Connect with us

IPL 2020

टस हारेर दिल्ली विरुद्ध मुम्बई पहिले ब्याटिङमा

wesportz

Published

on

१३ औं संस्करणको इन्डियन प्रिमियर लिग (आईपीएल) अन्तर्गत पहिलो क्वालिफायरमा साबिक विजेता मुम्बई इन्डियन्सले पहिले ब्याटिङ गर्ने भएको छ । दुबई अन्तरास्ट्रिय क्रिकेट रंगशालामा दिल्ली क्यापिटल्सका कप्तान श्रेयस ऐयरले टस जितेर पहिले फिल्डिङ रोजेका हुन् ।

आजको खेलमा दिल्लीले आफ्नो टोलीमा कुनै परिवर्तन गरेको छैन । यसको मतलब आजको खेलमा पनि सन्दिपले बेञ्चमा नै चित्त बुझाउन पर्ने भएको छ । समुह चरणका कुनै पनि खेलमा सन्दिपले खेल्ने मौका पाएका थिएनन् ।

दिल्लीले आजको खेलमा जित हात पारेमा उसले इतिहास रच्ने छ । दिल्ली अहिले सम्म आईपीएलको फाइनलमा पुग्न सकेको छैन । दिल्लीको सबैभन्दा राम्रो प्रदर्शन गत संस्करणमा रहेको थियो । गत बर्ष दिल्लीले तेश्रो स्थान हात पारेको थियो । चार पटक आईपीएलको उपाधि चुमेको मुम्बई भने छैठौं पटक फाइनल खेल्ने दाउमा छ ।

लिग चरणका नौं खेलमा जित हात पार्दै मुम्बईले शिर्ष स्थानमा आठ खेलमा जित दर्ता गराउँदै दिल्लीले दोश्रो स्थान हात पार्दै क्वालिफायरमा पुगेको हो ।

सुरुवाती नौं खेल मध्य सात खेल जितेर प्रतियोगितामा राम्रो प्रदर्शन गरेको दिल्लीले त्यस पछिका चार खेलमा खराब प्रदर्शन गर्न पुग्यो । उसले अन्तिम चारमा प्रवेस गर्नका लागि रोयल च्यालेन्जर्स बेंगलोरसँगको अन्तिम खेल सम्म कुर्न पर्यो ।

मुम्बईले भने एक नाशको प्रदर्सन गर्दै अन्तिम चारमा प्रवेस पाएको थियो । अन्तिम खेलमा हैदराबादसँग १० विकेटको हारको सामना गरे पनि उसले पहिले नै अंक तालिकाको शिर्ष स्थानमा पकड जमाईसकेको थियो ।

समुह चरणको दुबै खेलमा मुम्बईले दिल्लीलाई पराजित गरेको थियो । पहिलो लेगमा पाँच विकेटले पराजित भएको दिल्लीले दोश्रो लेगमा नौं विकेटको लज्जास्पद हारको सामना गरेको थियो ।

Click to comment

Leave a Reply

Your email address will not be published. Required fields are marked *

Headline

राष्ट्रिय टोलीसंगको भविष्यको प्रश्न आउदा बेलले अन्तर्वार्ता छोडेर हिडे

wesportz

Published

on

वेल्स कप्तान ग्यारेथ बेल आफ्नो टोली डेनमार्कसंग नराम्ररी पराजित हुदै युरो कपबाट बाहिरिएपछि उनको राष्ट्रिय टोलीको भविष्यलाई लिएर गरिएको प्रश्नमा अन्तर्वार्ता छोडेर हिडेका छन् ।

शनिबार क्यास्पर डोल्बर्गले दुई गोल गरेपछि वेल्स डेनमार्कसंग ४-० को फराकिलो अन्तरले पराजित हुंदै अन्तिम १६ बाट बाहिरियो । यसअघि फ्रान्समा भएकोअघिल्लो संस्करणको सेमिफाइनल खेलेको वेल्सका लागि शनिबारको हार लज्जास्पद रहन पुग्यो ।

३१ बर्षिय बेललाई खेल समाप्त पछि मैदानमै हुने अन्तर्वार्तामा अब उनको वेल्ससंगको भविष्य के हुनेभनेर प्रश्न आउने बित्तिकैउनी माइक छोडेर गएका थिए । बेलको कदमलाई वेल्स प्रशिक्षक रोबर्ट पेजले एकदम सही भएको भन्दै सोधिएको प्रश्नलाई असंवेदनशीलको रुपमा व्याख्या पनि गरेका थिए ।

“तपाईलाई हिजो पनि के यो खेल तपाईको वेल्सका लागि अन्तिम हुने भनेर सोधिएको थियो र तपाईले कम से कम पनि अर्को मौका पाउनु पर्ने बताउनु भएको थियो,” बिबिसीका एक पत्रकारको यो प्रश्न पुरा हुन नपाउदै क्रुद्ध देखिएका बेल क्यामेरा छोडेर हिडे ।

“चेन्जिंग रुममा अन्य खेलाडीहरु सरह उनी पनि निराश छन् । उनी किन आफ्नो भविष्यको बारेमा अहिले उत्तर दिन्छन् जस्तो लागिरहेको छ तपाईलाई , वेल्स प्रशिक्षक पेजले भने ।

“मेरो लागि यो निकै नै असंवेदनशील प्रश्न हो । मैदानबाट भर्खरै हारको सामना गरेर फर्किएका खेलाडीलाई यस्तो प्रश्न सोध्नुको कुनै तर्क छैन । यस्तो क्षणमा हारको चोट आलै हुन्छ र मेरो लागि उनले अन्तर्वार्ता छोडेर जानु एकदम सही निर्णय थियो,” पेजले समर्थन जनाए ।

अन्तर्वार्ताबाट हिड्नु अघि बेलले रेफ्रिको निर्णयले खेलमा प्रभाव पारेको बताएका थिए । डेनमार्कले दोश्रो गोल गर्दा किफर मुरमाथि फउल भएकोमा उनी अडिग थिए । डोल्बर्गले दोश्रो हाफको शुरुवातमै गोल गरे लगत्तै बेलले जर्मन रेफ्रि ड्यानियल सिबर्टसंग मुरमाथि फउल भएको भन्दै अपिल गरेका थिए ।

दोश्रो गोलपछि वेल्स खेलमा पुनरागमन जनाउन पूर्ण रुपमा असफल भएको थियो । तपाईले कुनै खेलाडीलाई पछाडीबाट लडाउदै बल खोस्नु हुन्छ भने त्यो फउल हो । शायद रेफ्रि यो खेलमा दर्शकबाट प्रेरित हुनु भयो, बेलले भने ।

Continue Reading

Headline

भलिबललाई केल्मीको साथ

wesportz

Published

on

खेल सामाग्री उत्पादन संस्था केल्मे र नेपाल भलिबल संघविच सहकार्य गर्ने गरि सोमबार सम्झौता भएको छ । नेपालका लागि आधिकारीक विक्रेता केल्मे नेपालका तर्फबाट कन्ट्रि डाईरेक्टर प्रदीप न्यौपाने र नेपाल भलिबल संघका तर्फबाट अध्यक्ष मनोरञ्जन रमण शर्माले हस्ताक्षर सहित सम्झौता पत्र आदान प्रदान गरे ।

पहिलो पटक २ बर्षका लागि भएको सम्झौता बमोजिम केल्मेले पहिलो बर्ष महिला र पुरुष नेपाली भलिबल टोलीका लागि २० । २० सेट ट्रायकसुट, नि प्याड, अफिसियल जर्सी, मोजा, जुत्ता, २५० थान भलिबल, नेट र ट्रेनिङ्ग जर्सी प्रदान गर्ने छ । अव नेपाली भलिबल टोलीले स्पेनिस खेल सामाग्री उत्पादक संस्था केल्मेको आधिकारीक सामाग्रीलाई आफ्नो ब्राण्ड बनाउने छ ।

सम्झौता पश्चात बोल्दै डाईरेक्टर न्यौपानेले नेपालको राष्ट्रिय खेल भलिबललाई केल्मीले अग्रभागमा राखेर अगाडी बढेको भन्दै पहिलो पटक २ बर्षको लागि सम्झौता भएको बताए । उनले नेपालमा फुटबलबाट सुरुभएको सहयोगको सिलसिला एपिएफ क्लब हुँदै भलिबल सम्म आईपुगेको बताए । उनले फुटबलमा केल्मेले गरेको सहयोगले अरु कम्पनीहरुले समेत प्रतिस्पर्धा गर्न थालेको भन्दै यो अवस्था भलिबलमा लागु होस् भन्ने कामना रहेको बताए ।

न्यौपानेले खेलाडीहरुको भविष्य सुनिश्चित गर्नु संघको दायित्व भएको भन्दै टिम प्रशिक्षणलाई निरन्तरता प्रदान गरेमा मात्र नतिजा प्राप्त हुने बताए । उनले नेपाली टोलीको आफ्नै लोगो र पहिचानको जर्सी आई पुग्न समय लागेका कारण अहिलेनै मुल्यमा त्यसलाई उजागर गर्न नसकेको र सामान आए पश्चात उक्त कुरालाई उजागर गर्ने बताए ।

Continue Reading

Headline

मुम्बईलाई पाँचौं पटक आईपीएलको उपाधि, पहिलो पटक फाइनल खेलेको दिल्ली उपविजेतामा सिमित

wesportz

Published

on

दिल्ली क्यापिटल्स माथि पाँच विकेटको सहज जित हात पार्दै साबिक विजेता मुम्बई इन्डियन्सले १३ औं संस्करणको इन्डियन प्रिमियर लिग (आईपीएल) को उपाधि चुमेको छ ।

योसँगै मुम्बईको पाँचौं आईपीएल उपाधि हो । मुम्बईले यस अघि सन् २०१३, सन् २०१५, सन् २०१७ र सन् २०१९ मा आईपीएलको उपाधि चुमेको थियो । पहिलो पटक आईपीएलको फाइनल खेलेको दिल्ली भने उपविजेतामा चित्त बुझाउन बाध्य भएको छ ।

दिल्लीले दिएको १५७ रनको लक्ष्य पक्ष्याएको मुम्बईले १८ दशमलब चार ओभर खेल्दै पाँच विकेटको नोक्सानीमा जित हात पार्यो ।

मुम्बईको जितमा कप्तान रोहित शर्माले सर्वाधिक ६८ रन बनाए भने ओपनर क्विन्टन डि ककले २०, सुर्य कुमार यादवले १९ रनको योगदान दिए भने इशान किशानले अविजित ३३ रनको पारी खेले ।

यस अघि दुबई अन्तरास्ट्रिय क्रिकेट मैदानमा टस जितेर पहिले ब्याटिङ गर्ने निर्णय गरेको दिल्लीले पुरै २० ओभर खेल्दै छ विकेटको नोक्सानीमा १५६ रनको मध्यम योगफल बनायो ।

अविजित रहेका दिल्लीका कप्तान श्रेयस ऐयरले ५० बलमा छ चौका र दुई छक्काको मद्धतमा सर्वाधिक ६५ रन बनाए भने रिशब पन्तले पनि आक्रमक पारी खेल्दै ३८ बलमा चार चौका र दुई छक्काको मद्धतमा ५६ रनको पारी खेले ।

निकै नै खराब सुरुवात गरेको दिल्लीको लागि कप्तान श्रेयस ऐयर र रिशब पन्त दुबैले अर्धशतकीय पारी खेल्दै पारी सम्हालेका थिए । २२ रनमा तीन विकेट गुमाएको दिल्लीको पारी सम्हाल्ने क्रममा ऐयर र पन्तले चौथों विकेटका लागि ६९ बलमा ९६ रनको साझेदारी गरे ।

ओपनर मार्कस स्टोइनिस गोल्डेन डक आउट भए भने अर्का ओपनर शिखर धवनले पनि १५ रन भन्दा बनाउन सकेनन् । त्यस्तै तेश्रो नम्बरमा ब्याटिङ गर्न आएका अजिंक्य रहाने र शिम्रोन हेट मायरले पनि क्रमश दुई र पाँच तथा अक्सर पटेलले पनि नौं रन भन्दा जोड्न सकेनन् ।

दिल्लीलाई मध्यम स्कोरमा रोक्ने क्रममा मुम्बईका ओपनर बलर ट्रेन्ट बोल्टले चार ओभरमा ३० रन खर्चिएर सर्वाधिक तीन विकेट हात पारे ।

मुम्बई पहिलो क्वालीफायरमा दिल्लीलाई नै तथा दिल्ली दोश्रो क्वालिफायरमा सनराईजर्स हैदराबादलाई १७ रनले पराजित गर्दै पहिलो पटक फाइनलको यात्रा तय गरेको हो । दिल्लीको सबैभन्दा राम्रो प्रदर्शन गत संस्करणमा रहेको थियो । गत बर्ष दिल्लीले तेश्रो स्थान हात पारेको थियो । चार पटक आईपीएलको उपाधि चुमेको मुम्बई भने छैठौं पटक फाइनल खेलेको हो ।

मुम्बईले दिल्लीलाई यस अघि खेलेका तीन खेलमा नै पराजित गरेको थियो । दिल्लीलाई पहिलो क्वालीफायरमा ५७ रनले पराजित गर्दै मुम्बईले फाइनलमा आफ्नो स्थान सुरक्षित गरेको थियो । त्यस्तै दिल्ली समुह चरणको दुबै खेलमा मुम्बईसँग क्रमश पाँच र नौं विकेटले पराजित भएको थियो ।

Continue Reading
१३औं दक्षिण एसियाली खेलकुद3 hours ago

ओलम्पिक्सको सबैभन्दा कान्छी खेलाडी जाजाको सुन्नै पर्ने कहानी

Headline10 hours ago

इजरायलीसंग सामना नगर्न अल्जेरियन जुडो खेलाडीले ओलम्पिक्स त्यागे

Kalpana Pariyaar
Headline11 hours ago

टोकियो ओलम्पिक्सः नेपालका दुवै खेलाडी पहिलो चरणबाटै आउट

अन्तर्राष्ट्रिय20 hours ago

फर्नान्डो र राजपाक्साको अर्धशतकमा श्रीलंकाको सान्त्वना जित

अन्तर्राष्ट्रिय24 hours ago

बंगलादेश माथि जिम्बाब्वेको सहज जित 

Headline1 day ago

ओलम्पिक्स इतिहासका १० अविस्मरणीय क्षणहरु

Headline1 day ago

ओलम्पिक्सको भयावह नाजी परम्परा जुन अझै कायम छ

अन्तर्राष्ट्रिय2 days ago

नैम र सरकारको शतकिय साझेदारीमा बंगलादेशको जित 

Headline2 days ago

ओलम्पिक्स पुरुष फुटबलः फ्रान्सको लज्जास्पद हार

Headline3 days ago

ब्राजिलियन लेजेण्ड फोर्मिगाको सात ओलम्पिक्सको गर्विलो इतिहास

Trending

error: Content is protected !!