Headline
लामो खिचातानी पछि अन्तत बार्सिलोना मै बस्ने भए मेस्सी
Published
4 years agoon
By
wesportzपछिल्लो १० दिनको खिचातानीपछि अर्जेन्टाइन फुटबलर लियोनल मेस्सी २०२०-२०२१ को सिजनका लागि स्पेनिस क्लब बार्सिलोनामै बस्ने भएका छन् ।
बार्सिलोना र ला लिगाले उनलाई लाने कुनै क्लबले ७ सय मिलियन युरोको क्लज नतिरी भित्र्याउन नपाउने बताएसँगै मेस्सी आउने सिजनका लागि बार्सिलोनामै बस्न लागेका हुन् । मेस्सी बार्सिलोना छोडेर जाने समाचार बाहिर आएसँगै बिश्व फुटबलमा ठूलै हलचल मच्चिदै आएको छ ।
शुक्रबारको निर्णयपछि भने अब यो मत्थर भएको छ । दुई पक्षबीच कानुनी लडाई नै लड्नु पर्ने स्थिति आइसक्दा मेस्सीका एजेन्ट पनि रहेका उनका बुवा होर्गेले बार्सिलोनाले भनेको ७ सय मिलियन युरोको रिलिज क्लब अब बैधानिक नरहेको दाबी गरेका थिए ।
मेस्सीले कानुनी रुपमा क्लबसँग भिड्न नचाहेको बताउदै १३ बर्षको उमेर देखि रहेको क्लबमा अर्को एक सिजन बिताउने निर्णय गरेका हुन् । “म खुशी थिइन त्यसैले क्लब छोड्न चाहन्थे । मलाई कुनै पनि तरिकाले यो हुन नदिएकोले म बस्दैछु किनभने म क्लबसँग कानुनी लडाई लड्न चाहन्न । बार्तोमेउ (हाल बार्सिलोनाको अध्यक्ष रहेका योसेप बार्तोमेउ) ले व्यवस्थापनको नेतृत्व गरेको क्लब कुनै पनि हालमा राम्रो छैन,” मेस्सीले भनेका छन् ।
“क्लबसँग कुनै परियोजना नै छैन । उनीहरु जहाँ भ्वाङ्ग देख्छन् त्यही टाल्दै गइरहेका छन् । म आफ्नो जीवनकै क्लबको बिरुद्ध कुनै युद्ध गर्न चाहन्न । त्यसैले म बस्दैछु,” मेस्सीले भने ।
के भएको थियो ?
अघिल्लो हप्ता २० बर्षदेखिको सम्बन्ध अन्त्य गर्दै आफू बार्सा छोड्ने क्लबलाई बताएका उनी फ्रि ट्रान्सफरमै स्पेन छोड्न सक्ने बिश्वासमा रहेका थिए । तर क्लब छोड्नको लागि उनलाई लिएर जाने अर्को टोलीले ७०० मिलियन युरोको रिलिज क्लज तिर्दै प्रकृया शुरु गर्नु पर्ने बार्सिलोनाले बताउदै आएको थियो ।
मेस्सीको अबको करिअरबारे छलफल गर्न दौडधुप गरिरहेका उनको एजेन्ट समेत रहेका बुवा होर्गेले उनलाई लिएर राखिएको रिलिज क्लजको म्याद समाप्त भइसकेको दाबी गरेका थिए । “लियोनेल मेस्सीको प्रतिनीधिहरुले पठाएको सन्देश अनुसार ला लिगाले आफ्नो प्रतिकृया दिइसकेको छ,” बार्साको समर्थनमा रहेको स्पेनिस ला लिगाले जवाफमा लेखेको थियो ।
“सम्झौतालाई लिएर उनीहरुले गर्दै आएको व्याख्या अर्थबिहिन छ र रिलिज क्लजले जे भन्न खोजिएको छ त्यो यथार्थ भन्दा धेरै टाढा छ । ला लिगाले अगष्ट ३० मा आफूले बताउदै आएको कुरा नै दोहोर्याउन चाहन्छ,” नयाँ बिज्ञप्ति जारी गर्दै ला लिगाले मेस्सी पक्षलाई दिएको प्रतिकृयामा उल्लेख छ ।
मेस्सीका बुवाले शुक्रबार पठाएको चिठ्ठीमा उनले क्लब छोड्नको लागि तय गरिएको रिलिज क्लजमा मिति नतोकिएको र लिग सिजन सक्किएपछि छोड्न मिल्ने भनिएको लेखेका छन् ।
पछिल्लो केही दिन त्यही रिलिज क्लजका कारण मेस्सी स्पेनमै बस्न सक्ने भनिएको भएपनि बार्साको नयाँ अध्यक्षका प्रत्यासी भिक्टर फन्टले यो हुन नसक्ने सम्भावना धेरै रहेको पनि बताएका थिए ।
मेस्सी बार्सिलोनामै बसे भने त्यो सप्राइज हुनेछ किनभने उनी आफ्नो निर्णयमा दृढ देखिन्छन् । तर नहुन्जेलसम्म आशा रहन्छ त्यसैले हामी आशावादी रहेका छौ, फन्टले भनेका थिए ।
“मैले क्लब र विशेष गरी क्लबका अध्यक्षलाई पछिल्लो सिजनको शुरूदेखि नै छोड्न चाहेको कुरा बताएको थिए । उनीहरूलाई मैले पछिल्लो १२ महिनाको अवधिमा के भनें सबै थाह छ । तर आजम यहाँ रहनुको कारण भने क्लब हैन । म बस्नुको कारण म क्लबविरुद्ध कानुनी लडाई सुरु गर्न चाहन्न,” ६ पटकका बालोन डि ओर बिजेता मेस्सीले भनेका छन् ।
मेस्सीले क्लब छोड्ने हल्ला बताएपछि उनलाई भित्र्याउन इङ्गलिस प्रिमियर लिग क्लब म्यानचेस्टर सिटी लागि परेको थियो । सिटीले त्यही अनुरुप आर्थिक योजना समेत तयार पार्दै बिभिन्न प्रस्ताव गरेको रिपोर्टहरु सार्वजनिक भएको थियो ।
तर अब भने मेस्सीले यो सिजन बार्सिलोनामै बिताउने छन् रअर्को सिजन मात्र फ्री एजेन्टको रुपमा बिना कुनै क्लज क्लब छोड्न पाउने छन् ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
1 year agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।