Euro 2020
बिश्वकपको असफलतालाई पछाडी छोड्ने प्रयासमा इटालीका इम्मोबिले
Published
3 years agoon
By
wesportzइटाली युरो कप मार्फत बिश्व फुटबलको ठूलो स्टेजमा फर्कदा उसको टप स्ट्राइकर सिरो इम्मोबिले बिश्वकप छनोट हुन नसकेको असफलता पछाडी छोड्ने प्रयासमा हुनेछन् ।
बिश्वकप पछि सबैभन्दा बढी हेरिने फुटबल प्रतियोगिता युरो कप शुक्रबार शुरु हुदैछ र पहिलो खेलमा इटालीले टर्कीको सामना गरिरहेको छ ।
२०१८ को बिश्वकपमा छनोट हुनबाट चुकेको चार पटकको बिश्व बिजेता इटालीलाई रोबर्टो मान्चिनीले पुनरुत्थान गरेका हुन् । त्यसैले यस पटक इटालीलाई युरोको डार्क हर्सको रुपमा हेरिएको छ ।
तर इटालीमा एउटा समस्या छ ।
पोर्चुगलका क्रिष्चियानो रोनाल्डो र जाओ फेलिक्स, फ्रान्सका किलियन एमबाप्पे र करिम बेन्जेमा र इंग्ल्याण्डका ह्यारी केन र मार्कस रासफोर्डको जस्तो हाइ प्रोफाइल स्ट्राइकरहरुको जोडी इटालीसंग छैन ।
लाजियोसंग पछिल्लो पांच सिजनमा क्लब किर्तिमानी १ सय ५० गोल पुरा गरेपनि इम्मोबिलेले आफूमाथि लागेको चाहिएको समयमा गोल गर्न नसक्ने स्ट्राइकरको ट्याग हटाउन सकेका छैनन् ।
नोभेम्बर २०१७ मा स्विडेनबिरुद्धको बिश्वकप छनौटको महत्वपूर्ण प्लेअफमा गोल गर्न नसक्दा ३१ बर्षिय इम्मोबिलेको खुबै आलोचना भएको थियो ।
“मलाई त्यो समय खेल्न नै मन लाग्न छोडेको थियो । मलाई दुख व्यवस्थापन गर्न गाह्रो भइरहेको थियो भने मनमा अनेक नकारात्मक सोचहरुले घर बनाएर बसेको थियो,” स्विडेनसंग हार्दै बिश्वकपको दौडबाट बाहिरिदाको क्षण इम्मोबिलले सम्झिए ।
त्यसयता टिमको पुनसंरचनामा लागेका मान्चिनीले इटालीलाई २७ खेलको अपराजित यात्रामा सम्म डोर्याइसकेका छन् ।
३६ गोलपछि २०१९(२० को सिजन युरोपियन गोल्डेन सु (जुत्ता) पाएका इम्मोबिलेलेगत सिजन पनि लाजियो छैटौं स्थानमा इटालियन सिरी आ समाप्त गर्दा २० गोल गरेका थिए । जर्मन टोली बोरुसिया डर्टमण्ड र स्पेनिस क्लब सेभियाले अस्विकार गरेका इम्मोबिलेको लागि ठूलोमञ्चमा आफूलाई साबित गर्ने यो अन्तिम अवसर हुन सक्छ ।
“मेरो व्यक्तित्व निकै बलियो । म प्राविधिक रुपमा दक्ष खेलाडी होइन । तर टेक्निकको अभावलाई म शक्ति, साहस र चातुर्यताले पुरा गर्छु,” युरो कपका लागि निकै आत्मबिश्वासले भरिएका इम्मोबिलेले भने ।
२०१४ मा इटालीको लागि डेब्यु गरेयता इम्मोबिलेका लागि सफलता निकै सुस्त गतिमा मात्रै प्राप्त भएको छ । ४६ खेलमा मात्र १३ गोल गरेका उनले मान्चिनीको आगमनमा भने गति लिदै ६ गोल गरेका छन् । इटालीको अग्रपंक्तिमा टोरिनोका कप्तान आन्द्रे बेलोट्टीको पनि बिकल्प रहेको छ ।
बेलोट्टीले ३३ खेलमा १२ गोल गरेका छन् । तर २७ बर्षिय उनको अनुभव भने सिमित मात्रै छ । उनको एक मात्र उपाधि २०१४ मा पालेर्मोको लागि इटालियन सिरी बी रहेको छ ।
गत सिजन बेलोट्टीले टोरिनोका लागि १३ गोल गरेका थिए । उनको प्रदर्शनकै कारण १७ औं स्थानमा सक्काएको टोरिनोले रेलिगेसन जोगाएको थियो । यसबाहेक सासुलोका २१ बर्षिय फर्वार्ड जियाकोमो रास्पाडोरी अर्को बिकल्प हुन्। तर उनी पहिलो पटक राष्ट्रिय टोलीमा आएका छन् ।
किंग बुराक
टर्कीबिरुद्ध पछिल्लो १० खेलमै अपराजित रहे पनि स्टार फर्वार्ड बुराक यिल्माजबिरुद्ध इटाली डिफेन्डरहरुले धेरै नै काम गर्नु पर्ने देखिन्छ । इटालीले टर्कीबिरुद्ध सात जित हात पारकेो छ भने तीन खेल बराबरीमा टुंगिएको छ ।
तर यिल्माज फ्रेञ्च टोली लिललाई नेमार र एमबाप्पेकोपेरिस सेन्ट जर्माइनको उपस्थितिमा लिग वान जिताएर युरो कप खेल्न आएका छन् । उच्च लयमा रहेका उनले २८ खेलमा १६ गोल गरेका छन्।
२०२१ मा टर्कीका लागि चार खेलमा पांच गोल गरेका ३५ बर्षिय यिल्माज इटालीको लागि सबैभन्दा ठूलो खतरा हुन् । हाम्रो मुख्य लक्ष्य इटालीलाई रोक्नु हो, समुहमा वेल्स र स्विटजरल्याण्डको पनि सामना गर्न गइरहेका यिल्माजले भने ।
“हामी ठूलो टिमहरुबिरुद्ध राम्रो खेलिरहेका छौं । हामीले यो खेल जित्नु पर्छ । मैदानमा हामीलाई कसैको डर छैन । हामी सबैभन्दा राम्रो तरिकाले प्रतियोगिता शुरु गर्न चाहन्छौं र टर्कीलाई उसको हक अनुसारको स्थान दिन चाहन्छौं,” यिल्माजले थपे ।
कोरोना भाइरसका कारण एक बर्ष पछाडी धकेलिएको २४ टिम सम्मिलित युरो कप ११ शहरमा हुदैछ भने शुक्रबारको खेलको लागि स्टाडियो आलिम्पिकोमा १६ हजार दर्शक (२५ प्रतिशत) लाई प्रवेको अनुमति दिइएको छ ।
२०१६ को युरो कपमा जर्मनीसंग पेनाल्टीमा पराजित भएपछि क्वार्टरफाइनलबाट बाहिरिए यता इटाली पहिलो पटक ठूलो खेल खेल्दैछ ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Euro 2020
युभेन्टस छोड्ने मुडमा छैनन सुपरस्टार रोनाल्डो
Published
3 years agoon
July 15, 2021By
wesportzयुरो कपमा पांच गोलसहित सर्वाधिक गोकर्ताको गोल्डेन बुट जितेका पोर्चुगिज सुपरस्टार क्रिष्चियानो रोनाल्डोले इटालियन सिरी आ टोली युभेन्टस नछोड्ने संकेत गरेका छन् ।
क्लबका निर्देशक तथा पुर्व चेक रिपब्लिक लेजेण्ड पाभेल नेदभेदले रोनाल्डोले क्लबमै रहने अथवा छोड्ने बिषयमा कुनै जानकारी नगराएको र यसै महिनाको अन्तिम साता टुरिनमा प्रशिक्षणमा सहभागी हुने जानकारी दिएका हुन् ।
“क्रिष्चियानो अहिले छुट्टी मनाइरहेका छन् । उनी छोड्ने बिषयमा उनको टोलीले केही भनेको छैन र पुर्व निर्धारित तालिका अनुसार नै उनी अब जुलाई २५ मा प्रशिक्षणमा सहभागी हुनेछन्,” युभेन्टसको २०२१-२२ सिजनको क्यालेण्डर सार्वजनिक गर्ने क्रममा नेदभेदले भने ।
३६ बर्षको उमेरमा पनि युरो कपमा स्थापित युवा अनुहारहरुलाई पछि पार्दै गोल्डेन बुट जितेका रोनाल्डोको युभेन्टससंगको सम्झौतमा अझै एक बर्ष बाकी रहेको छ ।
सिरी उपाधिमा ९ बर्षपछि पहिलो पटक आफ्नो नियन्त्रण गुमाउनुका साथै गत बर्षको च्याम्पियन्स लिगमा अन्तिम १६ बाट बाहिरिएको युभेन्टस यो सिजनको युरोपियन प्रतियोगिताका लागि पनि मुस्किलले स्थान बनाएपछि रोनाल्डोभविष्य अनिश्चित रहन पुगेको थियो ।
प्रशिक्षक मासिमिलियानो एलेग्रिको पुनरागमनमा युभेन्सटले सिजनको आफ्नो पहिलो खेल युडिनेजी बिरुद्ध खेल्नेछ ।
“एलेग्रिलाई लिएर हाम्रो पांच बर्षको निश्चित कार्य तालिका थियो । त्यसपछि उनी दुई बर्ष छुट्टीमा गएका थिए । अब नयां उर्जा सहित उनी टोलीमा फर्कदैछन्,” नेदभेदले भने ।
Euro 2020
युरो कप फाइनलका पोर्चुगिज हिरो कसरी बने बेरोजगार ?
Published
3 years agoon
July 14, 2021By
wesportz२०१६ को गर्मिमा एडर पोर्चुगलका राष्ट्रिय हिरो थिए । सब्स्टिच्युटको रुपमा बेञ्चबाट आउदै उनले अतिरिक्त समयमा गोल गर्दै पोर्चुगललाई युरो कपको उपाधि जिताएका थिए ।
स्टाड डि फ्रान्समा घरेलु टोलीबिरुद्ध भएको फाइनलमा हाल ३३ बर्षपुगिसकेका एडर रेनातो सान्चेजको स्थानमा ९० औं मिनेटमा मैदान प्रवेश गरेका थिए ।
सुपरस्टार क्रिष्चियानो रोनाल्डो चोटका कारण मैदानबाट खेलको शुरुवातमै बाहिरिएको स्थितिको पूर्ण फाइदा उठाउदै ११ मिनेट बाकी रहदा एडरले गोल गरेपछि उनी पोर्चुगलमा एका एक हिरो बने । सबैले रोनाल्डो, रोनाल्डो भनिरहदा पोर्चुगलले अनपेक्षित हिरो पाउदा झनै धेरै उत्साहित भएका थिए ।
तर पांच बर्षयता आइपुग्दा आइतबार वेम्ब्लीमा इटाली र इंगल्याण्ड युरो कपको उपाधिका लागि भिड्नु अघि ट्रफि लिएर आएका एडर सबैले बिर्सिएका हिरो भइसकेका छन् ।
कति पयको लागि एडरको मुहारमा देखिएको निराशा स्पष्ट रुपमा नै ध्यानमा आएको थियो । तर एडर आफ्नै लागि भने ६५ हजार दर्शक रहेको वेम्ब्लीमा ट्रफि लिएर हिड्दा आफ्नो असफलताको बयान गर्दै थियो ।
२०१६ को उक्त ऐतिहासिक रात पछि के भयो त एडरको जीवनमा ?
पोर्चुगिज महारथी ब्रागाबाट एडर युरो कपको ठ्याक्कै एक बर्ष अगाडी ५ मिलियन पाउण्डमा इंग्लिस प्रिमियर लिग टोली स्वान्सेसंग अनुबन्धित भएका थिए । तर पहिलो १५ खेलमा गोल गर्न चुकेपछि बाकी सिजनका लागि उनलाई लोनमा फ्रेञ् च लिग वान टोली लिल पठाइयो ।
लिलका लागि १३ खेलमा ६ गोल गरेपछि उनी रोनाल्डो, नानी र साञ्चेजसंगै पोर्चुगलको युरो कप टोली अटाए । ३-३ गोल गरेपछि रोनाल्डो र नानी पोर्चुगलको युरो अभियानको दुई मुख्य खेलाडी रहे। नकआउटमा पोल्याण्ड र वेल्सलाई हराएपछि पोर्चुगलले फ्रान्ससंगको भिडन्त पक्क गर्यो ।
पहिलो उपाधि पछ्याइरहेको एडर उक्त युरोलाई आफ्नो ब्रेकथ्रु प्रतियोगिता बनाएका सान्चेजको स्थानमा ८० औं मिनेटमा प्रवेश गरे । अतिरिक्त समयमा मात्र ११ मिनेट रहेको स्थितिमा एडरले अविश्वसनीय रुपमा प्रतियोगिताको पहिलो र एक मात्र गोल गरे ।
फ्रान्स गोल फर्काउन असफल रहेपनि पोर्चुगल पहिलो पटक उपाधि जित्न सपल रह्यो ।
एडरको नायकत्वको अपेक्षा गर्दै फ्रान्समा उनको लोन मुभलाई नयां सिजनका लागि स्थायी बनाइयो । तर ३१ लिग वान खेलमा मात्र ६ गोल गरेपछि लिलले पनि उनलाई रसियन प्रिमियर लिग क्लब लोकोमोटिभ मस्कोमा लोनमा पठायो ।
एक बर्षपछि लोकोमोटिभ मस्कोले उनको लोन मुभलाई स्थायी बनायो ।
२०१६ को युरोको हिरो रहनुका साथै पछिल्लो एक बर्ष रुसमै बिताएपनि एडर रुसमै हुन गइरहेको बिश्वपका लागि पोर्चुगिज टोलीमा अटाएनन् ।
गत सिजनसम्म लोकोमोटिभमै बिताएका एडरले आफू खेलेका ९ खेलमा गोल गर्न असफल रहे । उनले चार सिजन बिताउदा रुसी टोलीका लागि ७२ खेलमा जम्मा ९ गोलमात्र गरे ।
लोकोमोटिभले उनलाई रिलिज गरेपछि उनी अहिले भने बेरोजगार भएका छन् । आफू युरोपको प्रमुख खेलाडीको रुपमा धेरै दिन सक्ने साबित गर्न उनी मौका कुरिरहेका छन् ।
एडर वेम्ब्लीमा झल्कदा उनी उपलब्ध रहेको बिषयमा धेरै व्यवस्थापकहरु जानकार पनि भएका होलान् ।
यद्दपि एडर बेरोजगारीको पहिलो दिनहरुमा मात्रै छन् । पुर्व इंगल्याण्ड स्टार ड्यानियल स्टरिज अहिले यसैसिजन ला लिगामा बढुवा भएको स्पेनिस टोली रियल मायोर्कासंग प्रशिक्षण गर्दैछन् ।
मार्च२०२० मा टर्किस टोली ट्राब्जन्सपोरले पनि साथ छोडेपछि उनी डेढ बर्ष भन्दा क्लबबिहिन बन्न पुगे । एडर आफू त्यति लामो समय बेरोजगार रहनु नपर्ने आशा गरिरहेका छन् ।
उनलाई लिएर अर्को प्रिमियर लिग क्लब ब्राइटन केही सकारात्मक रहेको हल्ला मार्चमा चलेको थियो ।
पेनाल्टी सुटआउटमा तीन खेलाडी चुक्दा इग्ल्याण्डको युरोकप उपाधि जित्ने सपना अधुरै रह्यो । इटालीसँग ३–२ गोल अन्तरले पराजित भएसँगै पहिलो पटक युरो कपको उपाधि जित्ने इग्ल्याण्डको सपनामा तुसारापात भयो ।
६० हजार दर्शक सहभागी घरेलु मैदानमा इंग्ल्याण्डले सुरूवाती अग्रता लिएको थियो । तर अग्रता जोगाउन नसक्दा निर्धारित र अतिरिक्त समय १–१ गोलको बराबरीमा रोकिएपछि खेल पेनाल्टी सुटआउट तर्फ धकेलिएको थियो ।
पेनाल्टी प्रहार गरेका पाँच खेलाडी मध्ये ह्यारी केन र ह्यारी मग्वाएरको प्रहारले मात्रै जाली चुमेको थियो । पेनाल्टी सुट कै लागि अतिरिक्त समयमा मैदान प्रवेश गरेका मार्कस राषफोर्डको प्रहार बारमा लागेर बाहिरियो । जाेडान सान्चो र साका बाकुयोको प्रहार इटालीका गोल रक्षकले रोके । इटालीका आन्द्रे बेलोट्टी र जोर्गिन्हो प्रहार इग्ल्याण्डका गोल रक्षकले रोकेका थिए । र इटालीले ५३ औँ वर्ष पछी युरो जित्यो ।
तर, युरो २०२० को उपाधी बाहेक व्यक्तिगत अवार्डमा कस्ले के-के जिते ?
टूर्नामेन्टका सर्वश्रेष्ठ खेलाडी-गियालुइगी डोन्नारुम्मा
इटालीका गोलरक्षक डोन्नारुम्माले प्रतियोगितामा चार गोल मात्रै खाए । उनले युरोमा शानदार प्रदर्शन गरे । फाइनलमा पेनाल्टी पनि बचाए । २२ वर्षिय डोन्नारुम्मा टूर्नामेन्टका सर्वश्रेष्ठ खेलाडी घोषित भए ।
गोल्डन बुट – क्रिस्टियानो रोनाल्डो
यूरोपीयन च्याम्पियनशिपको इतिहासमा सर्वाधिक गोलकर्ता क्रिष्चियानो रोनाल्डोले युरो २०२० मा अर्को उपलब्धी हात पारे । गोल्डेन बुट जितेका रोनाल्डोले पाँच गोल गरेका थिए । दोस्रो स्थानमा रहेका चेक रिपब्लिकका प्याट्रिक सिचको पाँच गोल रहे पनि उनले धेरै समय खेलेका कारण गोल्डेन बुट जित्न बाट चुक्न पुगे ।
टूर्नामेन्टका युवा प्लेयर – पेद्री
१८ वर्षिय पेद्रीको प्रदर्शन निकै तारिफ योग्य थियो । पेद्रीले स्पेनको टोलीबाट राम्रा मात्रै खेलेनन् सबै फुटबल समर्थकहरुको ध्यान तान्न पनि सफल भए र उनी युरोका युवा खेलाडी घोषित भए ।
फाइनलको स्टार – लियोनार्डो बोनुची
अनुभवी डिफेन्डर लियोनार्डो बोनुचिलाई युरो २०२० फाइनलमा डिफेन्डमा उत्कृष्ट प्रदर्शनका लागि प्लेयर अफ द मैच घोषित गरियो साथै उनले दोस्रो हाफमा गरेको गोलका कारण इटालीले पेनाल्टी सम्म खेल पुर्याएको थियो ।