Connect with us

Headline

‘इक्वल पे’ ले उत्साहित महिला खेलाडीहरुलाई अब अवसरको खाँचो

Avatar

Published

on

अमेरिकी महिला टोलीकी कप्तान मेगन रापिनोले पुरुष र महिला खेलाडीहरुलाई एकै सरह तलब दिनु पर्ने व्यवस्था बनाउनु पर्ने भन्दै अमेरिकी फुटबल संघलाई मुद्दा हालेकी थिइन ।

अदालतको निर्णय उनको पक्षमा नगएपनि रापिनोले महिला फुटबलमा ‘इक्वल पे’ (पुरुष समान तलब) हुनु पर्ने आवाज बुलन्द बनाएकी थिईन । उनले अमेरिकि महिला टोलीका लागि मात्रै यो मुद्दा उठाए पनि यसले विश्व खेलकुद मै हंगामा ल्याएको थियो । धेरै देशका महिला खेलाडीहरुले पुरुष सरह तलब दिन आफ्नो संघलाई जोड पनि दिए र केही सफल पनि भए ।

ब्राजिल, न्युजिल्याण्ड, नर्वे, इङ्ल्याण्ड र अष्ट्रेलिया जस्ता देशहरुले ‘इक्वल पे’ को व्यवस्था ल्याइसकेको अवस्थामा नेपाली फुटबलको प्रमुख निकाय अखिल नेपाल फुटबल संघले पनि नेपाली महिला खेलाडीहरुलाई पुरुष खेलाडी सरह तलब दिने भएको छ । यस्को मतलब नेपाली फुटबलमा तलबको हिसाबमा बल्ल लैंगिक बिभेदको अन्त्य भएको छ ।

नेपाली फुटबल ईतिहासमै मात्र नभएर सिंगो खेलकुद मै पहिलो पटक आएको यो कदम निकै प्रशंसायोग्य छ । नेपाली महिला फुटबलकी पुर्व कप्तान रेनुका नगरकोटे  पनि एन्फाले चालेको यो कदमलाई लिएर निकै साकारात्मक रहेको बताउछिन् ।

“मलाई पहिले त विश्वास नै लागेको थिएन । बढे पनि एक दुई हजार बढ्ला जस्तो लागेको थियो । दिउसो समाचार नहेरेर पनि होला एकै पटक रातमा हेर्दा त सबैले बधाई दिदै गरेको देख्दा त अचम्म नै लाग्यो । एन्फालाई यो हामीले यती सम्म गरिदिएकोमा पनि धन्यवाद दिनै पर्छ,” रेनुका भन्छिन् ।

महिला फुटबलकी स्टार खेलाडी सबित्रा भण्डारी पनि एन्फाले चालेको यो कदमले सम्पूर्ण महिला टोली खुशी भएको बताउछिन् । “जे होस हामी खुशी छौँ र यो कदम चालेकोमा एन्फालाई धन्यवाद त दिनै पर्छ,” भण्डारीले जोषिलो आवाजमा भनिन् ।

एन्फाले तलब पुरुष सरह बढाए पनि महिला राष्ट्रिय टोलीलाई पुरुष सरहको मौका र खेल समय दिएको देखिदैन । वर्षमा अन्तराष्ट्रिय प्रतियोगिता भएन भने आर्मीले आयोजना गर्ने प्रधानसेनापती कप र जिल्लाका खेलहरु खेल्न पाउने यी खेलाडीहरुले अब भने एन्फाले आयोजना गर्ने भनिएको माघ ७ बाट सुरु हुने महिला लिगबाट केही आशा भने राख्न पाउनेछन् ।

“खासमा भन्नु पर्दा तलब भनेको अहिले चित्त बुझाउने बाटो मात्र भएको छ । अवसर र खेल समयहरु हेर्दा त हामी पुरुष राष्ट्रिय टोली भन्दा त निकै पछि छौँ,” रेनुकाले भनिन् । “अहिलेको अवस्थामा त्यती सम्भव नभए पनि माघबाट लिग आयोजना हुने जस्तो कुरा रहेको छ तर पनि लिग छोटो समयको हुने वा एक चरणको मात्र हुने हो भने पनि हामीलाई यो घर बसेको समयले खेल्न निकै गार्हो हुनेछ,” उनले थपिन ।

एन्फाले कोरोना भाईरस पछि पुरुष राष्ट्रिय टोलीलाई मैदान फर्काए पनि महिला खेलाडीलाई भने घरमै राखेको भन्दै आलोचना पनि भएका छन् ।

“पुरुष प्रधान देश भएकाले पनि होला हामी यही तलब बढेकोमा मात्रै खुशी भएका छौँ तर अवसरको कुरा गर्ने हो भने आठ महिनाको लकडाउन हुँदा सम्म न हामीले अभ्यास गर्न पायौँ न त क्लोज क्याम्पमा नै राखियो,” सावित्रा भन्छिन ।

रेनुका पनि यो बिषयमा सहमत छिन्: “एन्फाले हामीलाइ पुरा लकडाउन भरि के कस्तो पनि सोधेको थिएन । हामी सधै बाहिर जस्तो यहाँ छैन भन्दै सोचेर बस्छौ तर बहिर जस्तो बनाउन खोज्दैनौँ । अहिले तलब बढाएको कुराले मनोबल बढेको छ अझै केही राम्रो कामहरु होस् भन्ने अपेक्षा राखौ ।”

अघिल्लो वर्ष मसिंरमा नेपालमा आयोजना भएको १३ औं दक्षिण एसियाली खेलकुद प्रतियोगिता (साग) र आर्मीले आयोजना गरेको प्रधानसेनापति कप खेले पछि नेपाली महिला खेलाडी प्रतियोगिता विहिन रहँदै आएका छन् तर एन्फाले आउने माघ ७ देखी राष्ट्रिय महिला लिग गराउन तयारी गरिरहेको छ  । यदि  महिला लिग माघमै सुरु हुने हो भने नेपालमा कोरोना महामारी पछि सुरु हुने पहिलो प्रतियोगिता महिला लिग नै हुने छ ।

Headline

महिला लिग: वालिङ बिराटनगर बराबरीमा, एपिएफको जितमा सावित्राको ह्याट्रिक

wesportz

Published

on

राष्ट्रिय महिला लिग अन्तर्गत बिहीबार भएको पहिलो खेलमा एपिएफले रौतहटको चन्द्रपुर नगरपालिकालाई ६-० गोल पराजित गर्दा दोस्रो खेलमा भने वालिङ नगरपालिका र विराटनगर महानगरपालिकाले १-१ गोलको बराबरी खेलेका छन् ।

सातदोबाटो स्थित एन्फा कम्प्लेक्सको एस्ट्रो ट्रफमा भएको पहिलो खेलमा चन्द्रपुर नगरपालिकालाई ६-० ले हराउदा । नेपाल राष्ट्रिय महिला टोलीकी स्ट्राइकर सावित्रा भण्डारीले ह्याट्रिक गरेकी थिइन । यस्तै अन्य तीन गोल भने कप्तान अनिता बस्नेत,अन्जली कुमारी योन्जन र प्रिती राईले गरेकी थिइन ।

खेलको पहिलो गोल १४ औँ मिनेटमा सावित्राले गरेकी थिइन । मन्जली योन्जनले दिएको पासमा सावित्राले डिबक्स भित्रबाट सहजै गोल गरिन् ।

२२ औंँ मिनेटमा भने एपिएफले दोस्रो गोल गरेको थियो । यो पटक भने अन्जलीले अनिताले दिएको पासमा गोल गरेकी थिइन् । पहिलो हाफमा २-० को अग्रता लिएको एपिएफले दोस्रो हाफमा चारको गरेको थियो ।

खेलको ६२ औँ मिनेटमा सावित्राले व्यक्तिगत दोस्रो गोल गर्दै एपीएफलाई ३-० को अग्रता दिलाईन् । खेलको चौथोँ गोल भने ६४ औं मिनेटमा सावित्राले डिबक्स भित्रबाट मिलाएको बललाई अनिताले गरेकी थिइन । ७२ औँ मिनेटमा सावित्राले व्यक्तिगत तेस्रो गोल गर्दै ह्याट्रिक पुरा गर्दा एपीएफले ५-० को फराकिलो अग्रता लिएको थियो । पाँचौँ गोल ८९ औं मिनेटमा डेब्यु खेलाडी प्रिती राईले गरेकी थिइन् ।

बिहीबारनै भएको दोस्रो खेलमा वालिङ र बिराटनगरले बराबरी खेल्दा वालिङका लागि सम्झना शर्माले गोल गरेकी थिइन भने बिराटनगरका लागि आशा कुमारीले गरेकी थिइन । खेलको दोस्रो मिनेटमै पाएको अग्रतालाई जोगाउन नसक्दा वालिङ बराबरीमा रोकिन पुगेको थियो ।

Continue Reading

Headline

पुलिसको आक्रमक ब्याटिङ्ग, धमलाको शतक, पवनको किर्तिमानी अद्र्धशतक

wesportz

Published

on

सुनिल धमलाले राष्ट्रिय क्रिकेटमा पहिलो शतक बनाउनुका साथै पवन शर्राफले १३ बलमै किर्तिमानी अद्र्धशतक पुरा गरेपनि नेपाल पुलिस क्लबले प्रधानमन्त्री कप राष्ट्रिय एकदिवसीय क्रिकेट प्रतियोगितामा लुम्बिनी प्रदेशबिरुद्ध चार विकेटको क्षतिमा ३ सय १० रनको बिशाल योगफल बनाएको छ ।

त्रिवि मैदानमा टस हारी पहिलो ब्याटिङ्ग गरेको पुलिसले ओपनर कुशल भुर्तेललाई ६ रनमै गुमाएको थियो । त्यसपछि धमलाले खेललाई नियन्त्रणमा राखे । उनले दोश्रो विकेटका लागि अमित श्रेष्ठ (२८) सँग दोश्रो विकेटका लागि ५७ रनको साझेदारी गरे ।

लुम्बिनीले अमितको विकेट लिए पनि उसको समस्य झनै बढेको थियो । धमला र दिपेन्द्र सिँह ऐरिले तेश्रो विकेटका लागि १ सय २९ रनको बिशाल साझेदारी गरेका थिए । सुझबुझपूर्ण इनिङ्गस खेलेका धमलाले १ सय ४५ बलमा १ सय ४ रन बनाए । उनले सात चौका र एक छक्का हिर्काएका थिए ।

निकै आक्रमक लयमा देखिएका दिपेन्द्रले ६१ बलमा ८५ रनको योगदान दिए । दिपेन्द्रको इनिङ्गसमा ६ छक्का र एक चौका सामेल थियो । ४८ औं ओभरको दोश्रो बलमा सौरभ खनालले दिपेन्द्रलाई पेभिलियन फर्काउदा पुलिसको जम्मा २ सय ५४ रन थियो । उक्त ओभरमा पुलिसले १० रन बनाएको थियो ।

त्यसपछि अन्तिम दुई ओभर पवन र आरिफ शेख पूर्ण रुपमा लुम्बिनी बलरहरुमाथि हावी भए, बिशेष गरि पवन । उनले बिक्रम भुषालाई ४९ औं ओभरमा दुई छक्का प्रहार गरे भने उक्त ओभरमा पुलिसले १८ रन बटुल्यो । अन्तिम ओभर लिएर आएका सौरभलाई पवनले चार छक्का प्रहार गर्दै एक्लै २८ रन जोडेका थिए । अन्तिम बलमा उनले सौरभलाई छक्का प्रहार गर्दै घरेलु क्रिकेटको सबैभन्दा तिब्र अद्र्धशतक बनाएका थिए ।

सौरभले दुई ओभरमै ३८ रन दिन पुगे । आरिफले १४ बलमा २९ रनको योगदान दिए । उनको इनिङ्गसमा दुई चौका र दुई छक्का सामेल थियो ।

 

Continue Reading

Headline

तेस्रो डिभिजनको एल्कोयानोसँग रियल म्याड्रिड पराजित

wesportz

Published

on

स्पेनिस तेस्रो डिभिजनको क्लब एल्कोयानोसँग २-१ ले पराजित भए पछि रियल म्याड्रिड कोपा डेल रे को अन्तिम ३२ बाट बहिरिएको छ ।

शुरुवाती एघारको धेरै जस्तो खेलाडी दोस्रो रोजाइका खेलाएको रियल म्याड्रिडलाई एल्कोयानोले बिर्सनलायक हार चखाएको हो ।

एल्कोयानोको मैदानमा बुधबार राति भएको खेलमा रियल म्याड्रिडले पहिलो गोल गरेको थियो । रियलका लागि मार्सेलोको पासमा एडर मिलाटाओले गोल गर्दै ४५ औँ मिनेटमा अग्रता दिलाएको थियो ।

पहिलो हाफमा १-० ले पछि परे पनि हिम्मत नहार्दै प्रतिस्पर्धा गरेको एल्कोयानोले दोस्रो हाफको ८० औँ मिनेटमा भने बराबरी गोल गर्न सफल भएको थियो । एल्कोयानोका लागि जोस सोल्वेसले गोल गर्दै खेललाई १–१ गोलको बराबरीमा ल्याएका थिए । उनले मिड्फिल्डर सोल्वेसले रामोन लोपेजको पासमा गोल गरेका थिए । त्यसपछि निर्धारित ९० मिनेट र इन्जुरी समयमा नतिजा निस्कन नसक्दा खेल अतिरिक्त समयमा लम्बिएको थियो ।

अतिरिक्त समय एल्कोयानोलाई पहिले फापेन । १०९ औँ मिनेटमा एल्कोयानो १० खेलाडीमा समेटिन पुगेको थियो । क्यासमिरोलाई फल गरेपछि रामोन लोपेज दोहोरो पहेलो कार्ड खादै मैदानबाट बाहिरिएका थिए । १० खेलाडीमा सिमित भए पनि रियलले त्यस्को फाईदा उठाउन सकेन ।

११५ औँ मिनेटमा भने जुवानानले एलि डियाकिट्ट्को पासमा गोल गर्दै रियललाई नमिथो हार चखाएका थिए । रियललाई २-१ ले पराजित गर्दै एल्कोयानोले अन्तिम १६ को स्थान बनाउन सफल भएको छ ।

 

Continue Reading
Headline7 hours ago

महिला लिग: वालिङ बिराटनगर बराबरीमा, एपिएफको जितमा सावित्राको ह्याट्रिक

राष्ट्रिय10 hours ago

एपीएफसँग पराजित हुँदा गण्डकी पिएम कपबाट बाहिर

Headline13 hours ago

पुलिसको आक्रमक ब्याटिङ्ग, धमलाको शतक, पवनको किर्तिमानी अद्र्धशतक

Headline16 hours ago

तेस्रो डिभिजनको एल्कोयानोसँग रियल म्याड्रिड पराजित

Headline17 hours ago

रोनाल्डोको किर्तीमानसँगै युभेन्टसलाई सिजनको पहिलो उपाधि

Headline17 hours ago

भिल्ला विरुद्ध सिटीको जित, युनाइटेड शिर्ष स्थानमा पकड बनाउदै

Headline1 day ago

सकियो सन्दिपको दिल्लीसँगको यात्रा

Headline1 day ago

बिभागिय डर्बीमा पुलिस र आर्मीको बराबरी

Headline2 days ago

प्रधानमन्त्री कपमा नेपाल पुलिसको सशक्त पुनरागमन

Headline2 days ago

महिला लिग आजबाट, पहिलो खेलमै बिभागीय डर्बी

Headline1 month ago

१० फुटबलर जसले बार्सिलोना जान मानेनन्

Headline4 months ago

धेरै ऋणको भारी बोकेका पाँच युरोपेली क्लबहरु

Headline9 months ago

ब्राजिलले पाएको अहिलेसम्मकै उत्कृष्ट १० फुटबलर

Headline4 months ago

सात महादेशका सात उत्कृष्ट खेलाडीहरु

Headline5 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline8 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline3 months ago

फेरि पनि टिममा अटाएनन् स्ट्राइकर बिमल

Headline7 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline5 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending