Connect with us

Headline

रियललाई उपाधि सुम्पेपछि मेस्सीले भनेः क्लबमा परिवर्तन आवश्यक छ

wesportz

Published

on

रियल म्याड्रिडलाई ला लिगाको उपाधि सुम्पिएपछि बार्सिलोना स्टार लियोनल मेस्सीले क्लबमा परिवर्तन आउन आवश्यक रहेको बताएका छन् ।

भिलारियललाई २–१ ले हराउदै रियलले बिहिवार ला लिगाको ३४ औं उपाधि जित्दा बार्सिलोना भने ओसासुनासँग स्तब्ध भएको थियो । यस क्रममा बार्सिलोनाको घरेलु मैदानमा ३० म्याचमा अपराजित यात्रामा पूर्णविराम पनि लागेको थियो ।

बार्सिलोनाको लागि हार पनि किन बिझाउने थियो भने ७७ औं मिनेटमा १० खेलाडीमा सिमित भएको ओसासुनाले अतिरिक्त समयमा गोल गरेको थियो । एका तर्फ क्लबको भित्री समस्य त छ नै त्यसमाथि पारम्परिक प्रतिद्वन्दी रियललाई उपाधि हस्तान्तरण गर्दा बार्सामा अब केही समय निकै तनावको स्थिति सृजना हुने लगभग पक्का छ।

केही दिनअघि मेस्सी आफैले पनि सम्झौता नविकरणको वार्तामा बस्न अस्विकार गरेका थिए भने उनि क्लबसँग लामो समयदेखि नै रुष्ट रहदै आएको समाचार सार्वजनिक भएको थियो । मेस्सीले २०२१ मै बार्सिलोना छोड्ने मनसाय मनाइसकेको समाचार बाहिर आउद क्लब अध्यक्षले भने उनले बार्सामै करिअर अन्त्य गर्ने पनि बताएका थिए ।

“हामीले ला लिगाको अन्त्य यसरी हुने सोचेकै थिएनौं । यसले हाम्रो सिजन कस्तो रह्यो भन्ने निष्कर्ष निकालेको छ,” २३ गोलसहित ला लिगाका सर्वाधिक स्कोरर रहेका मेस्सीले भने । “कसैले पुरै बल लगाएर उत्साहपूर्ण रुपमा खेल्दा हामी जो कोहीसँग पनि हार्ने कमजोर टिम हुन पुगेको छौं । हामीले धेरै अंक गुमाउन पुग्यौं र प्रदर्शन पनि एकै किसिमको दिन सकेका छैनौं । खेलाडीहरुबाटै शुरु गर्दै हामीले आत्मालोचना गर्न आवश्यक छ । तर यही कुरा पुरै क्लबमा पनि लागु हुन्छ । हामी बार्सिलोना हौं र हामीलाई सबै खेल जित्नुपर्ने दवाब हुन्छ ।”

क्लबको सञ्चालक समुहसँग सम्बन्ध चिसिएको मेस्सीको लागि अब जित्ने भने च्याम्पियन्स ट्रफि मात्र रहेको छ । इटालीमा १–१ को बराबरी खेलेको बार्सिलोनाले च्याम्पियन्स लिग प्रि क्वार्टरफाइनलको दोश्रो लेग अगष्ट ८ मा क्याम्प नाउमा खेल्न गइरहेको छ ।

Euro 2020

युरो कपमा आज तीन खेल, स्पेनले स्वीडेनको सामना गर्दै

wesportz

Published

on

युरो कपमा सोमबार तीन खेलहरु हुँदै छन् । दिनको पहिलो खेलमा स्कटल्याण्डले चेक रिपब्लिकको सामना गर्दै छ । दोस्रो खेलमा पोल्याण्डले स्लोभाकियासँगा खेल्दा अन्तिम खेलमा तीन पटकको बिजेता स्पेनले स्विडेनसँग खेल्दै युरोको शुरुवात गर्दै छ ।

स्कटल्याण्ड भर्सेस चेक रिपब्लिक

युरोको प्लेअफको सेमिफाइनलमा इज्ररायल र फाइनलमा सर्बियालाई पेनाल्टीमा नाटकीय रुपमा पराजित गर्दै आफ्नो स्थान पक्का गरेको स्कटल्याण्डले आफ्नो पहिलो खेल खेल्दै छ । १९९६ मा पहिलो पटक युरो खेलेको स्कटल्याण्डका लागि यो खेल धेरै नै महत्वपूर्ण रहेको छ ।

दुवै टोलीको पछिल्ला ६ खेलको नतिजा हेर्दा चेक रिपब्लिकले धेरै खेल जितेको छ । तीन खेल जितेको चेक र दुई खेल जितेको स्कटल्याण्ड बिच कडा प्रतिस्पर्धाको अनुमान लगाउन सकिन्छ । स्कटल्याण्डका लागि एन्डी रोबर्टसन, चे एडम्स र बिल्ली गिल्मोर जस्ता खेलाडी छन् । चेकको टोलीमा पनि मिश्रित अनुभवी र युवा दुवै खेलाडीहरु छन् ।

चेक टोलीको मुख्य खेलाडी थोमस सोउचेक हुन् । यस्तै अन्य खेलाडीहरुमा एलेक्स कार्ल र मटेज वाय्ड्रा छन् । खेल ग्लास्गोको हाम्पडेन पार्कमा नेपाली समय अनुसार ६:४५ मा सुरु हुने छ ।

प्लेयर्स टु वाच

एन्डी रोबर्टसन, स्कटल्याण्ड

Liverpool man Andy Robertson set to return for Scotland this evening - Not The Old Firm

थोमस सोउचेक, चेक रिपब्लिक

Soucek And Coufal Lead Czech Republic's Charge To Continue Euro Love Affair | Czech Republic | TheSportsman

पोल्याण्ड भर्सेस स्लोभाकिया

समुह ‘ई’ अन्तर्गत पोल्यान्डले स्लोभाकियासँग खेल्दै प्रतियोगिताको शुरुवात गर्दै छ । खस्किएको खेल र उमेर बढेका खेलाडीहरु राखेको भन्दै पोल्याण्डका प्रशिक्षक पाउलो सोउसालाई युरो अघि निकै दवाब खेप्नु परेको थियो । प्रशिक्षक पाउलोलाई अफिसियल प्रशिक्षक मान्न थालिसकेका पोलिस समर्थकहरुलाई यो खेलको नतिजाले केही फरक पार्ने छ ।

दुवै टोलीको पछिल्ला छ खेलको नतिजा हेर्दा दुवै टोली फर्ममा देखिदैनन् । छ खेलमा पोल्याण्डले एक खेलमा मात्रै जित निकालेको छ । पोल्याण्डको उक्त जित निकै कम वरीयताको टोली एन्डोरासँग निस्किएको थियो । यस्तै स्लोभाकियाको पनि छ खेलमा एकमा जित र एकमा हार रहेको छ ।

पोल्याण्डका लागि रोबर्ट लेवानडस्की अहिलेको अवस्थामा उत्कृष्ट खेलाडी हुन् । यस्तै सर्बियाका लागि मारेक हाम्सिक र मिलान सिक्रिनायार राम्रो खेलाडीहरु रहेका छन् । खेल सेन्ट पिटर्सबर्ग रसियामा नेपाली समय अनुसार ९:४५ बजे सुरु हुने छ ।

प्लेयर्स टु वाच

रोबर्ट लेवानडस्की, पोल्याण्ड

Lewandowski Out Of World Cup Qualifier Against England - SilverbirdTV

मारेक हामसिक, स्लोभाकिया

स्पेन भर्सेस स्विडेन

पुस्ता हस्तान्तरणका लागि तयार रहेको स्पेनले युरोमा स्विडेनसँग खेल्दै आफ्नो प्रतियोगितामा शुरुवात गर्दै छ । युरो तीन पटक जितेको स्पेनिस टोलीको नजर यस पटक पनि उपाधिमा अढिएको छ । तर, स्वीडेन पनि २००४ पछि पहिलो पटक समुह चरण पार गर्न चाहन्छ । सर्जियो बुस्केट र डिएगो लोरेन्टेलाई कोरोना संक्रमणमा कारण गुमाएको स्पेनलाई यो प्रतियोगिता सहज छैन ।

दुवै टोलीका पछिल्ला छ खेलको नतिजा हेर्दा स्पेनले कुनै पनि खेल हारेको छैन । स्विडेनको पनि छ खेल मद्धे पाँच खेलमा जित रहेको छ । स्पेनका लागि युवा खेलाडीहरुका लागि मौका रहँदा फेरान टोरेस, लापोर्टे र जेराड मोरेनोका चम्किने आशा गर्न सकिन्छ । स्विडेनको टोली पनि २०१६ को युरो यताकै बलियो छ । भिक्टर लिन्डलफ, मिकेल लुस्टिग र एलेक्ससान्डर इसाक स्विडेनका लागि राम्रा खेलाडीहरु हुन् ।

खेल नेपाली समय अनुसार मध्यरात १२:४५ बजे सुरु हुने छ ।

प्लेयर्स टु वाच

पाउ टोरेस, स्पेन

Man Utd to Prioritise Signing Centre-Back in 2021 - Pau Torres on Shortlist

भिक्टर लिन्डलफ, स्विडेन

File:UEFA EURO qualifiers Sweden vs Spain 20191015 Victor Nilsson Lindelöf 14.jpg - Wikimedia Commons

Continue Reading

Headline

कोपा अमेरिका: कोलम्बियासँग इक्वेडर पराजित

wesportz

Published

on

एड्विन कार्डोनाको एक मात्रै निर्णायक गोलमा कोलम्बियाले इक्वेडरलाई हराउँदै कोपा अमेरिकामा बिजयी सुरुवात गरेको छ ।

खेलको पहिलो समय देखी नै इक्वेडरले मौकाहरु बनाए पनि सफल हुन पाएन । पहिलो हाफमा मात्रै पाँच प्रयास गरेको इक्वेडरले गोल भने गर्न सकेन । ४१ औँ मिनेटमा एड्विन कार्डाेनाले गोल गर्दै कोलम्वियालाई १–० को अग्रता दिलाएका थिए ।

फ्रिकिकबाट मिगुइल बोर्जाको पासमा कार्डाेनाले गोल गरेका थिए । गोल केही विवादित बने पछि रेफ्रीले भिएआर हेर्दाइ गोल दिएका थिए ।

दोस्रो हाफमा कोलम्बिया पूर्ण रक्षापङ्तीमा खेल्यो । काउन्टर अट्याकहरुमा चुस्त देखिए पनि कोलम्बियाको दोस्रो हाफमा फिनिसिङ रहेन । इक्वेडरको पनि लगतार गरेको आक्रमणहरु कोलम्बियाको डिफेन्डरहरुले किल्यर गरेका थिए । दोस्रो हाफमा इक्वेडर निकै खतरनाक देखिए पनि कोलम्बियाका गोलरक्षक ओस्पिनाले धेरै बचाउहरु गरेका थिए ।

जितसँगै समूह ‘ए’ मा रहेको कोलम्बियाले ३ अंक जोडेको छ । साविक विजेता ब्राजिलले उद्घाटन खेलमा भेनेजुएलालाई ३–० ले पराजित गर्दा गोलअन्तरको आधारमा कोलम्बिया दोस्रो स्थानमा छ ।

 

Continue Reading

Headline

कोपा अमेरिका: ब्राजिलको बिजयी शुरुवात

wesportz

Published

on

मार्क्वीनिहोस, नेमार जुनियर र गब्रियल बर्बोसाको गोलमा ब्राजिलले २०२० कोपा अमेरिकाको पहिलो खेलमा भेनेजुएलालाई ३-० ले हराएको छ ।

निकै नै एकपक्षिय बनेको खेलमा ब्राजिलले पहिलो हाफमा एक र दोस्रो हाफमा दुई गोल गरेको थियो । ब्राजिलका लागि पहिलो गोल २३ औँ मिनेटमा मार्क्वीनिहोसले गरेका थिए । ब्राजिलले पाएको कर्नरबाट आएको बललाई उनले पोस्ट नजिकैबाट जाली चुमाएका थिए ।

पहिलो हाफ १-० को अग्रता सहित सक्काए पनि ब्राजिलले धेरै मौकाहरु गुमाएको थियो । यस्तै दोस्रो हाफको ६५ औँ मिनेटमा नेमार पेनाल्टीमार्फत गोल गर्दै ब्राजिलको अग्रता दोब्बर पारेका थिए । नेमारलाई लडाए पछी पाएको पेनाल्टीमा उनी आँफैले गोल गरेका थिए ।

खेलको अन्तिम समयमा ग्याब्रिएल बर्बोसाले नेमारले दिएको पासमा अन्तिम गोल गरेका थिए । नेमारको क्रसलाई बर्बोसाले सहजै गोल गर्दै ब्राजिललाई ३-० को सहज जित तर्फ डोर्याए ।

कोरोना भाईरसका कारण आठ खेलाडी गुमाएको भेनेजुएला खेलमा निरह देखिएको थियो ।

यस जितसँगै ब्राजिलले समूह ए मा ३ अंक जोडेको छ । ब्राजिलले अब अर्को खेलमा पेरुको सामना गर्नेछ भने भेनेजुएलाले कोलोम्बियासँग खेल्नेछ ।

 

 

Continue Reading
Euro 202045 mins ago

युरो कपमा आज तीन खेल, स्पेनले स्वीडेनको सामना गर्दै

Headline7 hours ago

कोपा अमेरिका: कोलम्बियासँग इक्वेडर पराजित

Headline8 hours ago

कोपा अमेरिका: ब्राजिलको बिजयी शुरुवात

Euro 202013 hours ago

नेदरल्याण्ड्सको युक्रेनमाथि सनसनीपूर्ण जित

Euro 202015 hours ago

जिरुडको गुनासोले एम्बाप्पे दुखी 

Headline15 hours ago

नर्थ मेसेडोनियालाई हराएको अष्ट्रियाको युरोमा एतिहासिक जित

Headline16 hours ago

सनसनीपूर्ण पुनरागमनपछि जोकोभिचले जिते फ्रेञ्च ओपन

अन्तर्राष्ट्रिय18 hours ago

म असफल खेलाडीका रुपमा रियल म्याड्रिड छोड्दिन: हाजार्ड 

Euro 202019 hours ago

स्टर्लिंगको गोलमा इंग्ल्याण्डको बिजयी शुरुवात

Headline19 hours ago

सान्चेजले कोपा अमेरिकाको समुह चरणका खेल गुमाउने 

Trending

error: Content is protected !!