Connect with us

Headline

थापा र उनका छोराद्वारा पत्रकार तिमल्सिनामाथि अभद्र व्यवहार

wesportz

Published

on

फिफाको १० बर्ष प्रतिबन्धमा परेका अखिल नेपाल फुटबल संघका पुर्व अध्यक्ष गणेश थापा र उनका छोरा अभिषेक थापाद्वारा नेपाल खेलकुद पत्रकार मञ्चका पुर्व महासचिव तथा हाम्रोखेलकुद डटकमका सम्पादक प्रकाश तिमल्सिनामाथि अभद्र व्यवहार भएको छ ।

मञ्चले एक प्रेस बिज्ञप्ति जारी गर्दै यसको भत्र्सना गरेको छ । एक सामान्य जानकारी लिने क्रममा भएको फोन वार्तामै थापाले आक्रमक रुपमा प्रस्तुत हुदै गाली गलौज गर्दै अभद्र व्यहार गरेको र त्यसपछि उनका छोरा अभिषेक आफै वेबसाइटको कार्यालयमै गएर वादबिवादमा उत्रिएको स्वयं तिमल्सिनाले बताए ।

“तिमल्सिनाले बिहिवार साँझ समाचारका लागि पुर्व अध्यक्ष थापासँग फोन वार्ता गर्ने क्रममा थापाद्वारा नीजमाथि गाली गलौज सहित अभद्र व्यहार गरिएको घटनाप्रति नेपाल खेलकुद पत्रकार मञ्च घोर भत्र्सना भत्सर्ना गर्दछ,” मञ्चले प्रेस बिज्ञप्ति भनेको छ ।

“थापाको छोरा अभिषेकबाट पत्रकार तिमल्सिनासँग उहाँको थापाथलीस्थित कार्यालय परिसरमै गएर बादबिवाद गर्ने काम समेत भएको छ । नितान्त समाचर संकलनका लागि गरिएको फोन वार्तालाई लिएर पत्रकार तिमल्सिनामाथि गरिएको अभद्र व्यहारको जति निन्दा गरेपनि पुग्दैन,” मञ्चले लेखेको छ ।

साथै मञ्चले यस घटनाप्रति नेपाल पत्रकार महासंघ, अन्तर्राष्ट्रिय खेलकुद पत्रकार महासंघ (एआईपिएस) र एआईपिएसको ध्यानाकर्षण समेत गराएको छ ।

थापाले भने आफ्नो फेसबुक पेजमा तिमल्सिनाले नै प्रोभोक गरेको आरोप लगाएका छन् । “प्रकाश तिमल्सिना भाइले मलाई प्रतिक्रिया लिनको निमित्त फोन गर्नुभएको थियो । कुनै प्रतिक्रिया दिन्न भनेर दुईपटक सम्म भनेको थिए किनभने उहाहरु एक तर्फीरुपमा समाचारहरु दिदै आउनुभएको छ भन्ने लागेको कारणले मैले कुनै किसिमको प्रतिक्रिया दिन उपयुक्त ठानिन । यति भनिसके पछाडि उहाँले फोन राख्नु पर्दथ्यो तर उहा मलाई उचयखयपभ गर्नतिर लाग्नु भयो । त्यसपछि वाद विवाद बढ्दै गएको हो,” थापाले लेखेका छन् ।

अनियमितता र घुषखोरीको आरोपमा फिफाले लगाएको प्रतिबन्धको छैटौं बर्षमा रहेका थापाले यो बिषयमा फेसबुकमार्फत वर्तमान एन्फाको कार्यसमितिलाई पनि बिवादमा तानेका छन् । “एन्फामा भएको ठूलाठूला भ्रष्टाचारको समाचार नदिने खाली मलाइ मात्र भ्रम सृजना गर्ने खालको समाचार दिने भनेर भनेपछि बिस्तारै विबाद बढ्दै गएको हो,” थापाले लेखेका छन् ।

अनलाइनमार्फत खेलकुदकै बिकासका लागि बिशद्ध खेल पत्रकारिता गरिरहेको हाम्रोखेलकुदमाथिको यो अत्यन्तै निन्दनीय कार्यको विस्पोर्ट्ज डटकमले पनि घोर भत्सर्ना  गरेको छ ।

थापामाथि नेपालमा पनि सार्वजनिक लेखा समितिले चलाएको ५८ करोडको भ्रष्टाचार मुद्दालाई अख्तियार दुरुपयोग अनुसन्धान आयोगले सबुतको अभावको आधारमा तामेलीमा राखेको छ ।

Euro 2020

समुह ‘एफ’: फ्रान्स,जर्मनी र पोर्चुगल अन्तिम १६ मा

wesportz

Published

on

जर्मनीले हङ्गेरीको जितलाई रोक्दै २-२ को बराबरी खेले पछि पोर्चुगल युरो २०२० को अन्तिम १६ मा प्रवेश गरेको छ । पोर्चुगलले आफ्नो अन्तिम खेलमा फ्रान्सलाई पनि २-२ को बराबरीमा रोकेको थियो ।

जर्मनीका लागि काई ह्वाभर्ट्ज र लियोन गोरेट्ज्काले गोल गरेका थिए । हङ्गेरीका लागि एडम सज्लाई र अन्द्रास ससेफरले गोल गरेका थिए ।

खेलको ११ औँ मिनेटमै सज्लाईले हङ्गेरीलाई अग्रता दिलाएका थिए । पहिलो हाफ अग्रता लिएको हङ्गेरीले दोस्रो हाफको ६६ औँ मिनेटमा बराबरी गोल फर्काएका थिए । जर्मनीका लागि काइ ह्वाभर्ट्जले गोल गरेका थिए । तर, त्यस्को एक मिनेट पनि नबित्दै हङ्गेरीले खेलमा पुन : अग्रता लिएको थियो । ससेफरले गोल गर्दै हङ्गेरीलाई २-१ को अग्रता दिलाएका थिए ।

तर, ८४ औँ मिनेटमा जर्मनीका लागि लिओन गोरेट्ज्काले बराबरी गोल फर्काउँदै जर्मनीको अन्तिम १६ को आशा जिवितै राखेका थिए । अर्को खेलमा पोर्चुगलले फ्रान्सलाई २-२ को बराबरीमा रोक्यो । पोर्चुगलका लागि क्रिष्चियानो रोनाल्डोले दुई र फ्रान्सका लागि कारीम बेन्जेमाले दुई गोल गरेका थिए । पोर्चुगलका लागि दुवै गोल पेनाल्टीमा रोनाल्डोले गरे । फ्रान्सका लागि बेन्जेमाले एक गोल पेनाल्टी मार्फत गर्दा अर्को गोल ‘ओपन प्ले’ मा गरेका थिए ।

अपराजित फ्रान्सले ३ खेलमा ५ अंक जोड्यो । जर्मनीले आफ्नो खेलमा हंगेरीसँग २-२ को बराबरी खेलेपछि ४ अंक जोड्दै दोस्रो स्थानमा रहेको थियो । समान अंक भएपनि हेड टु हेडमा पोर्चुगल तेस्रो हुँदै अन्तिम १६ मा स्थान बनाएको छ ।

Continue Reading

Euro 2020

यस्तो छ युरो २०२० अन्तिम १६ को खेल तालिका र खेलहरु

wesportz

Published

on

युरो २०२० को सबै समुह चरणको खेलहरु सकिएको छ । समुह ‘ए’ बाट इटाली समुह बिजेता , वेल्स उपाबिजेता र स्विट्जरल्याण्ड उत्कृष्ट तेस्रो स्थानका साथ अन्तिम १६ मा प्रवेश गरेका थिए । समुह ‘बी’ बाट बेल्जियम समुह बिजेता र डेनमार्क समुह उपबिजेता बन्दै अन्तिम १६ मा प्रवेश गरेका थिए ।

समुह ‘सी’ बाट नेदर्ल्याण्ड्स, अष्ट्रिया र उत्कृष्ट तेस्रो स्थानको टोली बन्दै युक्रेन अन्तिम १६ मा पुगेको थियो । यस्तै समुह ‘डी’ बाट पनि तीन टोली अन्तिम १६ मा पुगेका छन् । समुह बिजेता बन्दै इङ्ल्याण्ड, उपबिजेता बन्दै क्रोएसिया र उत्कृष्ट तेस्रो स्थानको चेक रिपब्लिक अन्तिम १६ मा पुगेका हुन् । समुह ‘ई’ बाट भने स्विडेन र स्पेनले अन्तिम १६ मा स्थान बनाए । ग्रुप अफ देथ मानिएको समुह ‘एफ’ बाट फ्रान्स समुह बिजेता, जर्मनी उपबिजेता र पोर्चुगल तेस्रो स्थानमा रहदै अन्तिम १६ मा स्थान बनायो ।

समुह चरणको अन्तिम खेलसँगै अन्तिम १६ को खेल तालिका र खेलहरु यस्तो रहेको छ :

जुन २६, शनिबार- नेपाली समय ९:४५ बजे

वेल्स भर्सेस डेनमार्क

जुन २७, आईतबार- नेपाली समय १२:४५ बजे

इटाली भर्सेस अष्ट्रिया

जुन २७, आईतबार – नेपाली समय ९:४५

नेदरल्याण्ड्स भर्सेस चेक रिपब्लिक

जुन २८, सोमबार- नेपाली समय १२:४५

बेल्जियम भर्सेस पोर्चुगल

जुन २९, सोमबार- नेपाली समय ९:४५

क्रोएसिया भर्सेस स्पेन

जुन २९, मंगलबार- नेपाली समय १२:४५

फ्रान्स भर्सेस स्विट्जरल्याण्ड

जुन ३०, मंगलबार- नेपाली समय ९:४५

इङ्ल्याण्ड भर्सेस जर्मनी

जुन ३०, वुधबार- नेपाली समय १२:४५

स्विडेन भर्सेस युक्रेन

 

 

Continue Reading

Euro 2020

रोनाल्डोले गरे अन्तर्राष्‍ट्रिय फुटबलमा सार्वधिक गोल गर्ने किर्तिमानको बराबरी

wesportz

Published

on

फ्रान्स विरुद्ध जारी युरो २०२० को खेलमा दुई पेनाल्टी प्रहार गर्दै पोर्चुगलका कप्तान क्रिष्टियानो रोनाल्डोले अन्तर्राष्‍ट्रिय फुटबलमा सर्वाधिक गोल गर्ने किर्तिमानको बराबरी गरेका छन् ।

उनले ईरानका अली दाईको १ सय ९ गोल को किर्तिमानलाई बराबरी गरेका हुन् । उनले फ्रान्स विरुद्ध पेनाल्टीमा गोल गर्दै किर्तिमानी बराबरी गरेका हुन् ।

रोनाल्डोले पहिलो गोल ३० औँ मिनेटमा गरेका थिए । डनिलोलाई फ्रान्सका गोलरक्षक ह्युगो लोरिसले पन्च गरे पछि पाएको पेनाल्टी अवसरमा रोनाल्डोले पहिलो गोल गरेका थिए । यस्तै ६० औँ मिनेटमा रोनल्डोकै क्रसमा फ्रेन्च डिफेन्डर कोनाटेको हातमा बल लागे पछि पाएको पेनाल्टीमा रोनाल्डोले दोस्रो गोल गरेका थिए ।

रोनाल्डोले युरो २०२० मा पाँच गोल पनि गरिसकेका छन् । उनी हाल युरो कपमा सर्वाधिक गोल गर्ने खेलाडी पनि हुन् ।

उनले २००३ मा पोर्चुगलको राष्ट्रिय टोलीका लागि डेब्यु गरेका थिए ।

 

रोनाल्डोले गोल गरेका सबै राष्ट्रिय टोलीहरु:

Continue Reading
Euro 20205 hours ago

समुह ‘एफ’: फ्रान्स,जर्मनी र पोर्चुगल अन्तिम १६ मा

Euro 20205 hours ago

यस्तो छ युरो २०२० अन्तिम १६ को खेल तालिका र खेलहरु

अन्तर्राष्ट्रिय5 hours ago

बटलरको अविजित अर्धशतकमा इंग्ल्यान्डको सहज जित 

Euro 20206 hours ago

रोनाल्डोले गरे अन्तर्राष्‍ट्रिय फुटबलमा सार्वधिक गोल गर्ने किर्तिमानको बराबरी

Euro 20208 hours ago

युरोमा उत्कृष्ट पुनरागमन गर्दै स्पेन अन्तिम १६ मा

अन्तर्राष्ट्रिय9 hours ago

भारतलाई सजिलै हराएर न्युजिल्यान्डले जित्यो वर्ल्ड टेस्ट च्याम्पियनसिप

Headline11 hours ago

नेपाल ओलम्पिक कमिटी र दराज बिच सम्झौता

अन्तर्राष्ट्रिय13 hours ago

वर्ल्ड टेस्ट च्याम्पियनसिप फाइनल – निरिह भारतीय ब्याटिङ, उपाधि जित्न न्युजिल्यान्डलाई १३९ रनको लक्ष्य

Euro 202014 hours ago

युरो कप: स्पेन नक आउटमा छनौट हुनको लागि के हुनुपर्छ ?

Headline16 hours ago

डि ब्रुनलाई चेल्सीबाट बेच्न नखोजेको सात वर्ष पछि माउरिन्होको खुलासा

Trending

error: Content is protected !!