Connect with us

अन्तर्राष्ट्रिय

सेमीफाइनलमा पनि जमैकाको खराब ब्याटिङ, ट्रिन्बागोलाई १०८ रनको लक्ष्य

Published

on

क्यारेबियन प्रिमियर लिग (सिपीएल) को अन्तर्गतको पहिलो सेमीफाइनल खेलमा नेपाली रास्ट्रिय क्रिकेट टोलीका लेग स्पिनर सन्दिप लामिछाने सम्मिलित जमैका तल्वाजले ट्रिन्बागो नाइट राईडर्सलाई १०८ रनको सामान्य लक्ष्य दिएको छ ।

खेलमा टस हारेर पहिले ब्याटिङ गरेको जमैकाले पुरै २० ओभर खेल्दै सात विकेटको नोक्सानीमा मात्र १०७ रन बनाउन सक्यो ।

समुह चरणको खेलमाहरुमा खराब ब्याटिङ गरेको जमैकाले सेमीमा पनि राम्रो ब्याटिङ गर्न सकेन । पहिलो पाँच ओभर भित्र जमैकाले आफ्नो सुरुवाती चार विकेट गुमाउँदै खराब सुरुवात गर्यो ।

ओपनर जेर्मेन ब्ल्याकउड र आजको खेलमा तेश्रो नम्बरमा ब्याटिङ गर्न आएका मुजिब उर रहमानले रनको खाता पनि खोल्न भ्याएनन् भने अर्का ओपनर ग्लेन फिलिप्स पनि दुई रन तथा आसिफ अली मात्र चार रन बनाएर आउट भए ।

चौथों नम्बरमा ब्याटिङमा आएका एल्जेगो बोनरले कप्तान रोभमन पावेलसँग मिलेर पाँचौ विकेटका लागि साझेदारी गर्दै जमैकाको पारी सम्हाल्ने प्रायस गरे पनि अकियल होसेनले बोनरको विकेट लिंदै ३८ रनको साझेदारी तोड्न सफल भए । सुस्त खेले पनि बोनरले ४२ बलमा ४१ रन जोडे ।

यस अघि तीनवटा अर्धशतक प्रहार गरेका आन्द्रे रसेल पनि पाँच बलमा दुई रन बनाएर सुनिल नारायणको शिकार भए भने कप्तान पावेल पनि ३३ रन बनाएर पेभेलियन फर्किए ।

जमैकाको पारी ध्वस्त पार्ने क्रममा अकियल होसेनले तीन विकेट हात पारे । चार ओभर बलिङ गरेका उनले एक मेडन सहित मात्र १४ रन खर्चिए ।

यस सिजनको सिपीएलमा ट्रिन्बागो अपराजित टोली हो । समुह चरणका १० खेल मध्य १० मा नै जित निकालेको ट्रिन्बागोलाई पराजित गर्दै फाइनलमा स्थान बनाउन जमैकाको लागि सहज हुने छैन । समुह चरणमा तीन खेल मात्र जित्न सकेको उसले फाइनलमा स्थान बनाउने हो भने अप्रत्यासित नतिजा निकाल्न पर्ने हुन्छ ।

समुह चरणको पहिलो खेलमा जमैका ट्रिन्बागोसँग सात विकेटले पराजित भएको थियो भने दोश्रो खेलमा १९ रनको हार व्यहोरेको थियो । पछिल्लो पाँच खेलको नतिजा हेर्ने हो भने पनि जमैकाले कुनै पनि खेलमा जित हात पार्न सकेको छैन ।

जमैकाको बलिङ पक्ष केहि हद सम्म राम्रो रहे पनि ब्याटिङ भने यस सिजन निकै कमजोर रहेको छ । जमैकाको बलियो पक्ष भनेको स्पिन हो र यसमा पनि सन्दिप लामिछाने र मुजिब उर रहमानको प्रदर्शन राम्रो रहेको छ । यी दुई मिलेर २७ विकेट हात पारेका छन् । मुजिबले १५ तथा सन्दिपले १२ विकेट लिएका छन् ।

सन्दिपले यस सिजनको सिपीएलमा सबै खेलमा विकेट लिन सफल भएका छन् । नौं खेलमा उनले १२ विकेट लिएका छन् । एक खेल भने वर्षाका कारण रद्द हुँदा सन्दिपले बलिङ गर्न पाएनन् ।

सन्दिपले ट्रिन्बागोसँग समुह चरणको दुई खेलमा दुई विकेट मात्र लिएका थिए । पहिलो खेलमा महँगो साबित भएका उनले चार ओभरमा ३० रन खर्चिएर एक विकेट हात पारे भने दोश्रो खेलमा एक विकेट हात पारे पनि किफायती बलिङ गर्दै चार ओभरमा नै मात्र २० रन खर्चिएका थिए ।

Click to comment

Leave a Reply

Your email address will not be published. Required fields are marked *

Headline

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Published

on

क्विन्टन डि ककको शतक तथा मार्कस स्टोइनिसले अन्तिम दुई बलमा दुई विकेट निकाल्दा लखनउ सुपर जयान्ट्सले कोलकाता नाइट राइड़र्स माथि दुई रनको सनसनीपूर्ण जित निकाल्दा १५ औँ संस्करणको इन्डियन प्रिमियर लिग (आईपीएल) को प्लेअफमा आफ्नो स्थान सुरक्षित गरेको छ ।

यस सिजन नव प्रवेशी टोलीहरु लखनउ र गुजरात टाइटान्सले मात्र प्लेअफको लागि आफ्नो स्थान पक्का गर्न सकेका छन् । आजको खेलमा पराजित हुँदा कोलकाता मुम्बई इन्डियन्स र चेन्नाई सुपर किंग्स पछि प्लेअफबाट बाहिरिने तेश्रो टोली बनेको छ । समुह चरणमा खेलेका १४ खेल पछि १८ अंक बटुल्दै लखनउ अंक तालिकाको दोश्रो स्थानमा छ । सनराइजर्स हैदराबाद र पन्जाब किंग्सको पनि समान १२-१२ अंक नै रहे पनि उनीहरुको अझै एक खेल हातमा छ भने कोलकाताले आफ्नो १४ खेल खेलिसक्दा १२ अंक मात्र जोड्न सक्यो ।    

ओपनरद्वय क्विन्टन डि कक र केएल राहुलले कीर्तिमानी ब्याटिङ गर्दा खेलमा टस जितेर पहिले ब्याटिङ गरेको लखनउले पुरै २० ओभर खेल्दा कुनै पनि विकेट नगुमाई २१० रनको विशाल योगफल बनायो भने कोलकाताले पनि २० ओभर खेल्दै आठ विकेटको नोक्सानीमा २०८ रन मात्र जोड्न सक्यो ।

कोलकातालाई अन्तिम ओभरमा जितका लागि २१ रन आवश्यक रहेको अवस्थामा रिंकु सिंहले मार्कस स्टोइनिसको पहिलो चार बलमा क्रमश चौका, लगातार दुई छक्का र दुई रन जोड्दै जित नजिक पुर्याए । तर अन्तिम ओभरको पाँचौँ बलमा रिंकु सिंह र अन्तिम बलमा उमेश यादवको विकेट निकाल्दै स्टोइनिसले लखनउलाई दुई रनको सनसनीपूर्ण जित दिलाउँदै प्लेअफको यात्रा पनि तय गराए । 

ओपनरद्वय वेंकटेश ऐयर शून्य तथा अभिजित तोमर चार रनमा आउट हुँदा निकै खराब सुरुवात गरेको कोलकाताको लागि कप्तान श्रेयस ऐयर र नितिश राणाले तेश्रो विकेटका लागि २७ बलमा ५६ रनको साझेदारी गर्दै पारी सम्हाले । आक्रामक पारी खेलेका राना २२ बलमा ४२ रन जोड्दै पेभेलियन फर्किए ।

ऐयरले राणाको विकेटको पतन पछि क्रिजमा आएका विकेट किपर साम बिलिङ्ससँग मिलेर  ४० बलमा ६६ रन जोड्दै कोलकाताको पारी अघि बढाए । २९ बलमा ५० रन बनाएका ऐयर र २४ बलमा ३६ रन बनाएका बिलिङ्सको विकेटको पतन पछि क्रिजमा आएका आन्द्रे रसेल पनि ११ बलमा पाँच रन जोड्दै आउट हुँदा कोलकाता दबाबमा आयो ।

१५ बल खेलेका रिंकु सिंहले दुई चौका र चार छक्काको मद्दतमा ४० तथा सुनिल नारायणले सात बलमा २१ रन जोड्दै कोलकातालाई जित नजिक पुर्याए पनि अन्तिम दुई बलमा लगातार दुई विकेट गुमाउँदा हारको सामना गर्न बाध्य भयो । 

कोलकातालाई रोक्ने क्रममा चार ओभरमा २० तथा दुई ओभरमा २३ रन खर्चिएका मोहसिन खान र मार्कस स्टोइनिसले समान ३-३ विकेट हात पारे ।

यस अघि लखनउको लागि अविजित रहेका विकेट किपर क्विन्टन डि कक र कप्तान केएल राहुलले क्रमश १४० र ६८ रनको पारी खेले । खेलको प्लेयर अफ द म्याच घोषित डि ककले ७० बलमा समान १०-१० चौका र छक्का तथा राहुलले ५१ बलमा तीन चौका र चार छक्का प्रहार गरे । आईपीएलको इतिहासमा कुनै पनि जोडीले पुरै २० ओभर खेलेको यो पहिलो घटना हो भने पहिलो विकेटका लागि सबैभन्दा ठुलो साझेदारी पनि हो ।   

 

Continue Reading

Headline

मुम्बई माथि सनसनीपूर्ण जित निकाल्दा हैदराबादको प्लेअफको आशा जीवितै 

Published

on

यस अघि नै प्लेअफको दौडबाट बाहिरी सकेको मुम्बई इन्डियन्स माथि तीन रनको सनसनीपूर्ण जित निकाल्दा सनराइजर्स हैदराबादले १५ औँ संस्करणको इन्डियन प्रिमियर लिग (आईपीएल) को प्लेअफमा पुग्ने आशा जीवितै राख्न सफल भएको छ ।

 १२ खेलमा १२ अंक जोड्दै अंक तालिकाको आठौँ स्थानमा रहेको हैदराबादले आफ्नो अन्तिम खेलमा १२ अंक नै बटुल्न सफल पन्जाब किंग्सको सामना गर्नेछ । उक्त खेलमा जित निकाल्न सकेर मात्र हैदराबाद प्लेअफमा पुग्दैन । त्यसका लागि अन्य टोलीको नतिजामा पनि निर्भर रहने छ । 

आजको खेलमा पराजित हुँदा पाँच पटकको च्याम्पियन मुम्बईले १३ औँ खेलमा १० हारको सामना गर्यो । तीन खेलमा मात्र जित निकाल्न सकेको मुम्बई अंक तालिकाको पुछारमा रहेको छ ।  

खेलको प्लेयर अफ द म्याच घोषित राहुल त्रिपाठीले अर्धशतक प्रहार गर्दा खेलमा टस हारेर पहिले ब्याटिङ गरेको हैदराबादले २० ओभर खेल्दै ६ विकेट गुमाएर १९३ रनको विशाल योगफल तयार पार्यो । जबाफी ब्याटिङ गरेको मुम्बईले राम्रो सुरुवात गरे पनि तल्लो क्रम चल्न नसक्दा पुरै २० ओभर खेल्दै सात विकेट गुमाएर १९० रन मात्र जोड्यो ।

हैदराबादको लागि राहुल त्रिपाठीले ४४ बल खेल्दै नौ चौका र तीन छक्काको मद्दतमा सर्वाधिक ७६ रन बनाए भने ओपनिङमा आएका प्रियम गर्गले २६ बलमा ४२ तथा विकेट किपर निकोलस पुरनले २२ बलमा ३८ रनको योगदान दिए ।

ओपनर अभिषेक शर्मा नौ रनमा आउट हुँदा खराब सुरुवात गरे पनि त्रिपाठीले दोश्रो विकेटका लागि गर्गसँग ७८ रन तथा तेश्रो विकेटका लागि पुरनसँग ७६ रनको साझेदारी गर्दै हैदराबादको पारी सम्हाले ।

मुम्बईका ओपनरद्वय रोहित शर्मा र इशान किशानले पहिलो विकेटका लागि १० दशमलब चार ओभरमा ९५ रन जोड्दै आक्रामक सुरुवात दिलाए । तर ६ रनको अन्तरालमा ३६ बलमा ४८ रन बनाएका कप्तान रोहित र ३४ बलमा ४३ रन जोडेका विकेट किपर किशान आउट भए ।

अन्तिम १२ बलमा जितका लागि १८ रन चाहिएको अवस्थामा १८ बल खेल्दै तीन चौका र चार छक्का सहित तुफानी ४६ रनको पारी खेलेका टिम डेविड दुर्भाग्यपूर्ण रन आउट हुँदा जित नजिक पुगेर पनि मुम्बईले हारको सामना गर्न पर्यो ।

मुम्बईका रमनदिप सिंहले सर्वाधिक तीन विकेट लिए भने मुम्बईलाई रोक्ने क्रममा हैदराबादका उमरान मलिकले पनि तीन विकेट नै आफ्नो नाममा दर्ता गराए । 

Continue Reading

Headline

पन्जाब माथि रोमान्चक जित निकाल्दा दिल्ली प्लेअफ नजिक 

Published

on

मिचेल मार्शको अर्धशतक तथा शार्दुल ठाकुरको घातक बलिङमा दिल्ली क्यापिटल्सले पन्जाब किंग्स माथि १७ रनको रोमान्चक जित हात पारेको छ । जितसँगै दिल्ली १५ औँ संस्करणको इन्डियन प्रिमियर लिग (आईपीएल) को प्लेअफ नजिक पुगेको छ ।

१३ खेलमा सात जित निकाल्न सकेको दिल्ली १४ अंक सहित अंक तालिकाको चौथो स्थानमा उक्लिएको छ । समान १४ अंक रहेको बेंगलोर नेट रन रेटका आधारमा दिल्ली भन्दा पछि रहेको छ । आजको खेलमा पराजित हुँदा पन्जाबको प्लेअफ पुग्ने आशा झिनो भनेको छ । १३ खेल नै खेलेको पन्जाब १२ अंक सहित अंक तालिकाको सातौँ स्थानमा रहेको छ ।

टस हारेर पहिले ब्याटिङ गरेको दिल्लीले २० ओभर खेल्दै सात विकेट गुमाएर १५९ रनको सामान्य योगफल बनाए पनि पन्जाबलाई २० ओभरमा नौ विकेटको नोक्सानीमा १४२ रनको अवस्थामा रोक्न सफल भएको हो ।

दिल्लीको जितमा तेश्रो नम्बरमा ब्याटिङ गर्दै मिचेल मार्शले ४८ बल खेल्दै चार चौका र तीन छक्का सहित ६३ रनको पारी खेले भने खेलको प्लेयर अफ द म्याच घोषित शार्दुल ठाकुरले चार ओभरमा ३६ रन दिएर सर्वाधिक चार विकेट हात पारे ।

यस सिजन निकै उत्कृष्ट फर्ममा रहेका ओपनर डेविड वार्नर गोल्डेन डकआउट हुँदा खराब सुरुवात गरे पनि दिल्लीका लागि मार्शले १६ बलमा ३२ रन बनाएका सरफराज खान र २१ बलमा २४ रनको पारी खेलेका ललित यादवसँग साझेदारी गर्दै आफ्नो टोलीको पारी सम्हालेका थिए ।

तल्लोक्रमका ब्याटरहरु सस्तोमा आउट हुँदा राम्रो सुरुवात गरे पनि दिल्ली ठुलो योगफल बनाउनबाट भने चुक्यो ।

सुरुवात देखि नै लगातार रुपमा विकेट गुमाएको पन्जाबको तर्फबाट छैटौँ नम्बरमा ब्याटिङ गर्दै विकेट किपर जितेश शर्माले सर्वाधिक २४, ओपनर जोनी बेयरस्टोले २८, राहुल चाहरले अविजित २५ तथा अर्का ओपनर शिखर धवनले १९ रन जोडे पनि जितका लागि पर्याप्त रहेन । १२ रनको अन्तरालमा पन्जाबले मध्यक्रमका आफ्ना पाँचजना ब्याटरलाई गुमाउँदा सानो लक्ष्य पछ्याउँदा पनि जित भने निकाल्न असमर्थ रह्यो ।         

पन्जाबलाई रोक्ने क्रममा ठाकुर बाहेक अक्सर पटेलले चार ओभरमा तथा कुलदिप यादवले तीन ओभरमा समान १४-१४ रन दिएर समान २-२ विकेट हात पारे ।

यस अघि दिल्लीलाई मध्यम योगफलमा रोक्ने क्रममा लियाम लिविंगस्टोनअर्शदिप सिंहले समान ३-३ विकेट आफ्नो नाममा दर्ता गराए ।  

Continue Reading
Headline6 hours ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline8 hours ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Headline9 hours ago

नेपाल टि-२० लिग असोजमा, खेलाडीको तलब न्यूनतम पाँच लाख 

Headline12 hours ago

आदिल, धमला र किशोर पहिलो पटक एकदिवसीय टोली

Headline1 day ago

मुम्बई माथि सनसनीपूर्ण जित निकाल्दा हैदराबादको प्लेअफको आशा जीवितै 

Headline2 days ago

खराब फिल्डिङका कारण जित नजिक पुगेर पनि हार्यो नेपाल 

Headline2 days ago

नेपालले दियो १०२ रनको चुनौतिपूर्ण लक्ष्य 

Headline2 days ago

पन्जाब माथि रोमान्चक जित निकाल्दा दिल्ली प्लेअफ नजिक 

Headline3 days ago

खराब ब्याटिङका कारण टियुमा पहिलो पटक अन्तर्राष्ट्रिय क्रिकेट खेलेको नेपालको हार 

Headline3 days ago

नेपाली महिला खेलाडीको तलबमा भारी वृद्धि  

Headline3 days ago

लखनउलाई पाखा लगाउँदै राजस्थान अंक तालिकाको दोश्रो स्थानमा उक्लियो 

Headline3 days ago

चेन्नाई माथि शीर्ष स्थानको गुजरातको सहज जित   

Headline4 days ago

चेल्सीलाई पेनाल्टी सुट-आउटमा हराउँदै लिभरपुलले चुम्यो एफए कपको उपाधि

IPL4 days ago

रसेलको अलराउण्ड प्रदर्शनमा कोलकातासँग हैदराबादको लज्जास्पद हार, प्लेअफको यात्रा कठिन बन्दै 

Headline5 days ago

यु१९ टोलीकी रोय पहिलो पटक राष्ट्रिय टोलीमा

Headline5 days ago

पन्जाबसँग बेंगलोरको लज्जास्पद हार, प्लेअफमा पुग्ने आशामा धक्का 

Headline6 days ago

मुम्बईसँग हार्दा चेन्नाईको प्लेअफ पुग्ने गणितीय सम्भावना पनि सकियो  

Headline1 week ago

मार्शको अलराउण्ड प्रदर्शनमा दिल्लीको प्लेअफ सम्भावना जीवितै  

Headline1 week ago

 ऐतिहासिक ट्वान्टी ट्वान्टी शृंखला खेल्दै नेपाली राष्ट्रिय महिला क्रिकेट टोली 

Headline1 week ago

रशिद खानले घातक बलिङ गर्दा गुजरात बन्यो प्लेअफ पुग्ने पहिलो टोली  

Headline6 hours ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline8 hours ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Headline9 hours ago

नेपाल टि-२० लिग असोजमा, खेलाडीको तलब न्यूनतम पाँच लाख 

Headline12 hours ago

आदिल, धमला र किशोर पहिलो पटक एकदिवसीय टोली

Headline1 day ago

मुम्बई माथि सनसनीपूर्ण जित निकाल्दा हैदराबादको प्लेअफको आशा जीवितै 

Headline2 days ago

खराब फिल्डिङका कारण जित नजिक पुगेर पनि हार्यो नेपाल 

Headline2 days ago

नेपालले दियो १०२ रनको चुनौतिपूर्ण लक्ष्य 

Headline2 days ago

पन्जाब माथि रोमान्चक जित निकाल्दा दिल्ली प्लेअफ नजिक 

Headline3 days ago

खराब ब्याटिङका कारण टियुमा पहिलो पटक अन्तर्राष्ट्रिय क्रिकेट खेलेको नेपालको हार 

Headline3 days ago

नेपाली महिला खेलाडीको तलबमा भारी वृद्धि  

Headline3 days ago

लखनउलाई पाखा लगाउँदै राजस्थान अंक तालिकाको दोश्रो स्थानमा उक्लियो 

Headline3 days ago

चेन्नाई माथि शीर्ष स्थानको गुजरातको सहज जित   

Headline4 days ago

चेल्सीलाई पेनाल्टी सुट-आउटमा हराउँदै लिभरपुलले चुम्यो एफए कपको उपाधि

IPL4 days ago

रसेलको अलराउण्ड प्रदर्शनमा कोलकातासँग हैदराबादको लज्जास्पद हार, प्लेअफको यात्रा कठिन बन्दै 

Headline5 days ago

यु१९ टोलीकी रोय पहिलो पटक राष्ट्रिय टोलीमा

Headline5 days ago

पन्जाबसँग बेंगलोरको लज्जास्पद हार, प्लेअफमा पुग्ने आशामा धक्का 

Headline6 days ago

मुम्बईसँग हार्दा चेन्नाईको प्लेअफ पुग्ने गणितीय सम्भावना पनि सकियो  

Headline1 week ago

मार्शको अलराउण्ड प्रदर्शनमा दिल्लीको प्लेअफ सम्भावना जीवितै  

Headline1 week ago

 ऐतिहासिक ट्वान्टी ट्वान्टी शृंखला खेल्दै नेपाली राष्ट्रिय महिला क्रिकेट टोली 

Headline1 week ago

रशिद खानले घातक बलिङ गर्दा गुजरात बन्यो प्लेअफ पुग्ने पहिलो टोली  

Trending

error: Content is protected !!