Connect with us

Headline

डिएगो म्याराडोना: एक कुख्यात जीवन

wesportz

Published

on

भड्किलो जीवन शैलिका कारण कुख्यात बनेका डिएगो म्याराडोना आफ्नो चरित्र बिपरित निकै शान्त तवरमा शुक्रवार ६० बर्ष पुगेका छन् । कोरोना भाइरस महामारीबाट बच्नका लागि म्याराडोना अहिले आफ्नै घरमा सेल्फ आइसोलेसनमा छन् ।

पछिल्लो दुई दशकमा दुई पटक ह्रदयघात हुनुका साथै हेपाटाइटिस संक्रमण पनि भइसकेका म्याराडोना आफ्ना बडिगार्डलाई कोरोनाको लक्षण देखिएपछि सेल्फ आइसोलेसनमा गएर सतर्कता अपनाएका हुन् । लागु पदार्थ कोकेन र रक्सीको अत्याधिक सेवनले बिस्तारै अहिले म्याराडोनाको स्वास्थ्यमा पनि असर गर्न थालिसकेको छ ।

“उनी स्वस्थ रहिरहन्छन् भन्ने कुरा असम्भव जस्तै थियो,” उनका पुर्व राष्ट्रिय टोली र अर्जेन्टिनी घरेलु फुटबलको महारथी क्लब बोका जुनियर्स समकालीन ह्युगो पेरोट्टीले केही महिनाअघि भनेका थिए । उत्कृष्ट प्रतिभा र गर्विलो इतिहासले उचाइ लिएको उनको करिअर तर अनैतिक र झण्डै समस्याग्रस्त जीवनतर्फ इँगित गर्दै पेरोट्टीले भने ।

राजधानी ब्युनोस आयरेसको निकै गरिव बस्तीमा १९६० अक्टोबर ३० का दिन जन्मिएका डिएगो अर्मान्डो म्याराडोना निकै चाडो बिशेष प्रतिभाको रुपमा अगाडी आए । त्यस यता क्यारिजम्याटिक र बिरोधाभासपूर्ण म्याराडोना धेरै पटक लडे तर निकै अद्वितीय र अपरिहार्यताका साथ खाडलबाट आकाश छुदै गए ।

२०१० को बिश्वकपको मुख्य आकर्षण म्याराडोना र मेस्सी नै थिए तर यो जोडी सफल हुन सकेन

उपेक्षापूर्ण र सरल, साहसी, निष्ठावान साथी र प्रतिशोधपूर्ण शत्रु म्याराडोनामा एक चुम्बकीय आकर्षण हुन्थ्यो ।

“१८ बर्षको उमेरमा म्याराडोना अफ्रिकामा हिड्न नै सक्दैन थिए । एउटा बिमान आकाश मै अड्कियो किनभने हजारौ मानिसहरु उनलाई हेर्न रनवे मै पुगेका थिए,” पेरोट्टी सम्झन्छन् । “यो १९८१ को कुरा हो जब संसारमा इन्टरनेट, मोबाइल फोन केही थिएन । उनले सबै मानिस र बाधा अड्चन पार गर्दै अगाडी हिडे । र मलाई लाग्छ उनले यसको मुल्य पनि चुकाए ।”

भगवान सरह पुजिएका

म्याराडोनाको जीवनमा पहिले उचाइ आयो । बोका जुनियर्सलाई अर्जेन्टिनी प्रथम श्रेणीको लिग जिताए लगत्तै उनले २१ बर्षको उमेरमै स्पेनिस महारथी बार्सिलोनासँग सम्झौता गरे । २५ बर्षको उमेरमा उनले व्यहारिक रुपमै अर्जेन्टिनालाई आफ्नो बलबुतामा १९८६ मा मेक्सिकोमा भएको बिश्वकप जिताए ।

इङ्गल्याण्डबिरुद्धको क्वार्टर–फाइनलमा उनले आफूभित्रको राक्षस र जिनियस दुवै बाहिर ल्याएर देखाए । पहिले उनले हातले गोल गरे जसलाई उनले पछि ह्याण्ड अफ गडको नाम दिए र त्यही अनुरुप चर्चा पनि कमाए । त्यसपछि मैदानको आफ्नो भागबाट बल लिएर बेगसँग कुद्दै इङ्गल्याण्डको डिफेन्स तोडी बिश्वकप इतिहासकै उत्कृष्ट मध्येको एक गोल गरे ।

१९८६ बिश्वकपको क्वार्टर–फाइनलमा इङ्गल्याण्डबिरुद्ध हातले गोल गर्दै म्याराडोना

त्यसपछि उनलाई अर्जेन्टिनामा यसरी भगवानको रुपमा पुजा गरियो की त्यसको कुनै सिमा नै रहेन । उनको समर्थकहरुको एक समुहले चर्च अफ म्याराडोना बनाएर उनलाई अदभुत सम्मान नै दिए । अर्को बर्ष म्याराडोनाले नापोलीलाई क्लब इतिहासको पहिलो इटालियन सिरी आ उपाधि जिताए । तीन बर्षपछि नापोलीलाई उनले अर्को घरेलु उपाधि जिताएर नेपल्समा पनि आफ्नो किर्तीको खम्बा गाडे ।

“‘आइ उड लाइक टु अल्वेज वाच डिएगो, ड्रिब्लिङ्ग फर अल एटर्नीटी’ (म अनन्तकालको लागि डिएगोले बल ड्रिबल गरेको सधै हेर्न चाहन्छु),” म्याराडोनालाई समर्पण गरेर लेखिएका रक ब्याण्ड राटोनेस पारानोइकोसका कैयौं गितहरुमध्येको एकमा भनिएको छ ।

तर म्याराडोनाको अवसान शुरु भइसकेको थियो ।

उनीहरुले मेरो खुट्टा काटिदिए

१९९० को बिश्वकप फाइनलमा पश्चिम जर्मनीसँग १–० ले पराजित हुदै उपाधि अर्जेन्टिनालाई उपाधि रक्षा गराउन नसकेपछि म्याराडोनाले आसुको बाढी नै बगाएका थिए । त्यसको एक बर्षपछि नै नापोलीमा उनको करिअर ध्वस्त हुन पुग्यो जब उनलाई कोकेन सेवन गरेको आरोपमा १५ महिनाको प्रतिबन्ध लगाइयो । उनी बार्सिलोनामा रहदा देखि नै कोकेन लिन थालेको हल्ला चलेको थियो ।

१९९४ मा अमेरिकामा भएको बिश्वकप म्यराडोनाले आफैलाई पुनरुत्थान गर्ने एउटा सही प्ल्याटफर्म थियो तर अर्को डोपिङ्ग टेस्टमा फेल भएपछि उनलाई फेरि अर्जेन्टिना फर्काइयो । “उनीहरुले मेरो खुट्टा काटिदिए,” बिश्वकपमा सहभागी हुन नपाएपछि म्याराडोनाले भनेका थिए ।

सन् १९९१ मा उनको अपार्टमेन्टबाट आधा किलो कोकेनसहित नियन्त्रणमा लिदै अर्जेन्टिनी पुलिस

यथार्थपरक रुपमा उनले अर्को दुई बर्ष बोका जुनियर्सबाट खेलेपनि उनको करिअर भने समाप्त भइसकेको थियो । २१ बर्षे करिअरमा उनले ६ सय ७९ म्याच खेल्दै ३ सय ४६ गोल गरेका थिए ।

प्रशिक्षकको रुपमा उनले त्यही किसिमको सफलता भने पाउन सकेनन् । लियोनेल मेस्सी रहेको अर्जेन्टिनी टोलीको प्रशिक्षण २०१० को लागि म्याराडोनाले सम्हालेपनि उनको टोली दक्षिण अफ्रिकामा जर्मनीसँग क्वार्टर–फाइनलमा ४–० ले हार्दै बाहिरिन पुग्यो । तर उनको नामले नै उनलाई कामको कमि नहुने निश्चित थियो । म्याराडोनाले युएई, अर्जेन्टिना र मेक्सिकोमा पनि क्लबहरु सम्हाले । अहिले उनी अर्को मेक्सिकन प्रथम श्रेणीको क्लब जिम्नाजिया सम्हालिरहेका छन् ।

लापरवाह

म्याराडोनाको धेरै जसो प्रशिक्षणकाल खराब स्वास्थ्यकै कारण अवरुद्ध बन्दै आएको छ । कतिपय खराबी त उनी आफैले निम्त्याएका हुन् । सन् २००१ मा आफूले सन्यास लिएको चार बर्षपछि बोका जुनियर्सको घरेलु मैदान बम्बोनेरामा उनले खचाखच भरिएको रँगशालामा आफ्नो कुलततर्फ इशारा गर्दै भनेः “मैले गल्तिहरु गरेको थिए र त्यसको मुल्य पनि चुकाए तर फुटबलको माया अहिले पनि उस्तै छ ।”

यो भनेको एक बर्ष अघि म्याराडोनालाई उरुग्वेको एउटा रिसोर्टमा छुट्टी मनाएर फर्किदै गर्दा पहिलो पटक ह्रदयघात भएको थियो । २००४ मा मात्र पाँच फिट पाँच इन्च कद भएका म्याराडोना १ सय किलो भन्दा बढी वजनका थिए र त्यही समय उनलाई अर्को ह्रदयघात हुन पुग्यो ।

दोश्रो ह्रदयघातले मृत्यु नजिक नै पुगेपछि उनले ग्यास्ट्रिक बाइपास सर्जरी गर्दै ५० किलो तौल घटाउने कठिन निर्णय लिए । उनको समस्या त्यही भने थामिएको थिएन । निरन्तर मदिरा सेवनका कारण हेपाटाइटिस संक्रमण भएपछि उनलाई २००७ मा दुई पटक हस्पिटल कुदाउनु परेको थियो । त्यसपछि उनलाई मनोपरामर्षविदहरुले नै उपचार गरेका थिए ।

मुखमा क्युबन सिगारको धुवा उडाइरहेका म्याराडोना आफ्नो सिग्नेचर पोजमा

तैपनि म्याराडोना कहिल्यै पनि गुमनाम भएनन् र हेडलाइन बनिरहे । यसको मुख्य कारण थियो ल्याटिन अमेरिकाका लेफ्टिस्ट क्रान्तिकारी नेताहरुसँगको सम्बन्ध । क्युबाका पुर्व राष्ट्रपति फिडेल कास्ट्रो र भेनेजुएलाका पुर्व राष्ट्रपति ह्युगो चाभेजसँग उनको बिशेष सम्बन्ध थियो । उनी धेरै जसो यी दुई नेताहरुलाई भेट्न जाने गर्थे जसले गर्दा उनलाई अमेरिकी सरकारले पनि रुचाउने गरेन ।

२५ बर्षसम्म म्याराडोनाले आफ्नो दुई सन्तान मात्र रहेको बताए । २४ बर्षसम्म उनको पत्नीको रुपमा रहेकी बाल्यकालदेखिको संगिनी क्लाउडिया भिलाफानेबाट उनकी दुई छोरी डाल्मा र जियानीना मात्र रहेको उनले बताउने गर्थे । तर क्लाउडियासँगको सम्बन्धबिच्छेदपछि भने उनको इटाली, क्युबा र अर्जेन्टिनामा अरु पाँच बच्चा रहेको स्विकारेका थिए ।

२०१३ पुर्व प्रेमिका भेरोनिका ओडेजाले म्याराडोनाको छोरा डिएगो फर्नान्डोलाई पनि जन्म दिएकी थिइन् । “तीनवटा अझै अनि त्यसपछि तपाईको ११ जनाको फुटबल टिम नै हुन्छ । तपाई गर्न सक्नुहुन्छ,” जियानिनाले म्यराडोनालाई इन्स्टाग्राममा चिढाउदै भनेकी थिइन् ।


(अन्तर्राष्ट्रिय सञ्चार माध्यममा आएको यो लेख म्याराडोनाको निधनअघि तैयार पारिएको थियो ।)

Headline

च्याम्पियन्स लिग गोल गरेको केही छिनमै बुवा गुमाउदा

wesportz

Published

on

डच खेलाडी नेथन एकेले म्यानचेस्टर सिटीका लागि च्याम्पियन्स लिगको पहिलो खेलमा बुधबार आरबी लाइपजिगबिरुद्ध गोल गरेको केही क्षणमै आफूले बुवा गुमाएको खुलासा गरेका छन् ।

एकेले शुरुवाती गोल गरेको खेलमा सिटी घरेलु मैदान इतिहाद स्टेडियममा जर्मन टोली लाइपजिगमाथि ६–३ को सनसनीपूर्ण जित निकालेको थियो । २६ बर्षिय एकेले आफ्नो पहिलो च्याम्पिन्स लिग गोलको खुशियाली उनको बुवाको मृत्युको खबरले लामो समय मनाउन पाएनन् ।

एकेका बुवा मोइजे दिर्घरोगले लामो समयदेखि थलिएका थिए । “पछिल्लो केही साताहरु मेरो जीवनको सबैभन्दा कठिन थियो । मेरो बुवा निकै बिरामी हुनुहुन्थ्यो र उपचार पनि गर्न नसकिने स्थितिमा पुगिसक्नु भएको थियो,” एकेले आफ्नो इस्टाग्राममा लेखेका छन् ।

“गाह्रो समयपछि मैले हिजो च्याम्पियन्स लिगमा आफ्नो पहिलो गोल गरे र त्यसको केही क्षणमै मेरो बुवा बित्नुभयो । मेरो आमा र भाइ उनीसँगै भएको कारण उनको मृत्यु सहज बन्यो,” भावुक एकेले भनेका छन् ।

Continue Reading

Headline

च्याम्पियन्स लिगः रोनाल्डोले नाइ भनेर के भयो र ? म्यान सिटीको लागि ग्रिलिस आइसके ।

wesportz

Published

on

पोर्चुगिज सुपरस्टार क्रिष्चियानो रोनाल्डोलाई भित्र्याउन म्यानचेस्टर सिटीले राम्रै कसरत गरेको थियो । तर उनले सिटीको प्रस्तावलाई लत्याउदै पुरानो क्लब म्यानचेस्टर युनाइटेड रोजे ।

सिटीले बुधबार च्याम्पियन्स लिगमा आफ्नो पहिलो खेल खेल्यो र त्यसमा रोनाल्डोको स्थान पाएका ज्याक ग्रिलिसले पनि डेब्यु गरे । अन्ततः सिटीलाई रोनाल्डोले गरेको अस्विकारको कुनै पछुतो भएन ।

ग्रिलिसले शान्दार प्रदर्शन गर्दै सिटीको जर्मन क्लब आरबी लाइपजिग माथि ६–३ को सनसनीपूर्ण जितमा महत्वपूर्ण भुमिका खेले ।

इंगल्याण्डका लागि युरो कपमा पनि टिममा स्थान बनाएका ग्रिलिसले च्याम्पियन्स लिग खेल्न पाउने आकर्षणका कारण नै आफ्नो बच्चादेखिको क्लब एस्टन भिल्ला छोड्दै १ सय मिलियन पाउण्डको क्लब किर्तिमानी रकममा सिटी आएको बताएका थिए । र उनले यसको भरपुर फाइदा उठाए ।

इतिहाद स्टेडियममा दोश्रो हाफमा एकल प्रयासमा सुन्दर गोल गरेका ग्रिलिसले पहिलो हाफमा नेथन एकेको गोलमा पनि उत्कृष्ट कर्नरमार्फत असिस्ट गरेका थिए । सिटी व्यवस्थापक पेप ग्वार्डियोलाले रोनाल्डो नहुनुको क्षतिपुर्ति पुरा भएको बिश्वास राखे भने ग्रिलिसले प्रेरणादायी प्रदर्शन मार्फत त्यसलाई साबित पनि गरि छाडे ।

“मलाई एकदम राम्रो लाग्यो । पछिल्लो केही साता म यो खेलको लागि निकै व्यग्र थिए । मैले वास्तवमै च्याम्पियन्स लिगमा खेले र यो मेरो लागि अविस्मरणीय रह्यो । आजको जितले यसलाई अझै राम्रो बनायो । यो हाम्रो लागि उत्कृष्ट रात थियो,” ग्रिलिसले खेलपछि भने ।

नोर्डी मुकिलेको आत्मघाती गोलपछि सिटीको अग्रता २८ मिनेटमा दोब्बर बनेको थियो । तर क्रिष्टोफर एनकुंकुले ४२ औं मिनेटमा लाइपजिगलाई खेलमा फर्काए । रियाद माह्रेजले पेनाल्टीमा गोल गर्दै पहिलो हाफ अघि सिटीको दुई गोलको अग्रता फर्काएका थिए ।

एनकुंकुले ५१ औं मिनेटमा अर्को गोल गर्दै लाइपजिगलाई खेलमा कायमै राखेपनि ग्रिलिसको गोलले फेरि एकपटक सिटीलाई माथि राख्यो । एनकुंकुले ह्याट्रिक गर्दै खेललाई रोमाञ्चक बनाउदा जाओ क्यान्सेलो र ग्याब्रियल जिजसले गोल गर्दा सिटीको जित सुरक्षित बन्यो ।

Continue Reading

Headline

च्याम्पियन्स लिगः मेस्सीले शुरुवात गरेको खेलमा पिएसजी रोकियो, मिलानको पुनरागमन खल्लो

wesportz

Published

on

लियोनल मेस्सीले पेरिस सेन्ट जमाईन (पिएसजी) का लागि शुरुवात गरेपनि फ्रेञ्च महारथी च्याम्पियन्स लिगको आफ्नो पहिलो खेलमा बेल्जियमको क्लब ब्रुगसँग १–१ को बराबरीमा रोक्किएको छ ।

यान ब्रेडेल स्टेडियममा एण्डर हेरेराले पिएसजीलाई शुरुवात दिलाएपनि यान्स भानाकेनले घरेलु टोलीका लागि बराबरी गोल गरेका थिए । उत्कृष्ट प्रदर्शन गरेको ब्रुग बराबरीको हकदार नै थियो ।

यसअघि सब्स्टिच्युटको रुपमा पिएसजीका लागि मात्र २४ मिनेट खेलेका मेस्सी आफ्नो पहिलो गोलको खोजीमा रहदा पहिलो हाफमा क्रसबारमा हिर्काउन पुगेका थिए भने दोश्रो हाफमा ब्रुग गोलकिपर सिमाने मिग्नोलेटको राम्रो परिक्षा लिन सफल भएका थिए । म्याट्स रिट्स माथि फउल प्रहार गरेपछि मेस्सीले पहेलो कार्ड पनि खान पुगे ।

मेस्सी, नेमार र किलियन एमबाप्पेको खतरनाक आक्रमकलाई एकैपटक शुरुवात गराए पनि मउरिसियो पोचेटिनोको टोलीको प्रदर्शन भने फिक्का रह्यो । उनीहरुलाई सँगै उत्कृष्ट खेल देखाउनका लागि हामीलाई समयको आवश्यकता छ, पोचेटिनोले खेलपछि भने ।

मिलानको पुनरागमन तितो

जोर्डन हेन्डरसनले निर्णायक गोल गरेपछि लिभरपुलले एसि मिलानको च्याम्पियन्स लिगमा पुनरागमनलाई नमिठो स्वाद दिएको छ । निकै नै रोमाञ्चक खेलमा लिभरपुलले मिलानलाई ३–२ ले पराजित गर्यो ।

एन्फिल्डमा फिकायो टोमोरीको आत्मघाती गोलपछि लिभरपुलले नवौं मिनेटमै १–० को अग्रता लिएको थियो । लिभरपुललाई अग्रता दोब्बर बनाउने अवसर पाँच मिनेटपछि नै मिल्यो तर मोहम्मद सलाह पेनाल्टीमा गोल गर्न चुकेका थिए ।

त्यसपछि खेलमा मिलानले पकड जमायो । एन्ट रेबिचले ४२ औं मिनेटमा गोल गर्दै खेल बराबरीमा ल्याए भने दुई मिनेटपछि नै ब्राहिम डियानले मिलानलाई अग्रता दिलाए ।

सलाहले पहिलो हाफको गल्तीको भरपाई गर्दै दोश्रो हाफ शुरु भएको चार मिनेटपछि नै गोल गर्दै लिभरपुललाई खेलमा फर्काए र हेन्डरसनले ६९ औं मिनेटमा बिजयी गोल गरे ।

Continue Reading
Headline4 hours ago

च्याम्पियन्स लिग गोल गरेको केही छिनमै बुवा गुमाउदा

Headline1 day ago

च्याम्पियन्स लिगः रोनाल्डोले नाइ भनेर के भयो र ? म्यान सिटीको लागि ग्रिलिस आइसके ।

Headline1 day ago

च्याम्पियन्स लिगः मेस्सीले शुरुवात गरेको खेलमा पिएसजी रोकियो, मिलानको पुनरागमन खल्लो

Headline2 days ago

बायर्नसँग बार्सा फेरि पनि नराम्ररी पराजित

Headline3 days ago

सन्दिपलाई ठिक छ

Headline3 days ago

जतिन्दरको किर्तिमानी शतकपछि नेपालले चाख्यो बिर्सनलायक हार

Headline3 days ago

ओमानबिरुद्ध नेपालको सामान्य योगफलमा आसिफको करिअरकै उच्च प्रदर्शन

राष्ट्रिय3 days ago

ओमान विरुद्ध पहिले ब्याटिङ गर्दै नेपाल

Headline4 days ago

नेपालको जितमा फेरि पनि रोहितको उत्कृष्ट इनिङ्गस, कुशल भुर्तेलले खेले आकर्षक पारी

Headline4 days ago

कुशल र आशिफले बनाए अर्को नयाँ किर्तिमान

Headline9 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline12 months ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline7 months ago

फुटबलमा थापिएका ५ अचम्मका बाजीहरु

Headline5 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline11 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!