Euro 2020
लुकास हर्नान्डेज: एक फोन कलले बदलिएको भाग्य
लुकास हर्नान्डेजसंग विश्वकपको मेडल छ । उनले सन् २०१८ मा रुस विश्वकपमा फ्रान्सको लागि खेल्दै उपाधि चुमेका थिए । तर यदि डिडियर देसच्याम्प्सको फोन नआएको भए उनी स्पेनको लागि खेलेका हुने थिए भने उनीसंग विश्व विजेताको मेडल पनि हुने थिएन ।
रुसमा आयोजित विश्वकप भन्दा तीन महिना अघि मात्र देसच्याम्प्सले उनलाई फोन गरेका थिए, फ्रान्सबाट खेल्ने प्रस्ताव सहित । हर्नान्डेज फ्रान्सबाट खेल्नुमा अर्को ठुलो हात छ एन्टोइन ग्रिजमनको । एट्लेटिको म्याड्रिडका आफ्ना साथी ग्रिजमनसंगको सम्बाद पछि हर्नान्डेजले फ्रान्सबाट खेल्ने निर्णय लिन पुगे ।
एउटा अन्तर्वार्ताका क्रममा ग्रिजमनले आफूले हर्नान्डेजलाई फ्रान्सबाट खेल्नका लागि राजी गराउने क्रममा निकै दवाब पनि दिएको खुलासा गरेका थिए । हर्नान्डेजलाई स्पेनका प्रशिक्षक जुलियन लोपेतेगीले उनलाई आफ्नो देशका लागि खेल्न प्रस्ताव गरेको ग्रिजम्यानले खुलाएका थिए ।
हर्नान्डेजले युवा प्रतियोगिताहरू सबै फ्रान्सबाट नै खेलेका थिए । उनी अण्डर १६ देखि अण्डर २१ सम्म फ्रान्सको जर्सीमा मैदानमा उत्रेका थिए ।
“मलाई आफू फ्रेन्च भन्दा पनि स्पेनिस जस्तो लाग्थ्यो,” हर्नान्डेजले भने । “मलाई स्पेनले व्यक्तिगत र व्यवसायिक रुपमा सबै कुरा दिएको छ । म स्पेनिस भाषा पनि राम्रो बोल्न सक्छु । तर मेरो देश फ्रान्स नै हो । त्यसैले पनि जब मलाई प्रशिक्षकको फोन आयो मैले एक पल पनि नसोच्दै उनको प्रस्ताव स्वीकारे । म यो जर्सीको लागि सबै दिन चाहन्थे ।”
लेफ्ट ब्याक हर्नान्डेजले रसियामा सबै सातवटा खेलमा नै शुरुवात गर्ने अवसर पाएका थिए । त्यस्तै उनले दुई खेलमा असिस्ट पनि गरे – अर्जेन्टिना विरुद्ध अन्तिम १६ को खेलमा बेन्जामिन पावार्डलाई तथा क्रोसिया विरुद्धको फाइनलमा किलियन एमबाप्पेलाई ।
मार्सेमा जन्मिएका २२ वर्षको उमेरमा विश्वकप विजेता बनेका उनको समय सधै समान रहेन ।
उनका बाबु जिन–फ्रान्सिस्को पनि फुटबलर नै थिए । आक्रामक रुपमा खेल्ने फ्रान्सिस्कोले सन् १९९५ देखि सन् १९९८ सम्म स्पेनमा खेलेका कारण हर्नान्डेज पनि स्पेनमा नै हुर्किए । तर उनका बाबु एक दिन अचानक घरबाट गायब भए । धेरै ऋण भएका कारण उनले भाग्ने निर्णय लिएका थिए ।
बाबुले घर छाडे पछि उनी आफ्नो आमा लरेन्स, मावली हजुर बा र हजुर आमा तथा आफ्नो भाईसंग बस्ने गर्दछन् । उनका भाई थियो पनि फुटबलर हुन् । एट्लेटिकोको युवा र रिजर्व टोलीमा रहेका थियो रियल म्याड्रिड हुंदै अहिले इन्टर मिलानमा छन् ।
“त्यो समय निकै कठिन थियो तर रमाइलो पनि । मलाई याद छ आमाले धेरै काम गर्ने गर्दथिन् ता कि हामीलाई राम्रोसंग खुवाउन सकुन् । उनी म र थियोलाई फुटबल खेलमा लग्नुको साथै अभ्यासका लागि पनि पुर्याने गर्थिन्,” हर्नान्डेजले भने ।
“यो सबै खराब अवस्थाबाट मुक्ति पाउन र आमालाई उनको योगदानको बदलामा हामी उनलाई केहि दिन चाहन्थ्यौं । यसका लागि हामीले हाम्रो सपना साकार पार्नका लागि निकै लगावका साथ अभ्यास गर्ने गर्दथ्यौं ।”
जब हर्नान्डेज ११ वर्षका थिए उनलाई एट्लेटिकोका स्काउटहरुले पश्चिम म्याड्रिडको एउटा सानो क्लबमा देखेका थिए । हर्नान्डेजको खेल्ने शैली र चरित्र एट्लेटिकोको दर्शन र पछि गएर डिएगो सिमिओने बाट धेरै प्रभावित छ ।
“म मैदानमा रहंदा रक्षात्मक, आक्रामक र भिड्न बढी रुचाउछु । म एक जनामा केन्द्रित रहदै ट्याकल गर्ने र बल खोस्ने प्रयासमा रहन्छु । जसरी एट्लेटिककोले खेल्ने गर्दछ – रक्षात्मक खेल्ने ता कि आक्रामण गर्न सहज होस्, त्यस बाहेक अरु उपाय नै छैन – र यो शैली मलाई निकै उपयुक्त बन्यो । त्यस्तै फ्रान्सले खेल्ने पनि यस्तै किसिमको फुटबल छ ।”
“देसच्याम्प्स र डिएगोको धेरै कुरा मिल्दो जुल्दो छ । उनीहरु दुबैको एक मात्र लक्ष्य हुन्छ खेल जित्ने । त्यसैले गर्दा पनि होला जब म फ्रान्सको टोलीमा आए मलाई खासै असहज महसुस भएन र टोलीमा छिटै घुलमिल पनि भए ।”
उनी सुरुवाती दिनमा सेन्ट्रल डिफेन्डर थिए, जुन सायद उनको बाबुको डिएनएका कारण पनि हुन सक्दछ, तर पछि गएर एट्लेटिको र फ्रान्सको शक्तीशाली, विस्फोटक र हठ लेफ्ट ब्याकका रुपमा उदाए ।
“मलाई लेफ्ट ब्याकका रुपमा खेल्नका लागि बानी नै परिसक्यो । तर पनि म दुबै स्थानमा खेल्न सक्छु त्यो पनि खेल दौरान नै । मेरो भाई भने पुरै लेफ्ट ब्याक हो, म भन्दा अझै बलियो र उत्कृष्ट पनि । तर म उत्कृष्ट डिफेन्डर हो ।”
जब हर्नान्डेजले एट्लेटिको छाड्दै सन् २०१९ मा बायर्न आए त्यहा विश्वकप जित्ने एट्लेटिकोको कुनै पनि खेलाडी थिएनन् । उनले भनेः ’त्यस समय मलाई निकै गौरवान्वित महसुस भएको थियो ।’ त्यस्तै उनी आफ्नो लागि एउटा नया चुनौती खडा गर्न चाहन्थे र आफ्नै भाषामा भन्नु पर्दा ’आफैलाई खतरामा राख्न’ चाहन्थे ।
हर्नान्डेजले गत वर्ष चोटका कारण लामो समय मैदान बाहिर पनि बिताउन पर्यो । त्यस्तै उनले दुई पटक त शल्यक्रिया नै पनि गर्न पर्यो, एक पटक दायाँ घुंडाको र अर्को पटक गोलीगाँठोको ।
उनले फ्रान्सको लागि जर्सी नम्बर २१ लगाए पनि बायर्नमा फिलिप लाम ले सन् २०१७ मा सन्यास लिए पछि कसैले पनि उक्त जर्सी नम्बर लगाउने आट गरेनन् । तर उनले त्यहि जर्सी नम्बर २१ नै लगाए ।
उनले बायर्नमा आफूले एट्लेटिकोमा खेल्ने गरेको भन्दा भिन्न शैलीमा खेल्न पर्यो, बल धेरै भन्दा धेरै आफ्नो खुट्टामा राख्ने, आक्रामक फुटबल र बढी डिफेन्स गर्ने । उनले जर्मन आए पछि आफ्नो बल पास गर्ने कलामा निकै सुधार गर्न परेको स्वीकार छन् ।
१८ वर्ष स्पेनमा बिताएका हर्नान्डेजले जर्मनी आए पछि जीवन शैलीमा पनि धेरै परिवर्तन गर्न पर्यो भने धेरै कुरा सिक्न पनि पर्यो । स्पेनमा फ्रान्सका साथीहरुसँगै क्लबमा खेलेका उनलाई जर्मनीमा पनि फ्रान्सका साथीहरु भएका कारण केहि सहज भने महसुस भएको बताउँछन् ।
उनलाई बायर्नले आफ्नो क्लबमा भित्राउन ८० मिलियन युरो खर्च गरेको थियो जुन क्लबको इतिहासमा सबैभन्दा ठुलो रकम हो । २५ वर्षीय खेलाडीलाई भित्र्याउन त्यत्रो ठुलो रकम बायर्नले खर्च गरे पनि गलत निर्णय भने लिएको होइन ।
२०१६ को गर्मिमा एडर पोर्चुगलका राष्ट्रिय हिरो थिए । सब्स्टिच्युटको रुपमा बेञ्चबाट आउदै उनले अतिरिक्त समयमा गोल गर्दै पोर्चुगललाई युरो कपको उपाधि जिताएका थिए ।
स्टाड डि फ्रान्समा घरेलु टोलीबिरुद्ध भएको फाइनलमा हाल ३३ बर्षपुगिसकेका एडर रेनातो सान्चेजको स्थानमा ९० औं मिनेटमा मैदान प्रवेश गरेका थिए ।
सुपरस्टार क्रिष्चियानो रोनाल्डो चोटका कारण मैदानबाट खेलको शुरुवातमै बाहिरिएको स्थितिको पूर्ण फाइदा उठाउदै ११ मिनेट बाकी रहदा एडरले गोल गरेपछि उनी पोर्चुगलमा एका एक हिरो बने । सबैले रोनाल्डो, रोनाल्डो भनिरहदा पोर्चुगलले अनपेक्षित हिरो पाउदा झनै धेरै उत्साहित भएका थिए ।
तर पांच बर्षयता आइपुग्दा आइतबार वेम्ब्लीमा इटाली र इंगल्याण्ड युरो कपको उपाधिका लागि भिड्नु अघि ट्रफि लिएर आएका एडर सबैले बिर्सिएका हिरो भइसकेका छन् ।
कति पयको लागि एडरको मुहारमा देखिएको निराशा स्पष्ट रुपमा नै ध्यानमा आएको थियो । तर एडर आफ्नै लागि भने ६५ हजार दर्शक रहेको वेम्ब्लीमा ट्रफि लिएर हिड्दा आफ्नो असफलताको बयान गर्दै थियो ।
२०१६ को उक्त ऐतिहासिक रात पछि के भयो त एडरको जीवनमा ?
पोर्चुगिज महारथी ब्रागाबाट एडर युरो कपको ठ्याक्कै एक बर्ष अगाडी ५ मिलियन पाउण्डमा इंग्लिस प्रिमियर लिग टोली स्वान्सेसंग अनुबन्धित भएका थिए । तर पहिलो १५ खेलमा गोल गर्न चुकेपछि बाकी सिजनका लागि उनलाई लोनमा फ्रेञ् च लिग वान टोली लिल पठाइयो ।
लिलका लागि १३ खेलमा ६ गोल गरेपछि उनी रोनाल्डो, नानी र साञ्चेजसंगै पोर्चुगलको युरो कप टोली अटाए । ३-३ गोल गरेपछि रोनाल्डो र नानी पोर्चुगलको युरो अभियानको दुई मुख्य खेलाडी रहे। नकआउटमा पोल्याण्ड र वेल्सलाई हराएपछि पोर्चुगलले फ्रान्ससंगको भिडन्त पक्क गर्यो ।
पहिलो उपाधि पछ्याइरहेको एडर उक्त युरोलाई आफ्नो ब्रेकथ्रु प्रतियोगिता बनाएका सान्चेजको स्थानमा ८० औं मिनेटमा प्रवेश गरे । अतिरिक्त समयमा मात्र ११ मिनेट रहेको स्थितिमा एडरले अविश्वसनीय रुपमा प्रतियोगिताको पहिलो र एक मात्र गोल गरे ।
पछिल्लो पांच बर्षमा एडरका लागि सबैभन्दा ठूलो उपलब्धि आफैले जिताको युरो कप ट्रफि लिएर वेम्ब्ली स्टेडियम प्रवेश गर्नु थियो
फ्रान्स गोल फर्काउन असफल रहेपनि पोर्चुगल पहिलो पटक उपाधि जित्न सपल रह्यो ।
एडरको नायकत्वको अपेक्षा गर्दै फ्रान्समा उनको लोन मुभलाई नयां सिजनका लागि स्थायी बनाइयो । तर ३१ लिग वान खेलमा मात्र ६ गोल गरेपछि लिलले पनि उनलाई रसियन प्रिमियर लिग क्लब लोकोमोटिभ मस्कोमा लोनमा पठायो ।
एक बर्षपछि लोकोमोटिभ मस्कोले उनको लोन मुभलाई स्थायी बनायो ।
२०१६ को युरोको हिरो रहनुका साथै पछिल्लो एक बर्ष रुसमै बिताएपनि एडर रुसमै हुन गइरहेको बिश्वपका लागि पोर्चुगिज टोलीमा अटाएनन् ।
गत सिजनसम्म लोकोमोटिभमै बिताएका एडरले आफू खेलेका ९ खेलमा गोल गर्न असफल रहे । उनले चार सिजन बिताउदा रुसी टोलीका लागि ७२ खेलमा जम्मा ९ गोलमात्र गरे ।
लोकोमोटिभले उनलाई रिलिज गरेपछि उनी अहिले भने बेरोजगार भएका छन् । आफू युरोपको प्रमुख खेलाडीको रुपमा धेरै दिन सक्ने साबित गर्न उनी मौका कुरिरहेका छन् ।
एडर वेम्ब्लीमा झल्कदा उनी उपलब्ध रहेको बिषयमा धेरै व्यवस्थापकहरु जानकार पनि भएका होलान् ।
यद्दपि एडर बेरोजगारीको पहिलो दिनहरुमा मात्रै छन् । पुर्व इंगल्याण्ड स्टार ड्यानियल स्टरिज अहिले यसैसिजन ला लिगामा बढुवा भएको स्पेनिस टोली रियल मायोर्कासंग प्रशिक्षण गर्दैछन् ।
मार्च२०२० मा टर्किस टोली ट्राब्जन्सपोरले पनि साथ छोडेपछि उनी डेढ बर्ष भन्दा क्लबबिहिन बन्न पुगे । एडर आफू त्यति लामो समय बेरोजगार रहनु नपर्ने आशा गरिरहेका छन् ।
उनलाई लिएर अर्को प्रिमियर लिग क्लब ब्राइटन केही सकारात्मक रहेको हल्ला मार्चमा चलेको थियो ।
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
केन्या माथि नेपालको कीर्तिमानी जित
साफ च्याम्पियनसिपका लागि तीन नयाँ खेलाडी समेट्दै टोली घोषणा
नेपाल टी२० लिग : खेलाडी दर्ता सुरु, चार मापदण्ड तय
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
नेपालले हरायो केन्यालाई
नेपालका लागि केन्या टुर महत्वपूर्ण
बङ्गलादेशसँगको मैत्रीपूर्ण खेलका लागि ४० जना बोलाइयो
नयाँ प्रशिक्षक प्रभाकर भन्छन् : पहिलो काम लिग टु
बाना कपका लागि सुदुरपश्चिमको जर्सी सार्वजनिक
यस्ता छन् एन्फा कार्यसमिति बैठकका निर्णयहरू
साफ महिला च्याम्पियनसिप : उद्घाटन खेलमा नेपाल भुटानसँग भिड्ने
नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
नेपालको पोस्टमा भारतको गोलको वर्षा
साफ महिला च्याम्पियनसिप : नेपाललाई सजिलो समूह
लगातार दोस्रो जित निकाल्दा नेपाल फाइनल नजिक
साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु
उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
केन्या माथि नेपालको कीर्तिमानी जित
साफ च्याम्पियनसिपका लागि तीन नयाँ खेलाडी समेट्दै टोली घोषणा
नेपाल टी२० लिग : खेलाडी दर्ता सुरु, चार मापदण्ड तय
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
नेपालले हरायो केन्यालाई
नेपालका लागि केन्या टुर महत्वपूर्ण
बङ्गलादेशसँगको मैत्रीपूर्ण खेलका लागि ४० जना बोलाइयो
नयाँ प्रशिक्षक प्रभाकर भन्छन् : पहिलो काम लिग टु
बाना कपका लागि सुदुरपश्चिमको जर्सी सार्वजनिक
यस्ता छन् एन्फा कार्यसमिति बैठकका निर्णयहरू
साफ महिला च्याम्पियनसिप : उद्घाटन खेलमा नेपाल भुटानसँग भिड्ने
नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
नेपालको पोस्टमा भारतको गोलको वर्षा
साफ महिला च्याम्पियनसिप : नेपाललाई सजिलो समूह
लगातार दोस्रो जित निकाल्दा नेपाल फाइनल नजिक
साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु