अखिल नेपाल फुटबल संघ (एन्फा) ले दशरथ रँगशालामा तीन राष्ट्र सम्मिलित थ्रि नेसन कप गराउने भएको छ ।

मार्च २२ देखि ३० सम्म हुने प्रतियोगितामा नेपालसँगै बङ्गलादेश र किर्गिस्तानको सहभागित रहनेछ । मार्चमा फुटबलको अन्तर्राष्ट्रिय बिश्राम पनि हुनेछ । एक चरणको राउण्ड रोबिन लिग पछि शिर्ष दुई स्थानमा रहने टिमले फाइनल खेल्ने छन् ।

नेपालले मार्चको अन्तराष्ट्रिय बिश्राममा विश्वकप छनोट अन्तर्गत अष्ट्रेलियासँग खेल्ने तलिका रहे पनि त्यो खेल कोरोना भाईरसका कारण स्थगित हुन पुगेको थियो । प्रतियोगिताका लागि किर्गिस्तानले भने अण्डर–२३ टोली पठाउनेछ ।

विश्वकप छनोट खेल्न अफ्गानिस्तान नआउने भए पछि बङ्गलादेशले यसअघि नै थ्रि नेसन कप खेल्न पक्का गरिसकेको एन्फाले जानकारी दियो । “हामी नेपालसँग खेल्न निकै उत्साहित छौं । आउने दिनहरुको प्रतिस्पर्धात्मक खेलहरु खेल्न यो प्रतियोगिताले हामीलाई निकै मद्दत गर्नेछ,” बङ्गलादेशका प्रशिक्षक जेमी डेले विस्पोर्ट्जलाई भने ।

“अष्ट्रेलियासँगको खेल नहुने भए पछि हामीले यो प्रतियोगिता गर्ने निर्णय गरेका हौँ । लामो समय पछि खेलाडी मैदानमा फर्कने र दर्शकहरुले पनि लामो समय पछि नेपालको खेल हेर्न पाउने भनेर यो प्रतियोगिता गर्न लागेका हौँ,” एन्फा अध्यक्ष कर्मा छिरिङ्ग शेर्पाले भने ।

शहिद स्मारक बि डिभिजन लिग अन्तर्गत शुक्रबार भएको दोस्रो खेलमा मध्यपुर युथ एसोसिएसनले पुलचोक स्पोर्टइङ क्लब माथि ३-२ को पुनरागमन जित निकालेको छ । रेलिगेसन जोनमा रहेका यि दुवै क्लबलाई आज जितको दवाब रहेको छ ।

मध्यपुरका लागि धीरज श्रेष्ठले एक गोल गर्दा एक गोल भने उपहार पायो । पुलचोकका लागि भने श्य्ररब लो तमाङ र किस्मत लिम्बुले एक्-एक गोल गरेका थिए ।

खेलमा पहिलो गोल १७ औँ मिनेटमा भएको थियो । फ्रिकिकबाट आएको क्रसलाई मध्यपुरको डिफेन्सले रोके पनि रिबाउण्डमा किस्मत लिम्बुले गोल गर्दै पुलचोकलाई अग्रता दिलाएका थिए । तर पहिलो हाफको ३३ औँ मिनेटमा भने मध्यपुरले बराबरी गोल गर्‍यो । कर्नरबाट आएको पासलाई धीरज श्रेष्ठले डाइभिङ हेडर गर्दै गोल गरेका थिए ।

पुलचोकले पहिलो हाफको इन्जुरी समयमा भने अग्रता लियो । किस्मत लिम्बुको क्रसमा श्य्ररब लो तमाङले गोल गर्दै पुलचोकलाई २-१ को अग्रता दिलाए ।

पहिलो हाफमा २-१ को अग्रता बनाए पनि पुलचोकले दोस्रो हाफमा भने दुई गोल खान पुग्यो । मध्यपुरले दोस्रो गोल भने अत्मघतिक गोलको रुपमा उपहार पाएको थियो । सन्नी लामालाई रोक्ने क्रममा यम बहादुर थापाको खुट्टामा ठोकिदै ६३ औँ मिनेटमा बराबरी गोल हुन पुगेको थियो ।

तर त्यस्को चार मिनेट पनि नबित्दै मध्यपुरले बिजयी गोल गरेको थियो । सन्नी लामाको उत्कृष्ट ब्याकहिल पासमा कप्तान धीरज श्रेष्ठले हेडिङ गर्दै गोल गरेका थिए ।

जितसँगै मध्यपुर रेलिगेसन जोनबाट केही माथि उठेको छ । पुलचोकलाई पराजित गरेको मध्यपुर ९ अंकका साथ नवौँ स्थानमा रहदा पुलचोक २ अंकका साथ पुछारमा रहेको छ ।

विकेट किपर ब्याट्सम्यान रिशब पन्तको शतक तथा अलराउण्डर वाशिंगटन सुन्दरको अर्धशतकको मद्धतमा घरेलु टोली भारतले इंग्ल्यान्ड विरुद्धको चौथों तथा अन्तिम टेस्टमा पनि आफ्नो पकड बनाउन सफल भएको छ ।

इंग्ल्यान्डलाई पहिलो पारीमा २०५ रनमा रोकेको भारतले दोश्रो दिनको खेलको समाप्तीमा ९४ ओभर खेल्दै सात विकेटको नोक्सानीमा २९४ रन बनाएको छ भने ८९ रनको अग्रता पनि लिन सफल भएको छ ।

भारतको लागि पन्तले सर्वाधिक १०१ रन बनाए । ११८ बलको सामना गरेका उनले १३ चौका र दुई छक्का प्रहार गरे । २३ बर्षिय पन्तको २० औं टेस्टमा यो तेश्रो शतक हो ।

कप्तान बिराट कोहली शुन्य तथा अजिंक्य रहाने २७ रनमा आउट हुँदा दबाबमा परेको भारतको लागि पन्तले १४४ बलमा ४९ रन बनाएका रोहित शर्मासँग ४१ तथा सुन्दरसँग ११३ रनको साझेदारी गर्दै पारी सम्हालेका हुन् । दिनको खेलको समाप्तीमा सुन्दर ११७ बलमा ६० तथा अक्सर पटेल ११ रनमा अविजित छन् ।

इंग्ल्यान्डका जेम्स एन्डरसनले सर्वाधिक तीन विकेट हात पारे भने बेन स्टोक्स र ज्याक लिचले पनि समान २-२ विकेट आफ्नो नाममा दर्ता गराए ।

वर्ल्ड टेस्ट च्याम्पियनसिपको फाइनलमा पुग्नका लागि भारतलाई यो टेस्ट कम्तिमा ड्र अथवा जित हात पार्नै पर्ने हुन्छ । न्युजिल्याण्डले यस अघि नै फाइनलको स्थान सुरक्षित गरेका कारण एक टोलीको मात्र सम्भावना रहने छ ।

चार खेलको शृंखलामा भारत २-१ ले अघि रहेको छ । पहिलो टेस्टमा २२७ रनको फराकिलो जित दर्ता गर्दै उत्कृस्ट सुरुवात गरेको इंग्ल्यान्डले दोश्रो टेस्टमा ३१७ रनको लज्जास्पद हारको सामना गर्न पुग्यो । त्यस्तै तेश्रो टेस्टमा १० विकेटको हारको सामना गर्दा खेल दुई दिनमा सकिएको थियो ।