Connect with us

Headline

प्रिमियर लिग: सिटी र युनाइटेडको म्यानचेस्टर डर्बी, चेल्सी र एवर्टन भिड्दै

wesportz

Published

on

प्रिमियर लिगमा शनिबार १२ औँ चरणका खेलहरु सुरु हुँदै छन् । दिनको पहिलो खेलमा वुल्भ्सले एस्टन भिल्ला विरुद्ध खेल्दै छ ।

१७ अंक सहित १० औँ स्थानमा रहेको वुल्भ्सले १५ अंक सहित १२ औ स्थानमा रहेको एस्टन भिल्लाको सामना गर्दा आफ्नो स्टार खेलाडी राउल हिमिनेजलाई यो खेलका लागि गुमाएको छ । टाउकोमा लागेको चोटका कारण हिमिनेजले यो खेल गुमाउन लागेका हुन् ।

यो खेल नेपाली समय अनुसार ६:१५ मा सुरु हुने छ ।

यस्तै आजै हुने अर्को खेलमा न्युकासल युनाइटेड र वेष्ट ब्रोम भिड्दै छन् । न्युकासलको सेन्ट जेम्स पार्कमा हुने खेलमा रेलिगेसन जोनमा रहेको वेष्ट ब्रोम र न्युकासल भिड्दा वेष्ट ब्रोमले जित निकालेको खण्डमा ९ अंकका साथ रेलिगेसन जोनबाट बहिर निस्किने छ । खेल नेपाली समय अनुसार ८:४५ मा सुरु हुने छ ।

यस्तै दिनको मुख्य खेल म्यानचेस्टर डर्बीमा आज म्यानचेस्टर युनाइटेड र म्यानचेस्टर सिटी भिड्दै छन् । ओल्ड ट्राफोर्डमा हुने खेलमा युनाइटेडका लागि सबै खेलाडीहरु फिट रहेका छन् भने सिटीका लागि सर्जियो अग्वेरोले खेलको शुरुवातमा खेल्न नसक्ने सिटीका प्रशिक्षक पेप गोर्डियोलाले बताइसकेका छन् ।

यस सिजन अवे खेलमा पाँच खेल हारिसकेको सिटीले होममा राम्रो प्रदर्शन गर्न नसकिरहेको युनाइटेडसँग भिड्दा खेल निकै रोमान्चक हुने अपेक्षा गरिएको छ । अघिल्लो सिजन सिटीलाई होम र अवे दुवैमा हराउन सफल भएको युनाइटेडले सिटीलाई लगातार चार खेलमा पराजित गर्न सकेको छैन ।

वुधबार भएको च्याम्पियन्स लिगमा आरबी लाइपजिगसँग पराजित हुँदै युरोपा लिगमा झरेको युनाइटेडलाई सिटीसँगको खेल निकै महत्वपूर्ण हुने छ ।

यो खेल नेपाली समय अनुसार ११:१५ मा सुरु हुने छ ।

यस्तै मध्यरातको खेलमा भने चेल्सीले एवर्टनको सामना गर्ने छ ।

एवर्टनको घर गूडिसन पार्कमा हुने खेलमा चेल्सीका प्रशिक्षक फ्रांक लामपार्डले आफ्नो पुर्व प्रशिक्षक कार्लो एन्जोलोटी विरुद्ध खेल्दै छन् । एवर्टनका लागि स्टार खेलाडी हमेज रोड्रिगेजले चोटका कारण यो खेल गुमाउने छन् भने चेल्सीका लागि ह्यामस्टरिङ्गका कारण हाकिम जियाच र क्यालुम हड्सन ओडोइले यो खेल गुमाउने छन् भने क्रिष्चियन पुलिसीचको चोटको बारे लामपार्डले गम्भिर हुन नपर्ने बताएका थिए ।

यो खेलमा जित हात पार्न सके चेल्सी प्रिमियर लिगको शिर्ष स्थानमा उक्लिने छ ।

खेल नेपाली समय अनुसार १:४५ मा सुरु हुने छ ।

Headline

बागमतीको सशक्त प्रदर्शन, सुदुरपश्चिम १ सय ८० रनले पराजित

wesportz

Published

on

ज्ञानेन्द्र मल्लको कप्तानीमा रहेको बागमती प्रदेशले प्रधानमन्त्री कप क्रिकेट प्रतियोगितामा अलराउण्ड प्रदर्शन गर्दै लगातार दोश्रो जित हात पारेको छ ।

बागमतीले सोमबार त्रिवी मैदानमा सुदुर पश्चिम प्रदेशलाई १ सय ८० रनको फराकिलो अन्तरले पराजित गर्यो । पहिलो ब्याटिङ्ग गरेको बागमतीले पुर्व अण्डर १९ कप्तान तथा राष्ट्रिय खेलाडी पृथु बास्कोटाको उत्कृष्ट इनिङ्गसको मद्दतमा ५० ओभरमा ९ विकेट गुमाई २ सय ९९ रनको बिशाल योगफल खडा गर्यो ।

रामनरेश गिरीले आफ्नो पहिलो चार ओभरको स्पेलमा घातक बलिङ्ग गर्दै चार विकेट लिएपछि चार रनमै पाँच विकेट गुमाएको सुदुरपश्चिमले २१ ओभरमा १ सय १९ रनमात्रै बनाउन सक्यो । सुदुरपश्चिमले पहिलो चार विकेट मात्रै एक रनमा गुमाएपछि उ शुरु देखि नै दवाबमा आएको थियो ।

अर्जुन साउद र किरण ठगुन्ना (२४) ले ५९ रनको साझेदारी गर्दै केही सम्हाल्ने प्रयास गरेपनि नन्दन यादवले एकै ओभरमा दुई विकेट लिदै सुदुरपश्चिमको पुनरागमनको ढोका बन्द गरिदिएका थिए । अर्जुनले २८ बलमा तीन छक्का र एक चौकाको मद्दतमा ३१ रन बनाए ।

६३ रनमा ७ विकेट गुमाएको स्थितिमा नारायण जोशीले केही आक्रमक ब्याटिङ्ग गर्दै सुदुरपश्चिमका लागि तीन अंकको स्कोर नघाएका थिए । पाँच छक्का र एक चौका प्रहार गरेका नारायण २९ बलमा ४४ रन प्रहार गर्दै नटआउट रहे ।

रामनरेशले पाँच ओभरमा ३२ रन खर्चदै चार विकेट लिए ।

यसअघि पारस खड्का (२०) र आकाश थापा (१३) लाई ६० रनको अवस्थामा गुमाएको बागमतीलाई पृथु र अर्का ओपनर आदिल खानले १ सय ९ रनको शान्दार साझेदारी गर्दै इनिङ्गस सम्हालेका थिए ।

 

सम्हालिएर ब्याटिङ्ग गरेका आदिलले ८६ बलमा ६३ रन बनाउदा १० चौका प्रहार गरेका थिए । पृथुले त्यसपछि इशान पाण्डेसँग ३९ रनको साझेदारी गरेका थिए । यो प्रतियोगितामा निकै सकारात्मक बडी ल्याङ्गवेजमा देखिएका पृथुले ९४ बलमा ८४ रन बनाएका थिए । उनले १० चौका र दुई छक्का प्रहार गरे ।

पृथुले आइतबार पुलिसबिरुद्धको खेलमा पनि नटआउट ४८ रन बनाएका थिए । २ सय ११ रनमा पाँच विकेट गुमाएको बागमतीलाई त्यसपछि ज्ञानेन्द्र मल्ल र बिपिन आचार्यले ६२ रनको साझेदारी गर्दै ३ सय नजिक पगेका थिए । दुवै जनाले समान ३२ रन बनाएका थिए ।

नारायणले तीन विकेट पनि लिएका थिए भने भोज राज भट्ट र सन्तोष भट्टले २–२ विकेट हात पारे ।

Continue Reading

Headline

गण्डकीको प्रधानमन्त्री कपमा पहिलो जित

wesportz

Published

on

गण्डकी प्रदेशले प्रधानमन्त्री कप राष्ट्रिय एकदिवसीय क्रिकेट प्रतियोगितामा प्रदेश १ माथि दुई विकेटको संघर्षपूर्ण जित हात पारेको छ । पहिलो खेलमा त्रिभुवन आर्मी क्लबसँग ९८ रनले पराजित भएको गण्डकीको प्रतियोगितामा यो पहिलो जित हो ।

बिशाल पौडेलले ह्याट्रिक सहित चार र सुभाष भण्डारीले पनि चार विकेट लिएपछि गण्डकी १ सय २ रनमै समेटिएको थियो । पहिलो दुई विकेट तीन रनमै गुमाएपछि अर्जुन कुमाल र दिपक डुम्रेले अद्र्धशतकीय साझेदारी गरेपछि सम्हालिएको गण्डकीले ८ विकेटको क्षतिमा ३७ औं ओभरमा लक्ष्य प्राप्त गरेको थियो ।

आर्मीबिरुद्ध पनि संयमित खेल खेल्दै ३६ रन बनाइ वाह वाही लुटेका अर्जुनले सोमबार पनि ३५ रन बनाएका थिए । ६८ बलको सामना गरेका उनले पाँच चौका प्रहार गरे । दिपकले पनि ९४ बलमा चार चौकाको मद्दतमा ३५ रन बनाए । तल्लो क्रम चल्न नसकेपछि अभिषेक थापाले १३ रन बनाउदै टिमलाई जित दिलाएका थिए ।

प्रदेश १ को यो लगातार दोश्रो हार हो । उसले पहिलो खेलमा पनि एपिफसँग १ सय ८ रनमै समेटिएको थियो । सात जना अण्डर २१ का खेलाडीहरु रहेको गण्डकीबिरुद्ध प्रदेश १ ३० ओभर पनि टिक्न सकेन ।

बिशालले २८ औं ओभरको दोश्रो, तेश्रो र चौथो बलमा ह्याट्रिक लिएपछि प्रदेश १ प्रतियोगिताकै न्युनतम योगफलमा समेटिएको हो । यस्तै कप्तान बिपिन क्षेत्रीले दुई विकेट लिएका थिए ।

प्रदेश १ का लागि कप्तान सिद्धान्त लोहनीले सर्वाधिक २४ रन बनाएका थिए । ३१ बलको सामना गरेका उनले एक छक्का र एक चौका प्रहार गरेका थिए । ओपनर मिनास थापाले ३४ बलमा २२ रन बनाए ।

Continue Reading

Headline

अन्तत: ओजिलले छोडे आर्सनल

wesportz

Published

on

पुर्व जर्मन मिड्फिल्डर मेसुट ओजिलले अन्तत: प्रिमियर लिग क्लब आर्सनल छोडेका छन् । ओजिल आर्सनल छोड्दै टर्किस क्लब फेनरबाचे पुगेका हुन् ।

अन्तिम पटक अघिल्लो वर्ष मार्च ७ मा वेष्ट ह्याम विरुद्ध १-० को जित निकाल्दा आर्सनलका लागि खेलेका ओजिलले त्यस पछि आर्सनलका लागि एक खेल पनि खेलेनन् । उनको ट्रान्सफर फि नखुलाए पनि उनी आफ्नो बल्यकालमा समर्थन गरेको क्लब फेनरबाचे पुगेका हुन् ।

३२ वर्षिय ओजिललाई आर्सनल छोडे पछि सन्यास लिने वा अन्य कुनै क्लब जाने बारे सोधिएको प्रश्नमा उनले उत्तर दिदै अमेरिका वा टर्कीमा फुटबल खेल्ने बताएका थिए । “मेरो यो समयमा सन्यास लिने कुनै योजना छैन मलाई सन्यास लिनु भन्दा अगाडि दुई देशमा फुटबल खेल्न मन छ, अमेरिका र टर्कि,” उनले भनेका थिए ।

“म टर्कीमा खेल्ने भए पक्का फेनारबाचे जाने छु,” उनले भनेका थिए ।

ओजिलले आर्सनलका लागि १ सय ८४ खेल खेल्दै ३३ गोल गरेका छन् ।

 

Continue Reading
Headline15 mins ago

बागमतीको सशक्त प्रदर्शन, सुदुरपश्चिम १ सय ८० रनले पराजित

Headline40 mins ago

गण्डकीको प्रधानमन्त्री कपमा पहिलो जित

Headline2 hours ago

अन्तत: ओजिलले छोडे आर्सनल

Headline2 hours ago

पृथुले उच्च लय कायम राख्दा बागमतीको बिशाल योगफल

Headline4 hours ago

कहाँ गयो एक सिजन अघिको लिभरपुल ?

Headline4 hours ago

गण्डकीका बिशाल पौडेलले लिए प्रधानमन्त्री कपमा ह्याट्रिक

Headline8 hours ago

रोनाल्डोको युभेन्टसलाई शान्त पार्दै इन्टरको महत्वपूर्ण जित

Headline8 hours ago

मेस्सीलाई बार्सिलोना करिअरमा पहिलो रेड कार्ड, बिल्बाओलाई स्पेनिस सुपर कप

Headline9 hours ago

प्रिन्सको घरेलु ब्याडमिन्टनमा छलाङ्ग

राष्ट्रिय21 hours ago

स्लिपबाट पारसले थर्ड म्यान दिपेशलाई सोधेः “ओरिजिनल घडी हो ?”

Headline4 weeks ago

१० फुटबलर जसले बार्सिलोना जान मानेनन्

Headline4 months ago

धेरै ऋणको भारी बोकेका पाँच युरोपेली क्लबहरु

Headline8 months ago

ब्राजिलले पाएको अहिलेसम्मकै उत्कृष्ट १० फुटबलर

Headline4 months ago

सात महादेशका सात उत्कृष्ट खेलाडीहरु

Headline5 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline8 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline3 months ago

फेरि पनि टिममा अटाएनन् स्ट्राइकर बिमल

Headline7 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline5 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending