Euro 2020
इटालीलाई चलाइरहेका ब्राजिलियन मिडफिल्डर
Published
3 years agoon
By
wesportzइटालीको मिडफिल्डमा जोर्जिन्होको उपस्थिती निकै खतरनाक देखिन्छ । विश्वकप २०१८ मा स्थान बनाउन नसके देखी युरो २०२० मा चम्किरहेको इटालीको मिडफिल्डको श्रेय पनि जोर्जिन्होलाई नै जान्छ । उनी वेम्बलीमा स्पेन विरुद्ध सेमिफाइनलका लागि तयार छन् ।
अज्जुरीका ब्राजिलियन खेलाडी जोर्जिन्हो मात्रै पनि हैनन् । उनकै चेल्सीका साथी एमरसन पेलिमेरी र एट्लान्टाका राफेल टोलोइ पनि ब्राजिलियन हुन् । उनीहरु ब्राजिलका दक्षिणी सहर इम्बिटुवामा जन्मिएका थिए तर पछि इटाली सरेका थिए ।
“जोर्जिन्हो टोलीमा भए सम्म सबै कुरा ठीक हुन्छ । उनी टोलीका हिरा हुन र उनलाई कसैले छुन सक्दैन,” मार्को भेराट्टीले भने ।
“जोर्जिन्हो र भेराट्टीलाई यस्ता खेलाडी हुन् जसले खेल नै पुरै परिवर्तन गर्न सक्छन्,” इन्टर मिलानका मिड्फिल्डर निकोलो बारेला थप्छन् ।
“यो मिड्फिल्ड र इन्टर मिलानले सिरी आ जित्दा खेलेको मिड्फिल्ड मैले खेलेको अहिले सम्मकै अब्बल हो । हामीले एक अर्कासँग दुस्मनी जस्तो बनाएका छौँ त्यो पनि कस्ले राम्रो खेल्छ भनेर,” बारेलाले ठट्टा गर्दै भने ।
तीन पटकको युरोपियन च्याम्पियन स्पेनसँग इटालीलाई सहज छैन तर पनि इटाली आफ्नो अपराजित यात्रालाई ३३ खेलमा लम्ब्याउन चाहन्छ भने १९६८ पछि पहिलो पटक युरोको उपाधि जित्न पनि । “स्पेनसँगको खेल कठिन छ किन भने हामी दुवै यस्तै टोली हौँ जो बलमा पकड बनाउन चाहन्छौँ, त्यही कारण सहज भने छैन,” बरेला भन्छन् ।
इटालीका मुख्य लेफ्ट ब्याक लियोनार्डो स्पिनाजोल्लालाई बेल्जियम विरुद्धको खेलमा गम्भिर चोट लागे पछि स्पेनसंगको खेलमा चेल्सीबाट यो सिजनको च्याम्पियन्स लिग बिजेता एमरसनले शुरुवात पाउने छन् । ब्राजिलियन मुलका जर्जिन्होको हजुरबुवालाई उनी अहिले इटालीमा खेल्न पाउनुको श्रेय जान्छ । जर्जिन्होका हजुरबुवा यदी इटालीको उत्तरी जिल्ला भिसेन्जामा नजन्मिएका भए उनी अहिले इटालीका लागि खेलिरहेका हुन्थेनन् ।
टोलीका कमान्डर
स्ट्याम्फोर्ड ब्रिजमा पानी आफ्नो छुट्टै रवाफ छोडेका जर्जिन्होले चेल्सीका लागि पनि धेरै राम्रा प्रदर्शनहरु गरे । फ्रेन्च मिड्फिल्डर एनगोलो कान्टेसँग को मिड्फिल्ड जोडीले च्याम्पियन्स लिग नै जित्यो । २९ वर्षिय जोर्जिन्होको त्यो जितमा ठुलो हात रह्यो ।
उनको खेल अज्जुरीका लागि पनि कम छैन । उनको नाम मैदानमा ‘प्रोफेसर’ र ‘रेडियो जर्जिन्हो’ रहेको छ । त्यसको कारण उनको मैदानमा बोल्दै चलाउने खेल । उनी मात्रै यस्ता खेलाडी हुन जसले इटालीका लागि लियोनार्डो बोनुचीसँगै पाँच खेल लगातार खेलेका छन् ।
“उनको खेल निकै सशक्त छ र उनको खेलमा लिने निर्णय पनि गज्जब छ,” इटालियन क्लब भेरोनाका खेल निर्देशक मौरो गिबेलिनीले भने । गिबेलिनीले उनलाई ब्राजिलमा भेटाएका थिए ।
गेबेलिनीको ब्राजिलमा फुटबलको स्कुल नै छ जहाँ खेलाडीहरुको उत्पादन हुन्छ । १२ वर्षिय जोर्जिन्होलाई पनि गिबेलिनीले त्यही हुर्काए । तर गिबेलिनी जोर्जिन्होका पहिलो प्रशिक्षक भने हैनन् । जोर्जिन्होको पहिलो प्रशिक्षक उनको आमा थिइन् । जो पहिले फुटबल खेल्थिन् । उनले सबै फुटबल ज्ञान आफ्नो आमाबाट सिकेका थिए ।
जर्जिन्होले आफ्नो हाइ स्कुल ब्राजिलमा सक्काए पछि इटाली आएका थिए । इटालीमा उनले सिरी बि मा भेरोनाबाट खेले र टिमलाई सिरी आ मा बढुवा पनि गराए । उनी २०१४ मा नापोली गए जहाँ उनी मोउरुजियो सारीको प्रशिक्षाणमा अझै निखारिए र उनीसँगै चेल्सी लागे ।
“जर्जिन्होले आफ्नो खेल्ने शैली कैले परिवर्तन गरेन । उसले बच्चामा जस्तो खेल थियो अहिले पनि उस्तै खेल्छ,” गिबेलिनीले भने ।
“उनीसँग निकै चलाखीपूर्ण तरिकाले फुटबल खेल्ने शैली छ । उनलाई पास आउनु अघि नै कता खेल्ने पहिले निर्णय लिन्छन् । उनी बलियो र छिटो त छैनन् तर मिड्फिल्डरले निभाउने भूमिका उनी सबै निभाउछन्,” गिबेलिनी थप्छन् ।
२०१८ मा चेल्सी पुगेका उनले उनले २०१९ मा युरोपा लिगको उपाधि जितेका थिए । त्यस पछि यही सिजन थोमस टुचेलसँग च्यम्पियन्स लिग पनि जिते ।
“मलाई राष्ट्रिय टोलीमा पनि त्यस्तै जित अनुभाव गर्न मन छ,” इटालीका लागि ३३ क्याप जितिसकेका उनले भने ।
“यो मेरो इटालीका लागि पहिलो प्रतियोगिता हो र म यो प्रतियोगितामा इटालीलाई केही दिने छु ।”
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Euro 2020
युभेन्टस छोड्ने मुडमा छैनन सुपरस्टार रोनाल्डो
Published
3 years agoon
July 15, 2021By
wesportzयुरो कपमा पांच गोलसहित सर्वाधिक गोकर्ताको गोल्डेन बुट जितेका पोर्चुगिज सुपरस्टार क्रिष्चियानो रोनाल्डोले इटालियन सिरी आ टोली युभेन्टस नछोड्ने संकेत गरेका छन् ।
क्लबका निर्देशक तथा पुर्व चेक रिपब्लिक लेजेण्ड पाभेल नेदभेदले रोनाल्डोले क्लबमै रहने अथवा छोड्ने बिषयमा कुनै जानकारी नगराएको र यसै महिनाको अन्तिम साता टुरिनमा प्रशिक्षणमा सहभागी हुने जानकारी दिएका हुन् ।
“क्रिष्चियानो अहिले छुट्टी मनाइरहेका छन् । उनी छोड्ने बिषयमा उनको टोलीले केही भनेको छैन र पुर्व निर्धारित तालिका अनुसार नै उनी अब जुलाई २५ मा प्रशिक्षणमा सहभागी हुनेछन्,” युभेन्टसको २०२१-२२ सिजनको क्यालेण्डर सार्वजनिक गर्ने क्रममा नेदभेदले भने ।
३६ बर्षको उमेरमा पनि युरो कपमा स्थापित युवा अनुहारहरुलाई पछि पार्दै गोल्डेन बुट जितेका रोनाल्डोको युभेन्टससंगको सम्झौतमा अझै एक बर्ष बाकी रहेको छ ।
सिरी उपाधिमा ९ बर्षपछि पहिलो पटक आफ्नो नियन्त्रण गुमाउनुका साथै गत बर्षको च्याम्पियन्स लिगमा अन्तिम १६ बाट बाहिरिएको युभेन्टस यो सिजनको युरोपियन प्रतियोगिताका लागि पनि मुस्किलले स्थान बनाएपछि रोनाल्डोभविष्य अनिश्चित रहन पुगेको थियो ।
प्रशिक्षक मासिमिलियानो एलेग्रिको पुनरागमनमा युभेन्सटले सिजनको आफ्नो पहिलो खेल युडिनेजी बिरुद्ध खेल्नेछ ।
“एलेग्रिलाई लिएर हाम्रो पांच बर्षको निश्चित कार्य तालिका थियो । त्यसपछि उनी दुई बर्ष छुट्टीमा गएका थिए । अब नयां उर्जा सहित उनी टोलीमा फर्कदैछन्,” नेदभेदले भने ।
Euro 2020
युरो कप फाइनलका पोर्चुगिज हिरो कसरी बने बेरोजगार ?
Published
3 years agoon
July 14, 2021By
wesportz२०१६ को गर्मिमा एडर पोर्चुगलका राष्ट्रिय हिरो थिए । सब्स्टिच्युटको रुपमा बेञ्चबाट आउदै उनले अतिरिक्त समयमा गोल गर्दै पोर्चुगललाई युरो कपको उपाधि जिताएका थिए ।
स्टाड डि फ्रान्समा घरेलु टोलीबिरुद्ध भएको फाइनलमा हाल ३३ बर्षपुगिसकेका एडर रेनातो सान्चेजको स्थानमा ९० औं मिनेटमा मैदान प्रवेश गरेका थिए ।
सुपरस्टार क्रिष्चियानो रोनाल्डो चोटका कारण मैदानबाट खेलको शुरुवातमै बाहिरिएको स्थितिको पूर्ण फाइदा उठाउदै ११ मिनेट बाकी रहदा एडरले गोल गरेपछि उनी पोर्चुगलमा एका एक हिरो बने । सबैले रोनाल्डो, रोनाल्डो भनिरहदा पोर्चुगलले अनपेक्षित हिरो पाउदा झनै धेरै उत्साहित भएका थिए ।
तर पांच बर्षयता आइपुग्दा आइतबार वेम्ब्लीमा इटाली र इंगल्याण्ड युरो कपको उपाधिका लागि भिड्नु अघि ट्रफि लिएर आएका एडर सबैले बिर्सिएका हिरो भइसकेका छन् ।
कति पयको लागि एडरको मुहारमा देखिएको निराशा स्पष्ट रुपमा नै ध्यानमा आएको थियो । तर एडर आफ्नै लागि भने ६५ हजार दर्शक रहेको वेम्ब्लीमा ट्रफि लिएर हिड्दा आफ्नो असफलताको बयान गर्दै थियो ।
२०१६ को उक्त ऐतिहासिक रात पछि के भयो त एडरको जीवनमा ?
पोर्चुगिज महारथी ब्रागाबाट एडर युरो कपको ठ्याक्कै एक बर्ष अगाडी ५ मिलियन पाउण्डमा इंग्लिस प्रिमियर लिग टोली स्वान्सेसंग अनुबन्धित भएका थिए । तर पहिलो १५ खेलमा गोल गर्न चुकेपछि बाकी सिजनका लागि उनलाई लोनमा फ्रेञ् च लिग वान टोली लिल पठाइयो ।
लिलका लागि १३ खेलमा ६ गोल गरेपछि उनी रोनाल्डो, नानी र साञ्चेजसंगै पोर्चुगलको युरो कप टोली अटाए । ३-३ गोल गरेपछि रोनाल्डो र नानी पोर्चुगलको युरो अभियानको दुई मुख्य खेलाडी रहे। नकआउटमा पोल्याण्ड र वेल्सलाई हराएपछि पोर्चुगलले फ्रान्ससंगको भिडन्त पक्क गर्यो ।
पहिलो उपाधि पछ्याइरहेको एडर उक्त युरोलाई आफ्नो ब्रेकथ्रु प्रतियोगिता बनाएका सान्चेजको स्थानमा ८० औं मिनेटमा प्रवेश गरे । अतिरिक्त समयमा मात्र ११ मिनेट रहेको स्थितिमा एडरले अविश्वसनीय रुपमा प्रतियोगिताको पहिलो र एक मात्र गोल गरे ।
फ्रान्स गोल फर्काउन असफल रहेपनि पोर्चुगल पहिलो पटक उपाधि जित्न सपल रह्यो ।
एडरको नायकत्वको अपेक्षा गर्दै फ्रान्समा उनको लोन मुभलाई नयां सिजनका लागि स्थायी बनाइयो । तर ३१ लिग वान खेलमा मात्र ६ गोल गरेपछि लिलले पनि उनलाई रसियन प्रिमियर लिग क्लब लोकोमोटिभ मस्कोमा लोनमा पठायो ।
एक बर्षपछि लोकोमोटिभ मस्कोले उनको लोन मुभलाई स्थायी बनायो ।
२०१६ को युरोको हिरो रहनुका साथै पछिल्लो एक बर्ष रुसमै बिताएपनि एडर रुसमै हुन गइरहेको बिश्वपका लागि पोर्चुगिज टोलीमा अटाएनन् ।
गत सिजनसम्म लोकोमोटिभमै बिताएका एडरले आफू खेलेका ९ खेलमा गोल गर्न असफल रहे । उनले चार सिजन बिताउदा रुसी टोलीका लागि ७२ खेलमा जम्मा ९ गोलमात्र गरे ।
लोकोमोटिभले उनलाई रिलिज गरेपछि उनी अहिले भने बेरोजगार भएका छन् । आफू युरोपको प्रमुख खेलाडीको रुपमा धेरै दिन सक्ने साबित गर्न उनी मौका कुरिरहेका छन् ।
एडर वेम्ब्लीमा झल्कदा उनी उपलब्ध रहेको बिषयमा धेरै व्यवस्थापकहरु जानकार पनि भएका होलान् ।
यद्दपि एडर बेरोजगारीको पहिलो दिनहरुमा मात्रै छन् । पुर्व इंगल्याण्ड स्टार ड्यानियल स्टरिज अहिले यसैसिजन ला लिगामा बढुवा भएको स्पेनिस टोली रियल मायोर्कासंग प्रशिक्षण गर्दैछन् ।
मार्च२०२० मा टर्किस टोली ट्राब्जन्सपोरले पनि साथ छोडेपछि उनी डेढ बर्ष भन्दा क्लबबिहिन बन्न पुगे । एडर आफू त्यति लामो समय बेरोजगार रहनु नपर्ने आशा गरिरहेका छन् ।
उनलाई लिएर अर्को प्रिमियर लिग क्लब ब्राइटन केही सकारात्मक रहेको हल्ला मार्चमा चलेको थियो ।
पेनाल्टी सुटआउटमा तीन खेलाडी चुक्दा इग्ल्याण्डको युरोकप उपाधि जित्ने सपना अधुरै रह्यो । इटालीसँग ३–२ गोल अन्तरले पराजित भएसँगै पहिलो पटक युरो कपको उपाधि जित्ने इग्ल्याण्डको सपनामा तुसारापात भयो ।
६० हजार दर्शक सहभागी घरेलु मैदानमा इंग्ल्याण्डले सुरूवाती अग्रता लिएको थियो । तर अग्रता जोगाउन नसक्दा निर्धारित र अतिरिक्त समय १–१ गोलको बराबरीमा रोकिएपछि खेल पेनाल्टी सुटआउट तर्फ धकेलिएको थियो ।
पेनाल्टी प्रहार गरेका पाँच खेलाडी मध्ये ह्यारी केन र ह्यारी मग्वाएरको प्रहारले मात्रै जाली चुमेको थियो । पेनाल्टी सुट कै लागि अतिरिक्त समयमा मैदान प्रवेश गरेका मार्कस राषफोर्डको प्रहार बारमा लागेर बाहिरियो । जाेडान सान्चो र साका बाकुयोको प्रहार इटालीका गोल रक्षकले रोके । इटालीका आन्द्रे बेलोट्टी र जोर्गिन्हो प्रहार इग्ल्याण्डका गोल रक्षकले रोकेका थिए । र इटालीले ५३ औँ वर्ष पछी युरो जित्यो ।
तर, युरो २०२० को उपाधी बाहेक व्यक्तिगत अवार्डमा कस्ले के-के जिते ?
टूर्नामेन्टका सर्वश्रेष्ठ खेलाडी-गियालुइगी डोन्नारुम्मा
इटालीका गोलरक्षक डोन्नारुम्माले प्रतियोगितामा चार गोल मात्रै खाए । उनले युरोमा शानदार प्रदर्शन गरे । फाइनलमा पेनाल्टी पनि बचाए । २२ वर्षिय डोन्नारुम्मा टूर्नामेन्टका सर्वश्रेष्ठ खेलाडी घोषित भए ।
गोल्डन बुट – क्रिस्टियानो रोनाल्डो
यूरोपीयन च्याम्पियनशिपको इतिहासमा सर्वाधिक गोलकर्ता क्रिष्चियानो रोनाल्डोले युरो २०२० मा अर्को उपलब्धी हात पारे । गोल्डेन बुट जितेका रोनाल्डोले पाँच गोल गरेका थिए । दोस्रो स्थानमा रहेका चेक रिपब्लिकका प्याट्रिक सिचको पाँच गोल रहे पनि उनले धेरै समय खेलेका कारण गोल्डेन बुट जित्न बाट चुक्न पुगे ।
टूर्नामेन्टका युवा प्लेयर – पेद्री
१८ वर्षिय पेद्रीको प्रदर्शन निकै तारिफ योग्य थियो । पेद्रीले स्पेनको टोलीबाट राम्रा मात्रै खेलेनन् सबै फुटबल समर्थकहरुको ध्यान तान्न पनि सफल भए र उनी युरोका युवा खेलाडी घोषित भए ।
फाइनलको स्टार – लियोनार्डो बोनुची
अनुभवी डिफेन्डर लियोनार्डो बोनुचिलाई युरो २०२० फाइनलमा डिफेन्डमा उत्कृष्ट प्रदर्शनका लागि प्लेयर अफ द मैच घोषित गरियो साथै उनले दोस्रो हाफमा गरेको गोलका कारण इटालीले पेनाल्टी सम्म खेल पुर्याएको थियो ।