Corona Virus
ट्वान्टी ट्वान्टी बिश्वकपको स्थानमा आईपिएल गराउन घुमाउरो पारा अपनाउदै भारत
Published
4 years agoon
By
wesportzकोरोना भाइरसका कारण इण्डियन प्रिमिएर लिग (आईपिएल) शुरु हुन सकेको छैन । मार्च अन्त्यमा सुरु हुने भनिएको आईपिएल भारतमा लकडाउनका कारण अनिस्चित कालका लागि स्थगित गरिएको छ भने अबको आयोजनाका बिषयमा भारतीय क्रिकेट बोर्ड (बिसिसिआई) टुँगो लगाउन सकेको छैन ।
बिसिसिआईलाई सबैभन्दा टाउको दुखाई बनेको छ अस्ट्रेलियामा अक्टोबर–नोभेम्बरमा आयोजना हुने ट्वान्टी ट्वान्टी विश्वकप । यदि ट्वान्टी ट्वान्टी विश्वकप समयमा नै अथवा केहि समयका लागि मात्र सर पनि आईपिएल गराउनका लागि समय अभाव हुनेछ ।
केहि समय अघि विश्वकपको बिषयमा टँंगो लगाउन अन्तराष्ट्रिय क्रिकेट परिषद (आईसीसी) ले मे २८ को बोर्ड बैठकले नै यसको टुँगो लगाउने जनाएको थियो । बिसिसिआईलाई विश्वकप आयोजना भएको खण्डमा आफुहरुले आईपिएल गराउनका लागि समय अभाब हुने र आम्दानी हुने ४ हजार करोड भारतीय रुपैयाँ गुम्ने पनि जनाएको थियो ।
त्यति मात्र नभएर १३ औं संस्करणको आईपिएल नै नभएको खण्डमा बिसिसिआर्ई आफै नै चरम आर्थिक संकटमा जाने पनि बताउँदै आएको थियो । सन् २०२१ मा भारतले ट्वान्टी ट्वान्टी विश्वकप आयोजना गर्दै छ भने यसका कारण अहिले सरेको विश्वकप सन् २०२२ मा आयोजना गर्ने बाहेक अरु विकल्प आईसीसीसँग छैन । यस्तो स्थितिमा भारतले घुमाउरो पारामा अन्य बोर्डलाई आफ्नो हातमा लिएर बिश्वकपलाई पाखा लगाउदै आइपिएल गर्ने योजनामा गृहकार्य शुरु गर्न थालेको छ ।
दक्षिण अफ्रिकी क्रिकेट बोर्डले बिहिबार भारतले तीन ट्वान्टी ट्वान्टी श्रृंखलाका लागि अगष्टमा त्यहाको भ्रमण गर्ने जानकारी दिएको थियो । कोरोनाले विश्वभर खेलकुद गतिविधिलाई ठप्प पार्नु अघिसम्म यो श्रृंखला योजनामा नै थिएन । यसै समयमा दक्षिण अफ्रिकाले घरेलु मैदानमा वेष्ट इण्डिजसँग दुई टेस्ट र पाँच ट्वान्टी ट्वान्टीको श्रृंखला गर्न गइरहेको थियो ।
दक्षिण अफ्रिकामा भारतीय डायसपोरा निकै ठूलो रहेकाले अब योजना गरिएको श्रृंखलाले दक्षिण अफ्रिकी क्रिकेट बोर्डलाई टेलिभिज प्रशारण अधिकारबाट ठूलो आम्दानी हुने निश्चित छ । तर भारतको लक्ष्य भने अर्कै छ । केही भारतीय मिडियाले बिसिसिआईले दक्षिण अफ्रिकामा श्रंखला गर्न तयार हुनु अक्टोबर–नोभेम्बरको समयमा बिश्वकपको स्थानमा आईपिएल गर्दा दक्षिण अफ्रिकी क्रिकेट बोर्डको समर्थन पाउने बताउदै आएका छन् ।
यस अघि भारतले टाँट पल्टिन लागेको अष्ट्रेलियन क्रिकेट बोर्डलाई सघाउन भन्दै विश्वकप पछि डिसेम्बरमा बन्द रँगशाला भित्र भए पनि टेस्ट खेल्न राजी रहेको जनाएको थियो । अष्ट्रेलियन क्रिकेट बोर्डले पैसा उठाउन सकोस भन्दै भारतले ४ टेस्टको श्रृंखला बाहेक ट्वान्टी ट्वान्टी अथवा एकदिवसीय शृंखला खेल्न आफै सुझाव पनि दिदै आएको छ ।
केहि बर्ष पहिले पनि खराब आर्थिक अवस्थामा गुज्रिएको दक्षिण अफ्रिकी बोर्डलाई सहयोग पुर्याउन भन्दै भारतले दुई टेस्टको शृंखलाका लागि भ्रमण गरेको थियो । भारतको समय अभावका कारण दुई टेस्टको मात्र शृंखला भए पनि दक्षिण अफ्रिका क्रिकेट बोर्डले २० मिलियन डलर भन्दा बढी नाफा गर्न सकेको थियो । त्यस समयमा पनि भारतको स्वार्थ भनेको दक्षिण अफ्रिकी बोर्डले उसका खेलाडीहरुलाई निर्वाध रुपमा आईपिएल खेल्न दियोस भन्ने रहेको थियो ।
कोरोनाका कारण दक्षिण अफ्रिकी क्रिकेट बोर्डले आफुहरु खराब आर्थिक अवस्थाबाट गुज्रने र आगामी चार बर्षमा ३६ मिलियन डलर घाटामा जाने प्रक्षेपण गरेको थियो भने दक्षिण अफ्रिका क्रिकेटर्स संघले भने यो रकम ५६ मिलियन पुग्ने अनुमान गरेको थियो ।
यता भारतले अष्ट्रेलियामा श्रृंखलाका लागि राजी हुदै एक बोर्ड आफ्नो पक्षमा पारिसकेको छ भने अब दक्षिण अफ्रिका पनि भारतकै समर्थनमा उत्रने लगभग पक्का नै छ । कोरोनाका कारण सबैभन्दा ठूलो घाटा बेहोर्ने देशमा इङ्गल्याण्ड पनि रहेको छ र क्यालेण्डरमै उल्लेख नभएपनि भारत र इङ्गल्याण्डबीचको कुनै श्रंखला यो समयमा अपेक्ष गर्न सकिने छ ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
भारतीय लेजेण्ड क्रिकेटर सचिन तेन्दुल्करलाई कोरोना पोजिटिभ भएको छ । सचिनले सामाजिक सञ्जालमार्फत आफूलाई कोरोना देखिएको बताएका हुन् ।
सचिनले आफू हाल घरमै आइसोलेसनमा रहेको र आवश्यकता अनुरुपको सावधानी अपनाइरहेको बताएका छन् । उनको घरका अन्य सदस्यहरुलाई भने कोरोना नेगेटिभ देखाएको छ ।
“मैले लगातार परिक्षण गर्नुका साथै कोभिडलाई टाढै राख्न आवश्यकता अनुसारको सतर्कता अपनाइरहेको थिए । निकै सानो लक्षण पछि मलाई पोजिटिभ देखिएको छ । घरमा अरु सबैजनालाई नेगेटिभ देखाएको छ,” सचिनले सामाजिक सञ्जालमा लेखेका छन् ।
“मैले आफूलाई क्वारेन्टिनमा राखेको छु र डाक्टरको सुझाव अनुरुप स्वास्थ्य प्रोटोकोल फलो गर्दैछु । मलाई सहयोग गरिरहनु भएका सम्पूर्ण स्वास्थ पदाधिकारीहरुलाई म धन्वाद दिन चाहन्छु । तपाईहरु पनि आफ्नो हेरबिचार गर्नु होला,” उनले भनेका छन् ।
भारतमा केही साता यता दैनिक रुपमा कोरोनाका हजारौंको संख्यामा बिरामीहरु बढ्न थालेका छन् । यसअघि केही खुकुलो गरिपनि अहिले सार्वजनिक स्थानहरुमा पनि स्वास्थ्य ऐन अन्तर्गत कडाइ गरिएको छ ।
Corona Virus
सन्दिपलाई कोरोना, ज्ञानेन्द्रसहित अन्य तीन खेलाडीको रिपोर्ट तीन दिनमै नेगेटिभ
Published
3 years agoon
November 28, 2020By
wesportzनेपाली स्टार युवा लेग स्पिनर सन्दिप लामिछानेलाई कोरोना भाइरस पोजिटिभ देखिएको छ । सन्दिपले आफ्ना सामाजिक सञ्जाल पेजहरुमार्फत आफूलाई कोरोना पोजिटिभ भएको बताएका हुन् ।
सन्दिपले आफूलाई कोरोना भएको जानकारी गराइरहदा कप्तान ज्ञानेन्द्र मल्लसहित अन्य तीन राष्ट्रिय टोलीका खेलाडीहरुको रिपोर्ट भने नेगेटिभ आएको छ । क्यानले बिहिबारदेखि शुरु भएको बन्द प्रशिक्षणअघि गराएको परिक्षणमा ज्ञानेन्द्रसँगै टोलीका उप–कप्तान दिपेन्द्र सिँह ऐरि र युवा ब्याट्स्म्यान रोहित कुमार पौडेलेलाई कोरोना पोजिटिभ देखिएको थियो ।
तर तीन जना खेलाडीहरुले शुक्रबार तीन दिन भित्रै आफ्नो रिपोर्ट नेगेटिभ आएको सार्वजनिक गरेका थिए । अर्का भेटेरान स्पिनर बसन्त रेग्मीलाई पनि कोरोना पोजिटिभ देखिएको छ । उनी भने ठिक भइसकेका छैनन् ।
मलाई कोभिड–१९ पोजिटिभ भएको तपाईहरुलाई जानकारी दिनु मेरो कर्तब्य हो । बुधबारदेखि मेरो जिउ दुख्ने भइरहेको थियो । अहिले भने मेरो स्वास्थ्यमा केही सुधार आइरहेको छ । सबै कुरा राम्रो भयो भने म फेरि मैदानमा फर्कनेछु । मेरो लागि प्रार्थना गर्नुहोला, सन्दिपले फेसबुक र ट्विटरमा लेखेका छन् ।
कोरोना भाइरस महामारीपछि ठप्प भएको क्रिकेटलाई क्यानले बन्द प्रशिक्षण मार्फत सुचारु गर्न खोजिरहेको छ । शुरुवाती चरणमा २२ खेलाडी बोलाइए पनि चार जनालाई कोरोना भएपछि अन्य पाँच खेलाडीलाई क्यानले प्रशिक्षणका लागि बोलाएको थियो ।
Corona Virus
राष्ट्रिय क्रिकेट टोलीका कप्तान, उप–कप्तानसहित ४ जनालाई कोरोना पोजिटिभ
Published
3 years agoon
November 25, 2020By
wesportzनेपाली राष्ट्रिय क्रिकेट टोलीका कप्तान ज्ञानेन्द्र मल्ल, उपकप्तान दिपेन्द्र सिंह एरि, रोहित कुमार पौडेल सहित नेपाल क्रिकेट संघका स्टाफ प्रदिप लामालाई कोरोना संक्रमण भएको छ । ज्ञानेन्द्रले फेसबुकमा एक स्टेटस राख्दै आफुलाई कोरोना भएको जनाएका हुन् ।
नेपाल क्रिकेट संघले बन्द प्रशिक्षणका लागि २२ जना खेलाडीलाई बोलाएको थियो भने हिजो मात्र सबै खेलाडीको पिसिआर परिक्षण गरेको थियो । बुधबार प्राप्त रिपोर्टमा उनी कोरोना भाइरस पोजिटिभ देखिएका हुन् ।
ज्ञानेन्द्रले आफुलाई कोरोनाको कुनै पनि लक्षण देखा नपरेको र अब केही दिनका लागि सेल्फ क्वारेन्टिनमा जाने पनि पोस्टमार्फत जानकारी दिएका छन् । त्यस्तै उनले आफ्नो सम्पर्कमा आएकाहरुलाई पनि आफ्नो परिक्षण गर्न आग्रह गरेका छन् ।
क्यानले बिहिबारदेखि शुरु हुने गरि २२ जना क्रिकेटरहरुलाई बन्द प्रशिक्षणका लागि बोलाएको थियो । तीन खेलाडीहरुलाई कोरोना पोजिटिभ देखिएपछि क्यानले पाँच अन्य खेलाडीहरुलाई बन्द प्रशिक्षणका लागि बोलाएको बुधबार नै जानकारी दिएको छ ।
थप प्रशिक्षणका लागि बोलाइएका खेलाडीहरुमा बिक्रम सोब, अनिल साह, कुशल भुर्तेल, रित गौतम र लोकेश बम रहेका छन् ।