Connect with us

Headline

ओलम्पिक्सको भयावह नाजी परम्परा जुन अझै कायम छ

wesportz

Published

on

टोकियोको जापान नेशनल स्टेडियममा शुक्रबार ओलम्पिक टर्च बालिदै ग्रिष्मकालीन ओलम्पिकको औपचारिक शुरुवात हुन गइरहेको छ ।

कोभिड १९ का कारण छोटो बनाइएको उद्घाटन समारोह झण्डैखाली रंगशालामा हुने भएपनि संसार भर यसले गर्व र उत्साहको संचार गर्ने निश्चय छ ।

ग्रिस देखि उद्घाटन समारोहसम्म ओलम्पिक टर्चले तय गर्ने गरेको यात्रा ओलम्पिक्सको सबैभन्दा लोकप्रिय परम्परा अन्तर्गत पर्दछ ।

तर यो परम्पराको थालनी भने मनाउने खालको छैन ।

सन् १९३५ को बर्लिन ओलम्पिक्सका दौरान जर्मन तानाशाह तथा फासिस्ट एडोल्फ हिट्लरका एक सहयोगीले यो अवधारणा अगाडी सारेका थिए । उनी ग्रिसको ओलम्पिक्सकोबिगतलाई बर्तमान जर्मनीसंग जोड्न चाहन्थे ।

यसका लागि हिटलरको आर्यन बिचारधाराको प्रतिनीधित्व गर्दै ग्रिसको ओलम्पियादेखि जर्मन राजधानीसम्म टर्च रिले गर्ने सबैभन्दा स्वथ्य र फिट युवाहरुलाई बोलाए । प्रत्येक युवाले एक किलोमिटर कुद्न पर्ने थियो । कुल ३ हजार ४ सय २२ युवाको संलग्नता रह्यो ।

१९२८ मा नेदरल्याण्ड्सको एम्स्टरड्याम र १९३२ मा अमेरिकाको लस एन्जलसमा भएका ओलम्पिक्समा पनि उद्घाटन समारोह भएका रंगशालामा टर्च बालिएको थियो । तर ति दुवै संस्करणमा टर्चको रिले नगरेरर त्यही बालिएको थियो ।

भगवानको सम्मानमा प्राचीन ग्रिसमा यसरी टर्च बालिने परम्पर स्थापित भएको हो ।

हिटलरले ओलम्पियादेखि तय गरेको टर्चको रुट २ हजार माइलको थियो । यो रुटमा पुर्व युगोस्लाभिया र चेकोस्लोभाकिया, बुल्गेरिया हंगेरी र अष्ट्रिया लगायताका दक्षिण पुर्वी र मध्य युरोपका शहर र ग्रामिण इलाका पर्दथे ।

यी सबै स्थान हिटलरको जर्मनीको प्रभाव र उनले आधिपत्य राख्न चाहेका ठांउहरु थिए । टर्च रिलेलाई हिटलरले जर्मनीको शक्तिको प्रतीकको रुपमा हेरेका थिए ।

उनलाई टर्च रिलेको दृश्यले स्थानीयहरुको ध्यान आकर्षित गर्ने बिश्वास थियो । यो ‘ओल्ड स्कुल मार्केटिंग’ को नमुना थियो ।

“नाजीहरुले अवसर देख्ने बित्तिकै त्यसलाई राम्रो प्रोपोगाण्डा प्रतीक बनाउन सकिने सोचिहाल्थे,” दि नेकेड ओलम्पिक्स पुस्तकका लेखक टोनी पेरोटेटले आफ्नो किताबमा लेखेका छन् ।

टर्च जर्मनी पुगेपछि यसको रुटमा नाजी समर्थित कार्यक्रमहरुले राष्ट्रवाद र राष्ट्रिय गौरवको प्रवद्र्धन गर्थे । चेकोस्लोभाकियाको सिमाना पार गरेपछि ५० हजार जर्मनहरुले टर्च रिलेलाई सलाम ठोकेका थिए ।

बर्लिन पुगेपछि टर्चलाई स्वस्तिक चिन्ह अंकित झण्डा फहराउदै युवाहरुको बुलन्द प्रदर्शनले स्वागत गरेको थियो ।

“हिटलरले यो परम्परामा व्यक्तिगत रुची देखाउदै यसको प्रबद्र्धनमा प्रशस्तै पैसा खर्च गरेका थिए । नाजीको प्रोपोगाण्डा मन्त्रालयले टर्च रिेलेलाई सशक्त रुपमै प्रचार गर्यो । उनीहरुले रुटको हरेक कदमबारे रेडियोमा प्रशारण गर्थे भने खेलका दौरान पनि प्राचीन ग्रिक एथ्लेटिक्स झल्काउने ठूला-ठूला आकृतिहरुको प्रयोग गर्दथे,” पेरोटेटले लेखेका छन् ।

बर्लिनको ओलम्पिक्स यही टर्च यात्रा र प्रकृयाको प्रस्थानबिन्दु हुन पुग्यो । १९३६ को संस्करणलाई आफ्नो आक्रमक नियतको प्रबद्र्धनका लागि हिटलरले खेलकुदलाई प्रयोग गरेको रुपमा लिइने गरिन्छ । यस लगत्तै यहुदीहरुको नरसंहार र दोश्रो बिश्व युद्ध शुरु भएको थियो ।

बिश्व युद्धका कारण १९४० र १९४४ को ओलम्पिक्स रद्द भयो । तर १९४८ मा पुनसंरचनामा लागिरहेको लण्डनमा फर्कदा हिटलरको योजनालाई भने कायमै राखियो । यसपटक बेलायतीहरुले टर्चको रिलेलाई शान्ति र एकताको प्रतीकको रुपमा प्रयोग गर्ने निधो गरेका थिए ।

ओलम्पिक टर्च रिलेको आधुनिक इतिहास निकै भयावह र घिनलाग्दो भएपनि यसले लगातार निरन्तरता पाएको हो । १९३६ को ओलम्पिक्स पछि टर्च रिलेलाई फरक तरिकाले परिभाषित गर्न थालिएको मात्रै हो ।

लस एन्जलसको १९८४ को ओलम्पिक्समा कर्पोरेट प्रायोजकको संलग्नता र २००८ को बेइजिंग ओलम्पिक्स अघि मानव अधिकार हननका बिरुद्ध भएका प्रदर्शनले बिवादास्पद बनाएपनि ओलम्पिक्स टर्च रिलेलाई सबैले मन पराउदै आएका छन् ।

ओलम्पिक स्टेडियमको मुख्य टर्च मा बालिनेअन्तिम रिलेलाई ओलम्पियक्सकै सबैभन्दा प्रतिष्ठित अविस्मरणीय क्षणको रुपमा लिइने गरिन्छ ।

१९९६ को एटलान्टा ओलम्पिक्समा अमेरिकी बक्सर मोहम्मद अलि, स्पेनिस पारालिम्पिक आर्चर एन्टोनियो रेबोलोले आफनो धनुषबाण मार्फत १९९२ मा बार्सिलोनाको आकाशबाट बालेको टर्च र म्यानकुभरको सडकहरुमा २०१० को शीतकालीन ओलम्पिक्समा क्यानेडियन आइस हकी खेलाडी वेन ग्रेज्कीले तय गरेको यात्रा ओलम्पिक इतिहासमा सधै बिशेष रहने छ ।

जापानसंग केही बिशेष हुनेमा कुनै शंका नै छैन ।

Headline

९० औं मिनेटको गोलले बार्सिलोना जोगियो

wesportz

Published

on

बायर्न म्युनिखसँग च्याम्पियन्स लिगमा लज्जास्पद पराजय व्यहोरेको एक हप्ता भन्दा कम समयमा बार्सिलोना एक पटक फेरि घरेलु मैदान क्याम्प नोउमा चुकेको छ । यसपटक स्पेनिस महारथी जित विहिन ग्रानडासँग १–१ गोलको बराबरीमा रोक्कियो ।

डिफेन्डर रोनाल्ड अरुजोले ९० औं मिनेटमा गोल गर्दै बार्सिलोनालाई बाल बाल बचाए पनि झण्डै २७ हजार घरेलु समर्थकहरुले टिमको प्रदर्शनलाई भने मन पराएनन् । खेलमा ग्रानडाले दोश्रो मिनेटमै अग्रता बनाएको थियो । उसका लागि डोमिँगोस डुवार्टेले हेडरमार्फत गोल गरेका थिए ।

अर्जेन्टिनी सुपरस्टार लियोनल मेस्सी पेरिस सेन्ट जमाईन गएपछि पहिलो पटक हार व्यहोर्ने क्रममा च्याम्पियन्स लिगमा बायर्नसँग ३–० ले हारेको बार्सिलोनालाई कमजोर टोलीले रोकेपछि पुरै टिम र प्रशिक्षक रोनाल्ड कोमनमाथि दवाब बढ्दै जान थालेको छ ।

लगातार दुई खेल हारेको ग्रानडा क्याम्प नोउमा सोमबार आईपुग्दा उ चार खेलमा जितविहिन रहदै आएको थियो । “हामीले शुरुवातमै गोल गरेको भए मज्जाले जित्ने थियौं । उनीहरुले पहिलो गोल गरेपनि पुरै टिम डिफेन्समै लागेको थियो,” अरुजोले भने ।

बराबरीले बार्सिलोना सातौं स्थानमा कायम रहेको छ भने शिर्ष स्थानको रियल म्याड्रिड भन्दा पाँच अंकले पछाडी छ । बार्सिलोनाले एक खेल कम खेलेको छ ।

Continue Reading

Headline

नेपाली फुटबल टोलीले बलियो ओमानसँग मैत्रीपूर्ण खेल्ने !

wesportz

Published

on

साफ च्याम्पियनसिपको तैयारीका लागि हाल कतारमा रहेको नेपाली राष्ट्रिय फुटबल टोलीले बलियो खाडी राष्ट्र ओमानसँग अन्तर्राष्ट्रिय मैत्रीपूर्ण खेल्ने भएको छ ।

बरियताको हिसाबमा नेपालको लागि यो निकै महत्वपूर्ण खेल हुनेछ । फिफा बरियतामा नेपाल १ सय ६१ स्थानमा रहेको छ भने ओमान ७८ औं स्थानमा छ । नेपाली टोलीको श्रोतका अनुसार नेपाल कतारमै यसको गृहकार्यमा जुटेको र ओमानले पनि स्विकार गरिसकेको छ ।

“अन्य केही समस्या नभए नेपाल र ओमानबीचको खेल तय नै रहेको छ,” श्रोतले विस्पोर्ट्जलाई जानकारी दियो । खेलको मिती र स्थान तय नभएपनि नेपाल सिधै माल्दिभ्स जाने भएका कारण यो खेल कतारमै हुनेछ ।

पछिल्लो केही महिना यता लगातार उच्च स्तरका टोलीहरुसँग खेल्दै आएको नेपाल कतारबाट सिधै माल्दिभ्सका लागि उड्नेछ । कोरोना भाइरसको पहिलो लहर केही शान्त भएपछि बङ्गलादेशबिरुद्धको अन्तर्राष्ट्रिय मैत्रीपूर्णदेखि अन्तर्राष्ट्रिय फुटबलमा पुनरागमन गरेको नेपालले त्यसपछि आफ्नै भुमिमा थ्रि नेसन्स कपको आयोजना गर्दै त्यसमा जित पनि हात पारेको थियो ।

त्यसपछि नेपालमा कोरोनाको दोश्रो लहरका दौरान नै नेपाल सुपर लिगको आयोजना भयो भने इराकसँग एक अन्तर्राष्ट्रिय मैत्रीपूर्ण र बिश्वकप तथा एसिया कपको संयुक्त छनौटमा अष्ट्रेलिया, जोर्डन र चाइनिज ताईपेईसँग खेलेको थियो ।

भारतसँग दशरथ रँगशालामा दुई अन्तर्राष्ट्रिय मैत्रीपूर्ण पछि नै नेपाली टोली कतार गएको थियो ।

Continue Reading

Headline

अन्तिम ४ मिनेटमा दुई गोल गर्दै रियलको सनसनीपूर्ण जित

wesportz

Published

on

निर्धारित समयको अन्तिम चार मिनेटमा दुई गोल गर्दै रियल म्याड्रिडले स्पेनिस ला लिगामा भ्यालेन्सियामाथि २–१ को रोमाञ्चक जित हात पार्दै अंक तालिकाको शिर्ष स्थानमा उक्लिएको छ ।

पहिलो हाफमा कुनै गोल हुन नसकेपछि ६६ औं मिनेटमा ह्युगो डुरोले भ्यालेन्सियालाई अग्रता दिलाएका थिए । तर खेलको अन्तिम समय भने भ्यालेन्सियाले त्यो अग्रतालाई जोगाउन सकेन । करिम बेञ्जेमाको पासमा भिनिसियस जुनियरको प्रहार डिफ्लेक्ट हुदै गोल हुँदा रियलले ८६ औं मिनेटमा बराबरी गर्यो ।

त्यसको दुई मिनेटपछि नै भुमिका फेरियो । यसपटक भिनिसियसको पासमा बेञ्जेले हेडरमार्फत सिजनको आफ्नो छैटौं गोल गरे ।

जितपछि रियल डिफेन्डिङ्ग च्याम्पियन एट्लेटिको म्याड्रिडलाई दुई अंकले पछि पार्दै १३ अंकका साथ शिर्ष स्थानमा उक्लिएको छ । तेश्रो स्थानमा रहेको भ्यालेन्सिया र चौथोमा रहेको रियल सोसिडाडको समान १० अंक रहेको छ ।

भ्यालेन्सियाले यो सिजनको शुरुवातमा आफ्नो पहिलो खेल हारेको हो । आइतबार नै भएको खेलमा रियल सोसिडाडले सेभियासँग गोलरहित बराबरी खेल्यो । अन्य दुई खेल पनि बराबरीमा टुङ्गिएका थिए । मायोर्काले भिलारियालसँग गोलरहित र रियल बेटिसले इस्पान्योलसँग २–२ को बराबरी खेल्यो ।

Continue Reading
Headline9 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline8 months ago

फुटबलमा थापिएका ५ अचम्मका बाजीहरु

Headline5 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline12 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!