लेख
सलाहले तोडे सात म्याचको गोल खडेरी, लिभरपुल तेश्रो स्थानमा
Published
3 years agoon
By
wesportzमोहम्मद सलाहले आफ्नो पछिल्लो सात खेलयताको गोलको खडेरी तोड्दै दुई गोल गरेपछि लिभरपुल इङ्गलिस प्रिमियर लिगको तेश्रो स्थानमा उक्लिएको छ ।
पाचौं स्थानको वेष्ट ह्याममाथि ३–१ को सहज जित निकाल्दै लिभरपुल अंक तालिकामा तेश्रो स्थानमा उक्लिएको हो । लिभरपुलको ४० अंक छ भने दोश्रो स्थानको म्यानचेस्टर युनाइटेडको ४१ र म्यानचेस्टर सिटीको ४४ अंक छ । एक खेल हातमा रहेको सिटीलाई लिभरपुलसँग दुरी ६ अंकमा बढाउन प्रशस्त अवसर छ ।
पहिलो हाफमा उल्लेखनीय प्रदर्शन गर्न नसकेको लिभरपुललाई सलाहले ५७ औं मिनेटमा अग्रता दिलाएका थिए । ११ मिनेटपछि काउन्टर अट्याकमा अर्को गोल गर्दै उनले योर्गन क्लोपको टोलीको अग्रता दोब्बर बनाए । घाइते रहेका सादियो मानेको अनुपस्थिति र रोबर्टो फर्मिनो बेञ्चमा रहदा आफूलाई साबित गर्नुपर्ने दवाबलाई सलाहले उत्कृष्ट ढँगले जवाफ दिएका थिए ।
फर्मिनो बेञ्चबाट आउदै जोर्जिनियो वाइनाल्डमका लागि तेश्रो गोललाई असिस्ट गरेका थिए । क्रेग डसनले वेष्ट ह्यामका लागि सान्त्वना गोल गरेका थिए । ३५ अंक रहेको वेष्ट ह्याम लेस्टर सिटीभन्दा चार अंकले पछि परेको छ । लेस्टर शनिबार राति नै भएको खेलमा लिड्स युनाइटेडसँग ३–१ ले पराजित हुँदा लिभरपुललाई तेश्रो स्थानमा पुग्ने मौका मिलेको थियो ।
घरेलु मैदानमा हार्भि बार्नेसको गोलमार्फत अग्रता लिदै लेस्टरले उत्कृष्ट शुरुवात गरेको थियो । तर दुई मिनेटपछि नै स्टुवर्ट डालासले लिड्सलाई खेलमा फर्काएका थिए । प्याट्रिक बामफोर्ड र ज्याक ह्यारिसनले दोश्रो हाफमा गोल गरेपछि लिड्सले निकै प्रतिस्पर्धात्मक रहेको प्रिमियर लिग सिजनमा महत्वपूर्ण जित हात पारेको थियो । लिड्स २० खेलबाट २९ अंक रहेको छ ।
अर्को खेलमा चेल्सी बर्नलीलाई २–० ले पराजित गर्दै तीन स्थानमाथि सातौंमा उक्लिएको छ । ३३ अंक रहेको चेल्सीले जित हात पार्दै एभर्टन (३३) एस्टन भिल्ला (३२) र आर्सनल (३१) लाई पछि पारेको थियो । भिल्ला र एभर्टनले दुई खेल कम खेलेका छन् । चेल्सीको जितमा सेजार अज्पिलिकेटा र मार्कस अलोन्सोले गोल गरेका थिए ।
समान ३३ अंक रहेपछि गोल अन्तरले छैटौं स्थानमा रहेको होजे माउरिन्होको टोटेन्ह्याम हट्स्पर भने ब्राइटनसँग १–० ले स्तब्ध बन्यो । टोटेन्ह्यामले २० खेल खेलेको छ । ब्राइटनको जितमा लियान्ड्रो ट्रोसार्डले गोल गरेका थिए ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
नेपालले घरेलु टोली केन्या विरुद्धको तेश्रो ट्वान्टी ट्वान्टी खेलमा चार विकेटको कीर्तिमानी जित हात पारेको छ । जितसँगै नेपालले चार खेलको शृंखलामा २-१ को अग्रता पनि लिन सफल भएको छ ।
केन्याले दिएको १५७ रनको लक्ष्य १९ दशमलब तीन ओभर खेल्दै ६ बिकटको नोक्सानीमा लक्ष्य पार गर्यो । नेपालले केन्या पुरा गरेको १५७ रनको सबैभन्दा लक्ष्य हो । यस अघि नेपालले सन् २०१९ मा सिंगापुर विरुद्ध १५२ रनको लक्ष्य पुरा गरेको थियो ।
नेपालको जितमा पूर्व कप्तान ज्ञानेन्द्र मल्लले सर्वाधिक ४६ रनको पारी खेले भने आजको खेलमा नेपालको तर्फबाट ट्वान्टी ट्वान्टीमा डेब्यु गरेका विकेट किपर तथा ओपनर अर्जुन साउदले ३१ बलमा ३५ रनको योगदान दिए । त्यस बाहेक रोहित कुमार पौडेलले २९, पवन सर्राफले २० तथा आदिल अन्सारी १६ रनको पारी खेले ।
यस अघि खेलमा टस जितेर पहिले ब्याटिङ गरेको केन्याले २० ओभरमा मात्र दुई विकेट गुमाएर १५६ रनको विशाल योगफल खडा गर्यो ।
ओपनरद्वय सुकदिप सिंह आठ तथा कोलिन्स ओबुया १४ रनमा आउट हुँदा केन्या ६ ओभरमा २९ रनको अवस्थामा रहेको थियो । तर त्यस पछि ब्याटिङमा आएका विकेट किपर इरफान करिम र रकिप पटेलले तेश्रो विकेटका लागि ८४ बलमा अविजित १२७ रनको साझेदारी गर्दै केन्यालाई विशाल योगफल सम्म पुर्याए ।
केन्याको तर्फबाट रकिपले ४३ बल खेल्दै समान ५-५ चौका र छक्का प्रहार गर्दै अविजित ७३ रनको पारी खेले भने इरफानले पनि अविजित रहँदै ४७ बलमा ५५ रनको योगदान दिए ।
नेपालको तर्फबाट आदिल अन्सारी र सोमपाल कामीले समान १-१ विकेट लिए भने अन्य बलरहरु महँगो साबित हुँदै विकेट बिहिन रहन पुगे ।आदिलले एक ओभरमा चार रन खर्चिए भने सोमपालले तीन ओभरमा १६ रन मात्र दिए । नेपालका अन्य बलरहरुमा कप्तान सन्दिप लामिछानेले चार ओभरमा ४२ रन खर्चंदा दिपेन्द्र सिंह ऐरीले तीन ओभरमा ३१ तथा करण केसीले तीन ओभरमा २० रन दिन पुगे ।
लेख
साफ च्याम्पियनसिपका लागि तीन नयाँ खेलाडी समेट्दै टोली घोषणा
Published
2 years agoon
August 28, 2022By
wesportzयही भदाै २१ देखि असाेज ३ गते सम्म घरेलु मैदानमा आयाेजना हुने छैटौँ साफ महिला च्याम्पियनसिपका लागि नेपाली टाेली घाेषणा भएकाे छ । मुख्य प्रशिक्षक कुमार थापाले शनिवार २३ सदस्यीय टाृली घाेषणा गरेकाे एन्फाले जनाएकाे छ ।
उमेर समूहबाट आएका तीन नयाँ अनुहार समिक्षा घिमिरे, दिपा शाही र अमिशा कार्कीले पहिलाे पटक सिनियर टिममा स्थान बनाएका छन् । यस्तै फरवार्ड रेखा पाैडेलले पनि कमब्याक गरेका छन् ।
समूह बी मा रहेकाे नेपालले भुटानसँग उद्घाटन खेल खेल्नेछ । नेपाल रहेकाे समूह बी तीन टिम मात्र छ । नेपालले श्रीलंकासँग भदाै २८ गते खेल्नेछ । समूह ए मा साविक विजेता भारत, बंगलादेश, पाकिस्तान र माल्दिभ्स छन् । दुवै समूहकाे शीर्ष दुई टोली सेमिफाइनलमा प्रवेश गर्नेछन् ।
फिफाले दुई हप्ता पछि नै भारतीय फुटबलमाथि लगाएकाे निलम्बन फुकूवा गरेपछि भारतकाे सहभागिता पनि निश्चित भएकाे छ ।
नेपाली टिमः
गोलकिपरः एन्जिला तुम्बाप्पे सुब्बा, अन्जना रानामगर, उषा नाथ
रक्षकः हिराकुमारी भुजेत, अमृता जैसी, गीता राना, पुनम जर्गामगर, निशा थोकर, समिक्षा घिमिरे, विमला विक
मिडफिल्डरः विमला चौधरी, मन्जलीकुमारी योन्जन, प्रिती राई, सरु लिम्बु, दीपा राई, दीपा शाही, इन्दिरा राई, अनिता बस्नेत, अनिता केसी
फरवार्डः अमिषा कार्की, रेखा पौडेल, सावित्रा भन्डारी, रश्मीकुमारी घिसिङ
लेख
नेपाल टी२० लिग : खेलाडी दर्ता सुरु, चार मापदण्ड तय
Published
2 years agoon
August 28, 2022By
wesportzनेपाल क्रिकेट संघ (क्यान) ले असोज ८ देखि कात्तिक ५ गतेसम्म हुने नेपाल टी२० का लागि खेलाडी दर्ता सुरु गरेको छ । क्यानले शनिवार सामाजिक सञ्जालमार्फत चार मापदण्डसहित खेलाडी दर्ता सुरु भएको जनाएको छ ।
नेपाल टी२० लिगका लागि खेलाडीको विभिन्न तीन क्याटेगोरी तय गरिएको छ । क्याटेगोरी ए का खेलाडीले १५ लाख, क्याटेगोरी बी का खेलाडीले १० लाख र क्याटेगोरी सी का खेलाडीले ५ लाख पाउनेछन् ।
दर्ता गर्न चाहने खेलाडीका लागि चार मापदण्ड क्यानले तयार गरेको छ । लिगका लागि यही अगष्ट ३१ गतेसम्म दर्ता गर्नुपर्ने समयसीमा राखिएको छ । नेपाल टि-२० लिगको अधिकारिक वेबसाइटमा गएर खेलाडीहरुले फारम भर्न पर्नेछ र लिंक यस प्रकार रहेको छ — https://nepalt20.com/player-registration/
यस्ता छन् चार मापदण्ड
– खेलाडीले सन् २०१८ देखि नियमित रुपमा राष्ट्रिय खेलकुद, प्रधानमन्त्री कप तथा मेयर कप खेलेको हुनुपर्ने र औसत भन्दा राम्रो प्रदर्शन गरेको हुनुपर्ने ।
– सन् २०१८ देखि नेपालको यू-१९ टिमका लागि अन्तर्राष्ट्रिय प्रतियोगिता तथा शृंखलाहरुमा नेपालको लागि खेलेको हुनुपर्ने ।
– सन् २०१८ देखि सिनियर टोलीका लागि अन्तर्राष्ट्रिय प्रतियोगिता तथा सिरिज खेलेका खेलाडीलाई प्राथमिकता दिइने ।
– सन् २०१८ देखि विभिन्न फ्रेन्चाइज लिगमा नियमित खेलेका खेलाडीलाई प्राथमिकता दिइने ।