहिलो चरणबाट बाहिरिएसंगै नेपालको टोकियो ओलम्पिक्सको सहभागिता समाप्त भएको छ ।

म्याराथन धावक गोपीचन्द्र पार्कीलाई अन्तिम समयमा सहभागीता दिलाउन नसकेपछि मौका पाएकी सरस्वतीले दोश्रो हिटमा सहभागी हुंदै निर्धारित दुरी १२ दशमलव ९१ सेकेण्डमा पुरा गरिन् । उनी आफ्नो हिटमा आठौं भएकी थिइन् । यस हिटमा इरानकी फाइसी फर्जानी ११ दशमलव ७६ अंक सहित पहिलो भएकी थिइन् । यो संगै नेपालका सबै ओलम्पियनहरुले आफ्नो प्रतिस्पर्धा पुरा गरेका छन् ।

नेपालको ओलम्पिक्स यात्रा दुई नयां राष्ट्रिय किर्तिमान सहित समाप्त भयो । स्विमिंगमा गौरिका सिंह र एलेक्स शाहले १ सय मिटर फ्रि स्टाइलमा नयां किर्तिमान कायम गरे भने सुटिंगकी कल्पना परियार र जुडोकी सोनिया भट्ट पनि पहिलो चरणबाटै बाहिरिएका थिए ।

Continue Reading

Headline

नेम्बांग र दुई सञ्चारकर्मीमाथि छानविन गर्न अब्दुल्लाहको माग

wesportz

Published

on

राष्ट्रिय फुटबल टोलीका मुख्य प्रशिक्षक अब्दुल्लाह अलमुताईरीले अखिल नेपाल फुटबल संघ (एन्फा) का बरिष्ठ उपाध्यक्ष पंकज नेम्बांग र दुई सञ्चारकर्मीबिरुद्ध निष्पक्ष छानविन गर्न एन्फा समक्ष माग गरेका छन् ।

अब्दुल्लाहले बिहिवार एन्फा कम्प्लेक्समा पुगेर छानविनका लागि माग गरेका हुन् । अलमुताइरीले केही दिन अघि नेम्बांगको कारण आफू राजीनामा दिन गइरहेको भन्दै फेसबुक स्ट्याटस लेख्दा नेपाली फुटबल तरंगित हुदै आएको छ ।

अब्दुल्लाहले तीन साता देखि नेम्बांगले आफूलाई तनाव दिइरहेको बताउदै उनकै कारणले राजीनामा दिने बताएका थिए । तर एन्फा नेतृत्वले उनलाई राजीनामा नदिन आग्रह गरेको थियो ।

नेम्बांगले आफुबिरुद्ध अब्दुल्लाह खनिनु निराधार रहेको र घटनाको छानविन गर्न त्यही दिन नै माग गरेका थिए । उनले आफ्नो गल्ति देखिएमा पदबाट समेत राजीनामा दिने बताएका थिए ।

यस्तै एक अनलाइनका दुई संचारकर्मीबिरुद्ध पनि छानविन गर्न अब्दुल्लाहले माग गरेका हुन् । एन्फामा प्रशिक्षणका दौरान बिश्राम लिदै कम्पाउण्ड बाहिर निक्लदै धुम्रपान गरेको बिषयमा प्रश्न गर्दा अब्दुल्लाहले आफुहरुलाई दुव्र्यवहार गरेको भन्दै दुई सञ्चारकर्मीले बिरोध जनाएका थिए ।

उनीहरुले पनि एन्फालाई यो बिषयमा छानविन गर्न माग गरेका छन् । एन्फाले यस बिषयमा शुक्रबार हुने केन्द्रि य समितिको बैठकमा छलफल गर्नेछ ।

Continue Reading

Headline

नयां राष्ट्रिय किर्तिमान सहित गौरिकाको ओलम्पिक्स चुनौति समाप्त

wesportz

Published

on

नेपाली स्विमर गौरिका सिंहले टोकियो ओलम्पिक्सको १ सय मिटर फ्रि स्टाइलमा नयां राष्ट्रिय किर्तिमान बनाएकी छिन् ।

आफ्नो हिट तेश्रो स्थानमा सक्काएकी गौरिकाले निर्धारित दुरी १ मिनेट शुन्य दशमलव ११ सेकेण्डमा पुरा गरिन् । उनी नाइजेरिया र मोन्टेनेग्रोको खेलाडीभन्दा पछि रहिन् ।

यसअघि आफैले बनाएको १ मिनेट शुन्य दशमलव ६२ सेकेण्डको किर्तिमान तोडेकी गौरिका पहिलो चरणबाट भने बाहिरिएकी छिन् ।

यो स्पर्धामा स्विडेनकी सराह सोस्टोर्मकोनाममा ओलम्पिक र बिश्व किर्तिमान दुवै रहेको छ ।

जारी ओलम्पिक्समा नेपालका चार जना खेलाडीको चुनौति समाप्त भइसकेको छ । शुटिंगकी कल्पना परियार, जुडोकी सोनिया भट्ट र स्विमिंगकै एलेक्स शाह पनि पहिलो चरणबाटै बाहिरिएका हुन् ।

एलेक्सले पनि आफैले राखेको १ सय मिटर फ्रि स्टाइलको किर्तिमानमा सुधार ल्याउदै ओलम्पिक्स सहभागिताको अन्त्य गरेका थिए ।

नेपालको लागि अब १ सय मिटर दौडमा सरस्वती चौधरीले मात्रै प्रतिस्पर्धा गर्न बाकी रहेको छ ।

Continue Reading
Headline4 hours ago

नेपालको ओलम्पिक्स सहभागिता सक्कियो

अन्तर्राष्ट्रिय16 hours ago

भारतको लज्जास्पद हार, श्रीलंकालाई शृंखला 

Headline22 hours ago

नेम्बांग र दुई सञ्चारकर्मीमाथि छानविन गर्न अब्दुल्लाहको माग

अन्तर्राष्ट्रिय2 days ago

वेस्ट इन्डिज र पाकिस्तान बीचको खेलमा वर्षा बाधक 

अन्तर्राष्ट्रिय2 days ago

भारत माथि श्रीलंकाको रोमान्चक जित 

Headline2 days ago

नयां राष्ट्रिय किर्तिमान सहित गौरिकाको ओलम्पिक्स चुनौति समाप्त

Headline2 days ago

ओलम्पिक्सः झण्डै एक शताब्दीपछि फिलिपिन्सले सुनेको राष्ट्रिय गान

Headline2 days ago

पुबुदु दासानायके भैरहवाकै प्रशिक्षक रहने

Headline2 days ago

रियल म्याड्रिडका भारान म्यानचेस्टर युनाइटेडमा

अन्तर्राष्ट्रिय3 days ago

भारत र श्रीलंका बीचको दोश्रो ट्वान्टी ट्वान्टी स्थगित 

Trending

error: Content is protected !!