लेख
यो सिजन फ्रि ट्रान्सफरमा जान सक्ने उत्कृष्ट ११ कस्तो छ ?
Published
3 years agoon
By
wesportzलियोनल मेस्सी । जारी सिजनको शुरुवातमै बार्सिलोना छोड्ने असफल प्रयासले तरङ्गित बनेको बिश्व फुटबल यो जुनमा फेरि एक पटक तरङ्गित हुनेछ । नयाँ ट्रान्सफर सिजनमा तर मेस्सी एक मात्र नाम होइनन् । अन्य धेरै स्टार खेलाडीहरु छन् जसको हालको सम्झौता आफ्नो क्लबसँग अन्त्य हुदैछ र उनीहरु फ्रि एजेन्टको रुपमा नयाँ क्लब जानेछन् ।
को–को छन् त यस्ता ठूला नामहरु ?
जियनलुईजी डोनारुमा (एसि मिलान)
एसि मिलानको यो सिजनको प्रदर्शनले आकाश छोइरहेको छ । उ सिरी आ मा शिर्ष स्थानमा छ र इटालीका नम्बर एक गोलकिपर डोनारुमाको प्रदर्शन पनि उल्लेखनीय रहदै आएको छ । १६ बर्षको उमेरमा डेब्यु गरे यता डोनारुमाले २ सय भन्दा बढी खेल खेलिसकेका छन् ।
हाल २१ बर्षका डोनारुमा युरोपमा सबैभन्दा बढी खोजिएका गोलकिपरहरुमध्ये पर्दछन् । र उनको मिलानसँगको सम्झौता पनि समाप्त हुन गइरहेको छ । उनलाई लिनका लागि क्लबहरुले कम्तिमा पनि ५० मिलियन पाउण्डबाट सम्झौता अघि बढाउनेछन् । हालका लागि भने सम्झौताको कुराहरु अघि बढेको छैन ।
जेरोम बोआटेँग (बायर्न म्याुनिख)
बुन्डेसलिगामा एक पटक फेरि शिर्ष स्थानमा बायर्न म्युनिखले आफ्नो दबदबा कायमै राख्दा बोआटेँगले हरेका खेल खेलका छन् । ३२ बर्षिय बिश्वकप बिजेता बोआटेँग बिश्व फुटबलकै सबैभन्दा सशक्त डिफेन्डरमध्ये पर्छन् ।
पुर्व म्यानचेस्टर सिटी डिफेन्डर बोओटेँगको सम्झौता पनि यसै ट्रान्सफर सिजनमा सक्किदै छ । बायर्नले उनको लागि कुनै पनि छलफल अगाडी बढाएको छैन । उनी सबैभन्दा बढी खोजिने डिफेन्डर बन्न सक्छन् ।
सर्जियो रामोस (रियल म्याड्रिड)
रियल म्याड्रिडका लागि झण्डै ७ सय खेल खेलिसकेका रामोस बिश्वकै उत्कृष्ट डिफेन्डर हुन् भन्दा शायद कसैको लागि बिवादको कुरा नबन्ने तय छ । मुख्य कुरा उनले डिफेन्डर भएरै पनि १ सय गोल गरिसकेका छन् ।
मार्चमा रामोस ३५ बर्षका हुनेछन् । रियलले उनलाई एक बर्षको अर्को सम्झौता प्रस्ताव गरेको छ तर उनको तलब सातामा १० दशमलव ५ मिलियन पाउण्डबाट ८ दशमलव ८ मिलियनमा घटाइएको हुँदा उनले एक पटक फेरि सोच्नेछन् । रामोसले यो सिजन रियलका लागि धेरै खेल खेलेका पनि छैनन् । इन्जुरी उनको लागि खस्कदो रियल म्याड्रिड छोड्ने एउटा बहाना पनि हुन सक्छ ।
डेभिड आलाब (बार्यन म्युनिख)
बोओटेँगसँगै यो सिजन जर्मन महारथी बार्यन छोड्न सक्ने डिफेन्डरमा अष्ट्रियन आलाबा दोश्रो हुन सक्छन् । उनको बायर्नसँगको नयाँ सम्झौता एक पटक असफल पनि भइसकेको छ । मिडफिल्डमा पनि खेल्न सक्ने २८ बर्षिय आलाबा फ्रि ट्रान्सफरमै रियल म्याड्रिड जान सक्ने आँकलन गरिएको छ । त्यहा उनले कर पनि २ लाख ४ हजार पाउण्ड प्रति हप्तासम्म कमाउन सक्छन् ।
फर्नान्डिन्हो (म्यानचेस्टर सिटी)
३५ बर्षिय ब्राजिलियन फर्नान्डिन्होले म्यानचेस्टर सिटीका लागि ३ सय खेलभन्दा बढी खेलिसकेका छन् । फर्नान्डिन्होले सिटीका लागि तीन लिग उपाधि र दुई एफए कप जितिसके पनि व्यवस्थापक पेप ग्वार्डियोला आफ्नो मिडफिल्डमा युवा जोश देख्न चाहन्छन् ।
फर्नान्डिन्हो आफ्नो भविष्यलाई लिएर अनिर्णित छन् र उनलाई दक्षिण अमेरिकी लिगहरुबाट पनि पर्याप्त प्रस्तावहरु आएको पुष्टि भइसकेको छ ।
जर्जिनियो वाइनाल्डम (लिभरपुल)
लिभरपुलका लागि नयाँ सम्झौतामा हस्ताक्षर नगरेका नेदरल्याण्ड्स अन्तर्राष्ट्रिय वाइनाल्डम च्याम्पियन्स लिग र प्रिमियर लिग जित्ने खेलाडीहरुमध्ये लिभरपुल छोड्ने पहिलो खेलाडी हुन सक्छन् । ३० बर्षिय वाइनाल्डम आफ्नो बच्चै देखि बार्सिलोनाबाट खेल्ने सपना पुरा गर्न सक्छन् र नेदरल्याण्ड्सकै रोनाल्ड कोमन क्याटल क्लबको प्रशिक्षक हुदा यो उनका लागि सहज हुन सक्छ ।
मेम्फिस डिपे (लियोन)
म्यानचेस्टर युनाइटेडमा फ्लप भएका डिपेले आफ्नो करिअरलाई फ्रेञ्च क्लब लियोनमा गति दिए । लियोनलाई लिग वानमा बलियो टोलीको रुपमा स्थापित गर्न महत्वपूर्ण भुमिका खेलेका डिपेले नयाँ सम्झौतामा हस्ताक्षर गर्न बाकी छ ।
२६ बर्षिय डच मिडफिल्डर डिपेको नाम पछिल्लो समय बार्सिलोनासँग जोडिएको छ भने उनलाई लिनका लागि बोरुसिया डर्टमण्डले पनि इच्छा देखाइरहेको छ ।
युलियन ड्राक्सलर (पेरिस सेन्ट जमाईन)
जर्मन बिश्वकप बिजेता ड्राक्सलर यो सिजन पिएसजीको टिममा भित्र र बाहिर हुदै आइरहेका छन् । २७ बर्षिय ड्राक्सलर आफ्नो सम्झौता लिग वान टोलीमै समाप्त गर्न चाहन्छन् र अर्को मार्च फ्रि एजेन्टको रुपमा हेर्न चाहन्छन् तर पर्याप्त खेल्ने समय नपाउदा उनलाई पिएसजीमै बस्न शायद नैतिकताले पनि नदेला ।
एन्जेल डि मारिया (पेरिस सेन्ट जर्माइन)
क्लब करिअरमा जता पनि ठूलो क्लबबाट मात्रै खेल्ने गरेका डि मारिया बिश्व फुटबलका गिने चुनेका नामहरुमा पर्दछन् । म्यानचेस्टर युनाइटेड, रियल म्याड्रिड र पिएसजी, डि मारियाको क्लब करिअर तारिफयोग्य नै छ ।
अर्जेन्टिनी राष्ट्रिय टोलीका तीन प्रमुख खेलाडीमध्ये यो सिजन सम्झौता समाप्त हुने मध्ये डि मारिया एक खेलाडी हुन् । युनाइटेड र रियलमा खासै प्रभावकारी नदेखिएका डि मारिया पिएसजीले चार पटकको घरेलु लिग उपाधि र च्याम्पियन्स लिग फाइनल जित्दाका प्रमुख खेलाडी नै हुन । यसै सिजन सम्झौता समाप्त हुन गइरहदा उनी आफ्नो भविष्यलाई लिएर भने चुप लागेर बसेका छन् ।
लियोनल मेस्सी (बार्सिलोना)
बिश्व फुटबलकै उत्कृष्ट खेलाडी कुनै मुल्य नलाग्दै खरिदका लागि उपस्थित छन् ? यो सुन्दा अनौठो नै छ तर यथार्थ यही नै हो । यसै सिजनको शुरुवातमा आफ्नो बालापन देखिको क्लबसँग घम्सा घम्सीमा लागेका मेस्सी यो जुनमा फ्रि एजेन्टकै रुपमा अन्य क्लब जान सक्नेछन् ।
रोनाल्ड कोमनले केही दिन अगाडी मेस्सी बार्सिालोनामा फेरि खुशी हुन थालेको बताए पनि उनी स्पेन नबस्न लगभग तय नै छ । तर ३३ बर्षिय मेस्सीलाई खरिद गर्नका लागि अथाह पैसा खर्च गर्नका लागि क्लबहरु तैयार हुन पर्नेछ । शायद यसको लागि एक दुई वटा क्लबबीच ठूलै मोल मोलाई हुने पनि छ ।
मेस्सीलाई फ्रेञ्च क्लब पिएसजीले लिन सक्छ भने प्रिमियर लिग क्लब म्यानचेस्टर सिटीले पनि । दुवै क्लबले यो सिजनको शुरुवाती ट्रान्सफरमा पैसा धेरै खर्च नगरेको र अब मेस्सी नै उनीहरुको प्रमुख लक्ष्य हुन सक्नेछन् ।
सर्जियो अगुएरो (म्यानचेस्टर सिटी)
म्यानचेस्टर सिटीको क्लब इतिहासका सर्वाधिक गोलकर्ता अगुएरोले यो सिजन चोटका कारण अत्याधिक खेलहरु छुटाउदै आएका छन् । ३२ बर्षको उमेरमा प्रवेश गरिसक्दा उनलाई पेप ग्वार्डियोलाले प्रतिस्पर्धात्मक लिगको स्तरका लागि फिट बनाउन सक्छन् की सक्दैनन् आफ्नो ठाँउमा छ ।
मिडियामा आएको रिपोर्ट अनुसार उनले हाल पाइरहेको २ लाख ६० हजार पाउण्डमा आधा कटौति गर्ने हो भने मात्र उनी सिटीमा बस्न सक्नेछन् । यो सम्झौता अगुएरोले नचाहेको हुन सक्छ । शायद सिटी मेस्सीको लागि अगुएरोको तलबमा कटौति गर्दैछ की ?
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
नेपालले घरेलु टोली केन्या विरुद्धको तेश्रो ट्वान्टी ट्वान्टी खेलमा चार विकेटको कीर्तिमानी जित हात पारेको छ । जितसँगै नेपालले चार खेलको शृंखलामा २-१ को अग्रता पनि लिन सफल भएको छ ।
केन्याले दिएको १५७ रनको लक्ष्य १९ दशमलब तीन ओभर खेल्दै ६ बिकटको नोक्सानीमा लक्ष्य पार गर्यो । नेपालले केन्या पुरा गरेको १५७ रनको सबैभन्दा लक्ष्य हो । यस अघि नेपालले सन् २०१९ मा सिंगापुर विरुद्ध १५२ रनको लक्ष्य पुरा गरेको थियो ।
नेपालको जितमा पूर्व कप्तान ज्ञानेन्द्र मल्लले सर्वाधिक ४६ रनको पारी खेले भने आजको खेलमा नेपालको तर्फबाट ट्वान्टी ट्वान्टीमा डेब्यु गरेका विकेट किपर तथा ओपनर अर्जुन साउदले ३१ बलमा ३५ रनको योगदान दिए । त्यस बाहेक रोहित कुमार पौडेलले २९, पवन सर्राफले २० तथा आदिल अन्सारी १६ रनको पारी खेले ।
यस अघि खेलमा टस जितेर पहिले ब्याटिङ गरेको केन्याले २० ओभरमा मात्र दुई विकेट गुमाएर १५६ रनको विशाल योगफल खडा गर्यो ।
ओपनरद्वय सुकदिप सिंह आठ तथा कोलिन्स ओबुया १४ रनमा आउट हुँदा केन्या ६ ओभरमा २९ रनको अवस्थामा रहेको थियो । तर त्यस पछि ब्याटिङमा आएका विकेट किपर इरफान करिम र रकिप पटेलले तेश्रो विकेटका लागि ८४ बलमा अविजित १२७ रनको साझेदारी गर्दै केन्यालाई विशाल योगफल सम्म पुर्याए ।
केन्याको तर्फबाट रकिपले ४३ बल खेल्दै समान ५-५ चौका र छक्का प्रहार गर्दै अविजित ७३ रनको पारी खेले भने इरफानले पनि अविजित रहँदै ४७ बलमा ५५ रनको योगदान दिए ।
नेपालको तर्फबाट आदिल अन्सारी र सोमपाल कामीले समान १-१ विकेट लिए भने अन्य बलरहरु महँगो साबित हुँदै विकेट बिहिन रहन पुगे ।आदिलले एक ओभरमा चार रन खर्चिए भने सोमपालले तीन ओभरमा १६ रन मात्र दिए । नेपालका अन्य बलरहरुमा कप्तान सन्दिप लामिछानेले चार ओभरमा ४२ रन खर्चंदा दिपेन्द्र सिंह ऐरीले तीन ओभरमा ३१ तथा करण केसीले तीन ओभरमा २० रन दिन पुगे ।
लेख
साफ च्याम्पियनसिपका लागि तीन नयाँ खेलाडी समेट्दै टोली घोषणा
Published
2 years agoon
August 28, 2022By
wesportzयही भदाै २१ देखि असाेज ३ गते सम्म घरेलु मैदानमा आयाेजना हुने छैटौँ साफ महिला च्याम्पियनसिपका लागि नेपाली टाेली घाेषणा भएकाे छ । मुख्य प्रशिक्षक कुमार थापाले शनिवार २३ सदस्यीय टाृली घाेषणा गरेकाे एन्फाले जनाएकाे छ ।
उमेर समूहबाट आएका तीन नयाँ अनुहार समिक्षा घिमिरे, दिपा शाही र अमिशा कार्कीले पहिलाे पटक सिनियर टिममा स्थान बनाएका छन् । यस्तै फरवार्ड रेखा पाैडेलले पनि कमब्याक गरेका छन् ।
समूह बी मा रहेकाे नेपालले भुटानसँग उद्घाटन खेल खेल्नेछ । नेपाल रहेकाे समूह बी तीन टिम मात्र छ । नेपालले श्रीलंकासँग भदाै २८ गते खेल्नेछ । समूह ए मा साविक विजेता भारत, बंगलादेश, पाकिस्तान र माल्दिभ्स छन् । दुवै समूहकाे शीर्ष दुई टोली सेमिफाइनलमा प्रवेश गर्नेछन् ।
फिफाले दुई हप्ता पछि नै भारतीय फुटबलमाथि लगाएकाे निलम्बन फुकूवा गरेपछि भारतकाे सहभागिता पनि निश्चित भएकाे छ ।
नेपाली टिमः
गोलकिपरः एन्जिला तुम्बाप्पे सुब्बा, अन्जना रानामगर, उषा नाथ
रक्षकः हिराकुमारी भुजेत, अमृता जैसी, गीता राना, पुनम जर्गामगर, निशा थोकर, समिक्षा घिमिरे, विमला विक
मिडफिल्डरः विमला चौधरी, मन्जलीकुमारी योन्जन, प्रिती राई, सरु लिम्बु, दीपा राई, दीपा शाही, इन्दिरा राई, अनिता बस्नेत, अनिता केसी
फरवार्डः अमिषा कार्की, रेखा पौडेल, सावित्रा भन्डारी, रश्मीकुमारी घिसिङ
लेख
नेपाल टी२० लिग : खेलाडी दर्ता सुरु, चार मापदण्ड तय
Published
2 years agoon
August 28, 2022By
wesportzनेपाल क्रिकेट संघ (क्यान) ले असोज ८ देखि कात्तिक ५ गतेसम्म हुने नेपाल टी२० का लागि खेलाडी दर्ता सुरु गरेको छ । क्यानले शनिवार सामाजिक सञ्जालमार्फत चार मापदण्डसहित खेलाडी दर्ता सुरु भएको जनाएको छ ।
नेपाल टी२० लिगका लागि खेलाडीको विभिन्न तीन क्याटेगोरी तय गरिएको छ । क्याटेगोरी ए का खेलाडीले १५ लाख, क्याटेगोरी बी का खेलाडीले १० लाख र क्याटेगोरी सी का खेलाडीले ५ लाख पाउनेछन् ।
दर्ता गर्न चाहने खेलाडीका लागि चार मापदण्ड क्यानले तयार गरेको छ । लिगका लागि यही अगष्ट ३१ गतेसम्म दर्ता गर्नुपर्ने समयसीमा राखिएको छ । नेपाल टि-२० लिगको अधिकारिक वेबसाइटमा गएर खेलाडीहरुले फारम भर्न पर्नेछ र लिंक यस प्रकार रहेको छ — https://nepalt20.com/player-registration/
यस्ता छन् चार मापदण्ड
– खेलाडीले सन् २०१८ देखि नियमित रुपमा राष्ट्रिय खेलकुद, प्रधानमन्त्री कप तथा मेयर कप खेलेको हुनुपर्ने र औसत भन्दा राम्रो प्रदर्शन गरेको हुनुपर्ने ।
– सन् २०१८ देखि नेपालको यू-१९ टिमका लागि अन्तर्राष्ट्रिय प्रतियोगिता तथा शृंखलाहरुमा नेपालको लागि खेलेको हुनुपर्ने ।
– सन् २०१८ देखि सिनियर टोलीका लागि अन्तर्राष्ट्रिय प्रतियोगिता तथा सिरिज खेलेका खेलाडीलाई प्राथमिकता दिइने ।
– सन् २०१८ देखि विभिन्न फ्रेन्चाइज लिगमा नियमित खेलेका खेलाडीलाई प्राथमिकता दिइने ।