Connect with us

Headline

अब्दुल्लाहको ‘टचलाइन एन्टिक्स’

Published

on

साफ च्याम्पियनसिपका लागि हाल माल्दिभ्समा रहेको नेपाली टोलीबाट अहिलेसम्म चार जनाले गोल गरिसकेका छन् ।

लगातार दुई खेल जित्दै शिर्ष स्थान ओगटेर बसेको नेपाली टोलीको केन्द्रमा भने एक मात्र व्यक्ति छन् –– प्रशिक्षक अब्दुल्लाह अल्मुताइरी ।

कुनै समय केही गिने चुनेका खेलाडीको वरिपरि घुम्ने गरेको नेपाली राष्ट्रिय फुटबल टोलीमा अहिले बेञ्चबाट समेत योगदान दिने खेलाडी छन् । उनले माल्दिभ्स लिएर गएका प्रत्येक खेलाडीहरुलाई लिएर योजना बनाएका छन् ।

र, बिपक्षी टोलीलाई मध्येनजर गर्दै अब्दुल्लाहले प्रत्येक खेलाडीबाट आफूले योजना बनाए अनुरुपको प्रदर्शन खोजिरहेका छन् ।

त्यो योजनालाई अब्दुल्लाह एक ढिक्का बनाएर खेलमा उतार्छन् । पहिलो दुई खेलमा नेपालले निकालेको जित उनको योजना सफल भएर नै हो । अब्दुल्लाहले राष्ट्रिय टोलीको जिम्मेवारी सम्हालेदेखि नै नेपाली टोलीलाई एउटा ढाँचा दिन होमवर्क गर्दै आएका हुन् ।

नेपालमा भएको थ्रि नेसन्स कप, नेपाल सुपर लिग, इराकबिरुद्धको मैत्रीपूर्ण अन्तर्राष्ट्रिय, कुवेतमा खेलिएका बिश्वकप छनौटका तीन खेल र भारतबिरुद्धको दुई मैत्रीपूर्ण खेलमा खेलाडीहरुको प्रदर्शनको मुल्यांकनपछि नै उनले अहिलेको टोली तैयार पारेका हुन् ।

नेपाल आउनु अघि व्यवहारिक फुटबलमा खासै अनुभव नबोकेका अब्दुल्लाहलाई अहिले मास्टर योजनाकारको रुपमा हेर्न सकिन्छ । त्यही कारण उनको टोलीका खेलाडीहरुले बेञ्चबाट आएर गोल गरिरहेका छन् । यो उनले बनाएको सिस्टम हो ।

आयोजक माल्दिभ्सबिरुद्धको पहिलो खेलमा मनिष डाँगीको शान्दार निर्णायक गोल र श्रीलंकाबिरुद्ध दोश्रो खेलमा १८ बर्षिय आयुष घलानले जमाएको प्रभाव उनीहरु बेञ्चबाट आएपछि सम्भव भएको थियो ।

तर अब्दुल्लाहसँग यो बाहेक अरु पनि धेरै कुरा छन् । उनी बिपक्षी प्रशिक्षकसँग माइन्ड गेम खेल्छन् र टचलाइनमा उभिएर रेफ्रिलाई चिढाँउछन् । यसले बिपक्षी प्रशिक्षकलाई पनि द्विगभ्रमित गर्ने गर्छ । श्रीलंकासँगको खेलमा उनले त्यही गरे ।

श्रीलंकाबिरुद्धको उनको गेम प्लान एक दिन अघि नै शुरु भइसकेको थियो र त्यसलाई उनले टचलाइनमा आफ्नो नाटक (फुटबलको भाषामा एन्टिक्स) ले परिणाममुखी बनाए ।

अब्दुल्लाहले प्री म्याचमा प्रेस कन्फेरेन्समा श्रीलंकालाई हराउने रणनीतिबारे बिपक्षी प्रशिक्षकको कानमा पर्ने गरि स्पष्ट सुनाए । “श्रीलंका आक्रमक खेल्छ र धेरै फउल पनि । हामी धेरै फउल ड्र गर्दै उनको एक खेलाडीलाई बाहिर पठाउदै जित हात पार्नेछौं,” उनले भनेका थिए ।

बिपक्षीलाई हराउने सही रणनीति कुनै पनि प्रशिक्षकले खुलाशा गर्दैनन् तर अब्दुल्लाहले यहाँ दिमाग प्रयोग गर्ने सोचे । उनको रणनीति सुनेर श्रीलंकन पत्रकारहरु पनि अचम्ममा परे । प्रेस कन्फेरेन्स धेरै अगाडी बढी सकेको स्थितिमा एक श्रीलंकन पत्रकारले उनलाई सोधी छाडे ।

“तपाईले एक खेलाडी बाहिर पठाउने जुन कुरा गर्नु भयो, तपाईले गम्भिर भएर नै भन्नुभएको हो ?,” उनले सोधे ।

अब्दुल्लाह पनि के कम । उनले खोजे जस्तो भइरहेको थियो र आफ्नो रणनीतिलाई व्याख्या गर्न थाले । “श्रीलंकाले बंगलादेशबिरुद्ध ६७ ट्याकल गरेको थियो । यो हाम्रो पक्षमा जान्छ भने यसलाई किन प्रयोग नगर्ने । ?हामीबिरुद्धको खेलमा पनि धेरै ट्याकल गर्नेछ । एक खेलाडीलाई दुई ट्याकल गराउनेछौ । यल्लो, यल्लो गो,” अब्दुल्लाहले निकै स्वादले भने ।

“श्रीलंका हाम्रो लागि यो प्रतियोगिताकै सबैभन्दा कठिन टोली हो । त्यसैले म कुनै पनि समय यो खेललाई ओपन छोड्दिन,” उनले अन्तिममा भनेका थिए ।

अब्दुल्लाहको माइन्ड गेमले भोलिपल्ट काम गर्यो । श्रीलंकाले अब्दुल्लाहले भने जसरी ट्याकल खेलेन र डिफेन्समा पनि खुकुलो देखियो । दुवै तर्फ ओपन हुँदा उक्त खेल प्रतियोगिताकै हाइ स्कोरिंग खेल बन्यो । अब्दुल्लाहलाई तीन अंक चाहिएको थियो र उनलाई दुई गोल खाँदा पनि त्यसले असर गरेन ।

टचलाइनबाट अब्दुल्लाहले खेललाई नियन्त्रण गर्ने प्रयास गरे । खेल शुरु भएको केही क्षणमै दुई टिमको खेलाडी अघि नै अब्दुल्लाहले पहेलो कार्ड पाए । उनले श्रीलंकन प्रशिक्षक अमिर अलगिचलाई उक्साएका थिए भने रेफ्रिबिरुद्ध पनि खनिएका थिए । त्यो अब्दुल्लाहको टचलाइन रणनीति थियो ।

नेपालले सुमन लामा मार्फत खेलमा अग्रता लियो । अब्दुल्लाहले निकै आक्रमक तर हास्यास्पद तरिकाले खुशीयाली मनाए । दुई हात माथि राख्दै उनी उफ्रदै लाइन रेफ्रिको वरिपरि घुमे ।

नेपाली खेलाडीहरु भन्दा अब्दुल्लाहकै सेलिब्रेसन हेर्न लायक थियो । र त्यो भाइरल पनि बन्यो । उनले रेफ्रिलाई चिढाउन नै त्यस्तो सेलिब्रेसन गरेका थिए । नेपालले अञ्जन बिष्टको गोलले दोहोरो अग्रता बनायो र खेलमाथि पकड बनाइसकेको थियो । अब्दुल्लाहको रणनीति सफल भइसकेको थियो ।

Headline

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Published

on

आठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।

पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा  सब्सटिच्युटमा आएकी क्लोई  केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।

दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।

इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।  

Continue Reading

Headline

 नेपालको पोस्टमा भारतको गोलको वर्षा 

Published

on

नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।

कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो । 

नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।

पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७  गोल खाएको हो । 

दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।

यस्तै पथुम गिमहानाले ६४औं,  हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औंशुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।       

आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो । 

भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।

नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।

नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।

कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो । 

नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।

पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७  गोल खाएको हो । 

दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।

यस्तै पथुम गिमहानाले ६४औं,  हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औंशुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।       

आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो । 

भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।

 

Continue Reading

Headline

साफ महिला च्याम्पियनसिप :  नेपाललाई सजिलो समूह

Published

on

आगामी भदौ २१ देखि असोज ३ गते सम्म घरेलु मैदानमा नै आयोजना हुने साफ महिला च्याम्पियनसिपमा नेपाल सजिलो समूहमा परेको छ ।

दक्षिण एसियाली फुटबल फेडेरेसन (साफ) ले सार्वजनिक गरेको ड्र अनुसार नेपालसँगै श्रीलंका र भुटान समूह बी मा रहेका छ । यस्तै साविक विजेता भारत सहित बंगलादेश, पाकिस्तान र माल्दिभ्स समूह ए मा छ ।

नेपालमा लगातार दोस्रो पटक साफ महिला फुटबल हुन लागेको हो र समग्रमा यो छैटौँ संस्करण हो । नेपालले अहिले सम्म उपाधि जित्न भने सकेको छैन । यस अघि भएका सबै पाँच संस्करणको उपाधि भारतले जितेको छ ।

पछिल्लो पटक विराटनगरमा भएको साफमा नेपाल फाइनलमा भारतसँग पराजित भएको थियो ।

 

Continue Reading
लेख4 weeks ago

केन्या माथि नेपालको कीर्तिमानी जित

लेख4 weeks ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख4 weeks ago

नेपाल टी२० लिग : खेलाडी दर्ता सुरु, चार मापदण्ड तय

लेख4 weeks ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख1 month ago

नेपालले हरायो केन्यालाई 

लेख1 month ago

नेपालका लागि केन्या टुर महत्वपूर्ण

लेख1 month ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख1 month ago

नयाँ प्रशिक्षक प्रभाकर भन्छन् : पहिलो काम लिग टु

लेख1 month ago

बाना कपका लागि सुदुरपश्चिमको जर्सी सार्वजनिक  

लेख1 month ago

यस्ता छन् एन्फा कार्यसमिति बैठकका निर्णयहरू

लेख2 months ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख2 months ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline2 months ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline2 months ago

 नेपालको पोस्टमा भारतको गोलको वर्षा 

Headline2 months ago

साफ महिला च्याम्पियनसिप :  नेपाललाई सजिलो समूह

Headline2 months ago

लगातार दोस्रो जित निकाल्दा नेपाल फाइनल नजिक 

Headline2 months ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline2 months ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Headline2 months ago

क्यान अध्यक्ष चन्दलाई आईसीसीको सम्मान 

Headline2 months ago

आयोजक बाना र फार वेस्टर्न टेक्ससलाई बाना कपको  उपाधि 

लेख4 weeks ago

केन्या माथि नेपालको कीर्तिमानी जित

लेख4 weeks ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख4 weeks ago

नेपाल टी२० लिग : खेलाडी दर्ता सुरु, चार मापदण्ड तय

लेख4 weeks ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख1 month ago

नेपालले हरायो केन्यालाई 

लेख1 month ago

नेपालका लागि केन्या टुर महत्वपूर्ण

लेख1 month ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख1 month ago

नयाँ प्रशिक्षक प्रभाकर भन्छन् : पहिलो काम लिग टु

लेख1 month ago

बाना कपका लागि सुदुरपश्चिमको जर्सी सार्वजनिक  

लेख1 month ago

यस्ता छन् एन्फा कार्यसमिति बैठकका निर्णयहरू

लेख2 months ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख2 months ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline2 months ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline2 months ago

 नेपालको पोस्टमा भारतको गोलको वर्षा 

Headline2 months ago

साफ महिला च्याम्पियनसिप :  नेपाललाई सजिलो समूह

Headline2 months ago

लगातार दोस्रो जित निकाल्दा नेपाल फाइनल नजिक 

Headline2 months ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline2 months ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Headline2 months ago

क्यान अध्यक्ष चन्दलाई आईसीसीको सम्मान 

Headline2 months ago

आयोजक बाना र फार वेस्टर्न टेक्ससलाई बाना कपको  उपाधि 

Trending

error: Content is protected !!