Headline
प्रिमियर लिगमा यो सिजन चम्कन सक्ने ५ युवा खेलाडीहरु
Published
4 years agoon
By
wesportzशनिबार इङ्गलिस प्रिमियर लिगको २०२०–२०२१ को नयाँ सिजन शुरु हुँदै छ । केही युवा खेलाडीहरुलाई शुरुवाती एघार देखी टोलीमा खेलेको हेर्न पाइने छ । अघ्घिलो सिजन मेसन ग्रिनवुडको सफलता पछि यो सिजन प्रिमियर लिगमा उदाउन सक्ने पाँच नयाँ खेलाडीहरु को हुन सक्लान त ?
फिल फोडेन (म्यानचेस्टर सिटी)
तीन बर्ष अघी मात्र इङ्गल्याण्डले अण्डर–१७ विश्वकप जित्दा प्रभावशाली भूमिकामा देखा परेका फिल फोडेनलाई यस सिजनमा आफ्नो क्षमता देखाउने सुनौलो अवसर छ । म्यानचेस्टर सिटीका प्लेमेकर डेभिड सिल्भाले क्लब छोडेपछि पेप ग्वार्डियोलाको टोलीमा एक स्थान खाली रहेको छ र त्यसलाई फोडेनले भर्न सक्छन् ।
ग्वार्डियोलाले २० बर्षिय फोडेनलाई निकै विश्वास गर्दै लिग कपको फाइनलमा एस्टन भिल्ला विरुद्ध खेलाएका थिए । उक्त खेलमा उनी म्यान अफ द म्याच पनि चुनिन पुगे र ग्वार्डियोलाले च्याम्पियन्स लिग अन्तिम १६ मा पनि स्थान दिए । रियल बिरुद्धको खेलमा सिटी बिजयी हुन पुगेको थियो ।
“मैले म्यान सिटीका लागि धेरै ठूला खेलहरू खेलेको छु र दवाबहरूको सामना गर्न सिकेको छु । यसले मलाई मद्दत गर्नेछ,“ फोडेनले भने ।
इङ्गल्याण्डका प्रशिक्षक ग्यारेथ साउथगेटले पनि उनी पहिलो टोलीका लागि तयार रहेको विश्वास गर्छन् तर राष्ट्रिय टोलीमा परेको पहिलो पटक नै नियम तोड्दै केटीलाई होटेलमा भेट्न बोलाए पछि उनको चर्को आलोचना भएको छ ।
काल्विन फिलिप्स (लिड्स युनाइटेड)
करिअर नै खतरामा भएको २ बर्ष पछि काल्विन फिलिप्सले लिड्सले प्रिमियर लिगमा लामो समयपछि फर्कने क्रममा प्रेरणादायी भुमिका खेलेका थिए । मिड्फिल्डमा आफ्नो प्रतिभा देखाउदै प्रिमियर लिगमै फर्किएको बर्ष इङ्गल्यान्ड टोलीमा पनि उनलाई पहिलो पटक बोलाइयो । प्रिमियर लिग भन्दा तल्लो लिग खेल्ने एक खेलाडीका लागि यो उल्लेखनीय छलाङ्ग हो ।
२०१८ मा मर्सेलो बिएल्साले लिड्सको कार्यभार सम्हालेपछि काल्विन फिलिप्सको बक्स–टु–बक्स भूमिकालाई परिवर्तन गर्दै होल्डिङ मिड्फिल्डरको रुपमा खेलाउन थाले । त्यो फेर बदल पछि २४ बर्षिय फिलिप्स निकै सफल हुँदै आएका छन् ।
लिड्सका फ्यानहरूले उनलाई योर्कशायर पिर्लो को उपनाम दिएका थिए । यो लिड्सको घर र इटालीका महान खेलाडी आन्द्रे पिर्लोलाई मिलाएर दिइएको हो ।
बुकायो साका (आर्सनल)
धेरै स्थानमा खेल्न सक्न १९ बर्षिय बुकायो साका यो पटकको पिएफए युवा खेलाडीको सुचीमा परेका छन् । अब भने साकाले एक पूर्ण सिजन माइकल अर्टेटाको छेउमा बसेर काम गर्नु पर्ने हुने छ । दुवै विङ्ग, मिड्फिल्ड र लेफ्ट–ब्याक पनि खेल्न सक्ने साका निकै प्रभावशाली छन् ।
उनले कम्युनिटी सिल्डमा लिभरपुललाई हराउदा देखाएको प्रदर्शन उच्चस्तरीय थियो । साकाको पासिङ पनि त्यत्तिकै राम्रो छ । उनले कम्युनिटी सिल्डकै फाइनलमा पियरे–एमेरिक ओबामेयाङलाई दिएको लामो क्रस पासले नै आर्सनलका लागि गोल सम्भव भएको थियो । म्यानचेस्टर सिटीका केविन डि ब्रुन र लिभरपुलका ट्रेन्ट एलेक्जेण्डर–आर्नोल्डले मात्र साका भन्दा धेरै असिस्ट दिएका छन् । उनले सिजनको सबै खेल नखेले पनि १२ असिस्ट दिएका थिए ।
म्याथियस परेरा (वेस्ट ब्रोमविच एल्बियन)
वेस्ट ब्रोमविच आल्बियनलाई च्याम्पियनसिपबाट प्रिमियर लिगमा ल्याउने क्रममा ठुलो भुमिका खेलेका थिए २४ बर्षिय म्याथियस परेराले । इङ्गलिस फुटबलको पहिलो सिजनमै धमाका गरेका परेरालाई डिफेन्डरलाई रोक्न गार्हो परेको थियो । दोस्रो डिभिजनमा आठ गोल गर्दै १६ असिस्ट दिएका परेराको खेलमा योगदान अन्य खालाडी भन्दा धेरै माथि थियो ।
वेष्टब्रोमले पोर्चुगिज क्लब स्पोर्टिङ्ग लिज्बनबाट लोनमा ल्याएका परेरालाई १२ मिलियनमा अनुबन्ध गरिसकेको छ तर उनले प्रिमियर लिगमा पनि सोही प्रदर्शन जारी गर्दै आफुलाई प्रमाणित गर्न भने बाँकी नै छ ।
कर्टिस जोन्स (लिभरपुल)
कर्टिस जोन्सले गत सिजनको एफए कपको तेस्रो चरणमा एभर्टन बिरूद्ध लामो दुरीबाट गोल गर्दै आफ्नो क्षमताको झलक दिएका थिए । १९ बर्षिय मिडफिल्डरको जोश र क्षमताले जोन्सलाई योर्गन क्लोपको खेल योजनाको लागि एक आदर्श खेलाडी बनाउन सक्छ ।
मर्सिसाइड डर्बीमा गरेको आश्चर्यजनक गोलपछि उनले आठ अन्य खेलहरु खेलेका थिए । गत महिना मात्रै भएको कम्युनिटी सिल्डमा पनि उनी बेन्चबाट मैदान प्रवेश गरेका थिए । क्लोपले ट्रासफर मार्केटमा शतर्कता देखाउदै क्लबका प्रतिभावान युवाहरूमा विश्वास गर्दै आएको अवस्थामा लिभरपुलमै जन्मेका जोन्सले यो पटक भने अन्तिम ११ मा स्थान बनाउन सक्ने संकेत दिदै आएका छन् ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
2 years agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।