Connect with us

Headline

आईपिएलको लागि यो भन्दा अघि यति उत्सुक कहिल्यै पनि थिइनः सन्दिप लामिछाने

Published

on

नेपाली क्रिकेटको एक मात्र ग्लोबल स्टार हुन् लेग स्पिनर सन्दिप लामिछाने । क्यारेबियन प्रिमियर लिग (सिपिएल) मा आफ्नो खेल जीवनको उत्कृष्ट प्रदर्शन गरिसकेपछि सन्दिप आइतबारबाट युएईमा शुरु हुने इण्डियन प्रिमियर लिगको लागि दुबई पुगिसकेका छन् । सिपिएलको प्रदर्शनले आईपिएल अघि आफूलाई ठूलो प्रोत्साहन मिलेको सन्दिप मान्छन् ।

सिपिएलमा जमैका तालावाह्जका लागि खेल्दै सन्दिपले ११ खेलमा १२ विकेट हात पारेका थिए । उनले आफ्नो प्रदर्शनले जमैकालाई सेमीफाइनलसम्म पुर्याउन ठुलै मद्धत गरे । हुन त उनको टोलीले फाइनलमा स्थान बनाउन सकेन तर पनि उनले जुन प्रकारको प्रदर्शन गरे त्यसलाई हेर्दै आईपिएलमा उनको टोली दिल्ली क्यापिटल्सले शुरुवाती ११ रोज्दा उनको विषयमा पक्कै पनि एक पटक सोच्नेछ ।

धेरै विकेट लिएको हिसाबमा सन्दिपका लागि गत सिजनको बिग ब्यास लिग उत्कृष्ट मान्न सकिन्छ । किनभने बिग ब्यासमा सन्दिपले १५ विकेट लिएका थिए । तर पनि सन्दिप सिपीएलको प्रदर्शनलाई नै आफ्नो सबै भन्दा राम्रो प्रदर्शन मान्छन् । कारण हो इकोनोमी । उनले बिग ब्यासमा ७ दशमलब ४४ रन प्रति ओभरको औसतमा रन खर्चिएका थिए भने सिपीएल मात्र ५ दशमलब २७ रन प्रति ओभरको औषत रहेको थियो ।

सन्दिपले सिपीएलमा आफुले गरेको प्रदर्शन र आईपीएलका लागि उनको तयारीका विषयमा क्रिकेटिइङ्गनेपाल र विस्पोर्ट्जसँग गरेको कुराकानीको सम्पादित अंश ।

क्यारेबियन प्रिमियर लिगमा आफ्नो प्रदर्शनलाई कसरी व्याख्या गर्नुहुन्छ ?

मैले खेलेका सबै फ्रेन्चाइज टि–ट्वान्टी लिग मध्ये यो संस्करणको सिपिएल सबैभन्दा उत्कृष्ट प्रदर्शन हो । मलाई आईपिएलमा धेरै भन्दा धेरै खेल्ने मौका पाउनका लागि राम्रो प्रदर्शनको आवश्यकता रहेको थियो र सिपीएलमा मेरो प्रदर्शन राम्रो भएकोमा खुशी छु । यस प्रदर्शनले मलाई पक्कै पनि आईपीएलमा फाइदा पुर्याउने छ ।

तपाईले गत बर्ष बिग ब्यास लिगमा १५ विकेट हात पार्नु भएको थियो । यस बर्ष सिपीएलमा १२ विकेट मात्र लिनु भयो । तर पनि सिपीएलको प्रदर्शन नै उत्कृष्ट मान्नु हुन्छ ?

तपाईले कसरी बलरको प्रदर्शन हेर्नुहुन्छ भन्ने कुराले पनि फरक पार्दछ । विकेट निकाल्ने हिसाबले कुरा गर्ने हो भने पावर प्ले र स्लग ओभरमा सहज हुन्छ । त्यो सजिलै देखिने कुरा पनि हो । बिग ब्यासमा मैले धेरै जसो पावर प्ले र स्लग ओभरमा बलिङ गरेको थिए । तर सिपीएलमा मैले लगातार बीचको ओभरहरुमा बलिङ गरे । बिशेष गरि ट्वान्टी ट्वान्टी खेलको बीचमा बलिङ गर्दा ब्याट्सम्यानहरुले समझदारी पुर्वक खेल्छन् र ठुलो सट पनि खेल्ने पर्याप्त सम्भावना हुन्छ । राम्रोसँग खेल नियाल्नेले यो सजिलै बुझ्न सक्छन् ।

यो अवधीमा मैले ब्याट्सम्यानहरुलाई ठुलो सट खेल्नबाट रोक्न सके भने आफ्नो इकोनोमी पनि छ भन्दा तल राख्न सफल भए । आफ्नो बलिङ्गमा भेरिएसन राख्ने प्रयास गरे र त्यो सफल पनि भयो । मैले क्यारेबियनमा जे जस्तो प्रदर्शन गरे त्योबाट आफु निकै खुशी छु ।

दर्शक बिना खेल्दाको अनुभब कस्तो हुदो रहेछ ?

हुन त नेपालले विश्वको जुनै कुनामा खेले पनि धेर थोर समर्थक सधैं रंगशालामा उपस्थित भएर हौसला बढाउन आउनु हुन्छ । तर पनि हामीले धेरै खेलहरु दर्शक बिना नै खेलेका छौ । नेपालमा नै पनि अभ्यास खेल दर्शक बिहिन नै हुने गरेको छ । प्रतियोगिता हुनु अघि हामी यस विषयमा मानसिक रुपमा नै तयार भएका थियौं ।

हामी दर्शक बिना नै प्रतियोगिता खेल्नु पर्छ भनेर तयार रहनुको विकल्प थिएन । यो स्थिती अझै एक बर्ष सम्म रहन सक्छ । यो पक्कै पनि अप्ठेरो हो तर पनि यसका लागि तयार रहनु पर्छ ।

पछिल्लो समय कोरोनाका कारण बायो–बबल संहिता नयाँ विषय बनेको छ । पुरै प्रतियोगिता बायो–बबलमा बसेर, कडा स्वास्थ्य नियममा बस्दा निसास्सिएको जस्तो हुँदैन ?

देखिने गरिनै नभए पनि यस अघिका प्रतियोगिताहरुमा बायो–बबल जस्तै अवस्था थियो । कुनै पनि फ्रान्चाइज प्रतियोगितामा बाहिर समय बिताउन समय नै हुँदैन । प्राय खेलहरु डे–नाइट हुने गर्छन् । जसले गर्दा ढिला सुत्ने र ढिला उठ्ने हुन्छ । हाम्रो तालिका नै त्यसै गरि बनेको हुन्छ । बाहिर घुम्न जाने, समय बिताउने भन्ने निकै कठिन नै हुन्थ्यो । अहिले फरक यति मात्र हो, हामी बाहिरको कसैलाई पनि भेट्न पाउँदैनौं र शायद खेलमा नै धेरै ध्यान जाने भएर होला यसले खासै फरक पर्दैन ।

आईपिएललाई लिएर कत्तिको उत्सुक हुनुहुन्छ ? दिल्लीको लागि शुरुवाती एघारमा पर्ने आफ्नो सम्भावना कस्तो देख्नु हुन्छ ?

आईपिएललाई लिएर यत्तिको उत्सुक म कहिले पनि भएको थिइन । म एउटा राम्रो प्रदर्शनको पर्खाइमा थिए र त्यो सिपिएलमा भयो । अझ राम्रो कुरा के भने आईपिएल भन्दा ठ्याक्कै अगाडी भयो । सिपिएलको प्रदर्शनको आधारमा पनि धेरै भन्दा धेरै खेल्ने मौका पाउने छु भन्नेमा आशावादी रहेको छु । म ठुलो चुनौतीको लागि उत्सुक पनि छु ।

कुनै पनि खेलाडीको लागि आईपिएल ठुलो प्रतियोगिता हो । आइपिएलमा सिपिएलको प्रदर्शन नजिक मात्रै पुग्न सके भने पनि भने त्यो मेरो लागि ठुलो उपलब्धी हुनेछ । मैले नेपाल छाडेर सिपीएल आए देखि नै दिल्लीको अभ्यासलाई नियाल्दै आएको छु । मैले जुन लय सिपिएलमा समातेको छु त्यसलाई आईपिएलमा पनि निरन्तरता दिन सकु भन्नेमा आशावादी रहेको छु । दिल्लीमा राम्रा खेलाडीहरु छन् जसले गर्दा कुनै पनि खेलाडीलाई सुरुवाती ११ मा स्थान बनाउन कठिन छ ।

कसले टोलीमा स्थान बनाउन सक्छ भन्ने कुरा खेलको अवस्थालाई मध्यनजर गर्दै र टोलीको आवस्यकता अनुसार हुन्छ । मैले खेल्न पाउछु कि पाउदिन भन्ने विषयका बारेमा अहिले बाट नै सोच्नु हतार हुन्छ । यदि म टोलीलाई आवश्यक छु भने पक्कै पनि खेल्ने मौका प्राप्त गर्नेछु ।

युएईमा नेपालले लगातार रुपमा खेल्दै आएको छ । तपाईको यो अनुभवले आईपिएलमा कत्तिको मद्धत गर्दछ ?

हामी नेपाली टोलीले युएईमा धेरै खेल खेलेका छौ । मैले यस अघि नै दुबई, अबुधबी र शारजाहमा धेरै खेल खेल्दै त्यहाँको अनुभव बटुली सकेको छु । त्यहाँको अनुभव पक्कै पनि गणना हुनेछ । म आफै पनि यसले मलाई निकै फाइदा गर्छ भन्नेमा आत्मविश्वासी छु । तर यससँगै यहि अनुभवका कारण मलाई दबाब पनि हुनेछ ।

दिल्लीको टोलीलाई कसरी विश्लेषण गर्नुहुन्छ ?

दिल्ली आईपिएलको उत्कृष्ट टोली मध्ये एक हो । गत सिजन हामीले तेश्रो स्थानमा चित्त बुझाउन पर्यो र यो सिजन हामी अझै माथि गएर उपाधि जित्न चाहन्छौ । हामीसँग धेरै अनुभब भएका ब्याट्सम्यान छन् भने यस्ता युवा खेलाडी पनि छन् जो निकै ठुलो सट खेल्न सक्छन् । त्यस्तै हामीसँग युवा र राम्रा कप्तानका रुपमा श्रेयस ऐयर पनि छन् ।
मेरो विचारमा दिल्ली राम्रो हुनुको साथ साथै सुसज्जित टोली पनि हो । हाम्रोमा अनुभबी बलरहरु छन्, चाहे स्पिनर हुन् या तिब्र गतिका । त्यस्तै हाम्रो बेन्च पनि बलियो छ । बेन्चमा नै बसेका खेलाडीले पनि सुरुवाती ११ मा स्थान बनाउदै दिल्लीलाई खेल जिताउने सामथ्र्य राख्छन् ।

Headline

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Published

on

आठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।

पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा  सब्सटिच्युटमा आएकी क्लोई  केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।

दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।

इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।  

Continue Reading

Headline

 नेपालको पोस्टमा भारतको गोलको वर्षा 

Published

on

नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।

कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो । 

नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।

पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७  गोल खाएको हो । 

दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।

यस्तै पथुम गिमहानाले ६४औं,  हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औंशुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।       

आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो । 

भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।

नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।

नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।

कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो । 

नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।

पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७  गोल खाएको हो । 

दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।

यस्तै पथुम गिमहानाले ६४औं,  हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औंशुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।       

आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो । 

भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।

 

Continue Reading

Headline

साफ महिला च्याम्पियनसिप :  नेपाललाई सजिलो समूह

Published

on

आगामी भदौ २१ देखि असोज ३ गते सम्म घरेलु मैदानमा नै आयोजना हुने साफ महिला च्याम्पियनसिपमा नेपाल सजिलो समूहमा परेको छ ।

दक्षिण एसियाली फुटबल फेडेरेसन (साफ) ले सार्वजनिक गरेको ड्र अनुसार नेपालसँगै श्रीलंका र भुटान समूह बी मा रहेका छ । यस्तै साविक विजेता भारत सहित बंगलादेश, पाकिस्तान र माल्दिभ्स समूह ए मा छ ।

नेपालमा लगातार दोस्रो पटक साफ महिला फुटबल हुन लागेको हो र समग्रमा यो छैटौँ संस्करण हो । नेपालले अहिले सम्म उपाधि जित्न भने सकेको छैन । यस अघि भएका सबै पाँच संस्करणको उपाधि भारतले जितेको छ ।

पछिल्लो पटक विराटनगरमा भएको साफमा नेपाल फाइनलमा भारतसँग पराजित भएको थियो ।

 

Continue Reading
लेख1 month ago

केन्या माथि नेपालको कीर्तिमानी जित

लेख1 month ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख1 month ago

नेपाल टी२० लिग : खेलाडी दर्ता सुरु, चार मापदण्ड तय

लेख1 month ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख1 month ago

नेपालले हरायो केन्यालाई 

लेख1 month ago

नेपालका लागि केन्या टुर महत्वपूर्ण

लेख2 months ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख2 months ago

नयाँ प्रशिक्षक प्रभाकर भन्छन् : पहिलो काम लिग टु

लेख2 months ago

बाना कपका लागि सुदुरपश्चिमको जर्सी सार्वजनिक  

लेख2 months ago

यस्ता छन् एन्फा कार्यसमिति बैठकका निर्णयहरू

लेख2 months ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख2 months ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline2 months ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline2 months ago

 नेपालको पोस्टमा भारतको गोलको वर्षा 

Headline2 months ago

साफ महिला च्याम्पियनसिप :  नेपाललाई सजिलो समूह

Headline2 months ago

लगातार दोस्रो जित निकाल्दा नेपाल फाइनल नजिक 

Headline2 months ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline2 months ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Headline2 months ago

क्यान अध्यक्ष चन्दलाई आईसीसीको सम्मान 

Headline2 months ago

आयोजक बाना र फार वेस्टर्न टेक्ससलाई बाना कपको  उपाधि 

लेख1 month ago

केन्या माथि नेपालको कीर्तिमानी जित

लेख1 month ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख1 month ago

नेपाल टी२० लिग : खेलाडी दर्ता सुरु, चार मापदण्ड तय

लेख1 month ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख1 month ago

नेपालले हरायो केन्यालाई 

लेख1 month ago

नेपालका लागि केन्या टुर महत्वपूर्ण

लेख2 months ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख2 months ago

नयाँ प्रशिक्षक प्रभाकर भन्छन् : पहिलो काम लिग टु

लेख2 months ago

बाना कपका लागि सुदुरपश्चिमको जर्सी सार्वजनिक  

लेख2 months ago

यस्ता छन् एन्फा कार्यसमिति बैठकका निर्णयहरू

लेख2 months ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख2 months ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline2 months ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline2 months ago

 नेपालको पोस्टमा भारतको गोलको वर्षा 

Headline2 months ago

साफ महिला च्याम्पियनसिप :  नेपाललाई सजिलो समूह

Headline2 months ago

लगातार दोस्रो जित निकाल्दा नेपाल फाइनल नजिक 

Headline2 months ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline2 months ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Headline2 months ago

क्यान अध्यक्ष चन्दलाई आईसीसीको सम्मान 

Headline2 months ago

आयोजक बाना र फार वेस्टर्न टेक्ससलाई बाना कपको  उपाधि 

Trending

error: Content is protected !!