Connect with us

अन्तर्राष्ट्रिय

मालान र बटलरको तुफानी पारी, अस्ट्रेलियालाई १६२ रनको लक्ष्य  

wesportz

Published

on

पछिल्लो तीन ट्वान्टी ट्वान्टी अन्तरास्ट्रिय खेलमा दाविद मालानले दोश्रो अर्धशतक घरेलु टोली इंग्ल्यान्डले तीन खेलको शृंखला अन्तर्गतको पहिलो ट्वान्टी ट्वान्टी अन्तरास्ट्रिय खेलमा अस्ट्रेलियालाई १६३ रनको लक्ष्य दिएको छ ।

खेलमा टस हारेर पहिलो ब्याटिङ गरेको इंग्ल्यान्डले २० ओभरमा सात विकेट गुमाएर  १६२ रन बनायो ।

तुफानी सुरुवात गरेको इंग्ल्यान्डको तर्फबाट दाविद मालानले सर्वाधिक ६६ रन जोडे भने जस बटलरले पनि ४४ रनको आक्रमक पारी बाहेक अन्य ब्याट्सम्यानले राम्रो योगदान दिन नसक्दा ठुलो योगफल बनाउनबाट चुक्यो ।

ओपनिङ्मा आएका विकेट किपर ब्याट्सम्यान बटलरले पहिलो विकेटका लागि अर्का ओपनर जोनी बेरस्टोसँग मिलेर तीन दशमलब चार ओभरमा ४३ रनको साझेदारी गरे । ४३ रन मध्य बटलरले ३४ रन जोड्दा प्याट कमिन्सको बलमा आउट भएका बेरस्टोले भने मात्र आठ रन रन जोड्न सके ।

बटलरले मालानसंग मिलेर इंग्ल्यान्डको पारी सम्हाल्ने कोशिस गरे २९ बलमा पाँच चौका र दुई छक्का प्रहार गर्दै अर्धशतक बनाउन चुक्दै एस्टन अगरको शिकार भए ।

इंग्ल्यान्डका कप्तान ओईन मोर्गन पाँच, टम बान्टन आठ, मोइन अली दुई, टम कुर्रान छ रन बनाएर पेभेलियन फर्किय पनि मालानले एक छोडबाट पारी सम्हाल्दै बसे । १९औं ओभरमा केन रिचार्डसनको बलमा क्याचआउट हुनु अघि उनले ४३ बलमा पाँच चौका र तीन छक्काको मद्धतमा ६६ रन प्रहार गरे ।

पछिल्लो तीन ट्वान्टी ट्वान्टी अन्तरास्ट्रिय खेलमा मालानको यो दोश्रो अर्धशतक हो । उनले पाकिस्तान विरुद्धको दोश्रो ट्वान्टी ट्वान्टीमा अविजित ५४ रनको अर्धशतकीय पारी खेलेका थिए । त्यस्तै १४औं खेलमा उनको यो सातौं अर्धशतक हो ।

अस्ट्रेलियाका एस्टन अगर, केन रिचार्डसन र ग्लेन म्याक्सवेलले समान २-२ विकेट हात पारे ।

Click to comment

Leave a Reply

Your email address will not be published. Required fields are marked *

T20 World Cup 2021

ट्वान्टी ट्वान्टी विश्वकप : ट्रम्पलमन र फ्रिलिंकको घातक बलिङमा नामिबियाको सनसनीपूर्ण जित

wesportz

Published

on

रुबेन ट्रम्पलमन र यान फ्रिलिंकले घातक बलिङ गर्दा ट्वान्टी ट्वान्टी विश्वकप अन्तर्गत सुपर १२ को खेलमा नामिबियाले स्कटल्याण्ड माथि चार विकेटको सनसनीपूर्ण जित हात पारेको छ ।रुबेन ट्रम्पलमनले पहिलो ओभरमा नै स्कटल्याण्डका तीन जना ब्याट्सम्यानलाई डक-आउट गर्दा पहिलो पटक विश्वकपको सुपर १२ मा स्थान बनाएको नामिबियाले आफ्नो पहिलो खेलमा नै जित दर्ता गराउन सफल भएको हो ।    

खेलको प्लेयर अफ द म्याच घोषित ट्रम्पलमनले पहिलो ओभरमा दुई वाइड सहित मात्र दुई रन खर्चिएर तीन विकेट हात पारे पछि खेलमा टस हारेर पहिले ब्याटिङ गरेको स्कटल्याण्डले पुरै २० ओभर खेल्दै आठ विकेटको नोक्सानीमा १०९ रनको योगफल सम्म तान्न सफल भयो । जबाफी ब्याटिङ गरेको नामिबियाले ६ विकेट गुमाएर पाँच बल अगाडी लक्ष्य पार गर्यो ।   

पहिलो ओभरमा नै तीन विकेट गुमाएर निकै खराब सुरुवात गरेको स्कटल्याण्डलाई तीन अंकको योगफल सम्म पुर्याउनले क्रममा माइकल लिस्कको आक्रामक ४४ रनको पारी खेले । अर्धशतक बनाउनबाट चुकेका लिस्कले छैटौँ नम्बरमा ब्याटिङ गर्दै २७ बलको सामना गर्दै चार चौका र दुई छक्का प्रहार गरे ।

लिस्क बाहेक क्रिस ग्रिब्सले २५ तथा ओपनर म्याथ्यु क्रसले १९ रनको योगदान दिए भने अन्य ब्याटरले दोहोरो अंकमा रन जोड्न सकेनन् ।  

ओपनर जर्ज मुन्से स्कटल्याण्डको पारीको पहिलो बलमा नै रुबेन ट्रम्पलमनको बलमा बोल्ड भए । पहिलो ओभरको तेश्रो बलमा क्रमश क्यालम म्याकलोयड दुई बल खेल्दै शून्य रनमा क्याच आउट भए भने चौथो बलमा कप्तान रिची बेरिङटन एलबीडब्लुको धरापमा परे । दुवैको विकेट ट्रम्पलमनले लिएका हुन् ।

चार ओभर बलिङ गरेका ट्रम्पलमनले १७ रन खर्चिएर सर्वाधिक तीन विकेट हात पारे भने किफायती बलिङ गरेका यान फ्रिलिंकले चार ओभरमा मात्र १० रन दिएर दुई विकेट आफ्नो नाममा लेखाए । 

लगातार रुपमा विकेट गुमाएर केहि दबाबमा आए पनि नामिबियाको जितमा ओपनर क्रेग विलियम्स र माइकल भान लिंगेनले क्रमश २३ तथा १८, डेविड विसाले १६ रनको पारी खेल्दै पेभेलियन फर्किए पनि जेजे स्मिटले अविजित ३२ रनको पारी खेल्दै आफ्नो टोलीलाई ऐतिहासिक जित दिलाए । 

Continue Reading

T20 World Cup 2021

ट्वान्टी ट्वान्टी विश्वकप : इंग्ल्यान्डको उत्कृष्ट प्रदर्शन जारी

wesportz

Published

on

युएईमा जारी ट्वान्टी ट्वान्टी विश्वकपमा इंग्ल्यान्डले आफ्नो उत्कृष्ट प्रदर्शन जारी राखेको छ । आफ्नो पहिलो खेलमा वेस्ट इन्डिजलाई मात्र ५५ रनमा रोक्दै सहज जित हात पारेको इंग्ल्यान्डले आज बंगलादेशलाई आठ विकेटले पराजित गरेको हो ।

स्पिनर मोईन अलीले पारीको सुरुवातमा नै दुई विकेट हात पार्दा बंगलादेशलाई मात्र २० ओभरमा नौ विकेटमा १२४ रनमा रोक्न सफल भएको इंग्ल्यान्डले जेसन रोयको अर्धशतकमा १४ दशमलब एक ओभर खेल्दै दुई विकेटको नोक्सानीमा लक्ष्य पार गर्यो ।

 खेलमा टस जितेर पहिले ब्याटिङ गरेको बंगलादेशका ओपनरद्वय लिटन दास र मोहम्मद नैमलाई क्रमश नौ र पाँच रनमा आउट पार्दै अलीले इंग्ल्यान्डलाई राम्रो सुरुवात दिए । तेश्रो नम्बरमा ब्याटिङ गर्न आएका शाकिब अल हसनले पनि चार रन भन्दा जोड्न सकेनन् ।

चौथो नम्बरमा ब्याटिङ गर्न आएका मुशफिकर रहिमले २९ तथा कप्तान मोहम्मदउल्लाहले १९ रन जोड्दै बंगलादेशको पारी सम्हाल्ने प्रयास गरे पनि दुबै जना लियाम लिभिङस्टोनको बलमा आउट हुँदा बंगलादेश सम्हालिन सकेन ।

नुरुल हसनले १६, मेहेदी हसनले ११ तथा नासुम अहमदले अविजित १९ रन जोड्दै बंगलादेशलाई तीन अंकको स्कोर पार गराए ।

इंग्ल्यान्डका टिमल मिल्सले सर्वाधिक तीन विकेट हात पार्दा अली र लिभिङस्टोनले समान २-२ विकेट आफ्नो नाममा दर्ता गराए ।

इंग्ल्यान्डको जितमा जेसन रोयले आक्रामक पारी खेल्दै ३८ बलमा पाँच चौका र तीन छक्काको मद्दतमा सर्वाधिक ६१ रन बनाए भने डाविड मलानले पनि अविजित २८ रनको योगदान दिए ।     

 

Continue Reading

T20 World Cup 2021

ट्वान्टी ट्वान्टी विश्वकप : न्युजिल्याण्डलाई पनि पाखा लगाउन सफल पाकिस्तान 

wesportz

Published

on

सुरुवातमा लगातार रुपमा विकेट गुमाए पनि शोएब मलिकआसिफ अलीले आक्रामक पारी खेले पछि युएईमा जारी ट्वान्टी ट्वान्टी विश्वकपको सुपर १२ को खेलमा पाकिस्तानले लगातार दोश्रो जित हात पारेको छ । आफ्नो पहिलो खेलमा भारतलाई १० विकेटले पछारेको पाकिस्तानले आज न्युजिल्याण्डलाई पाँच विकेटको हार चखाएको हो ।  

१३५ रनको सामान्य लक्ष्य सहित ब्याटिङमा आएको पाकिस्तानले लगातार रुपमा विकेट गुमाए पनि अन्त्यमा १८ दशमलब चार ओभर खेल्दै पाँच विकेटको जित आत्मसाथ गर्न सफल भयो ।

कप्तान तथा ओपनर बाबर आजम नौ, फखार जमान, मोहम्मद हफिजइमाद वासिम समान ११-११ तथा ओपनर तथा बिकेट किपर मोहम्मद रिजवान ३३ रन बनाएर आउट हुँदा १५ औ ओभरमा पाँच विकेट गुमाएर ८७ रनको अवस्थामा खुम्चिएको पाकिस्तानलाई जित दिलाउने क्रममा मलिक र अलीले छैटौँ विकेटका लागि मात्र तीन दशमलब पाँच ओभरमा अविजित ४८ रनको साझेदारी गरे । 

क्रमश १२ र २० बलको सामना गरेका अली र मलिकले समान २७-२७ रनको पारी खेले ।   

यस अघि हरिस रौफले घातक बलिङ गर्दै चार ओभरमा २२ रन मात्र खर्चिएर चार विकेट हात पार्दा खेलमा टस हारेर पहिले ब्याटिङ गरेको न्युजिल्याण्डले २० ओभरमा आठ विकेट गुमाएर मात्र १३४ रनको सामान्य योगफल बनाउन सक्यो ।

न्युजिल्यान्डका ड्यारेल मिचेलडेवन कन्वेले सामना २७-२७ तथा कप्तान केन विलियमसनले २५ रनको पारी खेले भने अन्यले उल्लेख्य योगदान दिन सकेनन् ।  

 

Continue Reading
T20 World Cup 20215 hours ago

ट्वान्टी ट्वान्टी विश्वकप : ट्रम्पलमन र फ्रिलिंकको घातक बलिङमा नामिबियाको सनसनीपूर्ण जित

Headline8 hours ago

महिला ट्वान्टी ट्वान्टी बिश्वकपको एसिया छनौटका लागि नेपाली टोलीको घोषणा

T20 World Cup 20219 hours ago

ट्वान्टी ट्वान्टी विश्वकप : इंग्ल्यान्डको उत्कृष्ट प्रदर्शन जारी

T20 World Cup 20211 day ago

ट्वान्टी ट्वान्टी विश्वकप : न्युजिल्याण्डलाई पनि पाखा लगाउन सफल पाकिस्तान 

T20 World Cup 20211 day ago

ट्वान्टी ट्वान्टी विश्वकप : डिफेन्डिङ च्याम्पियनको लगातार दोश्रो हार 

Headline2 days ago

ट्वान्टी ट्वान्टी बिश्वकपमा आज दुवै ठूला खेल

Headline2 days ago

मिसन वर्ल्ड कप : महिला टोलीले पहिलो पटक ट्वान्टी ट्वान्टी अन्तर्राष्ट्रिय शृंखला खेल्ने 

Headline2 days ago

१२ हजार करोड भारुमा बिसीसीआईले थप्यो आईपीएलका लागि दुई नयाँ टोली

T20 World Cup 20212 days ago

 ट्वान्टी ट्वान्टी विश्वकप : मुजिब र राशिदको घातक बलिङमा स्कटल्याण्डको लज्जास्पद हार 

Headline2 days ago

अण्डर–२३ एसियन कप क्वालिफायर्सः नेपाल इरानसँग ४–० ले पराजित

Headline10 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline9 months ago

फुटबलमा थापिएका ५ अचम्मका बाजीहरु

Headline6 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline1 year ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!