Connect with us

Headline

लामो खिचातानी पछि अन्तत बार्सिलोना मै बस्ने भए मेस्सी

wesportz

Published

on

पछिल्लो १० दिनको खिचातानीपछि अर्जेन्टाइन फुटबलर लियोनल मेस्सी २०२०-२०२१ को सिजनका लागि स्पेनिस क्लब बार्सिलोनामै बस्ने भएका छन् ।

बार्सिलोना र ला लिगाले उनलाई लाने कुनै क्लबले ७ सय मिलियन युरोको क्लज नतिरी भित्र्याउन नपाउने बताएसँगै मेस्सी आउने सिजनका लागि बार्सिलोनामै बस्न लागेका हुन् । मेस्सी बार्सिलोना छोडेर जाने समाचार बाहिर आएसँगै बिश्व फुटबलमा ठूलै हलचल मच्चिदै आएको छ ।

शुक्रबारको निर्णयपछि भने अब यो मत्थर भएको छ । दुई पक्षबीच कानुनी लडाई नै लड्नु पर्ने स्थिति आइसक्दा मेस्सीका एजेन्ट पनि रहेका उनका बुवा होर्गेले बार्सिलोनाले भनेको ७ सय मिलियन युरोको रिलिज क्लब अब बैधानिक नरहेको दाबी गरेका थिए ।

मेस्सीले कानुनी रुपमा क्लबसँग भिड्न नचाहेको बताउदै १३ बर्षको उमेर देखि रहेको क्लबमा अर्को एक सिजन बिताउने निर्णय गरेका हुन् । “म खुशी थिइन त्यसैले क्लब छोड्न चाहन्थे । मलाई कुनै पनि तरिकाले यो हुन नदिएकोले म बस्दैछु किनभने म क्लबसँग कानुनी लडाई लड्न चाहन्न । बार्तोमेउ (हाल बार्सिलोनाको अध्यक्ष रहेका योसेप बार्तोमेउ) ले व्यवस्थापनको नेतृत्व गरेको क्लब कुनै पनि हालमा राम्रो छैन,” मेस्सीले भनेका छन् ।

“क्लबसँग कुनै परियोजना नै छैन । उनीहरु जहाँ भ्वाङ्ग देख्छन् त्यही टाल्दै गइरहेका छन् । म आफ्नो जीवनकै क्लबको बिरुद्ध कुनै युद्ध गर्न चाहन्न । त्यसैले म बस्दैछु,” मेस्सीले भने ।

के भएको थियो ?

अघिल्लो हप्ता २० बर्षदेखिको सम्बन्ध अन्त्य गर्दै आफू बार्सा छोड्ने क्लबलाई बताएका उनी फ्रि ट्रान्सफरमै स्पेन छोड्न सक्ने बिश्वासमा रहेका थिए । तर क्लब छोड्नको लागि उनलाई लिएर जाने अर्को टोलीले ७०० मिलियन युरोको रिलिज क्लज तिर्दै प्रकृया शुरु गर्नु पर्ने बार्सिलोनाले बताउदै आएको थियो ।

मेस्सीको अबको करिअरबारे छलफल गर्न दौडधुप गरिरहेका उनको एजेन्ट समेत रहेका बुवा होर्गेले उनलाई लिएर राखिएको रिलिज क्लजको म्याद समाप्त भइसकेको दाबी गरेका थिए । “लियोनेल मेस्सीको प्रतिनीधिहरुले पठाएको सन्देश अनुसार ला लिगाले आफ्नो प्रतिकृया दिइसकेको छ,” बार्साको समर्थनमा रहेको स्पेनिस ला लिगाले जवाफमा लेखेको थियो ।

मेस्सीले क्लब छोड्ने निर्णय गरे यता एजेन्ट समेत रहेका उनका बुवा होर्गे सकृय रहदै आएका थिए

“सम्झौतालाई लिएर उनीहरुले गर्दै आएको व्याख्या अर्थबिहिन छ र रिलिज क्लजले जे भन्न खोजिएको छ त्यो यथार्थ भन्दा धेरै टाढा छ । ला लिगाले अगष्ट ३० मा आफूले बताउदै आएको कुरा नै दोहोर्याउन चाहन्छ,” नयाँ बिज्ञप्ति जारी गर्दै ला लिगाले मेस्सी पक्षलाई दिएको प्रतिकृयामा उल्लेख छ ।

मेस्सीका बुवाले शुक्रबार पठाएको चिठ्ठीमा उनले क्लब छोड्नको लागि तय गरिएको रिलिज क्लजमा मिति नतोकिएको र लिग सिजन सक्किएपछि छोड्न मिल्ने भनिएको लेखेका छन् ।

पछिल्लो केही दिन त्यही रिलिज क्लजका कारण मेस्सी स्पेनमै बस्न सक्ने भनिएको भएपनि बार्साको नयाँ अध्यक्षका प्रत्यासी भिक्टर फन्टले यो हुन नसक्ने सम्भावना धेरै रहेको पनि बताएका थिए ।

मेस्सी बार्सिलोनामै बसे भने त्यो सप्राइज हुनेछ किनभने उनी आफ्नो निर्णयमा दृढ देखिन्छन् । तर नहुन्जेलसम्म आशा रहन्छ त्यसैले हामी आशावादी रहेका छौ, फन्टले भनेका थिए ।

“मैले क्लब र विशेष गरी क्लबका अध्यक्षलाई पछिल्लो सिजनको शुरूदेखि नै छोड्न चाहेको कुरा बताएको थिए । उनीहरूलाई  मैले पछिल्लो १२ महिनाको अवधिमा के भनें सबै थाह छ । तर आजम यहाँ रहनुको कारण भने क्लब हैन । म बस्नुको कारण म क्लबविरुद्ध कानुनी लडाई सुरु गर्न चाहन्न,” ६ पटकका बालोन डि ओर बिजेता मेस्सीले भनेका छन् ।

मेस्सीले क्लब छोड्ने हल्ला बताएपछि उनलाई भित्र्याउन इङ्गलिस प्रिमियर लिग क्लब म्यानचेस्टर सिटी लागि परेको थियो । सिटीले त्यही अनुरुप आर्थिक योजना समेत तयार पार्दै बिभिन्न प्रस्ताव गरेको रिपोर्टहरु सार्वजनिक भएको थियो

तर अब भने मेस्सीले यो सिजन बार्सिलोनामै बिताउने छन् रअर्को सिजन मात्र फ्री एजेन्टको रुपमा बिना कुनै क्लज क्लब छोड्न पाउने छन् ।

 

 

Headline

युएफाले दियो च्याम्पियन्स लिग र अन्तर्राष्ट्रियमा ५ सब्स्टिच्युटको अनुमती

wesportz

Published

on

युरोपियन फुटबलको सर्वोच्च निकाय युएफाले यो सिजन सबै यूरोपीयन क्लब प्रतियोगिता र अन्तर्राष्ट्रिय खेलहरूमा पाँच सब्स्टिच्युट खेलाउन मिल्ने नियम दोहोर्याउने भएको छ । बिहिबार बसेको बैठकपछि युएफाले यो सिजनका लागि उक्त निर्णय लिएको र अर्को वर्षको निर्णय लिन बाँकी रहेको बताएको छ ।

हँगेरीको राजधानी बुडापेस्टमा भएको बैठकले उक्त निर्णयहरु च्याम्पियन्स लिग, युरोपा लिग र महिला च्याम्पियनसिप लिग सहित नेसन्स लिगमा पनि लागु हुने बताएको छ । अन्तर्राष्ट्रिय खेलहरुमा भने युरो २०२१ को छनोट प्रतियोगिता देखि महिला युरो सम्मको लागी यो प्रावधान रहनेछ ।

अर्को निर्णय अब युरो कपका लागि लिइने बैठकले जनाएको थियो । कोरोना भाईरसका कारण २०२० मा हुने भनिएको युरो कप २०२१ को जुन–जुलाईको लागि सारिएको थियो ।

राष्ट्रिय टोलीका प्रशिक्षकहरुको दवाव पछि युएफाले यो निर्णय लिनु परेको हो । यस अघिका नेसन्स लिगका पहिलो चरणहरुमा ३ सब्स्टिच्युटको नियम कायम रहेपनि आउने चरणहरुमा ५ खेलाडी सब्स्टिच्युट गर्न मिल्ने छ ।

अन्य युरोपियन लिगहरुमा पनि पाँच खेलाडी सब्स्टिच्युटको नियम बने पनि इङ्गलिस प्रिमियर लिगमा भने अहिले तीन खेलाडी बनाइएको छ । पाँच सब्स्टिच्युटको नियम रहदा खेलाडीहरुलाई दवाव नपर्ने बताउदै धेरै लिगहरुले यो सिजन पनि निरन्तरता दिएका थिए ।

“यो सही निर्णय हो र माथिल्लो स्तरका खेलाडीहरुमा दवाव कम गर्नका लागि राम्रो कदम पनि हो । हामीले उनीहरुको बढ्दो कामको बोझ कम गर्न र स्वास्थ्य र कार्य सम्पादनलाई सुरक्षित राख्न थप नयाँ उपायहरु अपनाउने छौ,” फिफप्रोका महासचिव जोनास बेरे होफ्फमानले भने ।

यस्तै युएफाले नेसन्स लिगको फाइनल २०२१ को अक्टोबर ६ मा गराउने निर्णय लिएको छ । प्रतियोगिताका नकआउट चरणदेखि आयोजना गर्न इटाली, नेदरल्याण्ड्स र पोल्यान्डले चासो व्यक्त गरेका छन् ।

Continue Reading

Headline

किँग काजु जिन्दावादः ५३ बर्षको उमेरमा पनि दर्शक तानिरहेका जापानी लेजेण्डको नयाँ किर्तिमान

wesportz

Published

on

जापानी घरेलु फुटबलको माथिल्लो श्रेणीमै लामो समयदेखि राज गर्र्द आइरहेका काजुयोसी मिउराले बिहिबार ५३ बर्षको उमेरमा नयाँ किर्तिमान कायम राख्दै वाह–वाही लुटेका छन् ।

‘किँग काजु’ नामले चर्चित मिउराले जापाको प्रथम श्रेणीको फुटबल जे–लिगमा बुधबार योकोहोमा एफसीका लागि कावासाकी फ्रन्टेलबिरुद्ध प्रतियोगिता इतिहासमा शुरुवाती ११ मा स्थान बनाउने सबैभन्दा पाका खेलाडीको रुपमा नयाँ किर्तिमान कायम गरेका थिए ।

“जापानी फुटबलको इतिहासमा किँग काजुले एक पटक फेरि नयाँ अध्याय लेखेका छन्,” निक्कन स्पोर्ट्स डेलिले बिजयी भावमा घोषणा गरेको छ । स्पोर्ट्स निप्पोनले एक बहादुरीपूर्ण प्रदर्शन ५३ बर्षियबाट आएको भन्ने तथ्य पत्याउनै गाह्रो मानेको लेखेको छ ।

“काजु हाम्रो धरोहर हुन् । इतिहासको पानामा अमर रहने यो महान किर्तिमान हाल सकृय रहेका सबै खेलाडीहरु र भविष्यका खेलाडी बन्ने सपना बोकेका बच्चाहरुको लागि चम्किालो प्रकाश हुनेछ । हामी आशा गछौं उनी अझै अभुतपुर्व रुपले खेलिरहनेछन्,” जे–लिगका अध्यक्ष मित्सुरु मुराइ भन्छन् ।

योकोहोमा एफसीका लागि बिगत १५ बर्षदेखि खेल्दै आइरहेका मिउरालाई ५६ औं मिनेटमा सब्स्टिच्युट गरिएको थियो । खेल योकोहोमाले ३–२ ले हार्न पुग्यो । मैदान छोड्दै गर्दा सबैले उठेर ताली बजाएपछि उत्साहित मिउरा आफ्नो प्रदर्शन देखि भने त्यति खुशी देखिएनन् ।

“मैले मिडफिल्डमा धेरै पटक बल पाए तर मैले पेनाल्टी एरियामा धेरै बल खेलाउन सकिन । मैले चाहेको कुरा पुरा हुन सकेन । आजको खेलको अनुभव म अब अन्य खेलहरुमा प्रयोग गर्नेछु,” मिउराले भने ।

केही समय देखि उमेरको किर्तिमान कायम राख्दै आएका मिउरा यो बर्षको शुरुवातमा जापान लिग कप प्रतियोगिता खेल्ने सबैभन्दा पाका खेलाडी बनेका थिए । २०१७ मा उनी व्यवसायिक फुटबलमा गोल गर्ने सबैभन्दा पाका खेलाडी बनिसकेका थिए ।

६० बर्ष नपुग्दासम्म सन्यास नलिने दृढ संकल्प दिएका काजुको खेल हेर्न जापान मात्र नभएर बाहिर पनि टन्ने समर्थक पुग्ने गरेका छन् । उनको पछिल्लो किर्तिमानले फिफाको आधिकारिक ट्विटर अकाउन्टको ध्यान समेत आकर्षण गरेको थियो ।

श्रीपेच इमोजि प्रयोग गर्दै फिफाले आफ्नो ट्विटरमा लेखेको छः किँग काजु जिन्दावाद ।

Continue Reading

Headline

सुपर कपका लागि बायर्न र सेभिया भिड्दै

wesportz

Published

on

युएफए सुपर कपका लागि आज च्यम्पियन्स लिग बिजेता जर्मन क्लब बायर्न म्युनिख र युरोपा लिग बिजेता स्पेनिस क्लब सेभिया भिड्दै छन् ।

हङ्गेरीको बुडापेस्त स्थिती पुस्कास एरेनामा हुने खेलमा बायर्न दोस्रो पटक यो उपाधि जित्ने दाउमा हुने छ । सेभियाले पनि २००६ मा सुपर कपको उपाधी हात पारेको थियो भने २०१४,२०१५ र २०१६ मा उपबिजेतामा सिमित हुन पुगेको थियो ।

बायर्नले च्याम्पियन्स लिगमा फ्रेन्च क्लब पेरिस सेन्ट जर्माइनलाई १-० गोलले हराउदै उपाधि जितेको थियो । सेभियाले भने इटालियन क्लब इन्टर मिलानलाई ३-२ ले हराएको थियो ।

युएफएको प्रमुख प्रतियोगिता रहेको सुपर कपका लागि ६ हजर टिकेट बिक्री गरिएको छ ।

खेल नेपाली समय अनुसार १२:४५ मा सुरु हुने छ ।

Continue Reading
IPL 20206 hours ago

बेंगलोरको लज्जास्पद हार 

Headline6 hours ago

युएफाले दियो च्याम्पियन्स लिग र अन्तर्राष्ट्रियमा ५ सब्स्टिच्युटको अनुमती

IPL 20208 hours ago

कप्तान राहुलको शतकमा बेंगलोरलाई २०७ रनको विशाल लक्ष्य 

IPL 202010 hours ago

बेंगलोरले टस जित्यो, पन्जाब पहिले ब्याटिङ गर्दै 

Headline11 hours ago

किँग काजु जिन्दावादः ५३ बर्षको उमेरमा पनि दर्शक तानिरहेका जापानी लेजेण्डको नयाँ किर्तिमान

IPL 202012 hours ago

आईपीएलमा आज बेंगलोर र पन्जाब खेल्दै

अन्तर्राष्ट्रिय13 hours ago

चर्चित कमेन्टेटर डिन जोन्सको असमाहिक निधन 

Headline15 hours ago

सुपर कपका लागि बायर्न र सेभिया भिड्दै

Headline17 hours ago

डि मरियालाई चार खेलमा प्रतिबन्ध

Headline1 day ago

बार्सिलोनाको अन्तिम अभ्यास सत्रमा रुदै बिदा भए सुवारेज

Headline1 week ago

धेरै ऋणको भारी बोकेका पाँच युरोपेली क्लबहरु

Headline5 months ago

ब्राजिलले पाएको अहिलेसम्मकै उत्कृष्ट १० फुटबलर

Headline4 days ago

सात महादेशका सात उत्कृष्ट खेलाडीहरु

Headline3 weeks ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline4 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline1 month ago

एक युगको अन्त्य हुँदा बार्सामा क्रान्ति एक मात्र बिकल्प

Headline2 months ago

आर्सनलको दुर्गतिः न च्याम्पियन्स लिग, न युरोपा लिग

Headline3 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Headline10 months ago

लाम्पार्डको आगमनसँगै बदलिएको चेल्सी

Trending