Connect with us

Headline

पिएसजीलाई ६ बर्षमा चौथो पटक घरेलु ‘ट्रेबल’

wesportz

Published

on

फ्रेञ्ज लिग कप फाइनलमा लायोनलाई सडेन डेथ पेनाल्टीमा हराउदै पेरिस सेन्ट जर्माइनले फ्रान्सको घरेलु फटबलमा पछिल्लो ६ बर्षमा चौथो पटक एकै सिजन तीन उपाधि जित्न सफल भएको छ ।

गत सेप्टेम्बरमा प्रतियोगिता नै अब बन्द गर्ने निर्णय गरेपछि यो सिजन अन्तिम बनेको लिग कप फाइनल गोलरहित बराबरीमा टुँगिएपछि पिएसजीले सडेन डेथ पेनाल्टीमा लायोनलाई हराएको हो । पहिलो १० वटै पेनाल्टी गोलमा परिणत भएपछि पिएसजीका गोलकिपरले सडेन डेथमा बट्र्राण्ड ट्राओरेको प्रहार रोकेका थिए भने पाब्लो साराबियाले निर्णायक गोल गरेका थिए ।

स्टाड डे फ्रान्समा भएको फाइनल करिब ५ हजार दर्शकले हेरेका थिए । कोरोना भाइरसको संक्रमण कम हुदै लकडाउन खुले यता रँगशालामा दर्शक प्रवेश दिने फ्रान्स युरोपका पाँच प्रमुख फुटबल राष्ट्रमध्ये पहिलो हो ।

अप्रिलमा लिग वान सिजन कोरोनाकै कारण रद्द गरिएयता फ्रान्समा भएको यो दोश्रो प्रतिस्पर्धात्मक फुटबल म्याच हो । लिग वानको उपाधि बिजेता घोषित भएको पिएसजीले फ्रेञ्च कप फाइनलमा नेमारको एक मात्र गोलको मद्दतमा सेन्ट एटिनेलाई १–० ले हराएको थियो ।

फ्रेन्च कप जितेको खण्डमा लायोन युरोपा लिगमा प्रवेश गर्ने थियो तर अब सन् १९९६–९६ यता उ पहिलो पटक युरोपियन प्रतियोगिता खेल्नबाट बन्चित हुनेछ । लायोनले यो सिजनको च्याम्पियन्स लिग जिते मात्र अर्को सिजन युरोपियन प्रतियोगितामा सहभागिता जनाउनेछ । र त्यो असम्भव देखिन्छ ।

च्याम्पियन्स लिगमा युभेन्टसबिरुद्ध पहिलो लेगमा १–० को जित हात पारेको लायोन शुक्रबार दोश्रो लेगका लागि टुरिन गइरहेको छ । फ्रान्सको पछिल्लो ३६ घरेलु उपाधि मध्ये २५ मा जित हात पारेको पिएसजीले भने च्याम्पियन्स लिगमा अगष्ट १२, बुधबार क्वार्टर–फाइनलमा एट्लान्टाको सामना गर्न गइरहेको छ ।

पिएसजीका लागि उसका स्टार स्ट्राइकर किलियन एमबाप्पे नहुने भएका छन् । फ्रेञ्च कप फाइनलमा एमबाप्पेको गोली गाँठोमा चोट लाग्दा उनले च्याम्पियन्स लिगको महत्वपूर्ण खेल गुमाउन लागेका हुन् । च्याम्पियन्स लिगको फाइनल, अगष्ट २३, कै दिन फ्रान्सको लिग वानको नयाँ सिजन शुरु हुनेछ ।

Headline

पाँच सब्स्टिच्युटको बिरुद्धमा प्रिमियर लिग क्लबहरु

wesportz

Published

on

२०२०–२१ सिजनमा इङ्गलिस प्रिमियर लिग क्लबहरूले पाँच सब्स्टिच्युटको नियम बिरूद्धमा मतदान गरेका छन् ।

कोरोना भाईरसका कारण रोकिएको प्रिमियर लिग जुनमा पुन सुचारु गर्दा यो नियम लागु गरिएको थियो । क्लबको बहुमतले यसको बिरोधमा भोट गरेपछि अर्को सिजन देखि प्रिमियर लिगमा फेरी तीन सब्स्टिच्युट हुने पक्का देखिन्छ ।

प्रिमियर लिगले सब्स्टिच्युटको साथ–साथै पूर्ण फिफा प्रोटोकल भिएआर प्रयोग गर्ने विषय कार्यान्वयनलाई अनुमोदन गरेका छन् । भिएआर परिवर्तनमा गोल, रातो कार्ड र पेनाल्टी किकहरूको लागि पिच साइड मोनिटरहरूको रेफ्रीले प्रयोग गर्नु पर्ने छ ।

साथै पेनाल्टी किक प्राहर गर्दा गोलकिपरको एक खुट्टा लाइनमा हुनु पर्ने छ । यदी लाइनमा छैन भने त्यो पेनाल्टी फेरी प्रहार गर्नु पर्ने हुन्छ तर गरेको पेनाल्टी प्रहर पोस्टमा लाग्छ वा बहिर जान्छ भने त्यो पुन प्रहार गर्न नपाउने नियम बनेको छ ।

फिफाले लिगमा चाहेको खण्डमा नियमको निरन्तर प्रयोगको लागि अनुमति दिए पनि अन्य क्लबहरुले ठुलो टोलीलाई मात्र यसको फाईदा मिलेको बुझाई छ ।

फिफाले भने पाँच सब्स्टिच्युटको नियमा २०२१ अगस्ट सम्म लागु गर्ने व्यवस्था रहेको छ । च्याम्पियन्स लिग, युरो कप र कोपा अमेरिकाले पनि यो नियम प्रयोग गर्न सक्नेछन् । प्रिमियर लिगका क्लबहरुले बेञ्चमा अधिकतम सात बैकल्पिक खेलाडीको पक्षमा पनि मतदान गरेको छ ।

Continue Reading

Headline

अभियोग लागेको केहि दिनमै भेनेजुएला फुटबल संघको अध्यक्षको मृत्यु

wesportz

Published

on

भेनेजुएला फुटबल संघका अध्यक्ष जिजस बर्नार्डलीको अचेत अवस्थामै अस्पताल लगिएको दुई हप्ता पछि मृत्यु भएको छ ।

उनको अस्पतालमा उपचारको क्रममा मृत्यु भएको संघले जनाएको छ । उनी दुई हप्ता अघि अचानक ढलेको र अस्पताल पुगे पछि अन्य रोगहरु पनि देखिए पछि मृत्यु भएको हो ।

बर्नार्डली ६१ वर्षका थिए । बेर्नार्डलीलाई समाजिक कोषको दुरुपयोग गरेको अभियोग लागेको १६ दिन पछि मृत्यु भएको हो ।

उनलाइ स्वासप्रस्वासको सम्स्या भए पछि अस्पतालको भेन्टिलेटरमा राखिएको केही दिनमै मृत्यु भएको हो । उनको मृत्यु भए पनि भेनेजुएला फुटबल संघले अनुसन्धान भने नरोक्ने बताएको छ ।

Continue Reading

Headline

बेलले भने ‘मलाई अब रियलबाट खेल्न मन छैन’

wesportz

Published

on

रियल म्याड्रिडका प्रशिक्षक जिनेदिन जिदानले ग्यारेथ बेललाई युएफा च्याम्पियन्स लिग अन्तर्गत म्यानचेस्टर सिटी विरुद्धको दोस्रो लेगका लागि नराख्नुको कारण बेल आफै भएको बताएका छन् ।

बेलले आफै रियलबाट आफूलाई खेल्ने इच्छा नभएको बताएको जिदानले खुलाएका छन् । “उनले मलाई खेल्न मन छैन भने त्यही कारण टोलीमा राखिन” जिदानले भने ।

३१ बर्षिय बेलले यो सिजन रियलका लागि १४ खेल मात्र खेलेका छन्। “उनीसँग मेरो व्यक्तिगत कुरा भएको थियो उनले आफैल म खेल्दिन भने पछि नराखेको हुँ,” जिदान भन्छन्।

रियल म्याड्रिड म्यानचेस्टर सिटीसँगको पहिलो लेगको खेलमा २-१ ले पराजित भएको थियो । रियललाई दोस्रो लेग जित्नै पर्न दवाव छ।

बेलको रियलमा भविष्य अन्यौलमा परेको छ। बेलको रियलसँग २०२२ सम्म सम्झौता रहेको छ। बेलको सम्झौता  पछि चिनिया वा एमएलएस क्लब जाने हल्ला सुनिदै आएको छ।

Continue Reading
Advertisement
Headline1 hour ago

पाँच सब्स्टिच्युटको बिरुद्धमा प्रिमियर लिग क्लबहरु

Headline3 hours ago

अभियोग लागेको केहि दिनमै भेनेजुएला फुटबल संघको अध्यक्षको मृत्यु

Headline6 hours ago

बेलले भने ‘मलाई अब रियलबाट खेल्न मन छैन’

Headline8 hours ago

च्याम्पियन्स लिग सुचारु हुँदा थाहा पाउनु पर्ने कुराहरु

Headline10 hours ago

४८ बर्षपछि उल्भ्स युरोपको क्वार्टर–फाइनलमा

Headline17 hours ago

मसूदको शतक र बलरहरू हाबी हुँदा दोश्रो दिन पाकिस्तानको कब्जामा

Headline23 hours ago

कप्तानी नपाएको झोकमा भ्यालेन्सियाबाट सिटीमा 

अन्तर्राष्ट्रिय1 day ago

कोहली भएको भए सबैले उनको चर्चा गर्दथे तर उनी कोहली होइनन् बाबर हुन्

Headline1 day ago

जिदानले सिटिबिरुद्धको खेलमा पनि बेललाई टिममा राखेनन्

Headline2 days ago

वर्षाले प्रभावित खेलमा अजामको अर्धशतकमा इङ्ग्ल्यान्ड बिरुद्ध सम्हालिदै पाकिस्तान  

Headline3 months ago

ब्राजिलले पाएको अहिलेसम्मकै उत्कृष्ट १० फुटबलर

Headline1 month ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline2 weeks ago

आर्सनलको दुर्गतिः न च्याम्पियन्स लिग, न युरोपा लिग

Headline2 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Headline9 months ago

लाम्पार्डको आगमनसँगै बदलिएको चेल्सी

Headline2 months ago

कहा छन् भारतलाई अण्डर १९ बिश्वकप जिताउने कप्तान उन्मुक्त चन्द ?

अन्तर्राष्ट्रिय1 week ago

दयनीय तथ्यांक भएका महान फुटबलरहरु

Headline6 months ago

कस्तो बन्छ ए डिभिजन लिगको ‘ड्रिम टिम’ ?

Headline2 weeks ago

सेफिल्ड युनाइटेडः लिग वान देखि प्रिमियर लिग सम्म

Headline2 months ago

स्टिभ स्मिथको जन्मदिनः तपाईंले नचिनेका स्मिथ

Trending