ए डिभिजन लिग
हिमालयन शेर्पालाई नेपाल आइसले प्रायोजन गर्ने
Published
2 years agoon
By
wesportzनेपाल आइस क्लब हिमालयन शेर्पाको मुख्य प्रायोजक हुने भएको छ । आगामी शुक्रबारबाट सुरु हुन लागेको शहीद स्मारक ए डिभिजन लिगका लागि नेपाल आइसले हिमालयन शेर्पासँग मुख्य प्रायोजकका रुपमा आज काठमाडौँमा आयोजित एक कार्यक्रमका बीच सम्झौता गरेको हो ।
हिमालयन शेर्पाका अध्यक्ष कर्माछिरिङ शेर्पा र नेपाल आइसका बिजिनेस हेड प्रदिप पुडासैनीले सम्झौता पत्रमा हस्ताक्षर गरे ।
सम्झौता अनुसार हिमालयन शेर्पालाई नेपाल आइसले एक वर्षको लागि प्रायोजन गर्नेछ भने हिमालयन शेर्पाले ए डिभिजन लिगमा नेपाल आइस अंकित लोगो भएको जर्सी लगाउने छ । प्रायोजन रकम भने खुलाइएको छैन ।
सम्झौता कार्यक्रममा बिजिनेस हेड पुडासैनीले सामाजिक उत्तरदायित्व र फुटबल विकासका लागि नेपाल आइस हिमालयन शेर्पा क्लबसँग जोडिएको बताए ।
यसै बीच हिमालयन शेर्पा क्लबले स्पोर्ट्स किट्स पार्टनरको रुपमा खेलकुद पोसाक कम्पनी केटीएम सिटीसँग साझेदारी गरेको छ । हिमालयन शेर्पाका कार्यवाहक अध्यक्ष गोम्बु दोर्जे शेर्पा र केटिएम सिटीका प्रमुख कार्यकारी अधिकृत निमा शेर्पाले सम्झौता पत्र आदान प्रदान गरे । सम्झौता अनुसार केटीएम सिटीले हिमालयन शेर्पालाई २५ लाख बराबरको खेलकुद सामग्री उपलब्ध गराउनेछ र ए डिभिजन लिगमा शेर्पाले केटीएम सिटीको जर्सी प्रयोग गर्नेछ ।
हिमालयन शेर्पाले आफ्नो पहिलो खेलमा शनिबार संकटा क्लबको सामना गर्नेछ ।
You may like
Headline
च्याम्पियन मच्छिन्द्रको ए डिभिजन लिगमा शान्दार अन्त्य
Published
2 years agoon
February 26, 2022By
wesportzशहीद स्मारक ए डिभिजन लिगको अन्तिम र अन्त्यन्तै रोमाञ्चक खेलमा नेपाल एपिएफ क्लबलाई २–१ ले पराजित गर्दै च्याम्पियन मच्छिन्द्र फुटबल क्लबले शान्दार अन्त्य गरेको छ ।
दुई खेल अगाडी नै लिग जितेको एपिएफको जितमा १९ बर्षिय अभिषेक गुरुङ र रेजिन सुब्बाले १–१ गोल गरे । प्रदिप लामाले एपिएफलाई खेलमा फर्काउदै बराबरी गोल गरेका थिए । ३५ अंक लिएको मच्छिन्द्रले १२ अंकको अग्रताका साथ लिग उपाधि जित्यो ।
लगातार दोश्रो पटक घरेलु फुटबलको सबैभन्दा ठूलो प्रतियोगिता जितेको मच्छिन्द्रले ट्रफि सहित ७५ लाख प्राप्त गर्यो । शनिबार नै मनाङ मस्र्याङ्गदी क्लबलाई बराबरीमा रोक्दै दोश्रो भएको त्रिभुवन आर्मी क्लबले ५० लाख पायो भने तेश्रो बनेको न्युरोड टिमले २५ लाख हात पार्यो ।
प्रतियोगिता अवधिभर जम्मा दुई गोल मात्र खाएको मच्छिन्द्रले लिगमा अपराजित रह्यो । ८ बराबरी खेलेको आर्मी अर्को अपराजित टोली रह्यो ।
मच्छिन्द्रले खेलको ४१ औं मिनेटमा अग्रता लिएको थियो । आन्द्रेस नियाले निकालेको थ्रेडिँग पासमा अभिषेक गुरुङ गोलकिपर युया कुरियामा सहित तीन एपिएफ खेलाडीकाको दवाबका बीच कुल फिनिस गर्न सफल भएका थिए ।
एपिएफले ६९ औं मिनेटमा गोल फर्कायो । नविन लामाले निकालेको बलमा प्रदिप लामाले बिशाल श्रेष्ठलाई बिट गर्दै एपिएफको लागि बराबरी गोल गरेका थिए । बिशालले पहिलो खेलपछि अन्तिम खेलमा आएर दोश्रो गोल खाएका हुन् ।
रेजिन सुब्बाले मच्छिन्द्रका लागि बिजयी गोल गरे । नियाँ एक पटक फेरि गोलमा संलग्न रहे । नियाँको थ्रु बलमा रेजिनले अर्को राम्रो फिनिसिँग गर्दै मच्छिन्द्रको उपाधि यात्रालाई शुखद अन्त्य दिएका थिए ।
Headline
ए डिभिजन लिगः आर्मी दोश्रो, मनाङ पाचौं स्थानमा सिमित, एनआरटी तेश्रो
Published
2 years agoon
February 26, 2022By
wesportzअन्तिम पाँच खेलमा निराशाजनक प्रदर्शन गरेको किर्तिमानी ८ पटकको बिजेता मनाङ मस्र्याङ्गदी क्लबलाई बराबरीमा रोक्दै त्रिुभवन आर्मी क्लब शहीद स्मारक ए डिभिजन लिग उपबिजता बनेको छ ।
आर्मी लगातार दुई सिजन उपबिजेता बनेको हो । गत सिजन उपाधिका लागि भएको लिगको अन्तिम खेलमा आर्मी मच्छिन्द्र फुटबल क्लबसँग हारेको थियो । मच्छिन्द्रले लिग उपाधि जितिसक्दा दोश्रो स्थानका लागि प्रतिस्पर्धा तिब्र रहेको थियो । आर्मी त्यसमा बाजी मार्न सफल भयो । खेलको पहिलो हाफको अन्त्यतिर मनाङले अञ्जन बिष्टको गोलमार्फत अग्रता लिएको थियो ।
आर्मीका गोलकिपर बिकेश कुथुले हेडरलाई पूर्ण रुपमा क्लियर गर्न नसकेपछि पाएको रिबाउण्डमा अन्जनले गोललाइन नजिकबाटै गोल गरेका थिए । ७६ औं मिनेटमा सन्तोष तामाङले प्रहार गरेको फ्रि–किकमा मनाङका गोलकिपर अशोक बराल र फ्रेंकलिन क्वेटे टालाबीच समन्वय हुन नसकेपछि आत्मघाती गोल हुन पुगेको थियो ।
आत्मघाती गोल क्वेटेटालाको नाममा रह्यो । लिगको अन्तिम पाँच खेलमा मात्र दुई अंक बटुलेको मनाङ पाचौं स्थानमा रहन पुग्यो । दोश्रो स्थानमा समाप्त गरेपछि आर्मीले ५० लाख नगद पुरस्कार पाउने भएको छ ।
२३ अंक रहेको न्युरोड टिम (एनआरटी) भने तेश्रो स्थानमा रह्यो । शनिबार नै एन्फा कम्प्लेक्समा भएको खेलमा मेसुके ओलेमाउले ह्याट्रिक पुरा गरेपछि एनआरटीले नेपाल पुलिस क्लबमाथि ३–१ को पुनरागमन जित हात पार्यो । पहिलो पटक ए डिभिजन लिग खेलेको सातदोबाटो युथ क्लब भने चौथो स्थानमा रह्यो ।
समान २१ अंक रहेपनि सातदोबाटोले मनाङलाई हेड टु हेड रिजल्टका आधारमा पछि पारेको हो । डेब्यु सिजनमै उत्कृष्ट प्रदर्शन गरेको सातदोबाटोले मनाङलाई पनि स्तब्ध बनाएको थियो ।
Headline
रेलिगेसनमा परेको ब्रिगेडसँग रोक्किएपछि लिगमा छैटौं स्थानमै सिमित भयो थ्रि स्टार
Published
2 years agoon
February 25, 2022By
wesportzरेलिगेट भइसकेको टोली ब्रिगेड बोइज क्लबसँग बराबरीमा रोक्किएपछि थ्रि स्टार क्लबको ए डिभिजन यात्रा निराशाजनक रुपमा टुँगिएको छ ।
एन्फा कम्प्लेक्समा भएको लिगको अन्तिम चरणको खेलमा थ्रि स्टार ब्रिगेडसँग १–१ गोलको बराबरीमा रोक्कियो । खेलको अन्तिम समयमा डोना थापाले गोल गर्दै थ्रि स्टारको हार टारेका थिए । यो परिणामसँगै थ्रि स्टार लिगमा छैटौं स्थानमै सिमित रहन पुग्यो ।
दोश्रो स्थानसम्मको दाबेदारीमा रहेको थ्रि स्टारको लिग टेबलमा यो पछिल्लो केही बर्ष यताकै खराब पोजिसन हो । खेलमा जित हात पारेको खण्डमा उसले तेश्रो स्थानमा सहेको सातदोबाटो युथ क्लबसँग अंक बराबर गर्ने थियो तर हेड टु हेडको आधारमा थ्रि स्टार पछि पर्ने थियो ।
यद्दपि न्युरोड टिम एनआरटी र मनाङ मस्र्याङ्गदी क्लबले भने आ–आफ्नो अन्तिम चरणको खेल खेल्न बाँकी नै रहेको छ । दुवैको समान २० अंक रहेको छ । थ्रि स्टारको १९ अंक रह्यो ।
उपाधि जितिसकेको मच्छिन्द्र फुटबल क्लबको ३२ अंक रहेको छ भने दोश्रो स्थानको त्रिभुवन आर्मी क्लबको २२ अंक छ ।
शुक्रबार नै दशरथ रँगशालामा भएको खेलमा जावलाखेल युथ क्लबले संकटा क्लबलाई पनि १–१ गोलको बराबरीमा रोक्न सफल भयो । सातौं स्थानमा समाप्त गरेको संकटाको १६ अंक भयो भने जावलाखेल १४ अंकका साथ १० औं स्थानमा लिग समाप्त गर्यो ।
एन्फा कम्प्लेक्समा पहिलो हाफ बराबरीमा टुँगिएपछि ब्रिगेडले ५६ औं मिनेट अग्रता लिएको थियो । गोलकिपरबाट आएको लँग किकमा अफसाइड ट्रयाप बिट गर्दै प्रशान्त तामाङले थ्रि स्टार किपर प्रिस्सोलाई बिट गर्दै गोल गरेका थिए । डोनाले अन्तिम समयमा हुलमुलकाबीच गोल गर्दै थ्रि स्टारको इज्जत जोगाएका थिए ।