Connect with us

अन्तर्राष्ट्रिय

स्टोक्स चम्कदा वेस्ट इण्डिज बिरुद्ध इंग्ल्यान्डको रोमान्चक जीत

Published

on

वेस्ट इण्डिज बिरुद्धको दोश्रो टेस्टमा घरेलु टोली इंग्ल्यान्डले रोमान्चक जीत हात पारेको छ । तेश्रो दिनको खेलमा बर्षा बाधक बनेता पनि इंग्ल्यान्डले वेस्ट इण्डिजलाई ११३ रनको फराकिलो अन्तरले पराजित गरेको हो । यस जीतसँगै इंग्ल्यान्डले तीन खेलको शृंखला १-१ को बराबरीमा पुर्याएको छ ।

इंग्ल्यान्डले दिएको तीन सय १२ रनको लक्ष्य लिएर ब्याटिंङमा आएको वेस्ट इण्डिजले ७० दशमलब एक ओभर खेल्दै आफ्ना सबै विकेट गुमाएर मात्र एक सय ९८ रन बनाउन सक्यो । वेस्ट इण्डिजका शामर्ह ब्रूक्सले सर्वाधिक ६२ तथा जेर्मैन ब्ल्याकउडले ५५ रन जोडे पनि आफ्नो टोलीलाई हारबाट बचाउन सकेनन् ।

इंग्ल्यान्डको जीतमा दोश्रो पारीमा स्टुवार्ट बोर्डले सर्वाधिक तीन विकेट लिए भने क्रिस वोक्स, डोम बेस र बेन स्टोक्सले समान २-२ विकेट आफ्नो नाममा दर्ता गराए ।

इंग्ल्यान्डको जीतमा नायक रहे उपकप्तान बेन स्टोक्स । पहिलो पारीमा तीन सय ५६ बलको सामना गर्दै एक सय ७६ रनको पारी खेलेका स्टोक्सले दोश्रो पारीमा ओपनिङमा ब्याटिंङ गर्दै ५७ बलमा आक्रमक अविजित ७८ रन बनाए । उनको आक्रमक पारीको मद्दतमा इंग्ल्यान्डले तीन विकेटको नोक्सानीमा १२९ रन बनाएर पारी सकिएको घोषणा गरेको थियो ।

खेलमा टस हारेर पहिले ब्याटिंङ गरेको इंग्ल्यान्ड आफ्नो पहिलो पारीमा चार सय ६९ रनको विशाल योगफल बनायो भने वेस्ट इण्डिजलाई मात्र २८७ रनमा रोक्न सफल भयो ।

वेस्ट इण्डिजले चौथों दिनको खेल एक विकेटको नोक्सानीमा मात्र ३२ रनको अवस्थाबाट सुरु गरेको थियो भने उसले दुई सय ५५ रन जोड्दै आफ्नो बाँकी नौं विकेट गुमाएको हो ।

वेस्ट इण्डिजको तर्फबाट ओपनर क्रेग ब्राथवेटले सर्वाधिक ७५ रन जोडे भने शामर्ह ब्रूक्सले ६८ तथा रोस्टन चेजले पनि ५१ रनको योगदान दिए ।

वेस्ट इण्डिजलाई सस्तैमा रोक्ने क्रममा स्टुवार्ट बोर्ड र क्रिस वोक्सले समान तीन तीन विकेट लिए भने साम कुर्रानले पनि दुई विकेट हात पारे ।

यस अघि ओपनर डोम सिब्ली र बेन स्टोक्सले शतक प्रहार गरेसँगै इंग्ल्यान्डले नौं विकेटको नोक्सानीमा चार सय ६९ रन बनाएर आफ्नो पहिलो पारी सकिएको घोषणा गरेको थियो । स्टोक्सले सर्वाधिक एक सय ७६ रन बनाए भने सिब्लीले पनि १२० रनको पारी खेले ।

वेस्ट इण्डिजका रोस्टन चेजले पहिलो पारीमा सर्वाधिक पाँच विकेट हात पारे भने किमार रोचले पनि दुई विकेट आफ्नो नाममा दर्ता गराए ।

साउथह्याम्टनमा भएको पहिलो टेस्टमा वेस्ट इण्डिजले चार विकेटको रोमान्चक जीत हात पारेको थियो । अन्तिम तथा निर्णायक टेस्ट जुलाई २४ मा म्यानचेस्टरमा नै आयोजना हुनेछ ।

Click to comment

Leave a Reply

Your email address will not be published. Required fields are marked *

Headline

पन्जाब माथि रोमान्चक जित निकाल्दा दिल्ली प्लेअफ नजिक 

Published

on

मिचेल मार्शको अर्धशतक तथा शार्दुल ठाकुरको घातक बलिङमा दिल्ली क्यापिटल्सले पन्जाब किंग्स माथि १७ रनको रोमान्चक जित हात पारेको छ । जितसँगै दिल्ली १५ औँ संस्करणको इन्डियन प्रिमियर लिग (आईपीएल) को प्लेअफ नजिक पुगेको छ ।

१३ खेलमा सात जित निकाल्न सकेको दिल्ली १४ अंक सहित अंक तालिकाको चौथो स्थानमा उक्लिएको छ । समान १४ अंक रहेको बेंगलोर नेट रन रेटका आधारमा दिल्ली भन्दा पछि रहेको छ । आजको खेलमा पराजित हुँदा पन्जाबको प्लेअफ पुग्ने आशा झिनो भनेको छ । १३ खेल नै खेलेको पन्जाब १२ अंक सहित अंक तालिकाको सातौँ स्थानमा रहेको छ ।

टस हारेर पहिले ब्याटिङ गरेको दिल्लीले २० ओभर खेल्दै सात विकेट गुमाएर १५९ रनको सामान्य योगफल बनाए पनि पन्जाबलाई २० ओभरमा नौ विकेटको नोक्सानीमा १४२ रनको अवस्थामा रोक्न सफल भएको हो ।

दिल्लीको जितमा तेश्रो नम्बरमा ब्याटिङ गर्दै मिचेल मार्शले ४८ बल खेल्दै चार चौका र तीन छक्का सहित ६३ रनको पारी खेले भने खेलको प्लेयर अफ द म्याच घोषित शार्दुल ठाकुरले चार ओभरमा ३६ रन दिएर सर्वाधिक चार विकेट हात पारे ।

यस सिजन निकै उत्कृष्ट फर्ममा रहेका ओपनर डेविड वार्नर गोल्डेन डकआउट हुँदा खराब सुरुवात गरे पनि दिल्लीका लागि मार्शले १६ बलमा ३२ रन बनाएका सरफराज खान र २१ बलमा २४ रनको पारी खेलेका ललित यादवसँग साझेदारी गर्दै आफ्नो टोलीको पारी सम्हालेका थिए ।

तल्लोक्रमका ब्याटरहरु सस्तोमा आउट हुँदा राम्रो सुरुवात गरे पनि दिल्ली ठुलो योगफल बनाउनबाट भने चुक्यो ।

सुरुवात देखि नै लगातार रुपमा विकेट गुमाएको पन्जाबको तर्फबाट छैटौँ नम्बरमा ब्याटिङ गर्दै विकेट किपर जितेश शर्माले सर्वाधिक २४, ओपनर जोनी बेयरस्टोले २८, राहुल चाहरले अविजित २५ तथा अर्का ओपनर शिखर धवनले १९ रन जोडे पनि जितका लागि पर्याप्त रहेन । १२ रनको अन्तरालमा पन्जाबले मध्यक्रमका आफ्ना पाँचजना ब्याटरलाई गुमाउँदा सानो लक्ष्य पछ्याउँदा पनि जित भने निकाल्न असमर्थ रह्यो ।         

पन्जाबलाई रोक्ने क्रममा ठाकुर बाहेक अक्सर पटेलले चार ओभरमा तथा कुलदिप यादवले तीन ओभरमा समान १४-१४ रन दिएर समान २-२ विकेट हात पारे ।

यस अघि दिल्लीलाई मध्यम योगफलमा रोक्ने क्रममा लियाम लिविंगस्टोनअर्शदिप सिंहले समान ३-३ विकेट आफ्नो नाममा दर्ता गराए ।  

Continue Reading

Headline

लखनउलाई पाखा लगाउँदै राजस्थान अंक तालिकाको दोश्रो स्थानमा उक्लियो 

Published

on

लखनउ सुपर जायन्ट्स माथि २४ रनको फराकिलो जित निकाल्दै राजस्थान रोयल्स जारी इन्डियन प्रिमियर लिग (आईपीएल) को अंक तालिकाको दोश्रो स्थानमा उक्लिएको छ ।

समान १३-१३ खेल खेलेका राजस्थान र लखनउको समान १६-१६ अंक रहे पनि नेट रन रेटका आधारमा राजस्थान अंक तालिकाको दोश्रो स्थानमा तथा लखनउ तेश्रो स्थानमा छन् । लगातार दुई खेलमा पराजित हुँदा लखनउले प्लेअफमा पुग्नका लागि अन्तिम खेल सम्म कुर्न पर्ने भएको छ भने आजको जितले राजस्थानले पनि प्लेअफको सम्भावना कायमै राखेको छ ।

यस सिजन गुजरात पहिलो स्थानमा रहँदै प्लेअफमा पुग्ने पक्का भएको छ भने अझै पनि चेन्नाई र मुम्बई बाहेक बाँकी सात टोलीको प्लेअफको आशा जीवितै छ ।

प्लेअफमा स्थान सुरक्षित गर्नका लागि १७९ रनको चुनौतिपूर्ण लक्ष्य लिएर ब्याटिङमा आएको लखनउले पुरै २० ओभर खेले पनि आठ विकेट गुमाएर १५४ रन भन्दा जोड्न सकेन ।

लखनउका दिपक हूडाले ३९ बलमा ५९, मार्कस स्टोइनिसले १७ बलमा २७, कुर्नाल पान्ड्याले २५  तथा कप्तान केएल राहुलले १० रन बनाए भने अन्य ब्याटरले दोहोरो अंकमा रन जोड्न नसक्दा लखनउले खेलमा हारको मात्र सामना गरेन प्लेअफको लागि अर्को खेल सम्म कुर्न पर्ने भयो ।

लखनउलाई रोक्ने क्रममा ट्रेन्ट बोल्ट, प्रसिध कृष्णा र ओबेड म्याककोएले समान २-२ विकेट लिए भने युज्बेन्द्र चाहल र रविचन्द्रन अश्विनले पनि समान १-१ विकेट आफ्नो नाममा दर्ता गराए । खेलको प्लेयर अफ द म्याच घोषित ट्रेन्ट बोल्टले चार ओभरमा मात्र १८ रन दिए ।

यस अघि खेलमा टस जितेर पहिले ब्याटिङ गरेको राजस्थानले पुरै २० ओभर खेल्दै ६ विकेट गुमाएर १७८ रनको चुनौतिपूर्ण योगफल बनायो ।     

राजस्थानको तर्फबाट ओपनर जस बटलरले बाहेक सबै ब्याटरले दोहोरो अंकमा रन जोडे । राजस्थानका ओपनर यशस्वी जैसवालले २९ बलमा सर्वाधिक ४१ रन बनाए भने देवदत्त पड्डीकलले १८ बलमा आक्रामक ३९ तथा कप्तान सन्जु सामसनले ३२ रनको पारी खेले । 

Continue Reading

Headline

चेन्नाई माथि शीर्ष स्थानको गुजरातको सहज जित   

Published

on

ओपनर रिद्दिमन साहले अर्धशतक प्रहार गर्दा शीर्ष स्थानमा रहेको गुजरात टाइटान्सले  इन्डियन प्रिमियर लिग (आईपीएल) को जारी सिजनको आफ्नो १३ औँ खेलमा  यस अघि नै समुह चरणबाट नै बाहिरी सकेको चेन्नाई सुपर किंग्स माथि सात विकेटको सहज जित हात पारेको छ । आजको खेलमा जित निकाल्दै गुजरातले पहिलो स्थानमा आफ्नो पकड बनाएको छ । 

खेलमा टस जितेर पहिले ब्याटिङ गरेको चेन्नाईले २० ओभर खेल्दै पाँच विकेट गुमाएर १३३ रन भन्दा जोड्न सकेन भने गुजरातले तीन विकेटको क्षेतीमा पाँच बल अगावै लक्ष्य पार गर्यो ।

गुजरातको जितमा खेलको प्लेयर अफ द म्याच घोषित विकेट किपर तथा ओपनर रिद्दिमन साहले ५७ बल खेल्दै आठ चौका र एक छक्का सहित अविजित ६७ रन बनाए । त्यस बाहेक म्याथ्यु वेडले २०, ओपनर शुमबन गिलले १८ तथा डेविड मिलरले अविजित १५ रनको योगदान दिए ।

यस अघि रुतुराज गायकवाडले सर्वाधिक ५३, नारायण जगदिसनले अविजित ३९ तथा मोईन अलीले २१ रन बनाए पनि अन्य ब्याटरहरुले दोहोरो अंकमा रन जोड्न सक्दा चेन्नाई सानो योगफलमा नै रोकिन पुग्यो ।

चेन्नाईलाई सानो स्कोरमा रोक्ने क्रममा मोहम्मद शामीले चार ओभरमा १९ रन दिएर सर्वाधिक दुई विकेट लिए ।     

 

Continue Reading
Headline2 hours ago

खराब फिल्डिङका कारण जित नजिक पुगेर पनि हार्यो नेपाल 

Headline3 hours ago

नेपालले दियो १०२ रनको चुनौतिपूर्ण लक्ष्य 

Headline18 hours ago

पन्जाब माथि रोमान्चक जित निकाल्दा दिल्ली प्लेअफ नजिक 

Headline1 day ago

खराब ब्याटिङका कारण टियुमा पहिलो पटक अन्तर्राष्ट्रिय क्रिकेट खेलेको नेपालको हार 

Headline1 day ago

नेपाली महिला खेलाडीको तलबमा भारी वृद्धि  

Headline2 days ago

लखनउलाई पाखा लगाउँदै राजस्थान अंक तालिकाको दोश्रो स्थानमा उक्लियो 

Headline2 days ago

चेन्नाई माथि शीर्ष स्थानको गुजरातको सहज जित   

Headline3 days ago

चेल्सीलाई पेनाल्टी सुट-आउटमा हराउँदै लिभरपुलले चुम्यो एफए कपको उपाधि

IPL3 days ago

रसेलको अलराउण्ड प्रदर्शनमा कोलकातासँग हैदराबादको लज्जास्पद हार, प्लेअफको यात्रा कठिन बन्दै 

Headline3 days ago

यु१९ टोलीकी रोय पहिलो पटक राष्ट्रिय टोलीमा

Headline4 days ago

पन्जाबसँग बेंगलोरको लज्जास्पद हार, प्लेअफमा पुग्ने आशामा धक्का 

Headline5 days ago

मुम्बईसँग हार्दा चेन्नाईको प्लेअफ पुग्ने गणितीय सम्भावना पनि सकियो  

Headline6 days ago

मार्शको अलराउण्ड प्रदर्शनमा दिल्लीको प्लेअफ सम्भावना जीवितै  

Headline6 days ago

 ऐतिहासिक ट्वान्टी ट्वान्टी शृंखला खेल्दै नेपाली राष्ट्रिय महिला क्रिकेट टोली 

Headline7 days ago

रशिद खानले घातक बलिङ गर्दा गुजरात बन्यो प्लेअफ पुग्ने पहिलो टोली  

Headline1 week ago

पाँच पटकको च्याम्पियन मुम्बई फेरी पनि हार्यो  

Headline1 week ago

कुशल र दिपेन्द्रको अर्धशतकमा नेपाललाई जिम्बाब्वे विरुद्धको ऐतिहासिक शृंखला 

Headline1 week ago

चेन्नाईसँग दिल्लीको लज्जास्पद हार 

Headline1 week ago

कोहली फेरी पनि गोल्डेन डकआउट, हसरंगाको पाँच विकेटमा बेंगलोरको फराकिलो जित 

Headline1 week ago

कोलकाता माथि ७५ रनको फराकिलो जित निकाल्दै लखनउ अंक तालिकाको शिर्ष स्थानमा 

Headline2 hours ago

खराब फिल्डिङका कारण जित नजिक पुगेर पनि हार्यो नेपाल 

Headline3 hours ago

नेपालले दियो १०२ रनको चुनौतिपूर्ण लक्ष्य 

Headline18 hours ago

पन्जाब माथि रोमान्चक जित निकाल्दा दिल्ली प्लेअफ नजिक 

Headline1 day ago

खराब ब्याटिङका कारण टियुमा पहिलो पटक अन्तर्राष्ट्रिय क्रिकेट खेलेको नेपालको हार 

Headline1 day ago

नेपाली महिला खेलाडीको तलबमा भारी वृद्धि  

Headline2 days ago

लखनउलाई पाखा लगाउँदै राजस्थान अंक तालिकाको दोश्रो स्थानमा उक्लियो 

Headline2 days ago

चेन्नाई माथि शीर्ष स्थानको गुजरातको सहज जित   

Headline3 days ago

चेल्सीलाई पेनाल्टी सुट-आउटमा हराउँदै लिभरपुलले चुम्यो एफए कपको उपाधि

IPL3 days ago

रसेलको अलराउण्ड प्रदर्शनमा कोलकातासँग हैदराबादको लज्जास्पद हार, प्लेअफको यात्रा कठिन बन्दै 

Headline3 days ago

यु१९ टोलीकी रोय पहिलो पटक राष्ट्रिय टोलीमा

Headline4 days ago

पन्जाबसँग बेंगलोरको लज्जास्पद हार, प्लेअफमा पुग्ने आशामा धक्का 

Headline5 days ago

मुम्बईसँग हार्दा चेन्नाईको प्लेअफ पुग्ने गणितीय सम्भावना पनि सकियो  

Headline6 days ago

मार्शको अलराउण्ड प्रदर्शनमा दिल्लीको प्लेअफ सम्भावना जीवितै  

Headline6 days ago

 ऐतिहासिक ट्वान्टी ट्वान्टी शृंखला खेल्दै नेपाली राष्ट्रिय महिला क्रिकेट टोली 

Headline7 days ago

रशिद खानले घातक बलिङ गर्दा गुजरात बन्यो प्लेअफ पुग्ने पहिलो टोली  

Headline1 week ago

पाँच पटकको च्याम्पियन मुम्बई फेरी पनि हार्यो  

Headline1 week ago

कुशल र दिपेन्द्रको अर्धशतकमा नेपाललाई जिम्बाब्वे विरुद्धको ऐतिहासिक शृंखला 

Headline1 week ago

चेन्नाईसँग दिल्लीको लज्जास्पद हार 

Headline1 week ago

कोहली फेरी पनि गोल्डेन डकआउट, हसरंगाको पाँच विकेटमा बेंगलोरको फराकिलो जित 

Headline1 week ago

कोलकाता माथि ७५ रनको फराकिलो जित निकाल्दै लखनउ अंक तालिकाको शिर्ष स्थानमा 

Trending

error: Content is protected !!