Connect with us

Headline

मेस्सी कहा जान सक्छन् र कसले किन्न सक्छ ?

Published

on

लियोनल मेस्सी बार्सिलोना बाहेक अन्य कुनै क्लबबाट खेलेको कल्पना गर्न सकिदैन । तर कुनै समय असम्भव जस्तो लाग्ने कुराले अहिले भने पूर्ण सम्भावना बोकेको छ ।
बोर्डभित्रको राजनीतिले ग्रस्त बार्सिलोनामाथि ठूलो ऋण पनि रहेको छ भने औषत रियल म्याड्रिड टोलीलाई ला लिगाको उपाधि सुम्पनुका साथै च्याम्पियन्स लिगमा बायर्न म्युनिखसँग अपमानजनक हारपछि टिमको पुनसंरचना गर्नुपर्ने आवश्यकता देखिएको छ ।

ओसासुनसँग २–१ को हारले लिग उपाधि म्याड्रिडको हुने निश्चित भइसक्दा मेस्सीले भनेका थिएः हामी यस्तो खेल्दै ला लिगाको अन्त्य गर्न चाहिरहेको थिएनौं । तर यसले हाम्रो पुरा बर्ष कसरी गयो भनेर बताउछ । हामी कमजोर र आकारबिहिन भयौं । हामी हार्यौ किनभने हामीसँग प्रतिस्पर्धात्मक भावन कम भयो । हामीले यो सिजन धेरै नै अंक गुमाउन पुग्यौं जुन हुनु हुदैनथ्यो ।

मेस्सीले आफू बार्सा छोड्न खोजिरहेको समाचारहरु बाहिर आएसँगै कस्तो छ त उनको भविष्य ? कुन टिमले उनलाई लिन सक्छ वा सक्दैन ?

म्यानचेस्टर सिटी

किन हुन सक्छ ?

कोरोना भाइरस संकटको समय फाइनान्सियल फेयर प्ले केही खुकुलो बनाउदा सिटीसँग मेस्सीले किन्न सक्ने श्रोत प्रशस्तै छ । आफ्ना पुर्व व्यवस्थापक पेप ग्वार्डियोलासँगको पुर्नमिलनले मेस्सीलाई आकर्षित गर्न सक्छ । ग्वार्डियोलासँगै मेस्सीले बार्सामा जित्नुपर्ने जति सबै उपाधि जितेका छन् उनी नै प्रशिक्षक रहदा सुपरस्टार बनेका थिए ।

मेस्सीको सुपरस्टार स्तरलाई हेर्ने हो भने उनी ग्वार्डियोलाको रणनीतिमा कसरी फिट हुन सक्छन् भन्ने प्रश्न नै बकवास लाग्न सक्छ । मेस्सीलाई ग्वार्डियोलाको रोजाइको ४–३–३ को रणनीतिका बारे राम्रो ज्ञान छ । मेस्सीले रियाद माह्रेजको स्थान लिन सक्नेछन् तर उनले सिटीको दायापटिको आक्रमण वा फल्स नाइनको रुपमा पनि खेल्न सक्नेछन् ।
ग्वार्डियोलालाई फल्स नाइनलाई च्याम्पियन्स लिग अन्तर्गत रियल म्यड्रिडबिरुद्धको खेलमा राम्रो प्रयोगमा ल्याएको थियो । ग्वार्डियोलाले केभिन डि ब्रुनलाई मिडफिल्डमा प्रयोग गर्दै ४–२–३–१ को रणनीतिमा खेल्ने हो भने दुईटा एट्याक अप्सनका लागि मेस्सीलाई स्थान हुनसक्नेछ ।

किन हुन सक्दैन ?

प्रशस्त पैसा भएपनि सिटी ट्रान्सफर मार्केटमा अनुशासित देखिन्छ । यसअघि आखा लगाएको ह्यारी मग्वायर र एलेक्सिस साञ्चेजलाई नलिने मनसायमा पुगेपनि सिटीले ग्वार्डियोलाको आगमनपछि राम्रै पैसा बगाउदै आएको छ । तर उनीहरुले रियल म्याड्रिड जसरी अथाह पैसा भने खर्च नगर्दै रहिम स्टर्लिङ, ग्याब्रियल जिजस र क्लब छोडेका लिरोय सानेजस्ता खेलाडीको बिकासमा ध्यान दिएको थियो ।

फर्नान्डिन्हो, कायल वाकर र सर्जियो अगुएरो जस्ता प्रमुख खेलाडीहरु ३० बर्ष कटिसक्दा सिटीलाई पनि आफ्नो टोलीको पुर्नसंरचनामा जान आवश्यक छ । ३३ बर्षिय मेस्सीलाई भित्र्याउन कसरी पुर्नसंरचनामा मद्दत गर्छ ? ग्वार्डियोलाले आफ्नो फर्वार्डहरुबाट चाहिने प्रेसिङ्ग गेमलाई अलि कम गर्ने हो भने अन्य स्थानका खेलाडीहरुले बढी काम गर्नु पर्नेछ । टिम पुर्नसंरचना गर्नका लागि ग्वार्डियोला यो हदसम्म जान सक्लान् र ?

पेरिस सेन्ट जर्माइन

किन हुन सक्छ ?

सिटीको तुलनामा पिएसजीले स्थापित स्टार खेलाडीहरुलाई लिने प्रयास गर्दै आइरहेको छ । महँगा नेमार र किलियन एमबाप्पेलाई लिन सक्नु यसैको एक उदाहरण हो । सुपरस्टारको भिड कसरी एकै टिममा एकिकृत हुनका लागि जटिल परिस्थिति आउन सक्छ । तर मेस्सी र नेमार लुइस एन्रिके प्रशिक्षक रहदा बार्सिलोनामा एकै टोलीमा राम्रोसँगै भिजेका थिए । बार्सिलोनाले नेमार फेरि फर्काउन खोजिरहदा मेस्सी पिएसजीतर्फ जान सक्ने हो की ?

मेस्सी कतार एयरवेजको बिज्ञापनमा लगातार देखा पर्दै पनि आएका छन् । कतार एयरवेज बार्सिलोनाको जर्सि स्पोन्सर पनि हो । पेरिसमा बस्नु उनको लागि एक आकर्षण पनि रहि आएको छ । पिएसजी कतार स्पोर्ट्स इन्भेस्टभेन्टको स्वामित्वमा रहेको छ ।

किन हुन सक्दैन ?

माउरो इकार्डी र एन्टोनियो सानाब्रियालाई अघिल्लो सिजन भित्र्याएपछि पिएसजीको आक्रमणमा बिकल्पहरु पनि प्रशस्तै रहेका छन् । मेस्सी करिअरको जुन चरणमा रहेका छन् त्यो हिसाबले लिग वान एकैछिनमा जित्न सक्ने सम्भावनाले उनलाई आकर्षित गर्ला त ? यही साता पिएसजीले आफुले सबैभन्दा चाहेको च्याम्पियन्स लिगको उपाधि जित्न सक्छ । अब के जित्न बाकी रहला र ?

इन्टर मिलान

किन हुन सकछ ?

म अहिले इन्टर मिलानको साधारण फ्यान मात्र हु । यति भन्दा भन्दै मलाई थाहा छ सनिङ (इन्टरको चिनिया मालिक सनिङ होल्डिङ्गस) सँग मेस्सीलाई मिलान ल्याउनका लागि श्रोत र प्रतिस्पर्धाको आधारमा सबै कुरा छ, इन्टर मिलानका पुर्व अध्यक्ष मासिमो मोराट्टीले केही दिन अघि भनेका थिए ।

रियल म्याड्रिडबाट ठूलो रकममा राइट विङ्ग–ब्याक असरफ हकिमीलाई भित्र्याउदै ट्रान्सफर मार्केटमा इन्टर सकृय देखिएपछि मोराट्टीको यो कुराले बैधानिकता पाउन सक्छ । करिअरको अन्त्यतिर पुगेका मेस्सीका लागि इटालियन सिरी आ को सुस्त प्रतिस्पर्धा उपयुक्त हुन सक्छ । उतार चढाव पूर्ण एक दशकपछि लय समात्न प्रयासरत एक समयको ठूलो टोली इन्टरका लागि मेस्सीको आगमन राम्रो कथा पनि हुन सक्छ ।

इन्टरको सुनौलो इतिहास पनि उत्कृष्ट अर्जेन्टाइन खेलाडीहरुको मद्दतमा साबित भएको छ । हाभियर जेनेट्टी, हर्नान क्रेस्पो, अल्भारो रेकोबा, एस्तबान क्याम्बियास्सो, वाल्टर स्यामुएल, डिएगो मिलितो लगायतका अन्य थुप्रै अर्जेन्टाइनहरुले इन्टरको लागि महत्वपूर्ण भुमिका खेलिसकेका छन् ।

किन हुन सक्दैन ?

मेस्सीलाई लिने हो भने प्रशिक्षक एन्टोनियो कोन्टेले खेलाडीलाई मैदानभर घुमाउने आफ्नो रुचिबाट फरक सोच्नु पर्ने हुन्छ । हकिमीलाई अनुबन्धन गरेपछि आफ्नो पारम्परिक ३–५–२ को शैलिलाई निरन्तरता दिने स्पष्ट भएकाले कोन्टेले मेस्सीका लागि एक स्ट्राइकिङ्ग पार्टनर व्यवस्था गर्नुपर्नेछ जुन रामेलु लुकाकु हुन सक्छन् । शैलिगत रुपमा के यो रणनीति इन्टरमा उपयुक्त होला ? कोन्टेले रक्षपंक्तिलाई केही खुकुलो बनाउदै त्याग गर्ने हो भने मात्रै मेस्सी दुई फर्वार्डको पछाडी ३–४–१–२ को रणनीतिमा खेल्न सक्लान ।

बायर्न म्युनिख

किन हुन सक्छ ?

श्रोत र कनेक्सनका हिसाबले बायर्न सुपर क्लब हो । मेस्सीलाई अनुबन्धन गर्ने हो भने बायर्नले आफूले पाएको निकनेम एफसी हलिउडलाई सार्थकता दिन सक्छ ।
किन हुन सक्दैन ?

प्रमुख स्ट्राइकरद्वय रोबर्ट लेवान्डोस्की र थोमस मुलर ३० कटिसकेका छन् भने अब उसले ट्रान्सफर मार्केटमा पैसा खर्च गर्न केही सोच्नेछ । बायर्नले अन्य क्लबमा अन्तिम बर्ष वा १८ महिनाको सम्झौता बाकी रहेका खेलाडीहरुलाई मात्र बिचार गर्न सक्छ । निकै सन्तुलित बायर्न टोलीले यो सिजनको च्याम्पियन्स लिग पनि जित्ने भएकोले आफ्नो योजनामा पानी फेर्न चाहदैन ।

फेरि फर्किएर अर्जेन्टिना

किन हुन सक्छ ?

१३ बर्षकै उमेरमा मेस्सीको परिवार नै आधा दुनिया कट्दै लामो समदेखि स्पेनमा बसिरहेकाले अब अर्जेन्टिना फर्कने इच्छा बुझ्न सकिन्छ । मेस्सी मार्सेलो बिएल्सा र मउरिसयो पाचेटिनोको पुरानो क्लब नेवेल्स ओल्ड बोइजको समर्थक हुन् । नेवेल्स ओल्ड बोइज जाने हो भने मेस्सी बार्सिलोनाका निकट प्रतिद्वन्दी क्लबहरु नजादै आफ्नो पुरानो क्लबप्रति बफादार रहन सक्छन् ।

किन हुन सक्दैन ?

मेस्सीको मासिक आम्दानी यति ठूलो रहेको छ की उनले अर्जेन्टिना जाने निर्णय गर्ने हो भने आफूले पाउदै आएको तलबमा व्यापक कटौति स्वीकार्नु पर्नेछ । अर्जेन्टिनाको कुनै पनि क्लबले उनले पाउदै गरेको नजिकको तलब समेत दिन सक्दैनन् । यो हुनको लागि कुनै पनि अर्जेन्टाइन क्लबका लागि तेश्रो पक्षको ग्यारेन्टी आवश्यक पर्नेछ ।

Headline

कप्तान रोहितको शतक र सोमपालको पाँच विकेटमा अमेरिकामा नेपालको पहिलो जित 

Published

on

कप्तान रोहित कुमार पौडेलले  शतक तथा तीब्र गतिका बलर सोमपाल कामीले पाँच विकेट हात पार्दा अमेरिका भ्रमणको दोश्रो अभ्यास खेलमा नेपाली राष्ट्रिय टोलीले ह्युस्टन हरिकेन्स माथि ३० रनको फराकिलो जित हात पारेको छ ।

खेलमा टस हारेर पहिले ब्याटिङ गरेको नेपालले रोहितको शतकको मद्दतमा ४९ दशमलब एक ओभरमा आफ्ना सबै विकेट गुमाएर २५० रन बनायो भने सोमपालले पाँच विकेट निकाल्दा ह्युस्टनले ४३ दशमलब तीन ओभर खेल्दा आफ्ना सबै विकेट गुमाएर २२१ रन मात्र बनाउन सक्यो ।

कप्तान सन्दिप लामिछानेलाई विश्राम दिँदा नेपाली टोलीको कप्तानी सम्हालेका रोहितले नेपालको तर्फबाट सर्वाधिक १०१ रन बनाए । रन आउट हुनु अघि चौथो नम्बरमा ब्याटिङ गर्न आएका रोहितले ९० बल खेल्दै पाँच चौका र चार छक्काको मद्दतमा १०१ रन जोडे ।  

रोहित बाहेक नेपालको लागि आरिफ शेखले ४१, दिपेन्द्र सिंह ऐरीले २४, देव खनालले १९, सुनिल धमलाले १३, करण केसीले १२ रन बनाए भने अन्य बलरहरुले दोहोरो अंकमा रन निकाल्न सकेनन् । कुशल भुर्तेल एक, बिनोद भण्डारी चार, सुशन भारी पाँच तथा सागर ढकाल दुई रन जोड्दै पेभेलियन फर्किए भने किशोर महतो आठ रनमा अविजित रहे ।

ह्युस्टनका मोहम्मद इलियासले १० ओभरमा ६४ रन दिएर सर्वाधिक पाँच विकेट लिए भने हर्मित सिंहले दुई तथा हसन रसिदले पनि आफ्नो नाममा एक विकेट दर्ता गराए ।

ह्युस्टनको लागि पाँचौं नम्बरमा ब्याटिङ गर्न आएका निनाद निम्बालकरले ८१ बल खेल्दै १२ चौका र दुई छक्का सहित आक्रामक ९९ रन बनाए पनि आफ्नो टोलीलाई जित भने दिलाउन सकेनन् । त्यस बाहेक रामिज राजाले २९, गौरव बजाजले १५, उस्मान रफिकले १२ तथा नितिश कुमारले १० रनको पारी खेले ।

निम्बालकरलाई ९९ रनमा नै रोक्दै नेपाललाई जित दिलाउन उल्लेख्य भूमिका खेलेका सोमपाल कामीले आठ दशमलब तीन ओभरमा ३८ रन दिएर सर्वाधिक पाँच विकेट हात पारे । त्यस बाहेक किशोर महतो र सागर ढकालले समान २-२ तथा करण केसीले एक विकेट हात पारे ।   

Continue Reading

Headline

नव प्रवेशी गुजरातले चुम्यो आईपीएलको उपाधि 

Published

on

कप्तान हार्दिक पान्ड्या बल र ब्याट दुवैबाट चम्किए पछि पहिलो सिजनको विजेता राजस्थान रोयल्स माथि सात विकेटको सहज जित निकाल्दै नव प्रवेशी गुजरात टाइटान्सले १५ औँ संस्करणको इन्डियन प्रिमियर लिग (आईपीएल) को उपाधि चुमेको छ ।

अहमदाबादमा सम्पन्न फाइनलमा टस जितेर पहिले ब्याटिङ गरेको राजस्थानले नौ विकेटको नोक्सानीमा १३० रन मात्र जोड्न सक्यो भने गुजरातले तीन विकेट गुमाएर ११ बल अगावै जित दर्ता गर्यो ।    

पहिलो पटकमा नै गुजरातलाई उपाधि दिलाउने क्रममा खेलको प्लेयर अफ द म्याच घोषित पान्ड्याले चार ओभरमा १७ रन खर्चिएर सर्वाधिक तीन विकेट लिए भने ३० बलमा तीन चौका र एक छक्का सहित ३४ रनको योगदान दिए ।

गुजरातको जितमा ओपनर शुबमन गिलले ४३ बलमा अविजित ४५ तथा डेविड मिलरले आक्रामक पारी खेल्दै १९ बलमा तीन चौका र एक छक्का सहित अविजित ३२ रनको पारी खेले । ओपनर रिद्दिमन साह पाँच तथा तेश्रो नम्बरमा ब्याटिङ गर्न आएका म्याथ्यु वेड आठ रनमा आउट हुँदा खराब सुरुवात गरेको गुजरातको लागि पान्ड्यागिलले ५३ बलमा ६३ तथा मिलरगिलले २९ बलमा अविजित ४७ रन जोड्दै उपाधि दिलाए ।

यस अघि पान्ड्या बाहेक रविश्रीनिवासन साई किशोरले दुई तथा रशिद खान, यश दयाल र मोहम्मद शामीले समान १-१ विकेट निकाल्दा राजस्थान सस्तोमै समेटिन पुग्यो ।

राजस्थानको लागि जस बटलरले सर्वाधिक ३९, यशस्वी जैसवालले २२, रियान परागले १५, कप्तान सन्जु सामसनले १४ तथा शिम्रोन हेटमायरट्रेन्ट बोल्टले समान ११-११ रन जोडे भने अन्य ब्याटरले दोहोरो अंकमा रन जोड्न नसक्दा फाइनलमा ठुलो योगफल जोड्न सकेन ।  

Continue Reading

Headline

रियलको उपाधिसँगै उत्कृष्ट प्रदर्शन गरेका कोर्टुवाको चर्चा चुलियो

Published

on

२०१८ को च्याम्पियन्स लिगमा रियल म्याड्रिडले च्याम्पियन्स लिग जित्दा लिभरपुलको पोस्टमा एकपछि अर्को खराब प्रदर्शन गरेका लोरिस केरियस नकारात्मक चर्चामा थिए ।

स्पेनिस महारथीले एक पटक फेरि पेरिसमा प्रिमियर लिग क्लबलाई युरोपको सबैभन्दा ठूलो क्लब प्रतियोगिताको फाइनलमा पराजित गर्दा एक पटक फेरि गोलकिपरकै चर्चा चुलियो । तर यसपटक उत्कृष्ट खेल पस्केका रियलका बेल्जियन गोलकिपर थिबाउ कोर्टुवाको ।

कोर्टुवाले एक पछि अर्को गर्दै उत्कृष्ट बचाउहरु गरेपछि रियलले लिभरपुललाई १–० ले पराजित गर्दै किर्तिमानी १४ औं पटक च्याम्पियन्स लिगको उपाधि उचाल्यो ।

“जब कुनै खेलमा गोलकिपर म्यान अफ द म्याच हुन्छन् तब अर्को टोलीमा समस्य छ भनेर बुझ्दा हुन्छ,” लिभरपुल व्यवस्थापक योर्गन क्लोपले भने । स्टाड डि फ्रान्समा एक घन्टाको खेल पुरा हुनु अघि भिनिसियस जुनियरले निर्णायक गोल गरेपनि रियलको जित कोर्टुवाबिना सम्भव नै थिएन ।

खेल अवधिभर कुल नौं बचाउ गरेका कोर्टुवाको उत्कृष्ट बचाउहरुमा मोहम्मद सलाहको प्रहारलाई सशक्त ढँगले रोक्नु थियो भने शुरुवातमै सादियो मानेको सटलाई बचाउ गर्नु थियो । “सबैभन्दा निर्णायक मानेबिरुद्धको बचाउ थियो । मैले उनलाई रोक्न आफ्नो दुई मिटरको प्रयोग गर्दै केही सेकेण्डमै रिबाउन जोगाउनु पर्ने चुनौति पनि थियो,” कोर्टुवाले खेलपछि भने ।

केभिन डि ब्रुनसँगै बेल्जियन टोली गेन्कमा घरेलु उपाधि उचालेका ३० बर्षिय कोर्टुवाले आफ्नो करिअरमा ठूला उपलब्धिहरु हात पारिसकेका छन् । उनले एट्लेटिको म्याड्रिड, चेल्सी र रियलबाट स्पेन र इंगल्याण्डको घरेलु लिग जितेका छन् एट्लेटिकोबाट युरोपा लिग पनि जितिसकेका छन् ।

Continue Reading
Headline3 weeks ago

कप्तान रोहितको शतक र सोमपालको पाँच विकेटमा अमेरिकामा नेपालको पहिलो जित 

Headline4 weeks ago

नव प्रवेशी गुजरातले चुम्यो आईपीएलको उपाधि 

Headline4 weeks ago

रियलको उपाधिसँगै उत्कृष्ट प्रदर्शन गरेका कोर्टुवाको चर्चा चुलियो

Headline4 weeks ago

बेंगलोरलाई पाखा लगाउँदै राजस्थान दोश्रो पटक आईपीएलको फाइनल 

Headline4 weeks ago

पाटिदारले शतक प्रहार गर्दा लखनउ माथि शानदार जित निकाल्दै बेंगलोर क्वालिफायर्समा 

Headline4 weeks ago

बढ्यो नेपाली खेलाडीको तलब 

Headline4 weeks ago

मिलरले अन्तिम ओभरमा लगातार तीन छक्का प्रहार गर्दा गुजरात आईपीएलको फाइनलमा 

Headline1 month ago

अर्थहीन खेलमा हैदराबाद माथि पन्जाबको शानदार जित 

Headline1 month ago

अमेरिका जाने नेपाली टोलीलाई अमेरिकी राजदूतावास र क्यानको बिदाई 

Headline1 month ago

नाटकीय जित निकाल्दा सिटीलाई प्रिमियर लिगको उपाधि, लिभरपुलको क्वाड्रपल जित्ने सपना अधुरै 

Headline1 month ago

अमेरिका भ्रमणमा नेपालले दुई अभ्यास खेल खेल्ने 

Headline1 month ago

मुम्बईले जित निकाल्दा बेंगलोरको भाग्य चम्कियो, दिल्लीको प्लेअफको सपना चकनाचुर 

Headline1 month ago

शृंखला गुमाएको नेपालको अन्तिम खेलमा शानदार जित 

Headline1 month ago

टियुमा पहिलो जित हात पार्दा नेपाल क्लिन स्विप हुनबाट बच्यो  

Headline1 month ago

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

Headline1 month ago

रोहितलाई उपकप्तानको जिम्मेवारी 

Headline1 month ago

घरेलु मैदानमा खेलेको पहिलो शृंखला नै गुमायो नेपालले  

Headline1 month ago

ज्योति पाण्डेको उत्कृष्ट ब्याटिङमा नेपालको चुनौतिपूर्ण योगफल 

Headline1 month ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline1 month ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Headline3 weeks ago

कप्तान रोहितको शतक र सोमपालको पाँच विकेटमा अमेरिकामा नेपालको पहिलो जित 

Headline4 weeks ago

नव प्रवेशी गुजरातले चुम्यो आईपीएलको उपाधि 

Headline4 weeks ago

रियलको उपाधिसँगै उत्कृष्ट प्रदर्शन गरेका कोर्टुवाको चर्चा चुलियो

Headline4 weeks ago

बेंगलोरलाई पाखा लगाउँदै राजस्थान दोश्रो पटक आईपीएलको फाइनल 

Headline4 weeks ago

पाटिदारले शतक प्रहार गर्दा लखनउ माथि शानदार जित निकाल्दै बेंगलोर क्वालिफायर्समा 

Headline4 weeks ago

बढ्यो नेपाली खेलाडीको तलब 

Headline4 weeks ago

मिलरले अन्तिम ओभरमा लगातार तीन छक्का प्रहार गर्दा गुजरात आईपीएलको फाइनलमा 

Headline1 month ago

अर्थहीन खेलमा हैदराबाद माथि पन्जाबको शानदार जित 

Headline1 month ago

अमेरिका जाने नेपाली टोलीलाई अमेरिकी राजदूतावास र क्यानको बिदाई 

Headline1 month ago

नाटकीय जित निकाल्दा सिटीलाई प्रिमियर लिगको उपाधि, लिभरपुलको क्वाड्रपल जित्ने सपना अधुरै 

Headline1 month ago

अमेरिका भ्रमणमा नेपालले दुई अभ्यास खेल खेल्ने 

Headline1 month ago

मुम्बईले जित निकाल्दा बेंगलोरको भाग्य चम्कियो, दिल्लीको प्लेअफको सपना चकनाचुर 

Headline1 month ago

शृंखला गुमाएको नेपालको अन्तिम खेलमा शानदार जित 

Headline1 month ago

टियुमा पहिलो जित हात पार्दा नेपाल क्लिन स्विप हुनबाट बच्यो  

Headline1 month ago

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

Headline1 month ago

रोहितलाई उपकप्तानको जिम्मेवारी 

Headline1 month ago

घरेलु मैदानमा खेलेको पहिलो शृंखला नै गुमायो नेपालले  

Headline1 month ago

ज्योति पाण्डेको उत्कृष्ट ब्याटिङमा नेपालको चुनौतिपूर्ण योगफल 

Headline1 month ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline1 month ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Trending

error: Content is protected !!