अन्तर्राष्ट्रिय
धवनको कप्तानीमा भारतीय टोली सार्वजनिक, पाँच नयाँ अनुहार
Published
3 years agoon
By
wesportzभारतीय क्रिकेट बोर्ड (बिसीसीआई) ले भारतले अर्को महिना गर्ने श्रीलंका भ्रमणको लागि २० सदस्यीय टोलीको नाम सार्वजनिक गरेको छ ।
हाल भारतको पहिलो टोली वर्ल्ड टेस्ट च्याम्पियनसिपको लागि इंग्ल्यान्डमा रहेको छ । टेस्ट च्याम्पियनसिप पछि भारतले अगस्टमा इंग्ल्यान्ड विरुद्ध पाँच टेस्टको शृंखला खेल्दै छ । कोरोनाका कारण विश्वभर क्वारेन्टिनका कडा नियम लागू भएका कारण भारतले श्रीलंका भ्रमणका लागि छुट्टै टोली बनाएको हो । त्यसैले कप्तान बिराट कोहलीको अनुपस्थितिमा ओपनर ब्याट्सम्यान शिखर धवनलाई कप्तान नियुक्त गरिएको छ ।
त्यस्तै मुख्य प्रशिक्षक रवी शास्त्रीको अनुपस्थितिका कारण बिसीसीआईले श्रीलंका भ्रमणका लागि भारतीय क्रिकेट टोलीका पुर्व कप्तान द्रविडलाई प्रशिक्षक नियुक्त गरेको छ । हाल नेशनल क्रिकेट एकेडेमी (एनसीए) को प्रमुख रहेका द्रविडले यस अघि भारत ए र यु१९ टोली सम्हालेका भए पनि पहिलो पटक राष्ट्रिय टोली हेर्न लागेका हुन् ।
द्रविडको प्रशिक्षणमा भारतले सन् २०१८ मा न्युजिल्याण्डमा आयोजना भएको यु१९ विश्वकपको उपाधि जितेको थियो । त्यस्तै अहिले भारतीय टोलीमा रहेका धेरै खेलाडीहरूलाई पनि द्रविडले प्रशिक्षण दिइसकेका छन् । अहिले श्रीलंका भ्रमणमा जाने प्रायजसो खेलाडीहरूसँग पनि द्रविडले काम गरेको अनुभव छ ।
द्रविडलाई केही वर्ष पहिले पनि बिसीसीआईले भारतीय टोलीको प्रशिक्षक बन्नका लागि गरेको प्रस्ताव उनले अस्वीकार गरेका थिए । द्रविडले आफू भारतीय टोलीको प्रशिक्षक बन्नु भन्दा युवा खेलाडी उत्पादनमा लाग्ने भन्दै बिसीसीआईको प्रस्ताब नकारेका थिए ।
सार्वजनिक गरिएको टोलीमा पाँच नयाँ अनुहार, देवदत्त पड्डिकल, रुतुराज गैकवाड, नितिश राना, कृष्णप्पा गौथम र चेतन सकारियाले पहिलो पटक राष्ट्रिय टोलीमा स्थान बनाएका हुन् ।
भारतले श्रीलंका भ्रमणका क्रममा समान ३-३ एकदिवसीय र ट्वान्टी ट्वान्टी खेल्ने छ । एकदिवसीय खेल जुलाई १३, १६ र १८ मा तथा ट्वान्टी ट्वान्टी जुलाई २१, २३ र २५ मा आयोजना हुनेछ ।
भारतीय टोली – शिखर धवन (कप्तान), भुवनेश्वर कुमार (उपकप्तान), पृथ्वी श, देवदत्त पड्डिकल, रुतुराज गैकवाड, सुर्यकुमार यादव, मनिष पाण्डे, हार्दिक पान्ड्या, नितिश राना, इशान किशान, सन्जु सामसन, युज्बेन्द्र चाहल, राहुल चाहर, कृष्णप्पा गौथम, कुर्नाल पान्ड्या, कुलदिप यादव, वरुण चक्रवर्ति, दिपक चाहर, नवदिप सैनी र चेतन सकारिया
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
1 year agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
अन्तर्राष्ट्रिय
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
Published
1 year agoon
October 23, 2022By
wesportzअष्ट्रेलियामा जारी ट्वान्टी ट्वान्टी विश्वकप अन्तर्गत चिरप्रतिद्वन्द्वी भारत र पाकिस्तान भिड्दै छन् । मेलबर्नमा हुने खेल नेपाली समय अनुसार दिउँसो १:४५ बजे सुरु हुनेछ ।
राजनैतिक दबाबका कारण भारत र पाकिस्तान बीच कुनै पनि शृंखला आयोजना हुँदैन । यी दुई टोली एक आपसमा भिड्ने भनेको आईसीसी अथवा एसीसीले आयोजना गर्ने प्रतियोगितामा मात्र हो । त्यसैले गर्दा पनि भारत र पाकिस्तान बीचको खेलमा समग्र क्रिकेट समर्थकहरूको आँखा जाने गरेको छ ।
भारत र पाकिस्तान बीचको पछिल्लो भिडन्त एसिया कपमा भएको थियो । दुई खेल मध्य भारतले एक खेलमा जित निकाल्दा पाकिस्तानले अर्को खेलमा जित निकाल्न सफल भएको थियो । एसिया कपको समुह चरणको खेलमा पाकिस्तान माथि पाँच विकेटको जित निकालेको भारत सुपर ४ मा पाँच विकेटले पराजित हुँदा फाइनल खेल्नबाट बञ्चित भएको थियो ।
यस अघि गत वर्ष अक्टोबरमा युएईमा सम्पन्न भएको ट्वान्टी ट्वान्टी विश्वकपमा भारत पाकिस्तानसँग १० विकेटको फराकिलो हारको सामना गर्न बाध्य भएको थियो । पाकिस्तानसँग पराजित हुँदा भारतको सेमिफाइनल खेल्ने सपना सपनामा नै सीमित हुन पुग्यो ।
भारत र पाकिस्तानको खेल हुने मैदान मेलबर्न क्रिकेट ग्राउण्डमा एक लाख भन्दा बढी समर्थक अट्छ । तर आजको खेलमा मैदानमा गएर खेल हेर्ने समर्थकहरूको आशा निराशामा परिणत हुने प्रबल सम्भावना रहेको छ । मौसम विभागका अनुसार मेलबर्नमा वर्षा बाधक बन्ने सम्भावना धेरै रहेका कारण भारत र पाकिस्तानको खेल प्रभावित हुन सक्ने छ ।
आजको खेलमा जित निकाल्दै दुबै टोली उत्कृष्ट सुरुवात गर्ने सुरमा रहेका छन् । तर वर्षाका कारण दुबै टोली १-१ अंकमा नै सीमित रहने बढी सम्भावना छ ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।