Euro 2020
जर्मनी र इंगल्याण्डको पांच क्लासिक भिडन्त
Published
3 years agoon
By
wesportzजारी युरो कपको अर्को ब्लकबास्टर भिडन्तमा इंगल्याण्डले जर्मनीसंगको आफ्नो प्रतिद्वन्दितालाई वेम्ब्लीमा मंगलवार पुन ताजा गर्दैछ । अन्तिम १६ को उक्त भिडन्तमा एक पटक फेरि जर्मनीलाई नै प्रमुख दाबेदारको रुपमा हेरिएको छ ।
इंगलिस फुटबलको सबैभन्दा ठूलो इतिहास १९६६ मा वेम्ब्लीबिरुद्ध नै रहेको थियो । जब उसले बिश्वकपमा कब्जा गरेको थियो । तर त्यसयता भने इंगल्याण्डले चार पटकको बिश्वकप बिजेतालाई कुनै पनि प्रमुख प्रतियोगिताहरुमा हराउन सकेको छैन ।
५५ बर्षदेखि कुनै पनि ठूलो उपाधि जित्न असफल इंगल्याण्ड जर्मनीबिरुद्ध पनि जित हासिल गर्ननसक्दा हेरौं यी दुई देशबीचको इतिहासको पांच क्लासिक भिडन्तहरुः
१९६६ बिश्वकप फाइनल — इंगल्याण्ड ४ वेष्ट जर्मनी २
१९६६ बिश्वकप फाइनलपछि जियोफ हस्र्टको ह्याट्रिक उनको घरमा लोक साहित्यको रुपमा स्थापित भएपनि जर्मनीमा भने इंगल्याण्डको तेश्रो तथा महत्वपूर्ण गोललाई कसैले सम्झन चाहदैनन् । हस्र्टको तेश्रो गोल बिवादास्पद रहन पुगेको थियो ।
उल्फग्यांग वेबरले अन्तिम समयमा गोल गरेपछि दुवै टोली २-२ को बराबरी रहेका थिए । ३० मिनेटको अतिरिक्त समयको पहिलो हाफमा भएको हस्र्टको गोलले इंगल्याण्डलाई पहिलो र हालसम्मको एउटै बिश्वकप जित्ने आधार खडा गर्यो ।
हस्र्टले प्रहार गरेको बल क्रसबारको मुनि लाग्दै फर्किएपछि अजरबैजानका सहायक रेफ्रि तौफिक बाह्रामोभले गोल दिएका थिए । अतिरिक्त समयको अन्तिम मिनेटमा हस्र्टले ह्याट्रिक पुरा गर्दैगरेको गोलमा बिबिसिका केनेथ वोल्स्टनहोमको कमेन्टेरी अमर बन्न पुगेको थियो ।
“केही मानिसहरु मैदानभित्रै पुगिसकेका छन् । उनीहरुलाई सक्किएको जस्तो लागि सकेको छ । अब भने समाप्त भइसक्यो । चार गोल भयो,” वोल्स्टनहोमले रुदै भनेका थिए ।
१९७० बिश्वकप — इंगल्याण्ड २ वेष्ट जर्मनी ३
वेष्ट जर्मनीले चार बर्षपछि नै मेक्सिकोको गर्मीमा आफ्नो बदला लियो । तर सबैभन्दा ठूलो पिडा डिफेन्डिंग च्याम्पियनलाई जर्मनीले गरेको सनसनीपूर्ण पुनरागमले दियो ।
एलन मुलेरी र मार्टिन पिटर्सले गोल गर्दै इंगल्याण्डलाई २-० को अग्रता दिलाएका थिए । तर फ्रान्ज बेकनबाउरले गोल गर्दै पहिलो हाफमै दुरी छोट्याएपछि जर्मनीले दोश्रो हाफमा उवे सिलरको हेडरमार्फत बराबरी गर्यो ।
गर्ड मुलरले अतिरिक्त समयमा गोल गर्दै इंगल्याण्डको मुटु छिया छिया पारेका थिए ।
१९९० बिश्वकप — इंगल्याण्ड १ जर्मनी १ (जर्मनी टाइ ब्रेकरमा बिजयी)
इंगल्याण्ड पेनाल्टी सुटआउट संगको दर्दनाक सम्बन्ध १९९० बिश्वकपका दौरान इटालीमा शुरु भएको थियो जब उ दोश्रो पटक फाइनल पुग्नबाट थोरैले मात्र चुकेको थियो ।
आन्द्रेस ब्रेह्मको फ्रि किक गोललाई ग्यारी लिनेकरले जवाफ दिदै टुरिनमा भएको सेमिफाइनल टाइ ब्रेकरका लागि धेकेलेका थिए । जर्मनीको निशाना अचुक रहदा इंगल्याण्डका स्टुवर्ट पिएर्स र क्रिस वाडलले मौका खेर फालेका थिए ।
पेनाल्टीमा गोल गर्न असफल इंगल्याण्डका खेलाडीहरुको लामो सुचीको शुरुवाती दुई नाम पिएर्स र वाडल नै थिए ।
१९९६ युरो कप — इंगल्याण्ड १ जर्मनी १ (जर्मनी पेनाल्टीमा ६-५ ले बिजयी)
जारी युरो शुरु हुनु अघि इंगल्याण्ड प्रशिक्ष्ँक ग्यारेथ साउथगेटले आफू राम्रो टोली रहेको साबित हुनका लागि सेमिफाइनल प्रवेश गर्नै पर्ने बताएका थिए । १९९६ कोयुरो कपपछि इंगल्याण्ड अहिलेसम्म सेमिफाइनल पुग्न सकेको छैन ।
आफ्नै भुमिमा भएको १९९६ को युरोकपको अन्तिम चारको निर्धारित र अतिरिक्त समय बराबरीमा टुंगिएपछि जर्मनीले ६-५ ले बाजी मार्यो । खेलमा पेनाल्टी मिस गर्ने एक मात्र खेलाडी साउथगेट नै थिए ।
स्कटल्याण्ड, नेदरल्याण्ड्स र स्पेनलाई हराउदै सेमिफाइनलसम्म स्थान बनाएको इंगल्याण्डको मनोबल निकै उच्च थियो । एलन सियररले गोल गर्दै अग्रता दिलाएपनि स्टेफन कुन्ट्जले बराबरी गोल गर्दै खेल अतिरिक्त समयमा धकेले ।
साउथगेटले पेनाल्टीमा गोल गर्न नसक्दा जर्मनी फाइनलमा पुग्यो र अन्तत युरो कप पनि जित्यो ।
२०१० बिश्वकप — जर्मनी ४ इंगल्याण्ड १
हस्र्टको बिवादास्पद गोलले दिएको पिडाको बदला जर्मनीले४४ बर्षपछि दक्षिण अफ्रिकामा लियो । ब्लुमफोन्टेनमा आकर्षक शुरुवात गरेको जर्मनीका लागि पहिलो हाफमा मिरोस्लाभ क्लोज र लुकास पोडोल्स्कीले अग्रता दिलाएका थिए ।
म्याथ्यु अप्सनले इंगल्याण्डका लागि एक गोल फर्काए । त्यसपछि फ्रांक लाम्पार्डको प्रहार क्रसबारको मुनि ठोक्किएर गोल लाईन क्रस गरेको स्पष्ट देखिएपनि गोललाई प्रविधि नरहेका कारण इंगल्याण्डको गोलले मान्यता पाएन ।
चार बर्षपछि बिश्वकप जित्न गइरहेको जर्मनीको युवा पुस्ता रहेको टोलीले दोश्रो हाफमा अर्को सशक्त प्रदर्शन दियो । थोमस मुलरले दुई गोल गरेपछि जर्मनले आरामले खेल जित्यो । इंगल्याण्डले मात्र लाम्पार्डको गोल चुक्चुकायो ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Euro 2020
युभेन्टस छोड्ने मुडमा छैनन सुपरस्टार रोनाल्डो
Published
3 years agoon
July 15, 2021By
wesportzयुरो कपमा पांच गोलसहित सर्वाधिक गोकर्ताको गोल्डेन बुट जितेका पोर्चुगिज सुपरस्टार क्रिष्चियानो रोनाल्डोले इटालियन सिरी आ टोली युभेन्टस नछोड्ने संकेत गरेका छन् ।
क्लबका निर्देशक तथा पुर्व चेक रिपब्लिक लेजेण्ड पाभेल नेदभेदले रोनाल्डोले क्लबमै रहने अथवा छोड्ने बिषयमा कुनै जानकारी नगराएको र यसै महिनाको अन्तिम साता टुरिनमा प्रशिक्षणमा सहभागी हुने जानकारी दिएका हुन् ।
“क्रिष्चियानो अहिले छुट्टी मनाइरहेका छन् । उनी छोड्ने बिषयमा उनको टोलीले केही भनेको छैन र पुर्व निर्धारित तालिका अनुसार नै उनी अब जुलाई २५ मा प्रशिक्षणमा सहभागी हुनेछन्,” युभेन्टसको २०२१-२२ सिजनको क्यालेण्डर सार्वजनिक गर्ने क्रममा नेदभेदले भने ।
३६ बर्षको उमेरमा पनि युरो कपमा स्थापित युवा अनुहारहरुलाई पछि पार्दै गोल्डेन बुट जितेका रोनाल्डोको युभेन्टससंगको सम्झौतमा अझै एक बर्ष बाकी रहेको छ ।
सिरी उपाधिमा ९ बर्षपछि पहिलो पटक आफ्नो नियन्त्रण गुमाउनुका साथै गत बर्षको च्याम्पियन्स लिगमा अन्तिम १६ बाट बाहिरिएको युभेन्टस यो सिजनको युरोपियन प्रतियोगिताका लागि पनि मुस्किलले स्थान बनाएपछि रोनाल्डोभविष्य अनिश्चित रहन पुगेको थियो ।
प्रशिक्षक मासिमिलियानो एलेग्रिको पुनरागमनमा युभेन्सटले सिजनको आफ्नो पहिलो खेल युडिनेजी बिरुद्ध खेल्नेछ ।
“एलेग्रिलाई लिएर हाम्रो पांच बर्षको निश्चित कार्य तालिका थियो । त्यसपछि उनी दुई बर्ष छुट्टीमा गएका थिए । अब नयां उर्जा सहित उनी टोलीमा फर्कदैछन्,” नेदभेदले भने ।
Euro 2020
युरो कप फाइनलका पोर्चुगिज हिरो कसरी बने बेरोजगार ?
Published
3 years agoon
July 14, 2021By
wesportz२०१६ को गर्मिमा एडर पोर्चुगलका राष्ट्रिय हिरो थिए । सब्स्टिच्युटको रुपमा बेञ्चबाट आउदै उनले अतिरिक्त समयमा गोल गर्दै पोर्चुगललाई युरो कपको उपाधि जिताएका थिए ।
स्टाड डि फ्रान्समा घरेलु टोलीबिरुद्ध भएको फाइनलमा हाल ३३ बर्षपुगिसकेका एडर रेनातो सान्चेजको स्थानमा ९० औं मिनेटमा मैदान प्रवेश गरेका थिए ।
सुपरस्टार क्रिष्चियानो रोनाल्डो चोटका कारण मैदानबाट खेलको शुरुवातमै बाहिरिएको स्थितिको पूर्ण फाइदा उठाउदै ११ मिनेट बाकी रहदा एडरले गोल गरेपछि उनी पोर्चुगलमा एका एक हिरो बने । सबैले रोनाल्डो, रोनाल्डो भनिरहदा पोर्चुगलले अनपेक्षित हिरो पाउदा झनै धेरै उत्साहित भएका थिए ।
तर पांच बर्षयता आइपुग्दा आइतबार वेम्ब्लीमा इटाली र इंगल्याण्ड युरो कपको उपाधिका लागि भिड्नु अघि ट्रफि लिएर आएका एडर सबैले बिर्सिएका हिरो भइसकेका छन् ।
कति पयको लागि एडरको मुहारमा देखिएको निराशा स्पष्ट रुपमा नै ध्यानमा आएको थियो । तर एडर आफ्नै लागि भने ६५ हजार दर्शक रहेको वेम्ब्लीमा ट्रफि लिएर हिड्दा आफ्नो असफलताको बयान गर्दै थियो ।
२०१६ को उक्त ऐतिहासिक रात पछि के भयो त एडरको जीवनमा ?
पोर्चुगिज महारथी ब्रागाबाट एडर युरो कपको ठ्याक्कै एक बर्ष अगाडी ५ मिलियन पाउण्डमा इंग्लिस प्रिमियर लिग टोली स्वान्सेसंग अनुबन्धित भएका थिए । तर पहिलो १५ खेलमा गोल गर्न चुकेपछि बाकी सिजनका लागि उनलाई लोनमा फ्रेञ् च लिग वान टोली लिल पठाइयो ।
लिलका लागि १३ खेलमा ६ गोल गरेपछि उनी रोनाल्डो, नानी र साञ्चेजसंगै पोर्चुगलको युरो कप टोली अटाए । ३-३ गोल गरेपछि रोनाल्डो र नानी पोर्चुगलको युरो अभियानको दुई मुख्य खेलाडी रहे। नकआउटमा पोल्याण्ड र वेल्सलाई हराएपछि पोर्चुगलले फ्रान्ससंगको भिडन्त पक्क गर्यो ।
पहिलो उपाधि पछ्याइरहेको एडर उक्त युरोलाई आफ्नो ब्रेकथ्रु प्रतियोगिता बनाएका सान्चेजको स्थानमा ८० औं मिनेटमा प्रवेश गरे । अतिरिक्त समयमा मात्र ११ मिनेट रहेको स्थितिमा एडरले अविश्वसनीय रुपमा प्रतियोगिताको पहिलो र एक मात्र गोल गरे ।
फ्रान्स गोल फर्काउन असफल रहेपनि पोर्चुगल पहिलो पटक उपाधि जित्न सपल रह्यो ।
एडरको नायकत्वको अपेक्षा गर्दै फ्रान्समा उनको लोन मुभलाई नयां सिजनका लागि स्थायी बनाइयो । तर ३१ लिग वान खेलमा मात्र ६ गोल गरेपछि लिलले पनि उनलाई रसियन प्रिमियर लिग क्लब लोकोमोटिभ मस्कोमा लोनमा पठायो ।
एक बर्षपछि लोकोमोटिभ मस्कोले उनको लोन मुभलाई स्थायी बनायो ।
२०१६ को युरोको हिरो रहनुका साथै पछिल्लो एक बर्ष रुसमै बिताएपनि एडर रुसमै हुन गइरहेको बिश्वपका लागि पोर्चुगिज टोलीमा अटाएनन् ।
गत सिजनसम्म लोकोमोटिभमै बिताएका एडरले आफू खेलेका ९ खेलमा गोल गर्न असफल रहे । उनले चार सिजन बिताउदा रुसी टोलीका लागि ७२ खेलमा जम्मा ९ गोलमात्र गरे ।
लोकोमोटिभले उनलाई रिलिज गरेपछि उनी अहिले भने बेरोजगार भएका छन् । आफू युरोपको प्रमुख खेलाडीको रुपमा धेरै दिन सक्ने साबित गर्न उनी मौका कुरिरहेका छन् ।
एडर वेम्ब्लीमा झल्कदा उनी उपलब्ध रहेको बिषयमा धेरै व्यवस्थापकहरु जानकार पनि भएका होलान् ।
यद्दपि एडर बेरोजगारीको पहिलो दिनहरुमा मात्रै छन् । पुर्व इंगल्याण्ड स्टार ड्यानियल स्टरिज अहिले यसैसिजन ला लिगामा बढुवा भएको स्पेनिस टोली रियल मायोर्कासंग प्रशिक्षण गर्दैछन् ।
मार्च२०२० मा टर्किस टोली ट्राब्जन्सपोरले पनि साथ छोडेपछि उनी डेढ बर्ष भन्दा क्लबबिहिन बन्न पुगे । एडर आफू त्यति लामो समय बेरोजगार रहनु नपर्ने आशा गरिरहेका छन् ।
उनलाई लिएर अर्को प्रिमियर लिग क्लब ब्राइटन केही सकारात्मक रहेको हल्ला मार्चमा चलेको थियो ।
पेनाल्टी सुटआउटमा तीन खेलाडी चुक्दा इग्ल्याण्डको युरोकप उपाधि जित्ने सपना अधुरै रह्यो । इटालीसँग ३–२ गोल अन्तरले पराजित भएसँगै पहिलो पटक युरो कपको उपाधि जित्ने इग्ल्याण्डको सपनामा तुसारापात भयो ।
६० हजार दर्शक सहभागी घरेलु मैदानमा इंग्ल्याण्डले सुरूवाती अग्रता लिएको थियो । तर अग्रता जोगाउन नसक्दा निर्धारित र अतिरिक्त समय १–१ गोलको बराबरीमा रोकिएपछि खेल पेनाल्टी सुटआउट तर्फ धकेलिएको थियो ।
पेनाल्टी प्रहार गरेका पाँच खेलाडी मध्ये ह्यारी केन र ह्यारी मग्वाएरको प्रहारले मात्रै जाली चुमेको थियो । पेनाल्टी सुट कै लागि अतिरिक्त समयमा मैदान प्रवेश गरेका मार्कस राषफोर्डको प्रहार बारमा लागेर बाहिरियो । जाेडान सान्चो र साका बाकुयोको प्रहार इटालीका गोल रक्षकले रोके । इटालीका आन्द्रे बेलोट्टी र जोर्गिन्हो प्रहार इग्ल्याण्डका गोल रक्षकले रोकेका थिए । र इटालीले ५३ औँ वर्ष पछी युरो जित्यो ।
तर, युरो २०२० को उपाधी बाहेक व्यक्तिगत अवार्डमा कस्ले के-के जिते ?
टूर्नामेन्टका सर्वश्रेष्ठ खेलाडी-गियालुइगी डोन्नारुम्मा
इटालीका गोलरक्षक डोन्नारुम्माले प्रतियोगितामा चार गोल मात्रै खाए । उनले युरोमा शानदार प्रदर्शन गरे । फाइनलमा पेनाल्टी पनि बचाए । २२ वर्षिय डोन्नारुम्मा टूर्नामेन्टका सर्वश्रेष्ठ खेलाडी घोषित भए ।
गोल्डन बुट – क्रिस्टियानो रोनाल्डो
यूरोपीयन च्याम्पियनशिपको इतिहासमा सर्वाधिक गोलकर्ता क्रिष्चियानो रोनाल्डोले युरो २०२० मा अर्को उपलब्धी हात पारे । गोल्डेन बुट जितेका रोनाल्डोले पाँच गोल गरेका थिए । दोस्रो स्थानमा रहेका चेक रिपब्लिकका प्याट्रिक सिचको पाँच गोल रहे पनि उनले धेरै समय खेलेका कारण गोल्डेन बुट जित्न बाट चुक्न पुगे ।
टूर्नामेन्टका युवा प्लेयर – पेद्री
१८ वर्षिय पेद्रीको प्रदर्शन निकै तारिफ योग्य थियो । पेद्रीले स्पेनको टोलीबाट राम्रा मात्रै खेलेनन् सबै फुटबल समर्थकहरुको ध्यान तान्न पनि सफल भए र उनी युरोका युवा खेलाडी घोषित भए ।
फाइनलको स्टार – लियोनार्डो बोनुची
अनुभवी डिफेन्डर लियोनार्डो बोनुचिलाई युरो २०२० फाइनलमा डिफेन्डमा उत्कृष्ट प्रदर्शनका लागि प्लेयर अफ द मैच घोषित गरियो साथै उनले दोस्रो हाफमा गरेको गोलका कारण इटालीले पेनाल्टी सम्म खेल पुर्याएको थियो ।