Connect with us

अन्तर्राष्ट्रिय

इंग्ल्यान्ड बिरुद्ध इतिहास रच्ने वेस्ट इण्डिजलाई सुबर्ण अवसर  

wesportz

Published

on

घरेलु टोली इंग्ल्यान्ड र वेस्ट इण्डिज बीचको तेश्रो तथा अन्तिम टेस्ट खेल आजबाट म्यानचेस्टरमा सुरु हुँदैछ । खेल नेपाली समय अनुसार दिउँसको ३:४५ बजे सुरु हुनेछ ।
तीन खेलको शृंखला १-१ को स्थितीमा रहेको छ । आजबाट सुरु हुने खेलमा जीत हात पार्ने टोलीले शृंखला माथी कब्जा जमाउने छ । पहिलो टेस्टमा वेस्ट इण्डिजले चार विकेटको रोमान्चक जीत हात पारेको थियो भने दोश्रो टेस्टमा इंग्ल्यान्डले वेस्ट इण्डिजलाई ११३ रनको फराकिलो अन्तरले पराजित गरेको थियो ।
तेश्रो तथा अन्तिम टेस्टमा जीत निकाल्दै वेस्ट इण्डिज इतिहास रच्ने दाउमा रहने छ र यो उसका लागि सुवर्ण अवसर पनि हो । वेस्ट इण्डिजले सन् १९८८ देखि विस्डन ट्रफी जीत्न सकेको छैन । यस टेस्टमा जीत निकालेको खण्डमा वेस्ट इण्डिजले इंग्ल्यान्डको घरेलु मैदानमा ३२ बर्ष पछि टेस्ट शृंखला आफ्नो पक्ष्यमा पार्नेछ ।
वेस्ट इण्डिजले पछिल्लो पटक इंग्ल्यान्डको घरेलु मैदानमा सन् १९८८ मा ४-० ले जीतेको थियो । उक्त शृंखलामा पाँच खेल खेल्दै वेस्ट इण्डिजले चार खेल जीतेको थियो भने एक खेल बराबरीमा सकिएको थियो ।
तर वेस्ट इण्डिजले यस टेस्ट जीत्न सजिलो भने छैन किन भने उसका बलरद्वय शंनों ग्याब्रियल र अल्ज़र्री जोसेफ घाइते भएको समाचार बाहिरिएको थियो । वेस्ट इण्डिज टोलीले सामान्य चोट पटक लागेको तर पनि खेल्ने छन् ।

उता इंग्ल्यान्डले पनि शृंखला माथि कब्जा जमाउने आशा राखेको छ भने उसले तिब्र गतिका बलर जोफ्रा अर्चरलाई टिममा समावेस गरेको छ । त्यस्तै दोश्रो खेलका नायक बेन स्टोक्स सामान्य घाइते भएका कारण आजको खेलमा ब्याट्सम्यानका रुपमा खेल्ने कप्तान जो रुटले बताएका छन् ।

Click to comment

Leave a Reply

Your email address will not be published. Required fields are marked *

अन्तर्राष्ट्रिय

अहमदले घातक बलिङ गर्दा अष्ट्रेलियाको लज्जास्पद हार 

wesportz

Published

on

नसुम अहमदले घातक बलिङ गर्दै मात्र १९ रन खर्चिएर चार विकेट हात पारे पछि अष्ट्रेलियाले घरेलु टोली बंगलादेश विरुद्धको पहिलो ट्वान्टी ट्वान्टी खेलमा २३ रनको लज्जास्पद हारको सामना गरेको छ । जितसंगै बंगलादेशले पाँच खेलको शृंखलामा १-० को अग्रता पनि लिन सफल भएको छ । 

बंगलादेशले दिएको १३२ रनको सानो लक्ष्य पछ्याएको अष्ट्रेलियाले २० ओभरमा आफ्ना सबै विकेट गुमाएर मात्र १०८ रन बनाउन सक्यो ।

सुरुवात देखि नै लगातार रुपमा विकेट गुमाएको अष्ट्रेलियाको लागि मिचेल मार्शले ४५ बलमा ४५ रनको पारी खेले पनि आफ्नो टोलीलाई जित दिलाउनका लागि पर्याप्त रहेन । अष्ट्रेलियाका तीब्र गतिका बलर मिचेल स्टार्कले १४ तथा कप्तान म्याथ्यु वेडले १३ रनको पारी खेले भने अन्य ब्याट्सम्यानले दोहोरो अंकमा रन जोड्न सकेनन् । अष्ट्रेलियाले आफ्नो पारीको पहिलो बलमा नै ओपनर एलेक्स केरीलाई गुमाएर निकै खराब सुरुवात गरेको थियो ।

बंगलादेशको जितमा खेलको म्यान अफ द म्याच घोषित अहमदले चार ओभरमा मात्र १९ रन खर्चिएर चार विकेट हात पारेका हुन् भने मुस्ताफिजुर रहमान र शोरिफुल इस्लामले पनि समान २-२ विकेट आफ्नो नाममा दर्ता गराए ।

यस अघि खेलमा टस हारेर पहिले ब्याटिङ गरेको बंगलादेशले पुरै २० ओभर खेल्दै सात विकेटको नोक्सानीमा मात्र १३१ रनको सानो योगफल बनाउन सक्यो ।

ओपनर सौम्य सरकार दुई रनमा आउट हुँदा निकै खराब सुरुवात गरेको बंगलादेशको लागि तेश्रो नम्बरमा ब्याटिङ गर्न आएका शकिब अल हसनले ३३ बलमा ३६ तथा अर्का ओपनर मोहम्मद नैमले ३० रन जोड्दै आफ्नो टोलीको पारी सम्हाल्ने प्रयास गरे ।

शकिब र नैम बाहेक अफिफ होसेनले २३ तथा कप्तान महमदउल्लाहले २० रन जोडे भने त्यस बाहेकका ब्याट्सम्यानले दोहोरो अंकमा रन जोड्न सकेनन् ।

बंगलादेशलाई सस्तोमा रोक्ने क्रममा जश हेजलउडलेचार ओभरमा सर्वाधिक तीन विकेट लिए भने मिचेल स्टार्कले दुई तथा एडम जाम्पा र एन्ड्रयु टेइले सामना १-१ विकेट आफ्नो नाममा दर्ता गराए । 

 

Continue Reading

Headline

पिएसजीलाई हराउदै लिल बन्यो च्याम्पियन्स ट्रफि बिजेता

wesportz

Published

on

पेरिस सेन्ट जर्माइन (पिएसजी) लाई १-० ले हराउदै लिल ले पहिलो पटक च्याम्पियन्स ट्रफिको उपाधि जितेको छ ।

फ्रान्सको प्रथम श्रेणी फुटबल लिग वान जित्दै सबैलाई स्तब्ध पारेको लिलका लागि पोर्चुगिज मिडफिल्डर जेकाले एक मात्र बिजयी गोल गरेका थिए । जितले प्रशिक्षक जोसेलिन गोरभेनेकलाई आफ्नो पहिलो खेलमै उपाधि दिलाएको छ ।

लिग वानको उपाधि जिताएका प्रशिक्षक क्रिष्टोफ गाल्टियरले निस जाने निर्णय गरेपछि गोरभेनेकले अफ सिजन देखि लिलको बागडोर सम्हालेका थिए ।

निकै प्रतिस्पर्धात्मक खेलमा जेकाले पेनाल्टी एरिया बाहिरबाट गरेको प्रहारले पिएसजी गोलकिपर किलोर नाभासलाई बिट गर्दै जाली चुम्न पुगेको थियो ।

गत लिग सिजनमा लिल ले एक गोल पनि नखादै एउटामा जित र अर्कोमा बराबरी गरेको थियो । आफ्नो ब्याक अप गोलकिपर माइक माइग्ननलाई एसि मिलानमा बेचेपनि लिल ले अर्को क्लिन सिट राखेको हो ।

लिग वान यही शुक्रबारदेखि शुरु हुन गइरहेको छ । पिएसजीले आफ्नो पहिलो खेलमा शनिबार बढुवा भएको ट्रोयेसको सामना गर्नेछ भने लि ल ले आइतबार मेट्जबिरुद्ध खेल्नेछ ।

Continue Reading

Headline

ओलम्पिक्सः रेफ्रिको निर्णयको बिरोधमा फ्रेञ्च बक्सर एक घण्टा रिंग भित्रै धर्नामा

wesportz

Published

on

टोकियो ओलम्पिक्स अन्तर्गत सुपर हेभिवेट क्वार्टर फाइनल फाइटमा रेफ्रिले आफूलाई अयोग्य घोषित गरिदिएको बिरोधमा एक फ्रेञ्च बक्सरले एक घण्टा रिंगमै बसेर धर्ना दिएका छन् ।

२६ बर्षिय मुराद एलिएभलाई ब्रिटिस बक्सर फ्रेजर क्लार्कबिरुद्धको खेलमा रेफ्रि एण्डी मुस्टाचियोले चार सेकेण्ड बाकी रहेको स्थितिमा जानाजान टाउकोले हानेको भन्दै अयोग्य ठहराएका थिए ।

रेफ्रिको निर्णय आउने बित्तिकै उनी मुस्टाचियोलाई संकेत गर्दै चिच्याउन थालेका थिए । त्यसपछि उनले आफ्नो माउथ गार्ड निकाल्दै लातले हानेका थिए भने निरन्तर चिच्याईरहे। त्यसपछि क्लार्क तर्फ अघि बढ्दै उनले “मैले जितेको हो, मैले जितेको हो” भन्दै दाबी गर्दै थिए ।

दुई बक्सर केही क्षणको लागि भिड्न लागेको जस्तो स्थिति सृजना भएपनि पछि तल झरेका थिए । क्लार्कलाई औपचारिक रुपमै बिजेता घोषणा गरेपछि एलिएभ एउटा टेलिभिजनको क्यामेरा समात्दै लेन्सतर्फ हातले “नाई, नाई” भन्दै इशारा गरिरहेका थिए ।

दुई बक्सरले हात मिलाएपनि एलिएभ भने असन्तुष्टि व्यक्त गर्दै रिंग भित्रै धर्ना दिएर बस्न थाले । आधा घण्टा क्यानभासमै बसेपनि उनी आफ्नो फ्रेञ्च टिमसंग कुरा गर्न गए र १५ मिनेटपटि फर्किएर फेरि अर्को आधा घण्टा धर्ना दिए ।

पहिलो चरण आफ्नो पक्षमा पारेका एलिएभले आफूलाई रेफ्रिले अयोग्य हुन सक्ने चेतावनी नै नदिएको बताएका छन् । उनले यसअघि क्लार्कलाई जुन ८ मा भएको खेलमा अंकमै पराजित गरेका थिए ।

Continue Reading
अन्तर्राष्ट्रिय3 hours ago

अहमदले घातक बलिङ गर्दा अष्ट्रेलियाको लज्जास्पद हार 

राष्ट्रिय16 hours ago

पुर्व कप्तान पारस खड्काले लिए अन्तर्राष्ट्रिय क्रिकेटबाट सन्यास 

Headline2 days ago

पिएसजीलाई हराउदै लिल बन्यो च्याम्पियन्स ट्रफि बिजेता

Headline2 days ago

ओलम्पिक्सः रेफ्रिको निर्णयको बिरोधमा फ्रेञ्च बक्सर एक घण्टा रिंग भित्रै धर्नामा

राष्ट्रिय2 days ago

दुई महिना पछिलाई सर्यो लिग, विजेताले ७५ लाख पाउने 

Headline3 days ago

लोकाटोलीलाई युभेन्टस भित्र्याउनेमा नेदभेद बिश्वस्त

अन्तर्राष्ट्रिय3 days ago

हफिजले किफायती बलिङ र कप्तान बाबरको अर्धशतकमा पाकिस्तानको रोमान्चक जित 

अन्तर्राष्ट्रिय3 days ago

डिकवेला, मेन्डिस र गुनथिलकालाई एक वर्षको प्रतिबन्ध 

Headline4 days ago

ग्रिलिसलाई इंगलिस फुटबलकै महंगो ट्रान्सफरमा भित्र्याउदै सिटी

अन्तर्राष्ट्रिय4 days ago

स्टोक्सको अनिश्चित समयका लागि क्रिकेटबाट बिश्राम 

Trending

error: Content is protected !!