Women T20 World Cup Qualfiers
मिसन वर्ल्डकप : रुबिनाको अर्धशतक तथा सरस्वतीको घातक बलिङमा नेपाललाई ऐतिहासिक शृंखला
Published
2 years agoon
By
wesportzकप्तान रुबिना क्षेत्रीको अर्धशतक तथा सरस्वतीको घातक बलिङमा नेपाली राष्ट्रिय महिला क्रिकेट टोलीले ऐतिहासिक ट्वान्टी ट्वान्टी शृंखला हात पारेको छ । पहिलो पटक ट्वान्टी ट्वान्टी शृंखला खेलेको नेपालले कतार विरुद्धको शृंखला अन्तर्गत दोश्रो खेलमा ६१ रनको फराकिलो जित निकाल्दै शृंखला माथि कब्जा जमाएको हो ।
पहिलो खेलमा ११९ रनको किर्तिमानी जित निकालेको नेपालले आजको खेलमा जित हात पारे पछि नेपालले तीन खेलको शृंखलामा २-० को अग्रता लिएको छ र एक खेल अगावै शृंखला आफ्नो पोल्टामा पार्न सफल भएको छ ।
कप्तान रुबिना क्षेत्रीले ट्वान्टी ट्वान्टी अन्तर्राष्ट्रियमा आफ्नो व्यक्तिगत तथा नेपालको लागि दोश्रो अर्धशतक प्रहार गरे पछि १३० रनको विशाल योगफल बनायो भने सरस्वती कुमारीले चार विकेट हात पार्दा कतारले पुरै १९ दशमलब तीन ओभर खेल्दै आफ्ना सबै विकेट गुमाएर ६८ रन मात्र जोड्न सक्यो ।
कतारलाई सस्तोमा रोक्ने क्रममा सरस्वतीले चार ओभर बलिङ गर्दै एक मेडन ओभर सहित मात्र आठ रन खर्चिएर सर्वाधिक चार विकेट हात पारिन् । त्यस बाहेक कप्तान रुबिनाले दुई तथा सबनम राई, संगीता राई र कविता जोशीले पनि समान १-१ विकेट आफ्नो नाममा दर्ता गराए ।
सरस्वतीले ओपनर साची धड्वाललाई चार तथा अर्की ओपनर हिरल अगरवाल र सबीजा पनायनलाई शुन्य-शुन्य रनमा आउट गर्दै नेपाललाई राम्रो सुरुवाती दिइन् । खादीजा इम्तियाज पनि चार रन जोड्दै पेभेलियन फर्किन् ।
कप्तान आयशा र केरी पोउन्सेटले क्रमश २४ र १५ रन जोड्दै कतारको पारी सम्हाल्ने प्रयास गरे पनि उनीहरु क्रमश कविता जोशी र सबनम राईको शिकार बन्न पुग्दा फराकिलो हारको सामना गर्न पुग्यो ।
चौथो नम्बरमा ब्याटिङ गर्दै कप्तान रुबिनाले ४८ बलमा ५० रनको पारी खेल्दा टस जितेर पहिले ब्याटिङ गर्ने निर्णय लिएको नेपालले पुरै २० ओभर खेल्दै छ विकेटको नोक्सानीमा १२९ रन बनायो ।
नेपालको तर्फबाट सर्वाधिक रन बनाएकी रुबिनाले आफ्नो पहिलो अर्धशतक प्रहार गर्ने क्रममा चार चौका र एक छक्का प्रहार गरिन् । नेपालको पारी सकिन दुई बल अगाडि क्याच आउट भएकी रुबिना नेपालको तर्फबाट ट्वान्टी ट्वान्टी अन्तर्राष्ट्रिय खेलमा अर्धशतक प्रहार गर्ने दोश्रो ब्याटर हुन् । हिजो सम्पन्न पहिलो ट्वान्टी ट्वान्टीमा इन्दु बर्माले अविजित ५५ रन बनाउँदै महिला ट्वान्टी ट्वान्टी अन्तर्राष्ट्रिय खेलमा अर्धशतक प्रहार गर्ने पहिलो महिला खेलाडी बनेकी थिइन् ।
आजको खेलमा ओपनिङमा आएकी ज्योति पाण्डे र तेश्रो नम्बरमा ब्याटिङ गरेकी काजल श्रेष्ठ क्रमश ६ र तीन रनमा आउट हुँदा नेपाल चार दशमलब दुई ओभरमा दुई विकेटको पतनमा २० रनको स्थितिमा पुग्यो ।
अर्की ओपनर कविता कुँवर र कप्तान रुबिना क्षेत्रीले ६ दशमलब दुई ओभरमा ५६ रनको साझेदारी गर्दै नेपालको पारी सम्हाले । ३० बलमा दुई छक्का सहित ३१ रन बनाएकी कविता १० दशमलब चार ओभरमा आउट हुँदा नेपालले ७६ रन जोड्यो ।
सरिता मगर चार, डली भट्ट शून्य रनमा रन आउट भए पनि अप्सरी बेगमले १७ बलमा अविजित २३ रनको योगदान दिइन् ।
कतारको तर्फबाट एन्जेलिन मरेले सर्वाधिक दुई विकेट हात पार्दा अलिना खान, सबीजा पनायन र साची धड्वालले पनि समान १-१ विकेट आफ्नो नाममा दर्ता गराए ।
हिजो सम्पन्न पहिलो खेल्ल्मा इन्दु बर्माको अर्धशतक तथा रुबिना क्षेत्री, सीता राना मगर र कविता कुँवरले घातक बलिङ गरे पछि विश्वकप छनोटको तयारीमा नेपाली महिला टोलीले कतारसँगको पहिलो ट्वान्टी ट्वान्टी अन्तर्राष्ट्रिय खेलमा ११९ रनको कीर्तिमानी जित हात पारेको थियो । जितसँगै नेपालले तीन खेलको शृंखलामा १-० को अग्रता पनि कायम गर्न सफल भएको थियो ।
हिजोको खेलमा नेपालले ट्वान्टी ट्वान्टी अन्तर्राष्ट्रियमा सर्वाधिक फराकिलो जित हात पारेको थियो । यस अघि नेपालले सन् २०१९ मा इन्डोनेसिया विरुद्ध ९२ रनको फराकिलो अन्तरले पराजित गरेको थियो ।
त्यस्तै इन्दु बर्माले नेपालको लागि ट्वान्टी ट्वान्टी अन्तर्राष्ट्रिय खेलमा पहिलो अर्धशतक प्रहार गर्ने महिला खेलाडी पनि बन्न सफल भएकी थिइन् । तेश्रो नम्बरमा ब्याटिङ गर्न आएकी इन्दु बर्माले नेपालको ४७ बलको समान गर्दै अविजित ५५ रनको पारी खेलिन् । इन्दुको यो व्यक्तिगत तथा नेपालको तर्फबाट पहिलो अर्धशतक हो । नेपालको तर्फबाट सर्वाधिक ५५ रन बनाएकी इन्दु रिटायर्ड हर्ट हुन पुगिन् ।
यस बाहेक नेपालले चार विकेट गुमाएर १४६ रनको विशाल योगफल पनि बनायो जुन नेपाली महिला टोलीले ट्वान्टी ट्वान्टी अन्तर्राष्ट्रिय खेलमा बनाएको सबैभन्दा ठुलो योगफल हो । यस अघि सन् २०१९ मा सम्पन्न ट्वान्टी ट्वान्टी विश्वकप एसिया छनोटमा मलेसिया विरुद्ध १२६ रन बनाएको थियो ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Women T20 World Cup Qualfiers
विश्वकपको सपना देखेको नेपाली टोली पहिलो खेलमा नै पराजित
Published
2 years agoon
November 22, 2021By
wesportzविश्वकप खेल्ने सपना देखेको नेपाली राष्ट्रिय महिला क्रिकेट टोलीले आईसीसी महिला ट्वान्टी ट्वान्टी विश्वकप एसिया छनोटको आफ्नो पहिलो खेलमा नै हारको सामना गरेको छ ।
आजको हार पनि नेपालको विश्वकप यात्रामा धक्का लागेको छ । ६ टोली सम्मिलित एसिया छनोटमा सबै टोलीले समान ५-५ खेल खेल्न पर्ने र अंक तालिकाको शिर्ष स्थान हात पार्ने टोलीले ग्लोबल क्वालिफायर्समा स्थान सुरक्षित गर्नेछ । तर आजको खेलले नेपालले अबका सबै चार खेल जित्न पर्ने हुन्छ भने हंगकंग लगायत अन्य टोलीले पनि एक भन्दा बढी खेलमा हारको सामना गर्न पर्ने हुन्छ ।
खेलमा टस हारेर पहिले ब्याटिङ गरेको नेपालले २० ओभर खेल्दै तीन विकेटको नोक्सानीमा १०४ रन बनायो भने १०५ रनको लक्ष्य चार विकेट गुमाएर १७ दशमलब छ ओभरमा नै पार गर्यो ।
हंगकंगको जितमा ओपनर मारिको हिलले अविजित रहँदै ४२ बलमा सर्वाधिक ४४ रनको पारी खेलिन् ।
नेपालको तर्फबाट कविता कुँवर, सिता राना मगर र सबनम राईले समान १-१ विकेट हात पारे ।
यस अघि खराब सुरुवातका बाबजुद ओपनर सिता राना मगर र इन्दु बर्माको सुजबुझ पूर्ण ब्याटिङमा नेपालले १०४ रन बनाउन सफल भयो ।
पहिलो ओभरको दोश्रो बलमा नै ओपनर कविता कुँवर शुन्य रनमा च्यान का मानको बलमा क्याच आउट हुन पुगिन् । तेश्रो नम्बरमा ब्याटिङ गर्न आएकी काजल श्रेष्ठले निकै सुस्त खेल्दै २४ बलमा चार रन मात्र जोड्न सकिन ।
सात दशमलब पाँच ओभरमा २१ रनको अवस्थामा दुई विकेट गुमाएर सानो योगफलमा समेटिने खतरा रहेको अवस्थामा ओपनर सिता राना मगर र इन्दु बर्माले १२ ओभरमा ८१ रनको साझेदारी गर्दै नेपाललाई चुनौतिपूर्ण योगफल सम्म पुर्याउन सफल भए ।
नेपालको पारी सकिन मात्र एक बल बाँकी रहेको अवस्थामा ५७ बलको सामना गर्दै चार चौकाको मद्दतमा सर्वाधिक ४० रन जोडेकी सिता रन आउट हुन पुगिन् भने इन्दुले ३७ बलमा अविजित ३१ रनको योगदान दिईन् ।
हंगकंगकी च्यान का मानले चार ओभरमा १२ रन खर्चिएर तथा कारी च्यानले १६ रन दिएर समान १-१ विकेट आफ्नो नाममा दर्ता गराए ।
नेपालले अब आफ्नो दोश्रो खेलमा भोली भुटानको सामना गर्नेछ ।
Women T20 World Cup Qualfiers
सुस्त सुरुवातका बाबजुद सिता र इन्दुको ब्याटिङमा नेपालको चुनौतिपूर्ण योगफल
Published
2 years agoon
November 22, 2021By
wesportzदुबईमा आजबाट सुरु भएको आईसीसी महिला ट्वान्टी ट्वान्टी विश्वकप एसिया छनोटको आफ्नो पहिलो नेपालमा नेपालले हंगकंगलाई १०५ रनको चुनौतिपूर्ण लक्ष्य दिएको छ ।
खराब सुरुवातका बाबजुद ओपनर सिता राना मगर र इन्दु बर्माको सुजबुझ पूर्ण ब्याटिङमा खेलमा टस हारेर पहिले ब्याटिङ गरेको नेपालले पुरै २० ओभर खेल्दै तीन विकेटको नोक्सानीमा १०४ रन बनाउन सफल भयो ।
पहिलो ओभरको दोश्रो बलमा नै ओपनर कविता कुँवर शुन्य रनमा च्यान का मानको बलमा क्याच आउट हुन पुगिन् । तेश्रो नम्बरमा ब्याटिङ गर्न आएकी काजल श्रेष्ठले निकै सुस्त खेल्दै २४ बलमा चार रन मात्र जोड्न सकिन ।
सात दशमलब पाँच ओभरमा २१ रनको अवस्थामा दुई विकेट गुमाएर सानो योगफलमा समेटिने खतरा रहेको अवस्थामा ओपनर सिता राना मगर र इन्दु बर्माले १२ ओभरमा ८१ रनको साझेदारी गर्दै नेपाललाई चुनौतिपूर्ण योगफल सम्म पुर्याउन सफल भए ।
नेपालको पारी सकिन मात्र एक बल बाँकी रहेको अवस्थामा ५७ बलको सामना गर्दै चार चौकाको मद्दतमा सर्वाधिक ४० रन जोडेकी सिता रन आउट हुन पुगिन् भने इन्दुले ३७ बलमा अविजित ३१ रनको योगदान दिईन् ।
हंगकंगकी च्यान का मानले चार ओभरमा १२ रन खर्चिएर तथा कारी च्यानले १६ रन दिएर समान १-१ विकेट आफ्नो नाममा दर्ता गराए ।
Women T20 World Cup Qualfiers
मिसन वर्ल्डकप : पहिलो अन्तर्राष्ट्रिय शृंखलामा नै नेपालको ऐतिहासिक क्लिन-स्विप
Published
2 years agoon
November 18, 2021By
wesportzउपकप्तान तथा ओपनर सिता राना मगरको अविजित अर्धशतक तथा फिल्डरहरुको उत्कृष्ट फिल्डिङमा नेपाली राष्ट्रिय महिला क्रिकेट टोलीले आफ्नो पहिलो अन्तर्राष्ट्रिय शृंखलामा नै क्लिन स्विप गर्न सफल भएको छ ।
कतारसँगको तेश्रो तथा अन्तिम ट्वान्टी ट्वान्टी अन्तर्राष्ट्रिय खेलमा १०९ रनको फराकिलो जित दर्ता गराएको नेपालले तीन खेलको शृंखला ३-० ले आफ्नो पोल्टामा पारेको हो ।
पहिलो खेलमा कतार माथि किर्तिमानी ११९ रनको फराकिलो जित हात पारेको नेपालले दोश्रो खेलमा पनि ६१ रनको जित आत्मसाथ गरेको थियो ।
सिताले अविजित रहँदै ट्वान्टी ट्वान्टी अन्तर्राष्ट्रिय खेलमा व्यक्तिगत पहिलो तथा नेपालको तेश्रो अर्धशतक प्रहार गर्दा ट्वान्टी ट्वान्टी विश्वकप छनोटको तयारीमा रहेको नेपालले तीन विकेट गुमाएर १६४ रनको किर्तिमानी योगफल तयार पार्यो भने जबाफी ब्याटिङ गरेको कतारले पुरै २० ओभर खेल्दै सात विकेटको नोक्सानीमा ५५ रन मात्र जोड्न सक्यो ।
नेपालको तर्फबाट सर्वाधिक ८२ रन बनाएकी सिताले ७२ बलको सामना गर्दै सात चौका प्रहार गरिन् । सिता बाहेक ओपनर काजल श्रेष्ठ सात, ज्योति पाण्डे २४ तथा डली भट्ट १२ रन बनाएर आउट भए भने सरिता मगरले अविजित रहँदै १७ रनको योगदान दिइन् ।
कतारको पारीमा अलिना खानले सर्वाधिक १९ तथा कप्तान आयशाले १३ रन बाहेक कुनै पनि ब्याटरले दोहोरो अंकमा रन जोड्न सकेनन् ।
नेपालका बलरहरुमा सबनम राईले दुई ओभरमा दुई रन खर्चिएर तथा सरस्वती कुमारी र कप्तान रुबिना क्षेत्रीले क्रमश नौ र १० रन खर्चिएर समान १-१ विकेट हात पारे । नेपाल चार विकेट रन आउटका रुपमा पाएको हो ।
बलिङ तर्फ कतारका एन्जेलिन मरे, साची धड्वाल र आयेशाले समान १-१ विकेट हात पारे ।