Euro 2020
इङ्ल्याण्ड भर्सेस डेनमार्क – फाइनलमा प्रतिद्वन्दी कुर्दै इटाली
Published
3 years agoon
By
wesportzवेम्बलीमा डेनमार्क विरुद्ध खेल्दा इङ्ल्याण्ड ईतिहासमै पहिलो पटक युरोको फाइनल पुग्ने लक्ष्यमा हुने छ । वुधबार हुने फाइनल घरेलु दर्शक र रङशालामै हुने भए पछि इंग्लिश समर्थकहरुलाई आफ्नो टोलीलाई जिताउने जिम्मेवारी पनि उत्तिकै छ ।
थ्री लायन्स उपनाम रहेको इङ्ल्याण्ड फुटबल टोलीको लक्ष्य फाइनलमा पुग्दै ईतिहास रच्नु हो त्यो पनि वेम्बलीमा । १९६६ मा अन्तिम पटक विश्वकप जित्दा फाइनल पुगे देखि अहिले सम्म कुनै प्रतियोगिताको फाइनल नपुगेको इङ्ल्याण्डका लागि यो ठुलो मौका हो ।
डेनिस टोली १९९२ को युरो बिजेता हो र त्यही ९२’ को दशकको आश्चर्यजनक सफलतालाई यो पटक पनि हात पार्ने अवसर डेनमार्कलाई छ ।
स्पेनलाई टाइ-ब्रेकरमा पराजित गर्दै २०१२ पछि फेरी युरो फाइनलमा पुगेको इटालीले अब आईतबार मध्यरातमा हुने खेलमा यि दुई टोली बीचको बिजेतालाई आफ्नो बिपक्षीको रुपमा पाउने छ ।
आफ्नो ईतिहास आँफै लेख्ने इङ्ल्याण्डको नयाँ पुस्तालाई मौका
इङ्ल्याण्ड प्रशिक्षक ग्यारेथ साउथगेट आँफैलाई थाहा छ इङ्ल्याण्डको ईतिहास युरोमा राम्रो छैन तर उनी विश्वाश गर्छन् कि अहिलेका खेलाडीहरुलाई आफ्नो ईतिहास आँफै लेख्ने मौका छ र त्यो गुमाउनु हुँदैन ।
इङ्लिस टोलीले गत साता जर्मनीलाई अन्तिम १६ मा हराए यता युरोमा २५ वर्ष सम्म कुनै नकआउट प्रतियोगिता जितेको थिएन । तर, इङ्ल्याण्डको टोली साउथगेटको तेस्रो वर्षमा दोस्रो ठुलो सेमिफाइनल खेल्ने प्रतिक्षामा रहेको छ । साउथगेट खेलाडीहरुले आफ्नो ईतिहास आँफै लेखेकोमा खुशी पनि छन् ।
“हामीले विश्वाश गर्नै पर्ने हुन्छ कि हाम्रो ईतिहास खास छैन,” साउथगेटले भने ।
“खेलाडीहरु अहिले राम्रो नतिजाका लागि भरपुर मिहिनेत गरिरहेका छन र इङ्लिस फुटबलको ईतिहासमा आफ्नो नाम आँफै लेख्दै छन् र उनीहरुलाई सेमिफाइनलमा डेनमार्क विरुद्ध अर्को मौका छ,” उनले थपे ।
बोलेर भन्दा खेलेर देखाउनु ठीक- केन
ह्यारी केनलाई यो युरोमा खासै बोल्न मन छैन उनी आँफै भन्छन्, ” धेरै बोल्नु राम्रो हैन बरु बोलेर भन्दा खेलेर देखाउनु ठीक,” ।
कप्तान केनलाई यो युरो २०२० मा केही दिनु नै छ त्यही कारण उनी सम्पूर्ण इङ्ल्याण्डका खेलाडीहरुलाई एक ढिक्का बनाएर राख्छन् । इङ्ल्याण्डले वेम्बलीमा ६० हजार दर्शकको अगाडि खेल्दा आफ्नो घरेलु समर्थकको समर्थन पाउने नै छ । फाइनलमा प्रवेश गरेको खण्डमा इङ्ल्याण्ड समर्थकहरु खुशी हुने कुरा पनि बेग्लै ।
“अहिले मैदानमा गएर देखाउनु बाहेक अन्य केही उपाय छैन । हामीसँग बोल्न समय आउने छ तर यो मौकालाई पहिले हामी सदुपायोग गर्ने छौँ,” केनले भने ।
के इङ्ल्याण्डलाई दवाब छ ?
डेनमार्कका प्रशिक्षक कास्पर ह्युलण्डले ‘प्री म्याच कन्फ्रेसमा’ इङ्ल्याण्ड दवाबमा भएको र त्यही फाईदा लिने बताए । तर, यो गम्भिर प्रश्न हो । के इङ्ल्याण्डलाई दवाब छ ? दावाब नहोस् पनि कसरी ? इङ्लिश टोली युरोको पहिलो सेमिफाइनल खेल्दै छ, त्यो माथि ५५ वर्ष पछिको सबै भन्दा ठुलो खेल ।
“हामीलाई थाहा छ इङ्ल्याण्डको टोलीलाई दवाब छ र त्यही दवाबको फाईदा उठाउदै हामीले खेल आफ्नो पक्षमा लिना सक्नु पर्छ,” ह्युल्मण्डले भने ।
“खेलमा केही मनोबैज्ञानिक कुराहरु पनि छन् । इङ्लिस समर्थकहरु भोका छन् र त्यही कारण पनि इङ्लिस टोलीलाई जित्नै पर्ने दवाब छ र हाम्रो खेलाडीहरु पनि पहिलो खेलको एरिकसन घाटना देखी केही असर परेका छन् र त्यही कारण पनि यो हाम्रो लागि ठुलो मौका हो ।”
खेल नेपाली समय अनुसार १२:४५ मा सुरु हुने छ ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Euro 2020
युभेन्टस छोड्ने मुडमा छैनन सुपरस्टार रोनाल्डो
Published
3 years agoon
July 15, 2021By
wesportzयुरो कपमा पांच गोलसहित सर्वाधिक गोकर्ताको गोल्डेन बुट जितेका पोर्चुगिज सुपरस्टार क्रिष्चियानो रोनाल्डोले इटालियन सिरी आ टोली युभेन्टस नछोड्ने संकेत गरेका छन् ।
क्लबका निर्देशक तथा पुर्व चेक रिपब्लिक लेजेण्ड पाभेल नेदभेदले रोनाल्डोले क्लबमै रहने अथवा छोड्ने बिषयमा कुनै जानकारी नगराएको र यसै महिनाको अन्तिम साता टुरिनमा प्रशिक्षणमा सहभागी हुने जानकारी दिएका हुन् ।
“क्रिष्चियानो अहिले छुट्टी मनाइरहेका छन् । उनी छोड्ने बिषयमा उनको टोलीले केही भनेको छैन र पुर्व निर्धारित तालिका अनुसार नै उनी अब जुलाई २५ मा प्रशिक्षणमा सहभागी हुनेछन्,” युभेन्टसको २०२१-२२ सिजनको क्यालेण्डर सार्वजनिक गर्ने क्रममा नेदभेदले भने ।
३६ बर्षको उमेरमा पनि युरो कपमा स्थापित युवा अनुहारहरुलाई पछि पार्दै गोल्डेन बुट जितेका रोनाल्डोको युभेन्टससंगको सम्झौतमा अझै एक बर्ष बाकी रहेको छ ।
सिरी उपाधिमा ९ बर्षपछि पहिलो पटक आफ्नो नियन्त्रण गुमाउनुका साथै गत बर्षको च्याम्पियन्स लिगमा अन्तिम १६ बाट बाहिरिएको युभेन्टस यो सिजनको युरोपियन प्रतियोगिताका लागि पनि मुस्किलले स्थान बनाएपछि रोनाल्डोभविष्य अनिश्चित रहन पुगेको थियो ।
प्रशिक्षक मासिमिलियानो एलेग्रिको पुनरागमनमा युभेन्सटले सिजनको आफ्नो पहिलो खेल युडिनेजी बिरुद्ध खेल्नेछ ।
“एलेग्रिलाई लिएर हाम्रो पांच बर्षको निश्चित कार्य तालिका थियो । त्यसपछि उनी दुई बर्ष छुट्टीमा गएका थिए । अब नयां उर्जा सहित उनी टोलीमा फर्कदैछन्,” नेदभेदले भने ।
Euro 2020
युरो कप फाइनलका पोर्चुगिज हिरो कसरी बने बेरोजगार ?
Published
3 years agoon
July 14, 2021By
wesportz२०१६ को गर्मिमा एडर पोर्चुगलका राष्ट्रिय हिरो थिए । सब्स्टिच्युटको रुपमा बेञ्चबाट आउदै उनले अतिरिक्त समयमा गोल गर्दै पोर्चुगललाई युरो कपको उपाधि जिताएका थिए ।
स्टाड डि फ्रान्समा घरेलु टोलीबिरुद्ध भएको फाइनलमा हाल ३३ बर्षपुगिसकेका एडर रेनातो सान्चेजको स्थानमा ९० औं मिनेटमा मैदान प्रवेश गरेका थिए ।
सुपरस्टार क्रिष्चियानो रोनाल्डो चोटका कारण मैदानबाट खेलको शुरुवातमै बाहिरिएको स्थितिको पूर्ण फाइदा उठाउदै ११ मिनेट बाकी रहदा एडरले गोल गरेपछि उनी पोर्चुगलमा एका एक हिरो बने । सबैले रोनाल्डो, रोनाल्डो भनिरहदा पोर्चुगलले अनपेक्षित हिरो पाउदा झनै धेरै उत्साहित भएका थिए ।
तर पांच बर्षयता आइपुग्दा आइतबार वेम्ब्लीमा इटाली र इंगल्याण्ड युरो कपको उपाधिका लागि भिड्नु अघि ट्रफि लिएर आएका एडर सबैले बिर्सिएका हिरो भइसकेका छन् ।
कति पयको लागि एडरको मुहारमा देखिएको निराशा स्पष्ट रुपमा नै ध्यानमा आएको थियो । तर एडर आफ्नै लागि भने ६५ हजार दर्शक रहेको वेम्ब्लीमा ट्रफि लिएर हिड्दा आफ्नो असफलताको बयान गर्दै थियो ।
२०१६ को उक्त ऐतिहासिक रात पछि के भयो त एडरको जीवनमा ?
पोर्चुगिज महारथी ब्रागाबाट एडर युरो कपको ठ्याक्कै एक बर्ष अगाडी ५ मिलियन पाउण्डमा इंग्लिस प्रिमियर लिग टोली स्वान्सेसंग अनुबन्धित भएका थिए । तर पहिलो १५ खेलमा गोल गर्न चुकेपछि बाकी सिजनका लागि उनलाई लोनमा फ्रेञ् च लिग वान टोली लिल पठाइयो ।
लिलका लागि १३ खेलमा ६ गोल गरेपछि उनी रोनाल्डो, नानी र साञ्चेजसंगै पोर्चुगलको युरो कप टोली अटाए । ३-३ गोल गरेपछि रोनाल्डो र नानी पोर्चुगलको युरो अभियानको दुई मुख्य खेलाडी रहे। नकआउटमा पोल्याण्ड र वेल्सलाई हराएपछि पोर्चुगलले फ्रान्ससंगको भिडन्त पक्क गर्यो ।
पहिलो उपाधि पछ्याइरहेको एडर उक्त युरोलाई आफ्नो ब्रेकथ्रु प्रतियोगिता बनाएका सान्चेजको स्थानमा ८० औं मिनेटमा प्रवेश गरे । अतिरिक्त समयमा मात्र ११ मिनेट रहेको स्थितिमा एडरले अविश्वसनीय रुपमा प्रतियोगिताको पहिलो र एक मात्र गोल गरे ।
फ्रान्स गोल फर्काउन असफल रहेपनि पोर्चुगल पहिलो पटक उपाधि जित्न सपल रह्यो ।
एडरको नायकत्वको अपेक्षा गर्दै फ्रान्समा उनको लोन मुभलाई नयां सिजनका लागि स्थायी बनाइयो । तर ३१ लिग वान खेलमा मात्र ६ गोल गरेपछि लिलले पनि उनलाई रसियन प्रिमियर लिग क्लब लोकोमोटिभ मस्कोमा लोनमा पठायो ।
एक बर्षपछि लोकोमोटिभ मस्कोले उनको लोन मुभलाई स्थायी बनायो ।
२०१६ को युरोको हिरो रहनुका साथै पछिल्लो एक बर्ष रुसमै बिताएपनि एडर रुसमै हुन गइरहेको बिश्वपका लागि पोर्चुगिज टोलीमा अटाएनन् ।
गत सिजनसम्म लोकोमोटिभमै बिताएका एडरले आफू खेलेका ९ खेलमा गोल गर्न असफल रहे । उनले चार सिजन बिताउदा रुसी टोलीका लागि ७२ खेलमा जम्मा ९ गोलमात्र गरे ।
लोकोमोटिभले उनलाई रिलिज गरेपछि उनी अहिले भने बेरोजगार भएका छन् । आफू युरोपको प्रमुख खेलाडीको रुपमा धेरै दिन सक्ने साबित गर्न उनी मौका कुरिरहेका छन् ।
एडर वेम्ब्लीमा झल्कदा उनी उपलब्ध रहेको बिषयमा धेरै व्यवस्थापकहरु जानकार पनि भएका होलान् ।
यद्दपि एडर बेरोजगारीको पहिलो दिनहरुमा मात्रै छन् । पुर्व इंगल्याण्ड स्टार ड्यानियल स्टरिज अहिले यसैसिजन ला लिगामा बढुवा भएको स्पेनिस टोली रियल मायोर्कासंग प्रशिक्षण गर्दैछन् ।
मार्च२०२० मा टर्किस टोली ट्राब्जन्सपोरले पनि साथ छोडेपछि उनी डेढ बर्ष भन्दा क्लबबिहिन बन्न पुगे । एडर आफू त्यति लामो समय बेरोजगार रहनु नपर्ने आशा गरिरहेका छन् ।
उनलाई लिएर अर्को प्रिमियर लिग क्लब ब्राइटन केही सकारात्मक रहेको हल्ला मार्चमा चलेको थियो ।
पेनाल्टी सुटआउटमा तीन खेलाडी चुक्दा इग्ल्याण्डको युरोकप उपाधि जित्ने सपना अधुरै रह्यो । इटालीसँग ३–२ गोल अन्तरले पराजित भएसँगै पहिलो पटक युरो कपको उपाधि जित्ने इग्ल्याण्डको सपनामा तुसारापात भयो ।
६० हजार दर्शक सहभागी घरेलु मैदानमा इंग्ल्याण्डले सुरूवाती अग्रता लिएको थियो । तर अग्रता जोगाउन नसक्दा निर्धारित र अतिरिक्त समय १–१ गोलको बराबरीमा रोकिएपछि खेल पेनाल्टी सुटआउट तर्फ धकेलिएको थियो ।
पेनाल्टी प्रहार गरेका पाँच खेलाडी मध्ये ह्यारी केन र ह्यारी मग्वाएरको प्रहारले मात्रै जाली चुमेको थियो । पेनाल्टी सुट कै लागि अतिरिक्त समयमा मैदान प्रवेश गरेका मार्कस राषफोर्डको प्रहार बारमा लागेर बाहिरियो । जाेडान सान्चो र साका बाकुयोको प्रहार इटालीका गोल रक्षकले रोके । इटालीका आन्द्रे बेलोट्टी र जोर्गिन्हो प्रहार इग्ल्याण्डका गोल रक्षकले रोकेका थिए । र इटालीले ५३ औँ वर्ष पछी युरो जित्यो ।
तर, युरो २०२० को उपाधी बाहेक व्यक्तिगत अवार्डमा कस्ले के-के जिते ?
टूर्नामेन्टका सर्वश्रेष्ठ खेलाडी-गियालुइगी डोन्नारुम्मा
इटालीका गोलरक्षक डोन्नारुम्माले प्रतियोगितामा चार गोल मात्रै खाए । उनले युरोमा शानदार प्रदर्शन गरे । फाइनलमा पेनाल्टी पनि बचाए । २२ वर्षिय डोन्नारुम्मा टूर्नामेन्टका सर्वश्रेष्ठ खेलाडी घोषित भए ।
गोल्डन बुट – क्रिस्टियानो रोनाल्डो
यूरोपीयन च्याम्पियनशिपको इतिहासमा सर्वाधिक गोलकर्ता क्रिष्चियानो रोनाल्डोले युरो २०२० मा अर्को उपलब्धी हात पारे । गोल्डेन बुट जितेका रोनाल्डोले पाँच गोल गरेका थिए । दोस्रो स्थानमा रहेका चेक रिपब्लिकका प्याट्रिक सिचको पाँच गोल रहे पनि उनले धेरै समय खेलेका कारण गोल्डेन बुट जित्न बाट चुक्न पुगे ।
टूर्नामेन्टका युवा प्लेयर – पेद्री
१८ वर्षिय पेद्रीको प्रदर्शन निकै तारिफ योग्य थियो । पेद्रीले स्पेनको टोलीबाट राम्रा मात्रै खेलेनन् सबै फुटबल समर्थकहरुको ध्यान तान्न पनि सफल भए र उनी युरोका युवा खेलाडी घोषित भए ।
फाइनलको स्टार – लियोनार्डो बोनुची
अनुभवी डिफेन्डर लियोनार्डो बोनुचिलाई युरो २०२० फाइनलमा डिफेन्डमा उत्कृष्ट प्रदर्शनका लागि प्लेयर अफ द मैच घोषित गरियो साथै उनले दोस्रो हाफमा गरेको गोलका कारण इटालीले पेनाल्टी सम्म खेल पुर्याएको थियो ।