Connect with us

Corona Virus

सन्दिपलाई कोरोना, ज्ञानेन्द्रसहित अन्य तीन खेलाडीको रिपोर्ट तीन दिनमै नेगेटिभ

wesportz

Published

on

नेपाली स्टार युवा लेग स्पिनर सन्दिप लामिछानेलाई कोरोना भाइरस पोजिटिभ देखिएको छ । सन्दिपले आफ्ना सामाजिक सञ्जाल पेजहरुमार्फत आफूलाई कोरोना पोजिटिभ भएको बताएका हुन् ।

सन्दिपले आफूलाई कोरोना भएको जानकारी गराइरहदा कप्तान ज्ञानेन्द्र मल्लसहित अन्य तीन राष्ट्रिय टोलीका खेलाडीहरुको रिपोर्ट भने नेगेटिभ आएको छ । क्यानले बिहिबारदेखि शुरु भएको बन्द प्रशिक्षणअघि गराएको परिक्षणमा ज्ञानेन्द्रसँगै टोलीका उप–कप्तान दिपेन्द्र सिँह ऐरि र युवा ब्याट्स्म्यान रोहित कुमार पौडेलेलाई कोरोना पोजिटिभ देखिएको थियो ।

तर तीन जना खेलाडीहरुले शुक्रबार तीन दिन भित्रै आफ्नो रिपोर्ट नेगेटिभ आएको सार्वजनिक गरेका थिए । अर्का भेटेरान स्पिनर बसन्त रेग्मीलाई पनि कोरोना पोजिटिभ देखिएको छ । उनी भने ठिक भइसकेका छैनन् ।

मलाई कोभिड–१९ पोजिटिभ भएको तपाईहरुलाई जानकारी दिनु मेरो कर्तब्य हो । बुधबारदेखि मेरो जिउ दुख्ने भइरहेको थियो । अहिले भने मेरो स्वास्थ्यमा केही सुधार आइरहेको छ । सबै कुरा राम्रो भयो भने म फेरि मैदानमा फर्कनेछु । मेरो लागि प्रार्थना गर्नुहोला, सन्दिपले फेसबुक र ट्विटरमा लेखेका छन् ।

कोरोना भाइरस महामारीपछि ठप्प भएको क्रिकेटलाई क्यानले बन्द प्रशिक्षण मार्फत सुचारु गर्न खोजिरहेको छ । शुरुवाती चरणमा २२ खेलाडी बोलाइए पनि चार जनालाई कोरोना भएपछि अन्य पाँच खेलाडीलाई क्यानले प्रशिक्षणका लागि बोलाएको थियो ।

Corona Virus

राष्ट्रिय क्रिकेट टोलीका कप्तान, उप–कप्तानसहित ४ जनालाई कोरोना पोजिटिभ

wesportz

Published

on

नेपाली राष्ट्रिय क्रिकेट टोलीका कप्तान ज्ञानेन्द्र मल्ल, उपकप्तान दिपेन्द्र सिंह एरि, रोहित कुमार पौडेल सहित नेपाल क्रिकेट संघका स्टाफ प्रदिप लामालाई कोरोना संक्रमण भएको छ । ज्ञानेन्द्रले फेसबुकमा एक स्टेटस राख्दै आफुलाई कोरोना भएको जनाएका हुन् ।

नेपाल क्रिकेट संघले बन्द प्रशिक्षणका लागि २२ जना खेलाडीलाई बोलाएको थियो भने हिजो मात्र सबै खेलाडीको पिसिआर परिक्षण गरेको थियो । बुधबार प्राप्त रिपोर्टमा उनी कोरोना भाइरस पोजिटिभ देखिएका हुन् ।

ज्ञानेन्द्रले आफुलाई कोरोनाको कुनै पनि लक्षण देखा नपरेको र अब केही दिनका लागि सेल्फ क्वारेन्टिनमा जाने पनि पोस्टमार्फत जानकारी दिएका छन् । त्यस्तै उनले आफ्नो सम्पर्कमा आएकाहरुलाई पनि आफ्नो परिक्षण गर्न आग्रह गरेका छन् ।

क्यानले बिहिबारदेखि शुरु हुने गरि २२ जना क्रिकेटरहरुलाई बन्द प्रशिक्षणका लागि बोलाएको थियो । तीन खेलाडीहरुलाई कोरोना पोजिटिभ देखिएपछि क्यानले पाँच अन्य खेलाडीहरुलाई बन्द प्रशिक्षणका लागि बोलाएको बुधबार नै जानकारी दिएको छ ।

थप प्रशिक्षणका लागि बोलाइएका खेलाडीहरुमा बिक्रम सोब, अनिल साह, कुशल भुर्तेल, रित गौतम र लोकेश बम रहेका छन् ।

Continue Reading

Corona Virus

खेलाडीलाई कति दिनसम्म थुनेर राख्ने सरकार ?

Avatar

Published

on

विश्वमा खेलकुद गतिविधि बिस्तारै सुचारु हुदै गर्दा दक्षिण एसियामा भने खासै चलायमन भएको थिएन । जुन–जुलाई सम्म खेलकुदमा खासै चहलपहल नदेखिएको एसियामा भुटान फुटबल संघले अगष्टको पहिलो साता देखी आफ्नो पहिलो श्रेणीको लिग, भुटान प्रिमियर लिग शुरु गर्यो ।

दक्षिण एसियाली राष्ट्र मध्ये खेलकुद क्षेत्रलाई पहिले सुचारु गर्ने देश भुटान हुन्छ भनेर कसैले सोचेको पनि थिएन । फुटबल मात्र हैन बिस्तारै अरु खेलकुदको प्रशिक्षणहरु पनि खुलाईरहेको भुटानले निकै आटिलो काम गर्दै अहिले त्यसमा सफल पनि भइरहेको छ ।

यता भारतमा पनि क्रिकेटका प्रशिक्षण देखि प्रमुख श्रेणीको फुटबल प्रतियोगिता इन्डियन सुपर लिग पनि आउने नोभेम्बर देखि गोवामा शुरु गर्ने फुटबल बिकास संघले जमर्को कसेको छ । मालद्विभ्स र श्रीलंकाले पनि कोरोनाको प्रभावन कम भएको क्षेत्रमा खेलकुदका सम्पूर्ण गतिविधी सुचारु गर्न अनुमती पनि दिएको छ ।

दक्षिण एसियामा कोरोनाले मुख्य असर पारेको पाकिस्तानमा त अझै सम्पूर्ण फुटबल लिग र खेलकुद गतिविधी सुरु गर्ने निर्णय सरकारले लिइसकेको छ । बङ्गलादेशमा अगस्टको पहिलो साता देखि नै सबै खेल क्षेत्र खुलेको थियो । यता नेपालमा भने दोस्रो चरणको लकडाउन अघि ब्याटमिन्टन र ओलम्पिकका तयारीका लागि खुलेका कराते केही साता प्रशिक्षण गराइयो ।

फुटबल पनि विश्वकप छनोटका लागि खुल्ने तरखरमा रहेको बेला एएफसीले सबै प्रतियोगिता २०२१ का लागि सारे पछि सेलाउन पुग्यो । एन्फा खेलाडीहरुलाई घर फर्काउन बाध्य भयो ।

 

केहि समय पछि फेरी कोरोनाका संक्रमितहरु बढेको भन्दै सरकारले भाद्र ८ देखी दोस्रो चरणको लकडाउन गर्यो । खेलाडी र खेलकर्मीहरु केही हुने आशामा थिए तर फेरी आइलागेको निषेधाज्ञाले सम्पूर्ण खेल क्षेत्र ठप्प हुन पुग्यो ।

निषेधाज्ञा खुले पनि नेपालमा प्रतिस्पर्धातमक खेलकुद बन्द भएको पनि ७ महिना बढी भयो । अहिले त टिम खेलका लागि प्रशिक्षण समेत गर्न दिइएको छैन । अन्य दिनचर्या भने सामान्य बन्दै गएको छ । अन्य देशहरुमा लकडाउन पछि सम्पूर्ण सावधानी अपनाउदै खेलकुद गतिविधि शुरु गरे पनि नेपालको हकमा भने सरकारले खेलकुदलाई चासो नदिएको स्पष्ट देखिन्छ ।

केही संघहरुले अभ्यास  खुलाउन जती नै पहल गरे पनि खेलाडीहरुको सिँगो एक बर्ष नै सरकारको उदासीनता र लाचारीपनको शिकार भइरहेको छ । नेपाली खेलकुद यस्तो संरचनाले दबिएको छ जहा नेतृत्वमा रहेकाहरुलाई अहिलेको परिस्थितिसँग जुध्न सक्ने ढँग त छैन नै, खेलकुद बिना अर्थ नै सरकारको अकर्मण्यताको बलि चढीरहेको छ ।

अहिलेको परिस्थिति र फैलिएको रोगको प्रकृति हेर्ने हो भने सबैभन्दा सुरक्षित खेलकुद क्षेत्र देखिन्छ भने सामान्य सावधानीमा नै यस क्षेत्रबाट रोग नफैलिने तय छ । संसारभर सुचारु भएका खेलकुद गतिविधिले कसैललाई कोरोना सरेको छ भने त्यो खेलाडीलाई मात्रै हो भने सामान्य आइसोलेसनमै उनीहरु निको भएर छोटो समयमै मैदान फर्किएका छन् ।

 

नेपालका संघहरुले प्रशिक्षण सुचारु गर्न अनुमति मागिरहेका छन् र प्रतियोगिता गर्ने नै हो भने पनि बन्द रँगशालामा सावधानी अपनाउदै सफलता पुर्वक गर्न सकिन्छ । कुनै पनि संघले हजारौं दर्शकलाई रँगशाला प्रवेश गराउनका लागि अनुमति मागेका छैनन् । सरकारले मतलब नगरिदिदा अहिले खेलाडीहरुले न त आफ्नो बिकास गर्न सकेका छैनन् न त कमाउन नै ।

कति खेलाडीहरु यस्ता पनि छन् जो पुर्ण रुपमा प्रतियोगिताहरुबाट हुने आम्दानीमा निर्भर रहन्छन् । ७ महिना देखिको अन्धकारले त्यस्ता खेलाडीहरुलाई आफ्नो भविष्यका बिषयमा अब पुन समिक्षा गर्ने बाध्यता महसुस हुन थालिसकेको छ । सागमा पदक जितेर नगद पुरस्कार पाउने खेलाडीहरु मात्रै नेपाली खेलाडी हुन् भनेर सरकारले नसोच्दा हुन्छ ।

नेपाली राष्ट्रिय फुटबल टोलीका कप्तान किरण चेम्जोङले मङ्गलवार सम्पूर्ण खेल जगतको प्रतिनीधित्व गर्दै सरकारलाई एक खुल पत्र लेखे जसले सम्पुर्ण खेलाडीहरुको बिषम परिस्थितिको प्रतिनीधित्व मात्र गरेन सरकारको खेलकुदलाई लिने शैलीमाथि पनि प्रश्न गरिएको छ ।

“फुटबल राजनीति जस्तो होइन बोलेर मख्ख पार्ने । फुटबलमा हात खुट्टाले दिमाग लगाएर खेल्ने गरिन्छ, चिल्लो गाडीमा बसेर गफ लगाए जस्तो सजिलो हुदैन । दुई खुट्टा चलाएर घर परिवार हेर्नु पर्ने हुन्छ । ७ महिना देखि बेरोजगार भएका खेलाडीको क्षतिपुर्ति कसले दिन्छ,” किरणले फेसबुकमार्फत लेखेका छन् ।

“जुन खेलाडी खेलेर नै जिविका चलाउथ्यो उ त आज भोलि खेल मैदान छोडेर बिदेश पो जादैछ । लाज हुने कुरा होइन यो खेलकुदका माननीय ज्यु ?,” किरणले प्रश्न गरेका छन् ।

नेपाल सरकारले स्मार्ट भएर सोचेको भए मनसुन समाप्त भइसकेको स्थितिमा अहिले नेपाली खेलकुद चलायमान नै हुने थियो । फुटबल, क्रिकेट, भलिबल, बास्केटबल, ब्याडमिन्टन लगायतका प्रतियोगिताहरु सञ्चालनमा आउने थिए । मात्र दर्शकलाई प्रवेश गर्न नदिदै स्वास्थ्य प्रोटोकल कडा बनाउन मात्र आवश्यक थियो । तर सरकारलाई यसतर्फ कुनै रुचि छैन ।

“हामीले अहिलेसम्म प्रशिक्षण खुलाउन सरकारको अनुमति मागेका छैनौं तर सरकारले राष्ट्रिय खेलकुद परिषदलाई खेल सुचारु गर्न आदेश दिदै अनुमति दिने हो भने हामी तयार छौं,” भलिबल संघका अध्यक्ष मनोरञ्जन रमन शर्मा बताउछन् ।

अधिकांश खेलका खेलाडीहरुले १३ औं दक्षिण एसियाली खेलकुदमा आफ्नो अन्तिम खेल खेलेदेखि आज सम्म कोर्टमा पाइला राख्न पाएका छैनन् । फुटबलमा पनि बि डिभिजन लिग रोकिएको महिनौ भएको छ । सिजन क्यालेन्डर समप्तीको मिती नजिकिदै गर्द यस पटकको ए डिभिजन लिग पनि अनिश्चित देखिन्छ ।

दक्षिण एसियाली क्षेत्रका अन्य देशहरुमा फुटबलका लिग सुरु गर्न धेरै देश लागि पर्दा नेपालमा अझै पनि अखिल नेपाल फुटबल संघ खेलाडीको प्रशिक्षणका लागि मात्र भए पनि सरकारको आदेश कुरिरहेको छ । फुटबल लिगहरु यो वर्षको अन्त्यसम्म पनि के गर्ने भन्ने निर्धारित हुन नसके खेलाडीको बिचल्ली देखि क्लबले ठूलो अर्थिक संकट बेहोर्न तयार रहनु पर्ने देखिन्छ ।

“२०७६ सालको क्यालेन्डर बाँकी रहेको अवस्थामा हामीलाई फुटबल शुरु गर्न दिने हो भने बि डिभिजनको सबै खेलहरु खेलाडीलाई पर्याप्त अभ्यास गर्न मिल्ने समय दिदै मङसिरसम्ममा लिग सुरु गर्न सक्छौँ तर त्यसका लागि क्लब र खेलाडीले एन्फाले फुटबल पुनः सुचारु गर्न बनाउने प्रोटोकलको पूर्ण पलना गर्नु पर्ने हुन्छ,” एन्फा लिग कमिटीका निर्देशक सनजीव मिश्र भन्छन् ।

लिग मात्र नभइ धेरै क्लबहरु मोफसलका प्रतियोगितामा पनि खेल्ने गर्छन् तर यदी कुनै पनि लिग नै एक वर्षको नहुने हो भने लिगको पिरामिड बिग्रिने सम्भावना निकै बढी हुन्छ । एन्फाले पत्रचार गर्दै फुटबल चलायमन बनाउन सरकारसँग आग्रह गरे पनि अहिलेको अवस्थामा सबै बोझ राष्ट्रिय खेलकुद परिषद माथि आइलाग्ने देखिन्छ ।

फुटबल मात्र हैन क्रिकेटको पनि हालत उही छ । दोस्रो चरणको लकडाउन हुनु अघि खेलाडीहरु सानो समुहमा किर्तिपुरको इन्डोर नेट्समा अभ्यास गरे पनि अहिले भने सम्पूर्ण राष्ट्रिय खेलाडीहरुको अभ्यासका लागि क्यानले सरकारसँग अनुमती कुरिरहेको छ ।

घरेलु प्रतियोगिता र अन्तर्राष्ट्रिय प्रतियोगिताहरु पनि गर्ने योजना बनाइरहदा नेपाली क्रिकेट खेलाडीहरुले पिचमा अभ्यास गर्न पाएका छैनन् । यस्तै ओलम्पिक छनोटका लागि भए पनि ब्याडमिन्टन र करातेको लागि अभ्यास सुरु भएको छ । स्विमिङ, एथलेटिक्स, टेबलटेनिस र तेक्वान्दोको खेलहरु भने अझै पनि सुरु हुन सकेको छैन ।

खेलाडीलाई खेल्नबाट रोक्ने हो भने उ भित्रको खेल मर्छ, खेलाडी मर्छ । नेपालको सरकारलाई यसप्रति कुनै चासो पनि छैन ।

 

Continue Reading

Corona Virus

महामारीले ब्राजिलियन फुटबल मार्केट ध्वस्त

wesportz

Published

on

बिश्वमा ब्राजिलले अन्य देशहरुभन्दा सबैभन्दा बढी निर्यात गर्ने गरेको छ तर कोरोना भाइरसको महामारीका कारण अन्तर्राष्ट्रिय ट्रान्सफरमा भारी गिरावट आउदा युवा खेलाडीहरुको सम्झौताबाट कमाउने त्यहाका क्लबहरुमा आर्थिक संकट उत्पन्न हुन थालेको छ ।

ट्रान्सफरमार्केट वेबसाइटको तथ्यांकलाई आधार मान्दै गरिएको एक अध्ययनमा यो सिजनको युरोपियन ट्रान्सफर विन्डोमा ब्राजिलबाट बिदेशी क्लबमा स्थानान्तरण हुने खेलाडीहरुमा ६२ प्रतिशतको गिरावट आएको छ । गत बर्ष जुन १ देखि सेप्टेम्बर ८ सम्मको अवधिमा १ सय ९४ ब्राजिलियन खेलाडीहरुले ब्राजिलियन क्लब छोड्दै लोन या त ट्रान्सफरमा बिदेश खेल्न गएका थिए ।

यो बर्ष जम्मा ७४ खेलाडीमात्र ब्राजिलबाट बाहिरिएका छन् । “ट्रान्सफर मार्केट सुस्ताएको छ । सबैको आर्थिक अवस्था निकै जटिल बनेको कारण क्लबहरुले धेरै पैसा खर्च गरिरहेका छैनन्,” इएसपिएन कमेन्टेटर गुस्ताभो होफम्यान भन्छन् ।

बिदेशी भुमिमा फुटबल खेल्ने खेलाडीहरुको सुचिमा ब्राजिल २ हजार ७ सय ४२ खेलाडीसहित अग्रस्थानमा रहेको छ । स्विट्जस्ल्याण्डको इन्टरन्यासनल सेन्टर फर स्पोर्ट्स स्टडिजले मे महिनामा निकालेको तथ्यांक अनुसार २ हजार ३ सय ३० खेलाडीसहित अर्जेन्टिना दोश्रो र एक हजार सात सय ४० फुटबलरसहित फ्रान्स तेश्रो स्थानमा रहेको छ ।

पेले, नेमार, रोनाल्डो, रोनाल्डिन्हो लगायत सयौं फुटबल हस्तीहरु जन्माएको ब्राजिलका क्लबहरुको एक चौथाई आम्दानी खेलाडीको ट्रान्सफरबाटै हुने गरेको छ । टेलिभिन प्रशारण अधिकारबाट प्राप्त हुने आम्दानीबाट यो केही कम मात्रै हो ।

ब्राजिलमा ट्रान्सफरको संख्यमा गिरावट आएको मात्रै होइन । कोभिड–१९ को आर्थिक अनिश्चितताका कारण सम्झौतामा संलग्न हुदै आएको पैसामा पनि भारी गिरावट आएको छ ।

गत बर्ष तीन ठूला अन्तर्राष्ट्रिय ट्रान्सफरहरुबाट ब्राजिलियन क्लबहरुले ९१ दशमलव चार मिलियन डलर कमाएका थिए । यसमा रियल म्याड्रिड र ब्राजिलियन क्लब सान्तोसबीच युवा विङ्गर रोद्रिगोका लागि भएको ४५ मिलियन युरोको सम्झौता प्रमुख रहेको थियो ।

यो बर्षका तीन ठूला ट्रान्सफरबाट ब्राजिलियन क्लबहरुले ६२ मिलियन युरो भन्दा कम कमाएका छन् । यसमा पोचुगिज क्लब बेन्फिकाले ग्रेमियोका फर्वार्ड तथा राष्ट्रिय टोलीका उत्कृष्ट खेलाडी एभर्टनका लागि दिएको २८ मियिन युरो समावेश छ । बेन्फिकाले नै कोरिन्थियनका एट्याकिङ्ग मिडफिल्डर पेद्रिन्होका लागि १८ मिलियन युरो तिरेको छ ।

अन्य कुनै बर्ष भएको भए एभर्टनले ग्रेमियोका लागि बेन्फिकाबाट त्यो भन्दा भारी रकम ल्याउन सक्ने थिए, होफम्यानले भने ।

यसैपनि भारी ऋणमा रहेका ब्राजिलियन क्बलहरुका लागि यो गिरावट सबैभन्दा खराब समयमा आइपरेको हो । अमेरिकापछि कोभिड–१९ को सबैभन्दा बढी मृतक संख्या रहेको ब्राजिल सिँगो देशको रुपमा नै आर्थिक मन्दी तर्पm धकेलिसकेको छ ।

“महामारीका कारण नै क्लबहरु आर्थिक रुपले कमजोर बन्दै गइरहेका छन्,” ब्राजिलको सबैभन्दा ठूलो मिडिया मध्येको एक ग्लोबोका खेलकुद व्यवसाय पत्रकार रोद्रिगो कपेलो भन्छन् । महामारीका कारण झण्डै चार महिना फुटबल ठप्प गर्न कर लाग्दा क्लबहरुलाई प्रायोजन, टेलिभिज र टिकटबाट हुने आम्दानीमा नराम्ररी धक्का लाग्न पुगेको छ ।

डलर र युरोको बिरुद्ध ब्राजिलियन नोट रियल कमजोर बन्दा आर्थिक मन्दीले अन्तर्राष्ट्रिय ट्रान्सफरलाई आकर्षक बनाएको छ । आम्दानीको अन्य स्रोत कम्जोर बन्दै जादा ब्राजिलियन क्लबहरुका लागि घर ल्याउने मुल्य भने बढेको छ । “तर महामारीले निम्त्याएको आर्थिक अनिश्चितताका कारण युरोपियन क्लबहरु अहिले शतर्क भएर खर्च गरिरहेका छन्,” अन्तर्राष्ट्रिय एजेन्ट एड्गार्डो अगिलार भन्छन् ।

अगिलारको कम्पनी सकर स्पोर्ट्स ग्रुपले सम्हाल्ने गरेको ट्रान्सफरहरुको मुल्यमा ७० प्रतिशतले गिरावट आएको छ ।

महामारिको यो प्रभाव सिँगो दक्षिण अमेरिकामै देखिएको छ । ब्राजिलियन क्लबहरुले अन्य दक्षिण अमेरिकी राष्ट्रहरु उरुग्वे, पेरु र कोलम्बिायबाट पनि खेलाडीहरुको आयातमा नियन्त्रण गरेको छ । “ब्राजिलको मार्केटमा यसअघि नै रहेका खेलाडीहरुसँग मात्र उनीहरुले सम्झौता गर्दैछन्,” वल्र्ड स्पोर्ट्स म्यानेजमेन्टका कोलम्बियन एजेन्ट कार्लोस कलेरोले बताए ।

दक्षिण अमेरिकाका अन्य देशहरुबाट ब्राजिलमा हरेक सिजन कम्तिमा तीन खेलाडीहरुको सम्झौता गर्दै आएका कलेरोले यो बर्ष एक जनाको पनि सम्झौता गर्न सकेका छन् ।

Continue Reading
Headline8 hours ago

एन्फाको १९ औँ साधारण सभा सम्पन्न, मनोनयनको ब्यवस्था खारेज

Headline9 hours ago

ढँग नभएका क्रिकेट पदाधिकारीको हैकमवादी शैली

Headline11 hours ago

लुम्बिनीको जितमा सन्दिप, सौरभ, अनिल र बिक्रम नायक

Headline14 hours ago

कर्णाली प्रदेशको राष्ट्रिय क्रिकेटमा पहिलो जित

Headline16 hours ago

भारतको टेस्ट इतिहासकै उत्कृष्ट जित, लगभग दोश्रो रोजाईको टोलीसँग अष्ट्रेलिया हार्यो

Headline17 hours ago

गण्डकीको कर्णालीलाई चुनौतिपूर्ण लक्ष्य

Headline22 hours ago

मिलानको जितमा दुवै गोल ज्लाटन इब्राहिमोभिचको

Headline22 hours ago

औबामेयाङले गोलको खडेरी तोड्दा आर्सनलको अर्को जित

Headline2 days ago

बागमतीको सशक्त प्रदर्शन, सुदुरपश्चिम १ सय ८० रनले पराजित

Headline2 days ago

गण्डकीको प्रधानमन्त्री कपमा पहिलो जित

Headline1 month ago

१० फुटबलर जसले बार्सिलोना जान मानेनन्

Headline4 months ago

धेरै ऋणको भारी बोकेका पाँच युरोपेली क्लबहरु

Headline9 months ago

ब्राजिलले पाएको अहिलेसम्मकै उत्कृष्ट १० फुटबलर

Headline4 months ago

सात महादेशका सात उत्कृष्ट खेलाडीहरु

Headline5 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline8 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline3 months ago

फेरि पनि टिममा अटाएनन् स्ट्राइकर बिमल

Headline7 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline5 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending