Connect with us

Headline

अन्तर्राष्ट्रिय फुटबलको पुनरागमनमा जितको आशा

Published

on

नेपाली राष्ट्रिय फुटबल टोलीले बङ्गलादेशसँग दुई मैत्रीपूर्णमा सामना गर्दै झण्डै एक बर्षमा पहिलो पटक अन्तर्राष्ट्रिय फुटबल खेल्दैछ । २०१९ नोभेम्बर १९ मा कुवेत विरुद्ध विश्वकप तथा एसिया कप छनोट खेलमा १–० ले पराजित भए यता सिनियर टोलीले कुनै प्रतिस्पर्धात्मक खेल खेलेको छैन ।

कोरोना भाईरसको प्रभाव बढ्दै गएका कारण एएफसीले स्थगित गरेको विश्वकप २०२२ तथा एसिया कप २०२३ को छनोटपछि बङ्गलादेशको राष्ट्रिय टोलीको हालत पनि उस्तै छ । १४ नोभेम्बर २०१९ मा अन्तिम पटक ओमानको सामना गरेको बङ्गलादेशले त्यस यता अन्तर्राष्ट्रिय खेल खेलेको छैन ।

कोरोना भाईरसले गर्दा अनिश्चितकालका लागि स्थगित हुनु अघि छैटौं चरण सम्म चलेको घरेलु फुटबल लिगका कारण बङ्गलादेशलाई केही फाईदा भने हुनेछ । नेपाली खेलाडीहरुले भने घरेलु फुटबलमा सात महिनाको अवधिमा अन्तिम पटक २०७६ चैत्रमा नकआउट प्रतियोगिता आहा रारा गोल्डकप खेलेका थिए ।

नेपाल र बङ्गलादेश अन्तिम पटक २०१८ मा बङबन्धु रङ्गशालामा भएको साफ च्याम्पियनशिपको समुह चरणमा भिडेका थिए । जसमा नेपालले बङ्गलादेशलाई २–० ले हराएको थियो । बिमल घर्ती मगर र नवयुग श्रेष्ठको गोलको मद्दतमा उसकै घरमा हराएको नेपालले त्यस यता बङ्गलादेशको सिनियर टोलीसँग खेलेको छैन् ।

त्यस खेलमा नेपालका प्रशिक्षक रहेका बालगोपल महर्जन संयोगवस यो पटक पनि नेपालको बागडोर सम्हाल्दै छन् । राष्ट्रिय टोलीका प्रशिक्षक योहान कालिन कोरोना भाईरसका कारण स्विडेनबाट फर्कन नसक्ने भए पछि अखिल नेपाल फुटबल संघले महर्जनलाई मुख्य प्रशिक्षकको जिम्मेवारी दिएको हो ।

बालगोपालले नोभेम्बर १३ र १७ तारिखमा हुने दुवै खेलका लागि आफ्नो टोली तयार भएको र दुवै खेल प्रतिस्पर्धातमक रुपमा खेल्ने विस्पोर्टजलाई बताएका छन् ।

“हामी बङ्गलादेश जितका लागि जान लागेका हौँ । लामो समयको अन्तराल पछि खेल्दै छौँ केही कठिनाई त अवश्य नै होला तर पनि हाम्रो मुख्य लक्ष्य भनेको जित नै हो,“ महर्जनले भने ।

balgopal maharaja coach, balgopal maharaja during training,

दशरथ रंगशालामा अभ्यासका क्रममा खेलाडीलाई निर्देशन दिंदै नेपाली टोलीका प्रशिक्षक बालगोपाल महर्जन ।

उनले यस खेलले फिफा वरियतामा पनि असर पार्ने हुँदा आफ्नो टोलीले सक्दो प्रदर्शन गर्ने पनि बताएका छन् । “यो भ्रमण खेलाडी र सिँगै नेपाली टिमका लागि नै निकै महत्वपूर्ण छ र फिफा वरियतामा पनि असर पार्ने हुँदा हामी प्रतिस्पर्धात्मक रुपमै खेल्ने छौँ,“ उनले थपे ।

नेपालले कोरोनाले गर्दा आठ खेलाडी गुमाइसकेको छ । कोरोनाका कारण घरेलु लिगका खेलहरु नभएकाले नेपाली टोलीमा भने फिट्नेसको समस्या रहेको छ । कप्तान किरण चेमजोङका अनुसार पनि कोरोना र टोलीले अभ्यास गर्न पाएको कम समयका कारण फिट्नेसको चिन्ता रहेको बताए ।

“अहिलेको अवस्थामा कोरोना भाईरससँग हामी सतर्क हुनु पर्छ । हामीले अहिले सात–आठ खेलाडीहरु गुमाइसकेका छौँ,“ किरणले भने । “तर मुख्य समस्या भनेको अहिलेको अवस्थामा फिट्नेस नै हो तर हामीले हाम्रो मानसिकता निकै बलियो राख्नु पर्छ ।

“हामी हार्न जान लागेका होइनौं र मलाई लाग्छ हामी बङ्गलादेशलाई ठुलो चुनौती दिन्छौँ,“ किरणले भने ।

नेपालले बालगोपाल महर्जनको नेतृत्वमा पुरानै ४–४–२ को फर्मेसनमा खेल्न सक्ने छ ।          

बङ्गलादेशको टोलीमा भने आज सम्म कोरोना संक्रमित खेलाडी भेटिएका छैनन् । 

प्रशिक्षक जेमी डे ले पनि खेलाडीहरु सबै फिट भएको र खेलको लागि तयार भएको विस्पोर्ट्जलाई बताएका छन् । 

डे का अनुसार नेपाल विरुद्धको खेल मैत्रिपूर्ण भन्दा पनि आफ्नो खेलाडीलाई लयमा फर्काउनु रहेको छ ।

“कोभिडले खाएको यो लामो समय पछि हामी मैदानमा फर्किदै छौँ र हामी तयार पनि छौँ । नेपाल विरुद्धको खेल हाम्रो खेलाडीलाई लयमा फर्काउनुको साथ–साथै बङ्गलादेशमा फुटबल फर्काउन पनि मद्दत गर्ने छ,“ डे ले भने ।

बङ्गलादेशले आफ्नो ३६ खेलाडीको टोलीमा चार नयाँ अनुहारलाई मौका दिएको छ । कजी रिहान तारिक नाजमुल होसेन, एमएस बब्लु  र सुमोन रेजा बङ्गलादेशको टोलीमा परेका नयाँ खेलाडीहरु हुन् । 

नेपाललाई खतरा हुन सक्ने खेलाडी काजी रिहान तारिक हुन् ।

फिनल्याण्डको सबै उमेरको राष्ट्रिय टोलीमा खेलिसकेका रिहानले सिनियर टोलीका लागि भने बङ्गलादेश रोजेका थिए । बङ्गलादेशका कप्तान जमाल भुयानका अनुसार पनि उनले प्रशिक्षणमा राम्रो गरिरहेको बताए ।

“रिहान क्लब फुटबलमा धेरै नदेखिए पनि राम्रो गरिरहेका छन । आशा गरौ उनी टोलीमा पर्ने छन्,“  कप्तान जमालले भने ।

प्रशिक्षक जेमी डे का अनुसार पनि रिहानले ट्रेनिङमा देखाउने व्यवहार र खेलले नै उनी टोलीमा अटाउने बताएका छन् । 

डे ले ४–२–३–१ को फर्मेसनमा खेलाउन सक्छन् ।

 

कस्तो हुन सक्ला नेपालको शुरुवाती एघार ?

सम्भावित सुरुवाती एघार

प्रशिक्षक-बालगोपाल महर्जन

कस्तो हुन सक्ला बङ्गलादेशको शुरुवाती एघार ?

प्रशिक्षक-जेमी डे

 

हेड टु हेडमा को अगाडि ?

नेपाल र बङ्गलादेश पहिलो पटक मर्डेका कपमा सन १९८३ मा आमने समाने भएका थिए । नेपाल उक्त खेलमा १–० ले पराजित भएको थियो । त्यो समयदेखि नेपाल र बङ्गलादेश १९ पटक एकअर्का विरुद्ध खेलिसकेका छन् । 

पछिल्ला पाँच खेल हेर्ने हो भने नेपालले तीनमा जित, एकमा बराबरी र एकमा पराजय भोगेको छ । नेपाल र बङ्गलादेशले कुल १९ खेल खेलिसक्दा भने नेपालले ६ मा मात्र जित निकालेको छ भने एक खेल बराबरीमा टुङ्गिएको छ ।

गौरव फुयाल नेपाली खेल्कुद पत्रकारितामा नयाँ नाम हो । उनी फुटबल विश्लेषक हुन् । उनले बिशेष गरि फुटबलबारे लेख्ने गर्दछन।

Headline

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

Published

on

विराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।

कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।

ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।

सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर  

७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे । 

पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।

यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।

कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।

पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।   

 

Continue Reading

Headline

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Published

on

आठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।

पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा  सब्सटिच्युटमा आएकी क्लोई  केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।

दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।

इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।  

Continue Reading

Headline

 नेपालको पोस्टमा भारतको गोलको वर्षा 

Published

on

नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।

कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो । 

नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।

पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७  गोल खाएको हो । 

दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।

यस्तै पथुम गिमहानाले ६४औं,  हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औंशुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।       

आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो । 

भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।

नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।

नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।

कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो । 

नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।

पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७  गोल खाएको हो । 

दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।

यस्तै पथुम गिमहानाले ६४औं,  हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औंशुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।       

आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो । 

भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।

 

Continue Reading
Headline1 month ago

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

अन्तर्राष्ट्रिय1 month ago

 ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै

लेख3 months ago

केन्या माथि नेपालको कीर्तिमानी जित

लेख3 months ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख3 months ago

नेपाल टी२० लिग : खेलाडी दर्ता सुरु, चार मापदण्ड तय

लेख3 months ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख3 months ago

नेपालले हरायो केन्यालाई 

लेख3 months ago

नेपालका लागि केन्या टुर महत्वपूर्ण

लेख3 months ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख3 months ago

नयाँ प्रशिक्षक प्रभाकर भन्छन् : पहिलो काम लिग टु

लेख4 months ago

बाना कपका लागि सुदुरपश्चिमको जर्सी सार्वजनिक  

लेख4 months ago

यस्ता छन् एन्फा कार्यसमिति बैठकका निर्णयहरू

लेख4 months ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख4 months ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline4 months ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline4 months ago

 नेपालको पोस्टमा भारतको गोलको वर्षा 

Headline4 months ago

साफ महिला च्याम्पियनसिप :  नेपाललाई सजिलो समूह

Headline4 months ago

लगातार दोस्रो जित निकाल्दा नेपाल फाइनल नजिक 

Headline4 months ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline4 months ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Headline1 month ago

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

अन्तर्राष्ट्रिय1 month ago

 ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै

लेख3 months ago

केन्या माथि नेपालको कीर्तिमानी जित

लेख3 months ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख3 months ago

नेपाल टी२० लिग : खेलाडी दर्ता सुरु, चार मापदण्ड तय

लेख3 months ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख3 months ago

नेपालले हरायो केन्यालाई 

लेख3 months ago

नेपालका लागि केन्या टुर महत्वपूर्ण

लेख3 months ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख3 months ago

नयाँ प्रशिक्षक प्रभाकर भन्छन् : पहिलो काम लिग टु

लेख4 months ago

बाना कपका लागि सुदुरपश्चिमको जर्सी सार्वजनिक  

लेख4 months ago

यस्ता छन् एन्फा कार्यसमिति बैठकका निर्णयहरू

लेख4 months ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख4 months ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline4 months ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline4 months ago

 नेपालको पोस्टमा भारतको गोलको वर्षा 

Headline4 months ago

साफ महिला च्याम्पियनसिप :  नेपाललाई सजिलो समूह

Headline4 months ago

लगातार दोस्रो जित निकाल्दा नेपाल फाइनल नजिक 

Headline4 months ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline4 months ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Trending

error: Content is protected !!