Connect with us

Headline

पिर्लो राजमा अज्ञात समुद्रमा प्रवेश गर्दै इटालियन महारथी युभेन्टस

wesportz

Published

on

खेलाडीको रुपमा आन्द्रे पिर्लो बलसँग जिनियस नै थिए । तर पुर्व इटाली र युभेन्टस लेजेण्ड प्रशिक्षकको रुपमा भने सबैका लागि अन्जान छन् ।

युभेन्टससँग प्रशिक्षकको रुपमा आइतबार साम्प्डोरियाबिरुद्ध डेब्यु गर्दा बेञ्चमा रहेका पिर्लोमाथि लगातार नवौं इटालियन सिरी आ उपाधि र साढे दुई दशकमा पहिलो च्याम्पियन्स लिग जित्ने अपेक्षाको भारी हुनेछ । आफ्ना पुर्वज मास्सिमिलियानो एलेग्रि र मउरिजियो सारीले दिन नसकेको आकर्षक र तरल खेल शैलि स्थापित गर्दै पिर्लोलाई यी उपलब्धिहरु दिलाउन जिम्मेवारी दिइएको हो ।

बुधबार मात्रै व्यवसायिक प्रशिक्षकको लाइसेन्स पाएका ४१ बर्षिय शिकारु पिर्लोमाथिको अत्याधिक अपेक्षा २०२०–२१ को सिजनसँगै शुरु हुनेछ । “युभेन्टस भएपछि जित्नै पर्छ भन्ने सामान्य हो । खेलाडीको रुपमा यही थियो र प्रशिक्षकको रुपमा पनि यही हुनेछ,” पिर्लो भन्छन् ।

पिर्लोको आगमनपछि फुटबलरको रुपमा महान जिनेदिन जिदान र पेप ग्वार्डियोलाको व्यवस्थापकीय सफलतालाई उनले पनि पछ्याउन सक्ने इटालीमा आशा जागेको छ । च्याम्पियन्स लिगको अन्तिम १६ मा फ्रेञ्च क्लब लायोनसँग पराजित हुँदा एक सिजनपछि नै सारीलाई बर्खास्त गरिएपछि पिर्लोले उनको स्थान लिएका हुन् ।

२००६ को बिश्वकप, दुई च्याम्पियन्स लिग र ६ इटालियन सिरी आ उपाधिहरु जितेका पिर्लोले आफ्नो जित्नुपर्ने मानसिकता टिममा संचारित गर्ने आशा युभेन्टसले लिएको छ । “उनी प्रशिक्षक हुने पुर्वनिर्धारित जस्तै थियो तर जब ग्वार्डियोला र जिदानले प्रशिक्षण शुरु गरे उनीहरुमा अलि–अलि भएपनि अनुभव थियो,” २००६ मा इटालीलाई सँगै बिश्वकप जिताएका पिर्लोका कप्तान फाबियो कानाभारोले भने ।

“उनीसँग स्पष्ट खेलको आइडिया छ । तर अब उनले यसलाई टिममा संचारित गर्नुपर्नेछ,” हाल चाइनिज सुपर लिग टिम ग्वाङजाउ एभरग्राण्डेका प्रशिक्षक कानाभारो भन्छन् ।

युभेन्टसको अभ्यास सत्रमा पिर्लो

प्रशिक्षकको रुपमा पिर्लोले आफ्नो पहिलो साता युभेन्टसका सिनियर खेलाडीहरुसँगको वार्तालापमा बिताएका थिए । ६१ बर्षिय सारीले यो गर्न सकेका थिएनन् । “उनी निकै आरामका साथ स्थिति सम्हाल्ने गर्छन् । केही समय अघि मात्र खेल्न बन्द गरेको कारण उनले मैदानमा हरेक खेलाडीको मानसिकता राम्ररी बुझ्ने गरेका छन् । उनी युभेन्टससँग सबैभन्दा बढी परिचित छन्,” डिफेन्डर ड्यानिलो भन्छन् ।

“पछिल्लो केही दिन उनले दुई तीनवटा अभ्यास सत्र पनि सञ्चालन गरेका थिए र ती निकै राम्रा थिए । के थाहा हामीलाई केही चोट भयो भने ? स्किल अनुसार उनले काम चलाउन बेर छैन,” ब्राजिलियन डिफेन्डरले ठट्टा गर्दै भने । “हरेक खेलाडीलाई एक–एक गर्दै आफ्नो सन्देश मार्फत उत्कृष्ट निकाल्न उनी निकै माहिर छन् । उनले केही रणनीतिक उपायहरु पनि लागु गरेका थिए । यसले उनी टिम कसरी चलाउन चाहन्छन् भन्ने स्पष्ट भएको छ ।”

अपेक्षाको भार

मिड टेबल साम्पडोरियापछि युभेन्टसको परिक्षा रोमा र नापोलीको खेलहरुमा हुनेछ । रामो लिजेण्ड तथा उनका बिश्वकप बिजेत टिममेट फ्रान्सेस्को टोट्टी पिर्लोले आफूले सक्ने भन्दा बढी प्रयास गरिरहेको मान्छन् ।

“यो जिदानको सफलतापछि जन्मिएको ट्रेण्ड हो । कुनै च्याम्पियन खेलाडी प्रशिक्षक बन्छन् भने उनलाई सम्मान गर्दै ड्रेसिङ्ग रुपममा सुनिने गरिन्छ । एक शिकारु प्रशिक्षकमाथि यो अपेक्षाको भारी पक्कै पनि सामान्य भने होइन । प्राविधिक रुपमा क्षमतावान हुनु पनि आवश्यक छ,” टोट्टी भन्छन् ।

“पिर्लो एक हिरा हुन् र म आशा गर्छु उनी सफल हुनेछन् । आन्द्रे अब पिर्लो बन्न आवश्यक छ । यसको अर्थ उनी अब बेञ्चमा पनि च्याम्पियन हुनुपर्नेछ । र त्यो पनि निकै कम समयमै ।”

१९९५ मा आफ्नो घरेलु क्लब ब्रेसियाबाट व्यवसायिक करिअर शुरु गरेका पिर्लोले इन्टर मिलान, एसि मिलान र युभेन्टसका लागि खेल्दै दुई सिजन अमेरिकाको मेजर लिग सकर टोली न्युयोर्क सिटी एफसीमा बिताएका थिए । २०१७ मा खेल जीवन टुङ्गाएपछि उनी टेलिभिजन पण्डितको रुपमा काम गर्दै फुटबल दुनियामा गुमनाम समेत भएका थिए ।

Headline

अष्ट्रेलियाले दशरथ रँगशालामा नेपालबिरुद्ध बिश्वकप छनौट नखेल्ने

wesportz

Published

on

नेपाली दर्शकले राष्ट्रिय टोलीले दशरथ रँगशालामा अन्तर्राष्ट्रिय फुटबल खेलेको हेर्न अझै कुर्नु पर्ने भएको छ । विश्वकप छनौट अन्तर्गत नेपाल र अष्ट्रेलियाबीच दशरथ रङ्गशालामा हुने भनिएको खेल फेरि स्थगित भएको छ ।

कोरोना भाइरसका कारण एकपछि अर्को मिति तय हुँदा पछिल्लो पटक चैत १७ गते यो खेल हुने निर्णय गरिएको थियो ।

अष्ट्रेलियन फुटबलले कोरोनाकै कारण ट्राभल रेष्ट्रिक्सन र क्वारन्टिनको समस्या रहेको भन्दै एएफसीमा निवेदन दिएपछि खेल स्थगित भएको अखिल नेपाल फुटबल संघका अध्यक्ष कर्मा छिरिङ शेर्पाले बताएका छन् ।

नेपालले चैत १२ गते चाइनिज ताइपेइसँग खेल्ने कार्यक्रम रहेको थियो तर त्यो पनि यसअघि नै स्थगित भइसकेको थियो । बिश्व फुटबलको सर्वोच्च निकाय फिफाले एशियन फुटबल कन्फेडेरेशनलाई अब सेन्ट्रल भेन्युमै जुन १५ भित्र प्रत्येक समुहमा बाकी रहेका सबै छनौट खेलहरु खेल्ने गरि कार्यक्रम तय गर्न डेडलाइन दिएको पनि शेर्पाले जानकारी दिएका छन् ।

सेन्ट्रल भेन्युको लागि प्रत्येक समुहमा सहभागि सबै राष्ट्रले दाबेदारी प्रस्तुत गर्न पाउनेछन् । एन्फाले पनि सेन्ट्रल भेन्युकोलागि दाबेदारी प्रस्तुत गर्ने र सक्दो प्रयास गर्ने अध्यक्ष शेर्पाले बताए । तर अन्य देशको तुलनामा सिमिति श्रोत रहेको अवस्थामा नेपालमा खेल हुने संभावना न्युन रहेको छ ।

Continue Reading

Headline

पिवाईसी बिबिए क्रिकेट फागुन २० देखि मुलपानीमा

wesportz

Published

on

पब्लिक युथ क्याम्पसको आयोजनामा पिवाईसी इन्टर कलेज बिबिए क्रिकेट प्रतियोगिता फागुन २० देखि शुरु हुने भएको छ ।

त्रिभुवन बिश्वबिद्यालय अन्तर्गत व्यवस्थापन संकायको बिबिए कार्यक्रम पढाउने कलेजहरुको पहलमा बर्षेनी हुने प्रतियोगिता डिफेन्डिङ्ग च्याम्पियनले आयोजना गर्नु पर्ने प्रावधान रहेको छ । यस अघि शंकर देव क्याम्पसले आयोजना गरेको संस्करणमा पब्लिक युथ बिजयी भएको कारण उसले यो बर्ष प्रतियोगित आयोजना गर्न गइरहेको हो ।

पब्लिक युथले प्रतियोगिता व्यवस्थापनको सम्पूर्ण जिम्मा चन्द ब्रदर्श प्राइभेट लिमिटेडलाई दिएको छ । मुलपानी क्रिकेट मैदानमा हुने प्रतियोगितामा नेपाल भरबाट १७ बिबिए क्याम्पसहरुले सहभागिता जनाउने छन् । प्रतियोगिता ट्वान्टी ट्वान्टी फरम्याटमा खेलाइने जानकारी व्यवस्थापक चन्द ब्रदर्शले दिएको छ ।

उपाधि जित्ने टोलीले ८५ हजार नगद पुरस्कार पाउने छन् भने उपबिजेता टोलीले ३५ हजार प्राप्त गर्ने छन् । यस्तै म्यान अफ दि सिरिज, बेस्ट ब्याट्स्म्यान र बेस्ट बलरले पनि नगद पुरस्कार प्राप्त गर्ने छन् ।

प्रतियोगिताको मुख्य प्रायोजक संयुक्त रुपमा एडुक्वेस्ट नेपाल र एक्सेल्सिया कलेज रहेका छन् । यसअघि राष्ट्रिय तथा प्रदेश स्तरीय खेलकुद आयोजनाको प्रशस्त अनुभव बटुलिसकेको चन्द ब्रदर्शका प्रबन्ध निर्देशक रविन्द्र चन्दले प्रतियोगिताको लागि उत्साहित रहेको बताए ।

“हामीले बिभिन्न समिति निर्माण गर्दै प्रतियोगितालाई सहज रुपले आयोजना गर्नका लागि सम्पूर्ण तयारीहरु पुरा गरिसकेका छौं । मुलपानीमा हुने प्रतियोगिता प्रतिस्पर्धात्मक र गुणात्मक हुने हाम्रो अपेक्षा छ,” रविन्द्रले बुधबार आयोजित एक पत्रकार सम्मेलनमा भने ।

Continue Reading

Headline

मेयर कपको उद्घाटन खेलमा आर्मी र एपीएफ भिड्ने

wesportz

Published

on

नेपाल क्रिकेट संघ (क्यान) ले आगामी शनिबारबाट सुरु हुन लागेको मेयर कपको खेल तालिका सार्वजनिक गरेको छ ।

पहिलो दिनको खेलमा प्रधानमन्त्री कपको विजेता त्रिभुवन आर्मी क्लब र उपविजेता एपीएफ क्लब भिड्ने भएका छन् । उनीहरु टियु क्रिकेट मैदानमा खेल्ने छन् भने पहिलो दिनमा नै मुलपानी क्रिकेट मैदानमा नेपाल पुलिस क्लब र बागमती प्रदेश खेल्ने छन् ।

समुह चरणमा कुल १० खेल खेलिने छ । जस मध्य टियुमा छ खेल हुने छन् भने मुलपानीमा बाँकी चार खेल खेलिने छ ।

समुह चरणमा सबै टोलीले एक अर्कासँग प्रतिष्पर्धा गर्ने छ र शिर्ष दुई टोलीले अर्को शनिबार हुने फाइनलमा उपाधिका लागि भिड्ने छन् ।

मेयर कपमा प्रधानमन्त्री कप राष्ट्रिय क्रिकेट प्रतियोगिताको सेमिफाइनल पुगेका टोलीहरु – त्रिभुवन आर्मी क्लब, एपीएफ, नेपाल पुलिस क्लब र बागमती प्रदेश तथा काठमाडौँ मेयर ११ गरेर कुल पाँच टोलीको सहभागिता रहने छ । हिजो मात्र क्यानले प्रधानमन्त्री कपको समुह चरणमा उत्कृस्ट प्रदर्शन गर्ने खेलाडी समेट्दै काठमाडौँ मेयर ११ को टोलीको नाम सार्वजनिक गरेको थियो ।

प्रतियोगिता काठमाडौँ महानगरपालिकाको ५० लाख नगद सहयोगमा संचालन हुन लागेको हो । मेयर कप यहि फागुन २२ गतेबाट फागुन २९ गते सम्म टियु क्रिकेट मैदानमा संचालन हुनेछ ।

प्रधानमन्त्री कपको उपाधि आर्मीले उचालेको थियो । आर्मीले उपाधि चुम्ने क्रममा फाइनलमा एपीएफलाई ३३ रनले पराजित गरेको थियो ।

Continue Reading
Headline1 hour ago

अष्ट्रेलियाले दशरथ रँगशालामा नेपालबिरुद्ध बिश्वकप छनौट नखेल्ने

Headline1 hour ago

पिवाईसी बिबिए क्रिकेट फागुन २० देखि मुलपानीमा

Headline4 hours ago

मेयर कपको उद्घाटन खेलमा आर्मी र एपीएफ भिड्ने

Headline5 hours ago

बि डिभिजन: श्री कुमारीलाई हराउँदै मध्यपुर रेलिगेसन जोनबाट बहिर

Headline7 hours ago

बुम्राले इंग्ल्यान्ड विरुद्धको बाँकी सबै खेलहरु गुमाउने

Headline12 hours ago

‘एक पटक शिर्ष चारको अनुभव त गरौं’

Headline12 hours ago

भिनिसियसले अन्तिम समयमा गरेको गोलमा रियलको उद्दार

अन्तर्राष्ट्रिय18 hours ago

टेस्टमा पहिलो पटक भिड्दै अफगानिस्तान र जिम्बाब्वे

Headline20 hours ago

चम्किदै किरण , पन्जाबका लागि छैँठौ क्लिनशीट

Headline22 hours ago

मेयर कपका लागि काठमाडौँ मेयर ११ को टोली सार्वजनिक

Headline2 months ago

१० फुटबलर जसले बार्सिलोना जान मानेनन्

Headline6 months ago

धेरै ऋणको भारी बोकेका पाँच युरोपेली क्लबहरु

Headline10 months ago

ब्राजिलले पाएको अहिलेसम्मकै उत्कृष्ट १० फुटबलर

Headline5 months ago

सात महादेशका सात उत्कृष्ट खेलाडीहरु

Headline6 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline9 months ago

ट्रान्सफर मार्फत सर्वाधिक कमाउने ५ खेलाडी

Headline5 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline4 months ago

फेरि पनि टिममा अटाएनन् स्ट्राइकर बिमल

Headline8 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline7 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending