Connect with us

Headline

लुकाकुले उत्कृष्ट खेल देखाउदा म्यानचेस्टर युनाइटेडलाई पछुतो

wesportz

Published

on

म्यानचेस्टर युनाइटेड सेभियासँग २–१ ले पराजित हुदै युरोपा लिगबाट बहिरिएको एक दिन पनि नबित्दै पूर्व स्ट्राइकर रोमेलु लुकाकुले ओल्ड ट्राफोर्डले कस्तो खेलाडी गुमाएको छ भन्ने प्रष्ट पारिदिएका छन् ।

एन्टोनियो कोन्टेको इन्टर मिलनले सख्तर दोनेस्कलाई ५–० ले ध्वस्त पार्दा बेल्जियन स्ट्राइकर लुकाकुले दुई गोल गर्दै ५० खेलमा इटालियन क्लबका लागि आफ्नो गोल संख्या ३३ पुर्याए ।

लुकाकुको यो लयले क्लबका पुर्व मिडफिल्डर पउल इन्सलाई म्यानचेस्टर युनाइटेडमा अझै पनि स्ट्राइकरको कमि रहेको लागेको छ । र लुकाकुको यो फर्मले युनाइटेडलाई पक्कै पनि चुकचुकाएको हुनु पर्ने उनले मानेका छन् ।

एभर्टनबाट ७५ मिलियन पाउण्डमा युनाइटेड गएका लुकाकु त्यो समय इतिहासमा संयुक्त रुपमा पाँचौं सबैभन्दा महँगो खेलाडी भएका थिए ।

होजे माउरिन्होको नेतृत्वमा रहदा पहिलो सिजनमा २७ गोल गरेका लुकाकुले आफूलाई गरेको लगानीमाथि न्याय गरेका थिए । तर माउरिन्होले युनाइटेडबाट बिदा लिएपछि आएका ओले गुनर सोल्सायरको पहिलो र लुकाकुको दोस्रो सिजनमा भने उनी खासै चल्न सकेनन् ।

उनले दोस्रो सिजनमा १५ गोल मात्र गरे । युनाइटेडले यही झोकमा लुकाकुलाई इन्टरमा बेचिदियो । ७४ मिलियन पाउन्डमा इन्टर पुगेका लुकाकु इटालियन क्लबमा स्टार खेलाडी बन्न पुगे ।

लुकाकु इन्टरबाट यति उत्कृष्ट खेल्न सफल भइसकेका छन् की इटालियन अखबार ला ग्याजेटो डेलो स्पोर्टले पहिलो पृष्ठमा उनको फोटो लगातार तीन दिनसम्म छापेको थियो । उनी इटालीमा सुपरस्टार भईसकेका छन् । सेमिफाइनल सहित लगातर १० यूरोपा लिगका खेलहरुमा गोल गर्ने पहिलो खेलाडी बनेपछि उनको स्तर ह्वात्तै बढेको छ ।

उनी युनाइटेडमा भन्दा अहिले फिट देखिन्छन् । अहिले जुन स्तरको प्रदर्शन गरिरहेका छन् त्यो युनाइटेडमा देखिएको थिएन । युनाइटेडलाई पनि अहिले लुकाकु ओल्ड ट्राफोर्डमै भईदिएको भए जस्तो हुंदो हो, इन्सले सोमबार लुकाकुले महत्वपूर्ण भुमिका खेलपछि भने ।

Headline

नेपालको ओलम्पिक्स सहभागिता सक्कियो

wesportz

Published

on

सरस्वती चौधरी १ सय मिटर दौडको पहिलो चरणबाट बाहिरिएसंगै नेपालको टोकियो ओलम्पिक्सको सहभागिता समाप्त भएको छ ।

म्याराथन धावक गोपीचन्द्र पार्कीलाई अन्तिम समयमा सहभागीता दिलाउन नसकेपछि मौका पाएकी सरस्वतीले दोश्रो हिटमा सहभागी हुंदै निर्धारित दुरी १२ दशमलव ९१ सेकेण्डमा पुरा गरिन् । उनी आफ्नो हिटमा आठौं भएकी थिइन् । यस हिटमा इरानकी फाइसी फर्जानी ११ दशमलव ७६ अंक सहित पहिलो भएकी थिइन् । यो संगै नेपालका सबै ओलम्पियनहरुले आफ्नो प्रतिस्पर्धा पुरा गरेका छन् ।

नेपालको ओलम्पिक्स यात्रा दुई नयां राष्ट्रिय किर्तिमान सहित समाप्त भयो । स्विमिंगमा गौरिका सिंह र एलेक्स शाहले १ सय मिटर फ्रि स्टाइलमा नयां किर्तिमान कायम गरे भने सुटिंगकी कल्पना परियार र जुडोकी सोनिया भट्ट पनि पहिलो चरणबाटै बाहिरिएका थिए ।

Continue Reading

Headline

नेम्बांग र दुई सञ्चारकर्मीमाथि छानविन गर्न अब्दुल्लाहको माग

wesportz

Published

on

राष्ट्रिय फुटबल टोलीका मुख्य प्रशिक्षक अब्दुल्लाह अलमुताईरीले अखिल नेपाल फुटबल संघ (एन्फा) का बरिष्ठ उपाध्यक्ष पंकज नेम्बांग र दुई सञ्चारकर्मीबिरुद्ध निष्पक्ष छानविन गर्न एन्फा समक्ष माग गरेका छन् ।

अब्दुल्लाहले बिहिवार एन्फा कम्प्लेक्समा पुगेर छानविनका लागि माग गरेका हुन् । अलमुताइरीले केही दिन अघि नेम्बांगको कारण आफू राजीनामा दिन गइरहेको भन्दै फेसबुक स्ट्याटस लेख्दा नेपाली फुटबल तरंगित हुदै आएको छ ।

अब्दुल्लाहले तीन साता देखि नेम्बांगले आफूलाई तनाव दिइरहेको बताउदै उनकै कारणले राजीनामा दिने बताएका थिए । तर एन्फा नेतृत्वले उनलाई राजीनामा नदिन आग्रह गरेको थियो ।

नेम्बांगले आफुबिरुद्ध अब्दुल्लाह खनिनु निराधार रहेको र घटनाको छानविन गर्न त्यही दिन नै माग गरेका थिए । उनले आफ्नो गल्ति देखिएमा पदबाट समेत राजीनामा दिने बताएका थिए ।

यस्तै एक अनलाइनका दुई संचारकर्मीबिरुद्ध पनि छानविन गर्न अब्दुल्लाहले माग गरेका हुन् । एन्फामा प्रशिक्षणका दौरान बिश्राम लिदै कम्पाउण्ड बाहिर निक्लदै धुम्रपान गरेको बिषयमा प्रश्न गर्दा अब्दुल्लाहले आफुहरुलाई दुव्र्यवहार गरेको भन्दै दुई सञ्चारकर्मीले बिरोध जनाएका थिए ।

उनीहरुले पनि एन्फालाई यो बिषयमा छानविन गर्न माग गरेका छन् । एन्फाले यस बिषयमा शुक्रबार हुने केन्द्रि य समितिको बैठकमा छलफल गर्नेछ ।

Continue Reading

Headline

नयां राष्ट्रिय किर्तिमान सहित गौरिकाको ओलम्पिक्स चुनौति समाप्त

wesportz

Published

on

नेपाली स्विमर गौरिका सिंहले टोकियो ओलम्पिक्सको १ सय मिटर फ्रि स्टाइलमा नयां राष्ट्रिय किर्तिमान बनाएकी छिन् ।

आफ्नो हिट तेश्रो स्थानमा सक्काएकी गौरिकाले निर्धारित दुरी १ मिनेट शुन्य दशमलव ११ सेकेण्डमा पुरा गरिन् । उनी नाइजेरिया र मोन्टेनेग्रोको खेलाडीभन्दा पछि रहिन् ।

यसअघि आफैले बनाएको १ मिनेट शुन्य दशमलव ६२ सेकेण्डको किर्तिमान तोडेकी गौरिका पहिलो चरणबाट भने बाहिरिएकी छिन् ।

यो स्पर्धामा स्विडेनकी सराह सोस्टोर्मकोनाममा ओलम्पिक र बिश्व किर्तिमान दुवै रहेको छ ।

जारी ओलम्पिक्समा नेपालका चार जना खेलाडीको चुनौति समाप्त भइसकेको छ । शुटिंगकी कल्पना परियार, जुडोकी सोनिया भट्ट र स्विमिंगकै एलेक्स शाह पनि पहिलो चरणबाटै बाहिरिएका हुन् ।

एलेक्सले पनि आफैले राखेको १ सय मिटर फ्रि स्टाइलको किर्तिमानमा सुधार ल्याउदै ओलम्पिक्स सहभागिताको अन्त्य गरेका थिए ।

नेपालको लागि अब १ सय मिटर दौडमा सरस्वती चौधरीले मात्रै प्रतिस्पर्धा गर्न बाकी रहेको छ ।

Continue Reading
Headline6 hours ago

नेपालको ओलम्पिक्स सहभागिता सक्कियो

अन्तर्राष्ट्रिय18 hours ago

भारतको लज्जास्पद हार, श्रीलंकालाई शृंखला 

Headline24 hours ago

नेम्बांग र दुई सञ्चारकर्मीमाथि छानविन गर्न अब्दुल्लाहको माग

अन्तर्राष्ट्रिय2 days ago

वेस्ट इन्डिज र पाकिस्तान बीचको खेलमा वर्षा बाधक 

अन्तर्राष्ट्रिय2 days ago

भारत माथि श्रीलंकाको रोमान्चक जित 

Headline2 days ago

नयां राष्ट्रिय किर्तिमान सहित गौरिकाको ओलम्पिक्स चुनौति समाप्त

Headline2 days ago

ओलम्पिक्सः झण्डै एक शताब्दीपछि फिलिपिन्सले सुनेको राष्ट्रिय गान

Headline2 days ago

पुबुदु दासानायके भैरहवाकै प्रशिक्षक रहने

Headline2 days ago

रियल म्याड्रिडका भारान म्यानचेस्टर युनाइटेडमा

अन्तर्राष्ट्रिय3 days ago

भारत र श्रीलंका बीचको दोश्रो ट्वान्टी ट्वान्टी स्थगित 

Trending

error: Content is protected !!