Connect with us

Headline

ओलम्पिक्स इतिहासका १० अविस्मरणीय क्षणहरु

wesportz

Published

on

बिश्व खेलकुदको महाकुम्भ ओलम्पिक्सभन्दा बढी प्रेरणादायी अरु के होला र ? यो एउटा यस्तो प्रतियोगिता हो जहां खेलाडीहरु प्राकृतिक रुपमा भन्दा माथि उठेर प्रदर्शन दिने गर्छन् । तर कहिले काही ओलम्पिक्सका सबैभन्दा अविस्मरणीय क्षणहरु किर्तीमानी उपलब्धी नभएर यस्ता पलहरुबाट आउने गर्छन् जसले हाम्रो आत्मालाई नै छुने गर्दन् ।

ग्रिष्मकालीन ओलम्पिकका यसअघि १० अविस्मरणीय क्षणहरु कस्ता छन् त ?

जेस्सी ओवेन्सको हिटरलाई जवाफ

जर्मनीको शासक नाजी पार्टीले आर्यन नसल भन्दा अरु कुनै राम्रो हुनै सक्दैन भनेर आफ्नो बिश्वासलाई प्रोपोगाण्डाको रुपमा संसराभर फैलाउने प्रयास गर्दै थियो । १९३६ को बर्लिन ओलम्पिक्स बिश्वसामु साबित गर्ने औजारको रुपमा हिटलरले लिएका थिए ।

तर अफ्रिकन अमेरिकन एथ्लिट जेस्सी ओवेन्सको भने अर्कै बिचार थियो । अश्वेत ओवेन्सले हिटलरको आखा अगाडी १ सय मिटर, २ सय मिटर, ४ बाई १ सय मिटर रिले र लंग जम्पसहित चार स्वर्ण जितेर देखाइदिए ।

नांगो खुट्टा अबेबे बिकिलाले रचेको इतिहास

इथियोपियाका म्याराथन धावक अबेबे बिकिलाले उपयुक्त जुत्ता नपाएपछि उनी १९६० को रोम ओलम्पिक्समा खाली खुट्टा नै कुदे । खाली खुट्टटा पनि आफ्ना प्रतिस्पर्धीहरुलाई पछाडी छोड्दै उनी ओलम्पिक्स स्वर्ण जित्ने पहिलो अफ्रिकी बने ।

बेबी हिरोसिमाले बालेको ओलम्पिक कल्ड्रन (घडा)

१९६४ को टोकियो ओलम्पिक्स इतिहासकै सबैभन्दा अविस्मरणीय क्षण दिनेखेलकुदको महाकुम्भ बन्यो । एसियामा पहिलो पटक ओलम्पिक्सको आयोजना हुंदै गर्दा जापान दोश्रो बिश्वयुद्ध को बिध्वंशपछि जुर्मुराउने प्रयास गरिरहेको थियो ।

हिरोसिमा र नागासाकीमा अमेरिकाले परमाणु बमको बिध्वंशलाई आफूले पछाडी छोडिसकेकोबिश्वसामु साबित गर्ने मौका जापानालाई थियो ।

स्टेडियममा ओलम्पिकको टर्च बाल्न जापानले सबैभन्दा उपयुक्त उम्मेदवार छान्यो । जापानी खेलाडी साकाई योसिमोरीले टर्च बाले । बेबी हिरोसिमा नामले चर्चित योसिमोरी अगष्ट ६, १९४५ मा जन्मिएका थिए । यही दिन अमेरिकाले हिरोसिमामा बम खसालेको थियो ।

ब्ल्याक पावर सल्युट

१९६८ कोमेक्सिको ओलम्पिक्सको यो क्षण बिश्वसामु सबैभन्दा बढी चर्चित बन्यो र अझै पनि छ । सामाजिक सञ्जालको जमाना भएको भए यो अहिले संसारकै सबैभन्दा भाइरल तस्विर बन्न सक्थ्यो ।

२ सय मिटर दौडमा अफ्रिकी अमेरिकन टोमी स्मिथ र जोन कार्लोसले क्रमशः स्वर्ण र कास्य पदक जितेका थिए । पदक समारोहमा अमेरिकी राष्ट्रिय गान बजेपछि दुवै धावकले टाउको निहुराउदै मुठ्ठी आकाश तर्फ राख्दैअमेरिकामा भएको रंगभेदको बिरोध गरेका थिए ।

बुवासंग फिनिस लाइन क्रस गरेका डेरेक रेडमन्ड

चोटले संघर्ष गरेपनि ब्रिटिस धावक डेरेक रेडमन्ड हार खानेमध्ये थिएनन् । चोटका कारण लगातार अवसरहरु गुमाएपछि रेडमन्ड १९९२ को बार्सिलोना ओलम्पिक्सको लागि तैयार भएका थिए ।

स्वर्ण दाबेदार रहेका रेडमन्डले ४ सय मिटर सेमिफाइनलका दौरान ह्यामस्ट्रिंगको चोट बोके । हार नखादै उनी उठे र फिनिसिंग लाइनतर्फ लागे । उनका बुवा जिम सुरक्षा कर्मचारीसंगै आए र ट्रयाकमा प्रवेश गर्दै रेडमन्डलाई फिनिसिंग लाइनसम्म डोर्याए ।

डेरार्तु तुलुर एलाना मेयेरले अफ्रिकामा ल्याएको एकता

१९९२ को ओलम्पिक्समा इथियोपियाकी डेरार्तु तुलुले १० हजार मिटर दौडमा स्वर्ण जितिन् । उनी ओलम्पिक्समा स्वर्ण जित्ने पहिलो अश्वेत अफ्रिकी महिला पनि बनिन् । तर उनको स्वर्ण भन्दा पनि दक्षिण अफ्रिकी धाविका एलाना मेयरसंग ट्रयाकमा लिएको भिक्टरी ल्यापले ठूलो अर्थ राख्यो ।

अपार्थेडका कारण दक्षिण अफ्रिका र उसका खेलाडीहरु निलम्बनमा परेको कारण अझै पनि सिंगो अफ्रिकासंग एकताको सुत्रमा बाधिन संघर्ष गरिरहेका थिए । तुलुर मेयेरको संयुक्त भिक्टरी ल्यापले एक दिनकै लागि भएपनि अफ्रिकी महादेशलाई एक बनाउन मद्दत गरेको थियो ।

चोट भुलाउदै स्ट्रगले अमेरिकाका लागि जितेको स्वर्ण

अमेरिकाले जिम्न्यास्टिक्समा टिम स्वर्ण जितेको थिएन । एटलान्टामा ओलम्पिक्स आयोजना गर्दा उसले इतिहास बदल्न चाहन्थ्यो । केरी स्ट्रगको मात्र दुई भल्ट बाकी रहेको स्थितिमा अमेरिका स्वर्णबाट निकै नजिक थियो । अग्रता निकै सानो रहेका कारण उनको प्रदर्शनले ठूलै मतलब राख्ने थियो ।

पहिलो प्रयासमा स्ट्रगको ल्याण्डिंग राम्रो भएन र उनले गोलीगांठोमा चोट बोकिन् । चोटले दुख दिएपनि उनले अविश्वसनीय प्रदर्शन गरिन् । दोश्रो भल्टमा उनले उत्कृष्ट प्रदर्शन दिदै अमेरिकाको टिम स्वर्ण पक्का गरिन् ।

मुहम्मद अलीले बालेको कल्ड्रन

एक रेष्टुरेन्टले अश्वेत भएकै कारण खाना दिन नमानेपछि महान अमेरिकी बक्सर मुहम्मद अलिले रिसको झोकमा आफूले ओलम्पिक्समा जितेको स्वर्ण ओहायो नदीमा फालिदिएका थिए ।

तर १९९६ को एटलान्टा ओलम्पिक्सको उद्घाटन समारेहमा अलीलाई नयां स्वर्ण पदक दिइएको थियो । अलिले ओलम्पिकको टर्च पनि बाल्ने मौका पाएका थिए । पार्किन्सन रोगबाट ग्रस्त अलिले कामिरहेको हांत थाम्दै ओलम्पिक टर्च बालेको भिडियो अहिले पनि निकै चर्चित छ ।

एकै झण्डा मुनि उत्तर र दक्षिण कोरिया

खराब सम्बन्ध रहदै आएको उत्तर र दक्षिण कोरिया २००० को सिड्नी ओलम्पिक्समा एकै झण्डा मुनि उद्घाटन समारोहको परेडमा देखिए । उत्तर कोरियाका जांग जु पाक र दक्षिण कोरियाका युन सुन चुंग कोरियन महाद्विप दर्शाउने झण्डा लिदै परेड गरेका थिए ।

यो संकेतले दुई देशबीचको तिक्तता समाप्त हुने आशा गरिएको थियो । यो सफल नभएपनि दुई कोरियाको प्रयासलाई निकै सराहना गरिएको थियो ।

लिउ जियांगको चोटले दुखी चिन

१ सय १० मिटर हर्डल च्याम्पियन लिय जियांग नेशनर आइकन र २००८ को बेइजिंग ओलम्पिक्समा स्वर्ण जित्ने दाबेदार थिए । तर कुनै कथाहरुको अन्त्य निकै दर्दनाक हुने गर्छ ।

पहिलो चरणको पहिलो हर्डल पनि नपुग्दै चोटका कारण २००४ ओलम्पिक्सका स्वर्ण बिजेता लिउले चोटका कारण दौड त्यागे । उनको प्रदर्शन हेर्न खचाखच भरिएको बर्ड नेस्ट स्टेडियम लिउ खुट्टा खोच्याउदै बाहिरिदा शोकमा डुबेको थियो ।

Headline

९० औं मिनेटको गोलले बार्सिलोना जोगियो

wesportz

Published

on

बायर्न म्युनिखसँग च्याम्पियन्स लिगमा लज्जास्पद पराजय व्यहोरेको एक हप्ता भन्दा कम समयमा बार्सिलोना एक पटक फेरि घरेलु मैदान क्याम्प नोउमा चुकेको छ । यसपटक स्पेनिस महारथी जित विहिन ग्रानडासँग १–१ गोलको बराबरीमा रोक्कियो ।

डिफेन्डर रोनाल्ड अरुजोले ९० औं मिनेटमा गोल गर्दै बार्सिलोनालाई बाल बाल बचाए पनि झण्डै २७ हजार घरेलु समर्थकहरुले टिमको प्रदर्शनलाई भने मन पराएनन् । खेलमा ग्रानडाले दोश्रो मिनेटमै अग्रता बनाएको थियो । उसका लागि डोमिँगोस डुवार्टेले हेडरमार्फत गोल गरेका थिए ।

अर्जेन्टिनी सुपरस्टार लियोनल मेस्सी पेरिस सेन्ट जमाईन गएपछि पहिलो पटक हार व्यहोर्ने क्रममा च्याम्पियन्स लिगमा बायर्नसँग ३–० ले हारेको बार्सिलोनालाई कमजोर टोलीले रोकेपछि पुरै टिम र प्रशिक्षक रोनाल्ड कोमनमाथि दवाब बढ्दै जान थालेको छ ।

लगातार दुई खेल हारेको ग्रानडा क्याम्प नोउमा सोमबार आईपुग्दा उ चार खेलमा जितविहिन रहदै आएको थियो । “हामीले शुरुवातमै गोल गरेको भए मज्जाले जित्ने थियौं । उनीहरुले पहिलो गोल गरेपनि पुरै टिम डिफेन्समै लागेको थियो,” अरुजोले भने ।

बराबरीले बार्सिलोना सातौं स्थानमा कायम रहेको छ भने शिर्ष स्थानको रियल म्याड्रिड भन्दा पाँच अंकले पछाडी छ । बार्सिलोनाले एक खेल कम खेलेको छ ।

Continue Reading

Headline

नेपाली फुटबल टोलीले बलियो ओमानसँग मैत्रीपूर्ण खेल्ने !

wesportz

Published

on

साफ च्याम्पियनसिपको तैयारीका लागि हाल कतारमा रहेको नेपाली राष्ट्रिय फुटबल टोलीले बलियो खाडी राष्ट्र ओमानसँग अन्तर्राष्ट्रिय मैत्रीपूर्ण खेल्ने भएको छ ।

बरियताको हिसाबमा नेपालको लागि यो निकै महत्वपूर्ण खेल हुनेछ । फिफा बरियतामा नेपाल १ सय ६१ स्थानमा रहेको छ भने ओमान ७८ औं स्थानमा छ । नेपाली टोलीको श्रोतका अनुसार नेपाल कतारमै यसको गृहकार्यमा जुटेको र ओमानले पनि स्विकार गरिसकेको छ ।

“अन्य केही समस्या नभए नेपाल र ओमानबीचको खेल तय नै रहेको छ,” श्रोतले विस्पोर्ट्जलाई जानकारी दियो । खेलको मिती र स्थान तय नभएपनि नेपाल सिधै माल्दिभ्स जाने भएका कारण यो खेल कतारमै हुनेछ ।

पछिल्लो केही महिना यता लगातार उच्च स्तरका टोलीहरुसँग खेल्दै आएको नेपाल कतारबाट सिधै माल्दिभ्सका लागि उड्नेछ । कोरोना भाइरसको पहिलो लहर केही शान्त भएपछि बङ्गलादेशबिरुद्धको अन्तर्राष्ट्रिय मैत्रीपूर्णदेखि अन्तर्राष्ट्रिय फुटबलमा पुनरागमन गरेको नेपालले त्यसपछि आफ्नै भुमिमा थ्रि नेसन्स कपको आयोजना गर्दै त्यसमा जित पनि हात पारेको थियो ।

त्यसपछि नेपालमा कोरोनाको दोश्रो लहरका दौरान नै नेपाल सुपर लिगको आयोजना भयो भने इराकसँग एक अन्तर्राष्ट्रिय मैत्रीपूर्ण र बिश्वकप तथा एसिया कपको संयुक्त छनौटमा अष्ट्रेलिया, जोर्डन र चाइनिज ताईपेईसँग खेलेको थियो ।

भारतसँग दशरथ रँगशालामा दुई अन्तर्राष्ट्रिय मैत्रीपूर्ण पछि नै नेपाली टोली कतार गएको थियो ।

Continue Reading

Headline

अन्तिम ४ मिनेटमा दुई गोल गर्दै रियलको सनसनीपूर्ण जित

wesportz

Published

on

निर्धारित समयको अन्तिम चार मिनेटमा दुई गोल गर्दै रियल म्याड्रिडले स्पेनिस ला लिगामा भ्यालेन्सियामाथि २–१ को रोमाञ्चक जित हात पार्दै अंक तालिकाको शिर्ष स्थानमा उक्लिएको छ ।

पहिलो हाफमा कुनै गोल हुन नसकेपछि ६६ औं मिनेटमा ह्युगो डुरोले भ्यालेन्सियालाई अग्रता दिलाएका थिए । तर खेलको अन्तिम समय भने भ्यालेन्सियाले त्यो अग्रतालाई जोगाउन सकेन । करिम बेञ्जेमाको पासमा भिनिसियस जुनियरको प्रहार डिफ्लेक्ट हुदै गोल हुँदा रियलले ८६ औं मिनेटमा बराबरी गर्यो ।

त्यसको दुई मिनेटपछि नै भुमिका फेरियो । यसपटक भिनिसियसको पासमा बेञ्जेले हेडरमार्फत सिजनको आफ्नो छैटौं गोल गरे ।

जितपछि रियल डिफेन्डिङ्ग च्याम्पियन एट्लेटिको म्याड्रिडलाई दुई अंकले पछि पार्दै १३ अंकका साथ शिर्ष स्थानमा उक्लिएको छ । तेश्रो स्थानमा रहेको भ्यालेन्सिया र चौथोमा रहेको रियल सोसिडाडको समान १० अंक रहेको छ ।

भ्यालेन्सियाले यो सिजनको शुरुवातमा आफ्नो पहिलो खेल हारेको हो । आइतबार नै भएको खेलमा रियल सोसिडाडले सेभियासँग गोलरहित बराबरी खेल्यो । अन्य दुई खेल पनि बराबरीमा टुङ्गिएका थिए । मायोर्काले भिलारियालसँग गोलरहित र रियल बेटिसले इस्पान्योलसँग २–२ को बराबरी खेल्यो ।

Continue Reading
Headline9 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline8 months ago

फुटबलमा थापिएका ५ अचम्मका बाजीहरु

Headline5 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline12 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!