Connect with us

Headline

कसरी उत्पन्न भयो बायर्न र युरोपका अन्य ठूला क्लबबीचको खाडल ?

Published

on

प्रदर्शन र परिणाममा असर हुन नदिएर नै टिमको पुर्नसंरचना गर्न सकिन्छ भन्ने प्रमाण छ । त्यो प्रमाणको नाम बायर्न म्युनिख हो । पुस्तान्तरले सृजित सम्भावित खाडलमा नपरेरै बायर्नले आफ्नो टोलीको संक्रमणकालीन अवस्थालाई निकै उत्कृष्ट ढँगले ‘ह्याण्डल’ गरेको छ ।

कति टिमहरु एउटै पुस्ताका खेलाडीहरुको भरमा चाहिने भन्दा लामो समय टिक्ने प्रयासमा हुन्छन् । यो परिस्थतिलाई उचित ढँगले नसम्हाल्ने हो भने टिम खाडलमा खस्ने खतरा हुन्छ । र क्लबलाई सेवा गरेका लेजेण्डहरुको उत्तराधिकारी एकै समुहमा खेल्नका लागि अनभ्यस्त हुने हुनाले संक्रमणकालको कारण परेको चिरामा नराम्ररी च्यापिदै जान्छन् ।

संक्रमणकालको सामान्य अभ्यासमा भेटेरानहरुलाई बाहिरको ढोका देखाइन्छ भने नयाँ खेलाडीहरुको सुस्त आगमन हुने गर्छ । कतै यो प्रकृयाले काम गर्छ, कतै गर्दैन । टिम पुरानै लयमा फर्कनु अघि नै एक, दुई या तीन सिजन बितिसकेको हुन्छ ।

सर्जि नाब्री, अल्फोन्सो डेभिस र जोशुवा किमिचजस्ता नयाँ खेलाडीहरुलाई टिमसँग घुलमिल गराउदै बायर्न थोमस मुलर, मानुएल नोयर र रोबर्ट लेवान्डोस्की लगायतका आफ्ना प्रमुख भेटेरानहरुलाई अझै पनि छरितो र उत्पादक बनाउन सफल भएको छ । अन्य युवा खेलाडीहरु पनि पर्याप्त ‘प्लेयिङ्ग टाइम’ पाउन सफल भएका छन् ।

पुस्ता हस्तान्तरणमा कुनै कठिनाईको सामना नगर्दै बायर्नले लगातार नवौं बुन्डेसलिगा उपाधिको दाबेदारी र च्याम्पियन्स लिगको उपाधि रक्षा गर्ने अभियान थालेको छ ।

बायर्नले तयार पारेको संरचनामै उसको यो सफलताको ‘सिक्रेट (गोप्य) फ्याक्टर’ छ । एक मेगा क्लब बन्नको लागि चाहिएको ब्राण्डिङ्ग, मार्केटिङ्ग र रेभिन्यु संयन्त्र बायर्नसँग छ । आफ्नो पहिलो टोलीको दिगो योजनालाई सुरक्षित राख्नका लागि बनेको बायर्नको सिस्टमले मैदानमा आएको परिणामको आधारमा प्रशिक्षकहरुको पनि राम्रो हेरचाह गर्ने गरेको छ ।

बायर्नले गरेको अभ्यासमै अन्य मेगा क्लबहरु पछि परेका छन् । नाम नै लिने हो भने यी मेगा क्लबहरु म्यानचेस्टर युनाइटेड र बार्सिलोना हुन् ।

इङ्गलिस प्रिमियर लिगमा पनि खराब प्रदर्शन गर्दै आइरहेको म्यानचेस्टर युनाइटेडको च्याम्पियन्स लिगमा टर्किस क्लबसँगको हार उसको निरन्तरको असफलताको अर्को एक अध्याय हो ।

एलेक्स फर्गुसनले २०१३ मा अन्तिम पटक प्रिमियर लिग जिताएर क्लब छोडे यता युनाइटेड लगातार खस्कदै गएको छ । २०१७ को युरोपा लिग उपाधि फर्गुसनको बहिर्गमनपछि युनाइटेडले हात पारेको सबैभन्दा ठूलो उपलब्धि हो । तर ठूला क्लबहरुले खेल्न नरुचाउने प्रतियोगिताको उपाधि जित्दा युनाइटेडलाई खुशी शायद च्याम्पियन्स लिग खेल्न पाएको अवसरको मात्रै थियो ।

अहिले ओले गुनर सोल्सायरको व्यवस्थापनमा रहेको युनाइटेड ६ खेलपछि १५ औं स्थानमा रहेको छ । एक खेल बाकी नै रहेको अवस्थामा केही स्थान माथि चढ्न सकेपनि युनाइटेडको झर्दो ग्राफ निकै उदेक लाग्दो छ ।

यहा के हुन पुगेको छ भने ब्रान्डिङ्ग र मार्केटमा पैसा खर्च गर्ने पक्षमा युनाइटेड सबल नै देखिन्छ । उपाधि जितेपछि आउने करोडौं नगद पुरस्कारबाट बञ्चित भएपनि रेभिन्यु अनुसार क्लबलाई बरियता दिने डेलोइट फुटबल मनि लिगमा पनि युनाइटेड लगातार माथिल्लो तीन स्थान ओगट्दै नै आइरहेको छ । युनाइटेड यस्तो ग्लोबल कम्पनी हो जसले पैसाको मामिलामा धेरै क्लबहरुलाई पछाडी छोड्न सक्छ ।

तर फर्गुसनको सन्यासपछि टेक्निकल डिरेक्टर, प्रमुख स्काउट र समयको माग अनुसार ट्रान्सफर सिजनलाई शही ढँगले उपयोग गर्न सक्ने संरचना युनाइटेडमा खडा हुन सकेको छैन । युनाइटेडले आफूलाई बिश्वबिजेता जसरी बेचिरह्यो । युनाइटेड एक ब्राण्डको रुपमा मात्र पैसा कमाइरह्यो । र ब्राण्डकै रुपमा खेलाडीहरुमा अथाह पैसा खर्च गरिरह्यो । धेरै राम्रा खेलाडीहरु एकै क्लबमा फिट हुदैनन् र युनाइटेडले पूर्ण रुपमा सक्षम नरहेको प्रशिक्षकलाई सबै जिम्मा दिएर छोडिदिएको छ ।

युनाइटेडको समस्या बार्साभन्दा अलिकति मात्र फरक रहेको छ । पछिल्लो १५ बर्षमा प्राप्त सफलताहरुका कारण एकै किसिमको आम्दानी, इज्जत र अपेक्षा कायम रहनु बार्साको समस्या हो । फुटबल मनि लिगले भर्खरै प्रकाशित गरेको नयाँ सुचिमा बार्सा सबैभन्दा बढी रेभिन्यु निकाल्ने क्लब बन्यो । तर बोर्ड, टेक्निकल डिरेक्टर र प्रमुख प्रशिक्षकको परिवर्तनसँगै मेस्सी पाको हुदै गएपछि क्लब कस्तो देखिनेछ भनेर कसैले खाका नै तयार पार्न सकेन ।

जेरार्ड पिके, सर्जियो बुस्के, आन्द्रेस इनिएस्ता र जाभीजस्ता ला मासिया एकेडेमीबाट आएका एक पुस्ताका खेलाडीहरु ३० बर्षको भइसकेपछि के हुन्छ कसैले सोचेन ।

एक पुस्ताका उत्कृष्ट खेलाडीहरुको दममा पाएको सफलताले मात्तिएको बार्सिलोना योजनाबिहिन बन्दा अहिले मेस्सीजस्ता महान खेलाडी पनि असफलताको चाँगमा पुरिन थालेका छन् ।

युनाइटेड जस्तै बार्साले पनि प्रतिभावान खेलाडीहरुमा मनग्गे खर्च गर्यो । तर उनीहरु यस्ता प्रतिभावान खेलाडी निक्लिए जसले गर्दा बार्सा हाल पछिल्लो चार ला लिगा खेलमा जितबिहिन रहदै १२ औं स्थानमा छ । रोनाल्ड कोमन प्रशिक्षणमा रहनुका साथै जोसेप मारियो बार्तोमेउ अध्यक्ष कायम हुदा बार्सा युद्ध नै हुने गरि समुहगत रुपमा टुक्रिन पुग्यो ।

युनाइटेड र बार्सा आफैले बुनेको जालमा फसेका हुन् । उनीहरुले आफूलाई मार्केटमा सधैको बिजेता जसरी देखाइरहेका छन् । आफ्नो सुदृढ आर्थिक अवस्थालाई निरन्तरको बिजयी टोलीमा रुपान्तर गर्न दुवैले कुनै बलियो आधार नै तयार नपारी यसो गरिरहेका हुन् । पुर्नसंरचना मात्र नभएर क्लब नै ‘रिसेट’ गर्नुपर्ने अवस्था आएपछि दुवै बिश्व फुटबलमा नराम्ररी ‘एक्सपोज’ भएका छन् ।

संक्रमणकाललाई नजर अन्दाज गर्दै आफैलाई महान क्लबको रुपमा निरन्तर स्थापित गर्दा युनाइटेड र बार्सिलोना जस्तो उचाइ भएका क्लबहरुले एक सिजन पनि छुट्टी लिन मिल्दैन । तर सबै समस्याको निराकरण गर्दै टिमलाई ‘ट्रयाक’ मा ल्याउन शायद एक बर्ष वा त्यो भन्दा बढी लाग्ला ।

दुवै क्लबलाई अब हावाको बेगसँगै पुर्नसंरचना गर्न आवश्यक देखिन्छ । उनीहरुलाई आफु जुन घरमा बस्दै आएका छन् त्यहा बस्दै जिर्णोद्धार गर्नुपर्ने दवाब छ । यो कामले मुर्तरुप पाउनेमा शंका नै छ । पहिले नै योजनाबद्धरुपले अघि बढेको भए अहिलेको स्थितिबाट बाहिर आउन सकिन्थ्यो ।

बार्सा र युनाइटेडसँग त्यस्तो कुनै योजना नै छैन ।

बायर्नसँग छ ।

त्यसैले यी तीन मध्ये एक क्लब घरेलु लिगमा लगातार ८ पटकको बिजेता हुनुका साथै युरोपियन च्याम्पियन पनि हो । योजना नभएकै कारण अन्य दुई भने आफ्नो घरेलु लिगको अंक तालिकामा मिड टेबलमा समेत छैनन् ।

Headline

कप्तान रोहितको शतक र सोमपालको पाँच विकेटमा अमेरिकामा नेपालको पहिलो जित 

Published

on

कप्तान रोहित कुमार पौडेलले  शतक तथा तीब्र गतिका बलर सोमपाल कामीले पाँच विकेट हात पार्दा अमेरिका भ्रमणको दोश्रो अभ्यास खेलमा नेपाली राष्ट्रिय टोलीले ह्युस्टन हरिकेन्स माथि ३० रनको फराकिलो जित हात पारेको छ ।

खेलमा टस हारेर पहिले ब्याटिङ गरेको नेपालले रोहितको शतकको मद्दतमा ४९ दशमलब एक ओभरमा आफ्ना सबै विकेट गुमाएर २५० रन बनायो भने सोमपालले पाँच विकेट निकाल्दा ह्युस्टनले ४३ दशमलब तीन ओभर खेल्दा आफ्ना सबै विकेट गुमाएर २२१ रन मात्र बनाउन सक्यो ।

कप्तान सन्दिप लामिछानेलाई विश्राम दिँदा नेपाली टोलीको कप्तानी सम्हालेका रोहितले नेपालको तर्फबाट सर्वाधिक १०१ रन बनाए । रन आउट हुनु अघि चौथो नम्बरमा ब्याटिङ गर्न आएका रोहितले ९० बल खेल्दै पाँच चौका र चार छक्काको मद्दतमा १०१ रन जोडे ।  

रोहित बाहेक नेपालको लागि आरिफ शेखले ४१, दिपेन्द्र सिंह ऐरीले २४, देव खनालले १९, सुनिल धमलाले १३, करण केसीले १२ रन बनाए भने अन्य बलरहरुले दोहोरो अंकमा रन निकाल्न सकेनन् । कुशल भुर्तेल एक, बिनोद भण्डारी चार, सुशन भारी पाँच तथा सागर ढकाल दुई रन जोड्दै पेभेलियन फर्किए भने किशोर महतो आठ रनमा अविजित रहे ।

ह्युस्टनका मोहम्मद इलियासले १० ओभरमा ६४ रन दिएर सर्वाधिक पाँच विकेट लिए भने हर्मित सिंहले दुई तथा हसन रसिदले पनि आफ्नो नाममा एक विकेट दर्ता गराए ।

ह्युस्टनको लागि पाँचौं नम्बरमा ब्याटिङ गर्न आएका निनाद निम्बालकरले ८१ बल खेल्दै १२ चौका र दुई छक्का सहित आक्रामक ९९ रन बनाए पनि आफ्नो टोलीलाई जित भने दिलाउन सकेनन् । त्यस बाहेक रामिज राजाले २९, गौरव बजाजले १५, उस्मान रफिकले १२ तथा नितिश कुमारले १० रनको पारी खेले ।

निम्बालकरलाई ९९ रनमा नै रोक्दै नेपाललाई जित दिलाउन उल्लेख्य भूमिका खेलेका सोमपाल कामीले आठ दशमलब तीन ओभरमा ३८ रन दिएर सर्वाधिक पाँच विकेट हात पारे । त्यस बाहेक किशोर महतो र सागर ढकालले समान २-२ तथा करण केसीले एक विकेट हात पारे ।   

Continue Reading

Headline

नव प्रवेशी गुजरातले चुम्यो आईपीएलको उपाधि 

Published

on

कप्तान हार्दिक पान्ड्या बल र ब्याट दुवैबाट चम्किए पछि पहिलो सिजनको विजेता राजस्थान रोयल्स माथि सात विकेटको सहज जित निकाल्दै नव प्रवेशी गुजरात टाइटान्सले १५ औँ संस्करणको इन्डियन प्रिमियर लिग (आईपीएल) को उपाधि चुमेको छ ।

अहमदाबादमा सम्पन्न फाइनलमा टस जितेर पहिले ब्याटिङ गरेको राजस्थानले नौ विकेटको नोक्सानीमा १३० रन मात्र जोड्न सक्यो भने गुजरातले तीन विकेट गुमाएर ११ बल अगावै जित दर्ता गर्यो ।    

पहिलो पटकमा नै गुजरातलाई उपाधि दिलाउने क्रममा खेलको प्लेयर अफ द म्याच घोषित पान्ड्याले चार ओभरमा १७ रन खर्चिएर सर्वाधिक तीन विकेट लिए भने ३० बलमा तीन चौका र एक छक्का सहित ३४ रनको योगदान दिए ।

गुजरातको जितमा ओपनर शुबमन गिलले ४३ बलमा अविजित ४५ तथा डेविड मिलरले आक्रामक पारी खेल्दै १९ बलमा तीन चौका र एक छक्का सहित अविजित ३२ रनको पारी खेले । ओपनर रिद्दिमन साह पाँच तथा तेश्रो नम्बरमा ब्याटिङ गर्न आएका म्याथ्यु वेड आठ रनमा आउट हुँदा खराब सुरुवात गरेको गुजरातको लागि पान्ड्यागिलले ५३ बलमा ६३ तथा मिलरगिलले २९ बलमा अविजित ४७ रन जोड्दै उपाधि दिलाए ।

यस अघि पान्ड्या बाहेक रविश्रीनिवासन साई किशोरले दुई तथा रशिद खान, यश दयाल र मोहम्मद शामीले समान १-१ विकेट निकाल्दा राजस्थान सस्तोमै समेटिन पुग्यो ।

राजस्थानको लागि जस बटलरले सर्वाधिक ३९, यशस्वी जैसवालले २२, रियान परागले १५, कप्तान सन्जु सामसनले १४ तथा शिम्रोन हेटमायरट्रेन्ट बोल्टले समान ११-११ रन जोडे भने अन्य ब्याटरले दोहोरो अंकमा रन जोड्न नसक्दा फाइनलमा ठुलो योगफल जोड्न सकेन ।  

Continue Reading

Headline

रियलको उपाधिसँगै उत्कृष्ट प्रदर्शन गरेका कोर्टुवाको चर्चा चुलियो

Published

on

२०१८ को च्याम्पियन्स लिगमा रियल म्याड्रिडले च्याम्पियन्स लिग जित्दा लिभरपुलको पोस्टमा एकपछि अर्को खराब प्रदर्शन गरेका लोरिस केरियस नकारात्मक चर्चामा थिए ।

स्पेनिस महारथीले एक पटक फेरि पेरिसमा प्रिमियर लिग क्लबलाई युरोपको सबैभन्दा ठूलो क्लब प्रतियोगिताको फाइनलमा पराजित गर्दा एक पटक फेरि गोलकिपरकै चर्चा चुलियो । तर यसपटक उत्कृष्ट खेल पस्केका रियलका बेल्जियन गोलकिपर थिबाउ कोर्टुवाको ।

कोर्टुवाले एक पछि अर्को गर्दै उत्कृष्ट बचाउहरु गरेपछि रियलले लिभरपुललाई १–० ले पराजित गर्दै किर्तिमानी १४ औं पटक च्याम्पियन्स लिगको उपाधि उचाल्यो ।

“जब कुनै खेलमा गोलकिपर म्यान अफ द म्याच हुन्छन् तब अर्को टोलीमा समस्य छ भनेर बुझ्दा हुन्छ,” लिभरपुल व्यवस्थापक योर्गन क्लोपले भने । स्टाड डि फ्रान्समा एक घन्टाको खेल पुरा हुनु अघि भिनिसियस जुनियरले निर्णायक गोल गरेपनि रियलको जित कोर्टुवाबिना सम्भव नै थिएन ।

खेल अवधिभर कुल नौं बचाउ गरेका कोर्टुवाको उत्कृष्ट बचाउहरुमा मोहम्मद सलाहको प्रहारलाई सशक्त ढँगले रोक्नु थियो भने शुरुवातमै सादियो मानेको सटलाई बचाउ गर्नु थियो । “सबैभन्दा निर्णायक मानेबिरुद्धको बचाउ थियो । मैले उनलाई रोक्न आफ्नो दुई मिटरको प्रयोग गर्दै केही सेकेण्डमै रिबाउन जोगाउनु पर्ने चुनौति पनि थियो,” कोर्टुवाले खेलपछि भने ।

केभिन डि ब्रुनसँगै बेल्जियन टोली गेन्कमा घरेलु उपाधि उचालेका ३० बर्षिय कोर्टुवाले आफ्नो करिअरमा ठूला उपलब्धिहरु हात पारिसकेका छन् । उनले एट्लेटिको म्याड्रिड, चेल्सी र रियलबाट स्पेन र इंगल्याण्डको घरेलु लिग जितेका छन् एट्लेटिकोबाट युरोपा लिग पनि जितिसकेका छन् ।

Continue Reading
Headline2 weeks ago

कप्तान रोहितको शतक र सोमपालको पाँच विकेटमा अमेरिकामा नेपालको पहिलो जित 

Headline3 weeks ago

नव प्रवेशी गुजरातले चुम्यो आईपीएलको उपाधि 

Headline3 weeks ago

रियलको उपाधिसँगै उत्कृष्ट प्रदर्शन गरेका कोर्टुवाको चर्चा चुलियो

Headline4 weeks ago

बेंगलोरलाई पाखा लगाउँदै राजस्थान दोश्रो पटक आईपीएलको फाइनल 

Headline4 weeks ago

पाटिदारले शतक प्रहार गर्दा लखनउ माथि शानदार जित निकाल्दै बेंगलोर क्वालिफायर्समा 

Headline4 weeks ago

बढ्यो नेपाली खेलाडीको तलब 

Headline4 weeks ago

मिलरले अन्तिम ओभरमा लगातार तीन छक्का प्रहार गर्दा गुजरात आईपीएलको फाइनलमा 

Headline4 weeks ago

अर्थहीन खेलमा हैदराबाद माथि पन्जाबको शानदार जित 

Headline4 weeks ago

अमेरिका जाने नेपाली टोलीलाई अमेरिकी राजदूतावास र क्यानको बिदाई 

Headline4 weeks ago

नाटकीय जित निकाल्दा सिटीलाई प्रिमियर लिगको उपाधि, लिभरपुलको क्वाड्रपल जित्ने सपना अधुरै 

Headline4 weeks ago

अमेरिका भ्रमणमा नेपालले दुई अभ्यास खेल खेल्ने 

Headline1 month ago

मुम्बईले जित निकाल्दा बेंगलोरको भाग्य चम्कियो, दिल्लीको प्लेअफको सपना चकनाचुर 

Headline1 month ago

शृंखला गुमाएको नेपालको अन्तिम खेलमा शानदार जित 

Headline1 month ago

टियुमा पहिलो जित हात पार्दा नेपाल क्लिन स्विप हुनबाट बच्यो  

Headline1 month ago

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

Headline1 month ago

रोहितलाई उपकप्तानको जिम्मेवारी 

Headline1 month ago

घरेलु मैदानमा खेलेको पहिलो शृंखला नै गुमायो नेपालले  

Headline1 month ago

ज्योति पाण्डेको उत्कृष्ट ब्याटिङमा नेपालको चुनौतिपूर्ण योगफल 

Headline1 month ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline1 month ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Headline2 weeks ago

कप्तान रोहितको शतक र सोमपालको पाँच विकेटमा अमेरिकामा नेपालको पहिलो जित 

Headline3 weeks ago

नव प्रवेशी गुजरातले चुम्यो आईपीएलको उपाधि 

Headline3 weeks ago

रियलको उपाधिसँगै उत्कृष्ट प्रदर्शन गरेका कोर्टुवाको चर्चा चुलियो

Headline4 weeks ago

बेंगलोरलाई पाखा लगाउँदै राजस्थान दोश्रो पटक आईपीएलको फाइनल 

Headline4 weeks ago

पाटिदारले शतक प्रहार गर्दा लखनउ माथि शानदार जित निकाल्दै बेंगलोर क्वालिफायर्समा 

Headline4 weeks ago

बढ्यो नेपाली खेलाडीको तलब 

Headline4 weeks ago

मिलरले अन्तिम ओभरमा लगातार तीन छक्का प्रहार गर्दा गुजरात आईपीएलको फाइनलमा 

Headline4 weeks ago

अर्थहीन खेलमा हैदराबाद माथि पन्जाबको शानदार जित 

Headline4 weeks ago

अमेरिका जाने नेपाली टोलीलाई अमेरिकी राजदूतावास र क्यानको बिदाई 

Headline4 weeks ago

नाटकीय जित निकाल्दा सिटीलाई प्रिमियर लिगको उपाधि, लिभरपुलको क्वाड्रपल जित्ने सपना अधुरै 

Headline4 weeks ago

अमेरिका भ्रमणमा नेपालले दुई अभ्यास खेल खेल्ने 

Headline1 month ago

मुम्बईले जित निकाल्दा बेंगलोरको भाग्य चम्कियो, दिल्लीको प्लेअफको सपना चकनाचुर 

Headline1 month ago

शृंखला गुमाएको नेपालको अन्तिम खेलमा शानदार जित 

Headline1 month ago

टियुमा पहिलो जित हात पार्दा नेपाल क्लिन स्विप हुनबाट बच्यो  

Headline1 month ago

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

Headline1 month ago

रोहितलाई उपकप्तानको जिम्मेवारी 

Headline1 month ago

घरेलु मैदानमा खेलेको पहिलो शृंखला नै गुमायो नेपालले  

Headline1 month ago

ज्योति पाण्डेको उत्कृष्ट ब्याटिङमा नेपालको चुनौतिपूर्ण योगफल 

Headline1 month ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline1 month ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Trending

error: Content is protected !!