Connect with us

Euro 2020

युक्रेनका यी चार जो इंगल्याण्डको पतनको कारण बन्न सक्छन्

wesportz

Published

on

जर्मनीलाई वेम्बलीमा अन्तिम १६ मा पराजित गरे देखि इङ्ल्याण्ड समर्थकहरुमा उत्साहको कमी छैन । इङ्ल्याण्डको हालको फुटबल टोली पनि १९६६ को विश्वकप पछिको पहिलो ठुलो उपाधि जित्ने लक्ष्यमा छ । तर के युरो कपको क्वार्टर-फाइनलमा युक्रेन इंगल्याडको लागि सहज प्रतिद्वन्दी होला ?

युक्रेनको कथा फरक छ । शनिबार हुने खेलमा युक्रेनी टोली इङ्ल्याण्ड विरुद्ध रोममा अप्रत्याशित जित निकाल्दै विश्व फुटबललाई एउटा नयाँ कथा दिने योजनामा छ ।

सोभियत संघबाट छुट्टिए यता पहिलो पटक अन्तिम चारमा स्थान बनाउने आशमा युक्रेन छ र उसलाई केही कुरा असम्भव छैन । असम्भव नहुनुको कारण युक्रेनमा रहेका हरेक खेलाडीले देखाएको लगाव हो । अन्तिम १६ मा स्विडेनलाई अन्तिम समय सम्म दवाबमा राखेको युक्रेनका लागि हरेक खेलाडी र प्रशिक्षकले आफ्नो देशका लागि खेल्ने प्रण लिएको जस्तो देखिन्थ्यो ।

इङ्ल्याण्डका लागि युक्रेनको ‘प्यासन’ हावी बन्न सक्ने छ । इंगल्याण्डको लागि युक्रेनका प्रमुख बिपक्षी को-को हुन् त ?

आन्द्रे सेवचेन्को- लेजेण्ड

पुर्व बालोन डि’ओर बिजेता र युक्रेन राष्ट्रिय फुटबल टोलीका सर्वाधिक गोलकर्ता सेवचेन्को युक्रेनको स्वर्ण युगका खेलाडी हुन् । २००६ मा उनकै कप्तानीमा युक्रेनले विश्वकपको क्वार्टर-फाइनल खेलेको थियो । युक्रेन इटालीसँग पराजित भयो तर अन्तिम समय सम्म हार मानेन । सेवचेन्को अहिले पनि मैदानमै छन् तर खेलाडी हैन प्रशिक्षकको भूमिकामा र यो नै युक्रेनका लागि सबैभन्दा ठूलो प्रेरणाको श्रोत हो ।

४४ वर्षिय सेवचेन्कोले २०१६ देखी टोली हेरे यता युक्रेनको ग्राफ माथि मात्र गएको छ । त्यसैले उनको टोलीलाई कम आक्न मिल्दैन । युक्रेनले नेसन्स लिगमा पोर्चुगल भन्दा माथि समुह चरण कटाएको थियो भने स्पेनलाई पनि पराजित गरेको थियो । मार्चमा भएको विश्व बिजेता फ्रान्ससँगको विश्वकप छनोटमा पनि युक्रेनले फ्रान्सलाई बराबरीमा रोकेको थियो ।

अब सेवचेन्को इटाली फर्किएका छन् । त्यो पनि युरोको क्वार्टर-फाइनल खेल्न । सेवचेन्कोका लागि इटाली भाग्यमानी शहर हो । जहाँ उनले एसी मिलानका लागि उत्कृष्ट खेलेका थिए तर यो पटक उनको भुमिका फरक छ । उनी डगआउटमा हुनेछन् भने खेलाडीहरुले उनलाई प्रेरणाको स्रोत मान्दै मैदानमा इङ्ल्याण्ड विरुद्ध खेल्ने छन् ।

ओलेक्जेण्डर जिन्चेन्को- स्टार खेलाडी

जिन्चेन्कोको अनुहार हेरेर लाग्दैन कि उनी २४ वर्षका भए । उनी अझै पनि उमेर समुहका खेल खेल्ने खेलाडी जस्तो देखिन्छन् तर उनको खेल कौशलले उनलाई युक्रेनको स्टार खेलाडीको रुपमा स्थापित गराएको छ । म्यानचेस्टर सिटीमा पेप ग्वार्डियोलाका मुख्य खेलाडी जिन्चेन्कोले स्विडेनलाई पराजित गर्दा उत्कृष्ट खेलेका थिए ।

सेवचेन्कोको टोलीमा युरोपको उत्कृष्ट पाँच लिग खेल्ने कमै खेलाडी मध्येका एक जिन्चेन्कोको बाल्यकाल भने सरल रहेन । पुर्व शख्तर दोनेस्कका युवा टोलीका कप्तान जिन्चेन्कोले सिनियर टोलीबाट कहिले आफ्नो डेब्यु गर्न पाएनन् । युक्रेनको डोन्बासमा द्वन्द चर्किए पछि उनी परिवार सहित रुस भागेका थिए ।

तर, २०१६ को युरो पछि उनले फर्किएर हेर्नु परेन । युवा अवस्थामै उनले म्यानचेस्टर सिटीको सम्झौता पाए र युक्रेनका लागि नै खेल्ने निधो गरेका थिए ।

आन्द्रे यार्मोलेन्को- कप्तान

३१ वर्षिय यार्मोलेन्को प्रिमियर लिगका दर्शकका लागि नयाँ नाम हैनन् । २०१८ देखी वेष्ट ह्याममा रहेका यार्मोलेन्कोले प्रिमियर लिग खेलेको चार वर्ष भएको छ ।

राइट विङर र फर्वार्ड दुवै खेल्ने यार्मोलेन्कोको बाँया खुट्टामा जादु छ । नेदरल्यान्ड्स विरुद्ध ३-२ ले पराजित भए पनि उत्कृष्ट गोल गरेका यार्मोलेन्कोले नर्थ मेसेडोनिया विरुद्ध २-१ को जित निकाल्दा पनि गोल गरेका थिए ।

रुसमा जन्मिए पनि युक्रेनी क्लब डाइनामो किभमा उनले आफ्नो नाम बनाएका थिए । रुस सरकारले शरणार्थी भन्दै उनी सहित उनको परिवारलाई युक्रेन जान आग्रह गरेको थियो । उनले युवा टोली देखी सिनियर टोलीसम्म युक्रेनमा खेले र एक सिजन बोरुसिया डर्ट्मण्ड पनि पुगे ।

प्लेयर टु वाच- रुस्लान मालिनोभ्स्की

२८ वर्षिय मालिनोभ्स्की युक्रेनले बनाउने धेरै मुभहरुका योजनाकार हुन् । अट्याकिङ मिडफिल्डरको भूमिकामा खेल्ने गरेका मालिनोभ्स्कीले नेदरल्याण्ड्स विरुद्ध ३-२ को पराजयमा गोल गर्दा नर्थ मेसेडोनिया विरुद्ध २-१ को जितमा भने पेनाल्टीमा चुकेका थिए । उनी स्विडेन विरुद्धको खेलमा बेन्चमा थिए तर उनीमा प्रतिभाको कमी भने रहेको छैन ।

उनी सख्तरबाट पनि खेलिसकेका छन् । इटालियन क्लब एट्लान्टाले उनलाई ग्रिक क्लब गेन्कबाट किनेको थियो र त्यहाबाट उनले आफ्नो फुटबल करिअरमा नयाँ उचाइ हात परेका छन् ।

दुई सिजन एट्लान्टाले सिरी आ मा तेस्रो स्थानमा लिग सक्काउँदा मालिनोभ्स्कीको भूमिका निकै महत्वपूर्ण रहेको थियो र अब युक्रेनले युरो क्वार्टर-फाइनलमा इङ्ल्याण्ड विरुद्ध खेल्दा उनको प्रदर्शनले टोलीको भविष्य निर्धारण गर्न सक्ने छ ।

Euro 2020

युभेन्टस छोड्ने मुडमा छैनन सुपरस्टार रोनाल्डो

wesportz

Published

on

युरो कपमा पांच गोलसहित सर्वाधिक गोकर्ताको गोल्डेन बुट जितेका पोर्चुगिज सुपरस्टार क्रिष्चियानो रोनाल्डोले इटालियन सिरी आ टोली युभेन्टस नछोड्ने संकेत गरेका छन् ।

क्लबका निर्देशक तथा पुर्व चेक रिपब्लिक लेजेण्ड पाभेल नेदभेदले रोनाल्डोले क्लबमै रहने अथवा छोड्ने बिषयमा कुनै जानकारी नगराएको र यसै महिनाको अन्तिम साता टुरिनमा प्रशिक्षणमा सहभागी हुने जानकारी दिएका हुन् ।

“क्रिष्चियानो अहिले छुट्टी मनाइरहेका छन् । उनी छोड्ने बिषयमा उनको टोलीले केही भनेको छैन र पुर्व निर्धारित तालिका अनुसार नै उनी अब जुलाई २५ मा प्रशिक्षणमा सहभागी हुनेछन्,” युभेन्टसको २०२१-२२ सिजनको क्यालेण्डर सार्वजनिक गर्ने क्रममा नेदभेदले भने ।

३६ बर्षको उमेरमा पनि युरो कपमा स्थापित युवा अनुहारहरुलाई पछि पार्दै गोल्डेन बुट जितेका रोनाल्डोको युभेन्टससंगको सम्झौतमा अझै एक बर्ष बाकी रहेको छ ।

सिरी उपाधिमा ९ बर्षपछि पहिलो पटक आफ्नो नियन्त्रण गुमाउनुका साथै गत बर्षको च्याम्पियन्स लिगमा अन्तिम १६ बाट बाहिरिएको युभेन्टस यो सिजनको युरोपियन प्रतियोगिताका लागि पनि मुस्किलले स्थान बनाएपछि रोनाल्डोभविष्य अनिश्चित रहन पुगेको थियो ।

प्रशिक्षक मासिमिलियानो एलेग्रिको पुनरागमनमा युभेन्सटले सिजनको आफ्नो पहिलो खेल युडिनेजी बिरुद्ध खेल्नेछ ।

“एलेग्रिलाई लिएर हाम्रो पांच बर्षको निश्चित कार्य तालिका थियो । त्यसपछि उनी दुई बर्ष छुट्टीमा गएका थिए । अब नयां उर्जा सहित उनी टोलीमा फर्कदैछन्,” नेदभेदले भने ।

Continue Reading

Euro 2020

युरो कप फाइनलका पोर्चुगिज हिरो कसरी बने बेरोजगार ?

wesportz

Published

on

२०१६ को गर्मिमा एडर पोर्चुगलका राष्ट्रिय हिरो थिए । सब्स्टिच्युटको रुपमा बेञ्चबाट आउदै उनले अतिरिक्त समयमा गोल गर्दै पोर्चुगललाई युरो कपको उपाधि जिताएका थिए ।

स्टाड डि फ्रान्समा घरेलु टोलीबिरुद्ध भएको फाइनलमा हाल ३३ बर्षपुगिसकेका एडर रेनातो सान्चेजको स्थानमा ९० औं मिनेटमा मैदान प्रवेश गरेका थिए ।

सुपरस्टार क्रिष्चियानो रोनाल्डो चोटका कारण मैदानबाट खेलको शुरुवातमै बाहिरिएको स्थितिको पूर्ण फाइदा उठाउदै ११ मिनेट बाकी रहदा एडरले गोल गरेपछि उनी पोर्चुगलमा एका एक हिरो बने । सबैले रोनाल्डो, रोनाल्डो भनिरहदा पोर्चुगलले अनपेक्षित हिरो पाउदा झनै धेरै उत्साहित भएका थिए ।

तर पांच बर्षयता आइपुग्दा आइतबार वेम्ब्लीमा इटाली र इंगल्याण्ड युरो कपको उपाधिका लागि भिड्नु अघि ट्रफि लिएर आएका एडर सबैले बिर्सिएका हिरो भइसकेका छन् ।

कति पयको लागि एडरको मुहारमा देखिएको निराशा स्पष्ट रुपमा नै ध्यानमा आएको थियो । तर एडर आफ्नै लागि भने ६५ हजार दर्शक रहेको वेम्ब्लीमा ट्रफि लिएर हिड्दा आफ्नो असफलताको बयान गर्दै थियो ।

२०१६ को उक्त ऐतिहासिक रात पछि के भयो त एडरको जीवनमा ?

पोर्चुगिज महारथी ब्रागाबाट एडर युरो कपको ठ्याक्कै एक बर्ष अगाडी ५ मिलियन पाउण्डमा इंग्लिस प्रिमियर लिग टोली स्वान्सेसंग अनुबन्धित भएका थिए । तर पहिलो १५ खेलमा गोल गर्न चुकेपछि बाकी सिजनका लागि उनलाई लोनमा फ्रेञ् च लिग वान टोली लिल पठाइयो ।

लिलका लागि १३ खेलमा ६ गोल गरेपछि उनी रोनाल्डो, नानी र साञ्चेजसंगै पोर्चुगलको युरो कप टोली अटाए । ३-३ गोल गरेपछि रोनाल्डो र नानी पोर्चुगलको युरो अभियानको दुई मुख्य खेलाडी रहे। नकआउटमा पोल्याण्ड र वेल्सलाई हराएपछि पोर्चुगलले फ्रान्ससंगको भिडन्त पक्क गर्यो ।

पहिलो उपाधि पछ्याइरहेको एडर उक्त युरोलाई आफ्नो ब्रेकथ्रु प्रतियोगिता बनाएका सान्चेजको स्थानमा ८० औं मिनेटमा प्रवेश गरे । अतिरिक्त समयमा मात्र ११ मिनेट रहेको स्थितिमा एडरले अविश्वसनीय रुपमा प्रतियोगिताको पहिलो र एक मात्र गोल गरे ।

पछिल्लो पांच बर्षमा एडरका लागि सबैभन्दा ठूलो उपलब्धि आफैले जिताको युरो कप ट्रफि लिएर वेम्ब्ली स्टेडियम प्रवेश गर्नु थियो

फ्रान्स गोल फर्काउन असफल रहेपनि पोर्चुगल पहिलो पटक उपाधि जित्न सपल रह्यो ।

एडरको नायकत्वको अपेक्षा गर्दै फ्रान्समा उनको लोन मुभलाई नयां सिजनका लागि स्थायी बनाइयो । तर ३१ लिग वान खेलमा मात्र ६ गोल गरेपछि लिलले पनि उनलाई रसियन प्रिमियर लिग क्लब लोकोमोटिभ मस्कोमा लोनमा पठायो ।

एक बर्षपछि लोकोमोटिभ मस्कोले उनको लोन मुभलाई स्थायी बनायो ।

२०१६ को युरोको हिरो रहनुका साथै पछिल्लो एक बर्ष रुसमै बिताएपनि एडर रुसमै हुन गइरहेको बिश्वपका लागि पोर्चुगिज टोलीमा अटाएनन् ।

गत सिजनसम्म लोकोमोटिभमै बिताएका एडरले आफू खेलेका ९ खेलमा गोल गर्न असफल रहे । उनले चार सिजन बिताउदा रुसी टोलीका लागि ७२ खेलमा जम्मा ९ गोलमात्र गरे ।

लोकोमोटिभले उनलाई रिलिज गरेपछि उनी अहिले भने बेरोजगार भएका छन् । आफू युरोपको प्रमुख खेलाडीको रुपमा धेरै दिन सक्ने साबित गर्न उनी मौका कुरिरहेका छन् ।

एडर वेम्ब्लीमा झल्कदा उनी उपलब्ध रहेको बिषयमा धेरै व्यवस्थापकहरु जानकार पनि भएका होलान् ।

यद्दपि एडर बेरोजगारीको पहिलो दिनहरुमा मात्रै छन् । पुर्व इंगल्याण्ड स्टार ड्यानियल स्टरिज अहिले यसैसिजन ला लिगामा बढुवा भएको स्पेनिस टोली रियल मायोर्कासंग प्रशिक्षण गर्दैछन् ।

मार्च२०२० मा टर्किस टोली ट्राब्जन्सपोरले पनि साथ छोडेपछि उनी डेढ बर्ष भन्दा क्लबबिहिन बन्न पुगे । एडर आफू त्यति लामो समय बेरोजगार रहनु नपर्ने आशा गरिरहेका छन् ।

उनलाई लिएर अर्को प्रिमियर लिग क्लब ब्राइटन केही सकारात्मक रहेको हल्ला मार्चमा चलेको थियो ।

Continue Reading

Euro 2020

युरो २०२०: कस्ले के-के जिते ?

wesportz

Published

on

पेनाल्टी सुटआउटमा तीन खेलाडी चुक्दा इग्ल्याण्डको युरोकप उपाधि जित्ने सपना अधुरै रह्यो । इटालीसँग ३–२ गोल अन्तरले पराजित भएसँगै पहिलो पटक युरो कपको उपाधि जित्ने इग्ल्याण्डको सपनामा तुसारापात भयो ।

६० हजार दर्शक सहभागी घरेलु मैदानमा इंग्ल्याण्डले सुरूवाती अग्रता लिएको थियो । तर अग्रता जोगाउन नसक्दा निर्धारित र अतिरिक्त समय १–१ गोलको बराबरीमा रोकिएपछि खेल पेनाल्टी सुटआउट तर्फ धकेलिएको थियो ।

पेनाल्टी प्रहार गरेका पाँच खेलाडी मध्ये ह्यारी केन र ह्यारी मग्वाएरको प्रहारले मात्रै जाली चुमेको थियो । पेनाल्टी सुट कै लागि अतिरिक्त समयमा मैदान प्रवेश गरेका मार्कस राषफोर्डको प्रहार बारमा लागेर बाहिरियो । जाेडान सान्चो र साका बाकुयोको प्रहार इटालीका गोल रक्षकले रोके । इटालीका आन्द्रे बेलोट्टी र जोर्गिन्हो प्रहार इग्ल्याण्डका गोल रक्षकले रोकेका थिए । र इटालीले ५३ औँ वर्ष पछी युरो जित्यो ।

तर, युरो २०२० को उपाधी बाहेक व्यक्तिगत अवार्डमा कस्ले के-के जिते ?

टूर्नामेन्टका सर्वश्रेष्ठ खेलाडी-गियालुइगी डोन्नारुम्मा

इटालीका गोलरक्षक डोन्नारुम्माले प्रतियोगितामा चार गोल मात्रै खाए । उनले युरोमा शानदार प्रदर्शन गरे । फाइनलमा पेनाल्टी पनि बचाए । २२ वर्षिय डोन्नारुम्मा टूर्नामेन्टका सर्वश्रेष्ठ खेलाडी घोषित भए ।

गोल्डन बुट – क्रिस्टियानो रोनाल्डो

यूरोपीयन च्याम्पियनशिपको इतिहासमा सर्वाधिक गोलकर्ता क्रिष्चियानो रोनाल्डोले युरो २०२० मा अर्को उपलब्धी हात पारे । गोल्डेन बुट जितेका रोनाल्डोले पाँच गोल गरेका थिए । दोस्रो स्थानमा रहेका चेक रिपब्लिकका प्याट्रिक सिचको पाँच गोल रहे पनि उनले धेरै समय खेलेका कारण गोल्डेन बुट जित्न बाट चुक्न पुगे ।

टूर्नामेन्टका युवा प्लेयर – पेद्री

१८ वर्षिय पेद्रीको प्रदर्शन निकै तारिफ योग्य थियो । पेद्रीले स्पेनको टोलीबाट राम्रा मात्रै खेलेनन् सबै फुटबल समर्थकहरुको ध्यान तान्न पनि सफल भए र उनी युरोका युवा खेलाडी घोषित भए ।

फाइनलको स्टार – लियोनार्डो बोनुची

अनुभवी डिफेन्डर लियोनार्डो बोनुचिलाई युरो २०२० फाइनलमा डिफेन्डमा उत्कृष्ट प्रदर्शनका लागि प्लेयर अफ द मैच घोषित गरियो साथै उनले दोस्रो हाफमा गरेको गोलका कारण इटालीले पेनाल्टी सम्म खेल पुर्याएको थियो ।

Continue Reading
Headline9 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline8 months ago

फुटबलमा थापिएका ५ अचम्मका बाजीहरु

Headline5 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline12 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!