Connect with us

Headline

‘मलाई हाफटाइममै ११ सब्स्टिच्युट गर्न मन थियो’

wesportz

Published

on

युएफा युरोपा लिग अन्तर्गत रोयल एन्टवर्पसँग १-० ले पराजित भएसँगै टोटनह्यामका प्रशिक्षक होजे मोउरिन्होले हाफटाइममै सबै खेलाडीलाई सब्स्टिच्युट गर्न मन भएको बताए ।

जियोभानी लो सेल्सो,स्टेविन बर्गवाइन,कर्लोस भिनिसियस र डेली अल्लीले महिनौ पछि खेल्न पाएको खेलमा पनि टोटनह्याम हाफ टाइममै एक गोलले पछि गरेको थियो ।

ग्यारेथ बेललाई खेलाए पनि केही गर्न नसके पछि मोउरिन्होले हाफ टाइममा चार सब्स्टिच्युट गर्दै पिएरे एम्ली होइबर्ग,एरिक लमेला,लुकास मोउरा र सन ह्युङ मिनलाई मैदान प्रवेश गराएका थिए । मोउरिन्हो निकै आक्रोशित देखिएकासँगै उनले ग्यारेथ बेललाई पनि ५७ औँ मिनेटमा निकल्दै ह्यारी केनलाई मैदान प्रवेश गराएका थिए ।

पाँच स्टार खेलाडी मैदान प्रवेश गराए पनि केही गर्न नसकेको टोटनह्याम अन्तिममा पहिलो हाफको २९ औँ मिनेटमा खाएको गोलले खेल हार्न पुगेको थियो ।

“मलाई ११ जानालाई नै सब्स्टिच्युट गराउन मन थियो,” मोउरिन्होले भने ।

“मैले पाँच वटा पनि गरिन किनभने मलाई ४५ मिनेटको समय पनि लामो लागेको थियो । म अन्य खेलाडीहरुलाई पनि मौका दिदै अनुभव ल्याउन चाहन्छु,”

“आजको खेलको लागि दोषी कोही छ भने त्यो मै हो । मैले खेल सुध्रिने आशमा भएको जती सब्स्टिच्युट सबै हाफ टाइममा प्रयोग गर्दिए र पछि मसँग खेल बदल्न केही रहेन,” मोउरिन्होले थपे ।

“बाँकीको खेलसँग म सन्तुष्ट छु।”

टोटनह्यामको युरोपा लिगमा यो पहिलो पराजय हो ।

 

Headline

मेस्सीको दुई गोलमा बार्सिलोनाको फराकिलो जित

wesportz

Published

on

अर्जेन्टाइन सुपरस्टार लियोनल मेस्सीले दुई गोल गरेपछि बार्सिलोनाले स्पेनिस ला लिगामा गेटाफेलाई ५–२ को फराकिलो अन्तरले पराजित गरेको छ ।

खेलमा मेस्सीले ८ मिनेटमै अग्रता दिलाए पनि क्लेमेन्ट लेँगेटको आत्मघाती गोलले गेटाफे खेलमा फर्किएको थियो । गेटाफे गोलकिपर डेभिड सोरियासँग असमझदारीका कारण डिफेण्डर चाक्लाले आत्मघाती गोल गर्दा बार्साले २८ औं मिनेटमा अग्रता फर्काएको थियो ।

मेस्सीले ३३ औं मिनेटमा गोल गरेपछि बार्साले अग्रता दोब्बर पार्यो । ६९ औं मिनेटमा एनेस उनाइले पेनाल्टीमा गोल गर्दै गेटाफेलाई केही आशा त दिलाए तर रोनाल्ड अरुजोले ८७ र एन्टोइन ग्रिजमनले थप गरिएको तेश्रो मिनेटमा पेनाल्टीमा गोल गर्दै बार्साको जित फराकिलो बनाएका थिए ।

ला लिगामा मेस्सी यो सिजन पनि २३ गोलका साथ सर्वाधिक गोलकर्ताको सुचीमा पहिलो नम्बर मै छन् । भिलारियालका जेरार्ड मोरेनोको २० र एट्लेटिको गएका मेस्सीको पुर्व बार्सिलोना टिम मेट लुईस सुवारेजको १९ गोल छ । रियल म्याड्रिडका करिम बेन्जेमाले १८ गोल गरेका छन् ।

एक खेल कम खेलेको बार्सिलोनाले शिर्ष स्थानको एट्लेटिको म्याड्रिडसँगको दुरी ५ अंकमा छोट्याएको छ । हुवेस्कालाई बिहिबार नै २–० ले हराएको एट्लेटिकोको ३२ खेलबाट ७३ अंक छ । समान खेलबाट दोश्रो स्थानको रियल म्याड्रिडको ७० अंक छ ।

एट्लेटिको र बार्सिलोना मे ८ मा खेल्ने छन् । बिहिबार नै भएका अन्य खेलमा ग्रानडाले आईबारलाई ४–१ र रियल सोसिडाडले सेल्टा भिगोलाई २–१ ले हरायो ।

Continue Reading

Headline

नेपालद्वारा मलेसिया ६९ रनको बिशाल अन्तरले पराजित

wesportz

Published

on

मलेसियालाई सशक्त ब्याटिङ्ग प्रदर्शन मार्फत ६९ रनको फराकिलो अन्तरले पराजित गर्दै नेपालले त्रिदेशीय ट्वान्टी ट्वान्टी अन्तर्राष्ट्रिय श्रृंखलाको लिग चरणमा शान्दार अन्त्य गरेको छ

त्रिवि क्रिकेट मैदानमा करण केसीको आक्रमक ब्याटिङ्गसँगै नेपालले ७ विकेट गुमाउदै २ सय १७ रनको बिशाल योगफल बनायो जवाफमा मलेसियाले निरन्तर विकेट गुमाएपनि १९ दशमलव १ ओभरमा १ सय ४८ रनमा अल आउट भयो

सोमपाल कामीले आफ्नो पहिलो दुई ओभरमा दुई विकेट लिएपछि दवाबमा आएको मलेसियाले आक्रमक ब्याटिङ्गलाई जारी राख्यो तर बिशाल लक्ष्यको दवाबमा रोकिएको थियो

अमिनुदिन राम्लीले १८ बलमा पाँच छक्का र एक चौका प्रहार गर्दै सर्वाधिक ४१ रन लिएका थिए सन्दिप लामिछाने, डेब्युटेन्ट कमल सिँह ऐरि र सोमपाल कामीले ३३ विकेट लिएका थिए सन्दिपले प्रतियोगितामा सर्वाधिक ११ विकेट लिइसकेका छन् सोमपालको नाममा पाँच विकेट रहेको छ      

यसअघि करणले धुवाधार ब्याटिङ्ग गर्दै १३ बलमा सात बिशाल छक्का प्रहार गर्दै ४५ रन जोडेपछि नेपालले आफ्नो ट्वान्टी ट्वान्टी अन्तर्राष्ट्रिय इतिहासकै दोश्रो सर्वाधिक योगफल बनायो

नेपालको ट्वान्टी ट्वान्टी अन्तर्राष्ट्रिय इतिहासमा सर्वाधिक ठूलो योगफल भुटानबिरुद्ध १३ औं दक्षिण एसियाली खेलकुदमा बनाएको २ सय ३६ रन हो

करणले बिष्फोटक पारी खेल्दै कुशल मल्ल (१० बलमा १९ रन) सँग २३ बलमा ६६ रन जोड्नु अघि अन्य ब्याट्स्म्यानहरुले पनि उल्लेखनीय योगदान दिदा नेपाल बिशाल योगफल बनाउन सफल भएको थियो

पहिलो विकेटका लागि कुशल भुर्तेल (१६) र आसिफ शेखले ३३ रन जोडेपछि कप्तान ज्ञानेन्द्र मल्लले नेपालको बिशाल स्कोरको आधार खडा गरेका थिए आसिफसँग ७३ रनको साझेदारी गरेका ज्ञानेन्द्रले चार छक्का र एक चौकाको मद्दतमा २५ बलमा ४१ रन बनाएका थिए

आसिफले ३२ बलमा ४२ रन बनाएका उनले तीन चौका र तीन छक्का हिर्काए यसअघि नेदरल्याण्ड्सबिरुद्धको खेलमा आफ्नो पहिलो ट्वान्टी ट्वान्टी अन्तर्राष्ट्रिय अद्र्धशतक प्रहार गरेका दिपेन्द्र सिँह ऐरिले पनि छरितो रुपमा रन बटुल्दै १७ बलमा ३३ रन बनाए उनले पाँच चौका र एक छक्का हिर्काए

नेपालको इनिङ्गस सुस्त हुदै गर्दा करणले अविश्वसनीय पारी खेलेका थिए उनले १८ औं ओभरमा धिभेन्द्रन मोगनलाई एकै ओभरमा चार छक्का प्रहार गरेका थिए १९ औं ओभरमा मुहम्मद वफिकलाई कुशल मल्लले दुई र करणले एक छक्का प्रहार गरेका थिए

सैयद अजिजको बलमा करण थर्ड म्यानमा अनवर रहमानको उत्कृष्ट डाइभिङ्ग क्याचमा रनआउट भएका थिए अजिजले अन्तिम ओभरमा सोमपाललाई पनि आउट गर्दै मात्र चार रन खर्चिएका थिए

Continue Reading

Headline

करण केसीले १३ बलमै ४५ रन ठोकेपछि नेपालको मलेसियाबिरुद्ध बिशाल योगफल

wesportz

Published

on

करण केसीको आक्रमक ब्याटिङ्गसँगै नेपालले ट्वान्टी ट्वान्टी अन्तर्राष्ट्रियमा आफ्नो दोश्रो सर्वाधिक ठूलो योगफल बनाएको छ ।

त्रिवि मैदानमा जारी त्रिदेशीय ट्वान्टी ट्वान्टी अन्तर्राष्ट्रिय श्रृंखलामा करण १३ बलमा सात बिशाल छक्का प्रहार गर्दै ४५ रन जोडेपछि नेपालले मलेसियालाई ७ विकेटको क्षतिमा २ सय १७ रन प्रहार गरेको छ ।

नेपालको ट्वान्टी ट्वान्टी अन्तर्राष्ट्रिय इतिहासमा सर्वाधिक ठूलो योगफल भुटानबिरुद्ध १३ औं दक्षिण एसियाली खेलकुदमा बनाएको २ सय ३६ रन हो ।

करणले बिष्फोटक पारी खेल्दै कुशल मल्लसँग २३ बलमा ६६ रन जोड्नु अघि अन्य ब्याट्स्म्यानहरुले पनि उल्लेखनीय योगदान दिदा नेपाल बिशाल योगफल बनाउन सफल भएको थियो ।

पहिलो विकेटका लागि कुशल भुर्तेल (१६) र आसिफ शेखले ३३ रन जोडेपछि कप्तान ज्ञानेन्द्र मल्लले नेपालको बिशाल स्कोरको आधार खडा गरेका थिए । आसिफसँग ७३ रनको साझेदारी गरेका ज्ञानेन्द्रले चार छक्का र एक चौकाको मद्दतमा २५ बलमा ४१ रन बनाएका थिए ।

आसिफले ३२ बलमा ४२ रन बनाएका । उनले तीन चौका र तीन छक्का हिर्काए । नेपालको इनिङ्गस सुस्त हुदै गर्दा करणले अविश्वसनीय पारी खेलेका थिए । उनले १८ औं ओभरमा धिभेन्द्रन मोगनलाई एकै ओभरमा चार छक्का प्रहार गरेका थिए । १९ औं ओभरमा मुहम्मद वफिकलाई कुशल मल्लले दुई र करणले एक छक्का प्रहार गरेका थिए ।

सैयद अजिजको बलमा करण थर्ड म्यानमा अनवर रहमानको उत्कृष्ट डाइभिङ्ग क्याचमा रनआउट भएका थिए । अजिजले अन्तिम ओभरमा सोमपाल कामीलाई पनि आउट गर्दै मात्र चार रन खर्चिएका थिए ।

Continue Reading
Headline39 mins ago

मेस्सीको दुई गोलमा बार्सिलोनाको फराकिलो जित

अन्तर्राष्ट्रिय9 hours ago

पडिक्कलको पहिलो आईपीएल शतकमा बेंगलोरको लगातार चौथों जित

Headline16 hours ago

नेपालद्वारा मलेसिया ६९ रनको बिशाल अन्तरले पराजित

Headline17 hours ago

करण केसीले १३ बलमै ४५ रन ठोकेपछि नेपालको मलेसियाबिरुद्ध बिशाल योगफल

Headline19 hours ago

दिपेन्द्र, कुशल र आसिफलाई माइ सेकेण्ड टिचरको साथ

Headline20 hours ago

कमल सिँह ऐरिले पाए नेपालको लागि ट्वान्टी ट्वान्टी अन्तर्राष्ट्रिय डेब्युको मौका

Headline21 hours ago

रोनाल्डो फर्कदा युभेन्टसको जित, इन्टर बराबरीले पनि मजबुत

Headline23 hours ago

नेपाल मलेसिया भिड्दै गर्दा सन्दिपको १ सयौं टि ट्वान्टी, कुशल अर्को किर्तिमान नजिक

Headline24 hours ago

जर्मन बुन्डेसलिगाः रेलिगेसन सहन नसकेपछि साल्के खेलाडीहरुमाथि आक्रमण, अण्डा प्रहार

Headline1 day ago

अर्को जितपछि ग्वार्डियोलाले भने सुपर लिग एउटा समाप्त अध्याय

Headline4 months ago

१० फुटबलर जसले बार्सिलोना जान मानेनन्

Headline7 months ago

धेरै ऋणको भारी बोकेका पाँच युरोपेली क्लबहरु

Headline12 months ago

ब्राजिलले पाएको अहिलेसम्मकै उत्कृष्ट १० फुटबलर

Headline7 months ago

सात महादेशका सात उत्कृष्ट खेलाडीहरु

Headline8 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline11 months ago

ट्रान्सफर मार्फत सर्वाधिक कमाउने ५ खेलाडी

Headline6 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline6 months ago

फेरि पनि टिममा अटाएनन् स्ट्राइकर बिमल

Headline10 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline8 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending

error: Content is protected !!