Connect with us

Corona Virus

के सम्भव छ नेपालमा बन्द रँगशालामा फुटबल ?

गौरव फुयाल

Published

on

कोरोना भाईरसका कारण रोकिएका फुटबल प्रतियोगिता धेरै देशले कडा सावधानीपुर्वक सुचारु गराइसकेका छन् । केहीले सुचारु गराउनका लागि अध्ययन गर्दै यसको लागि सहज वातावरणको निर्माण गर्दै छन् ।

कोरियाको के–लिग, जर्मनीको बुन्डेसलिगा, स्पेनिस ला लिगा बन्द रँगशालामा शुरु भइसकेका छन् भने इटालीमा पनि फुटबल फर्किसकेको छ । इङ्गलिस प्रिमियर लिग पनि सुचारु हुने मिती नजिकिएको छ ।

आधुनिक फुटबल संस्कृति परिमार्जन गर्दै आर्थिक र प्राविधिक रुपले सक्षम देशहरुलाई फुटबल फर्काउन धेरै गाह्रो भएको छैन भलै दर्शकको अनुपस्थितिले प्रतिस्पर्धाको रोचकतालाई निकै कम गरेको छ । फुटबल फर्कदा यसले अन्य देशहरुलाई पनि प्रतियोगिताहरु सुचारु गर्दा कसरी अगाडी बढ्न सकिन्छ भनेर उदाहरण तयार पारेको छ ।

तर के नेपालमा सम्भव छ होला बन्द रँगशालामा फुटबल गराउन ?

संक्रमितको संख्या अन्य देशहरुको तुलनामा कम भए पनि कोरोना भाइरस (कोभिड–१९) ले नेपाली खेलकुद गतिविधिलाई ठप्प बनाइसकेको छ । तर दिन दिनै बढ्दै गएको संक्रमित संख्या हेर्ने हो भने नेपाली फुटबल मैदान फर्कन यो महमारीको अन्त्यको प्रतिक्षा गर्नु बाहेक अहिलेलाई अन्य कुनै उपाय नै देखिदैन ।

चैत्र ४ गते देखी रोकिएको बि डिभिजन लिग कहिले सुचारु होला भन्न सकिदैन। एन्फाले ए डिभिजनका लिगका उत्कृष्ट ६ टोली र छनोट चरण पार गर्दै आएका ४ टोलीबीच गर्ने भनिएको राष्ट्रिय लिग अझै निकै पर देखिन्छ । तर अखिल नेपाल फुटबल संघले प्रतियोगिताहरुलाई बन्द रँगशालामा सम्पन्न गराउने हो भने सम्भव रहेको शहिद स्मारक ए डिभिजिन लिग कमिटीका निर्देशक सन्जीव मिश्र बताउछन् ।

“बि डिभिजन सुचारु गर्न समस्या होइन । बिना दर्शक गराउने हो भने यो सम्भव छ,” मिश्रले विस्पोर्ट्जलाई भने ।
नेपालमा हुने लिग खेलहरुमा दर्शकको संख्या दुई हातमा अटाउने गर्दछ र माइकोजुको लाइभ स्ट्रिसमङ्गबाहेक टेलिभिजन कम्पनीसँग प्रशारण अधिकार नभएका कारण पनि एन्फालाई बन्द रँगशालाले कुनै घाटा गर्ने छैन ।

लिग पुन सुचारु गर्दा बिना दर्शक र त्यस माथि पनि तटस्थ मैदानका कारण सहभागी टोलीलाई घरेलु मैदानको फाइदा अथवा घाटा भन्ने कुरा अस्तित्वमै छैन । मुख्य समस्या भनेको अहिलेका लागी सरकारले गरेको लकडाउन रहेको छ । लकडाउन आंशिक रुपमा खुल्ला भएपनि खेलकुद सुचारु हुनका लागि शायद लामै समय कुर्नु पर्नेछ, दर्शक प्रवेश पाउने त अलि पर कै कुरा हो ।

तीन महिना भन्दा बढी अवधि प्रतियोगिता बिहिन बन्दा यसले सिँगो नेपाली खेलकुदमाथि नै नकारात्मक असर पार्ने भएकाले सरकारले सम्बन्धित खेल संघहरुसँग सहकार्य गर्दै खेलकुद सुचारु गराउनु आवश्क छ । मिश्र एक ठाँउको लकडाउन खुकुलो हुदैमा फुटबलको लागि स्थिति सहज बनिहाल्छ भन्ने मान्दैनन् ।

“काठमाण्डौंमा मात्र लकडाउन खुकुलो भएर हुदैन । बी डिभिजनका अधिकांश खेलाडीहरु उपत्यका बाहिर रहेका छन् । यातायातको समस्या, व्यवस्थित क्वारेन्टिन र अभ्यास गरेर अतिरिक्त २०–२५ दिनको समय छुट्याउनु पर्ने भएकाले क्लबहरुलाई आर्थिक दवाब पर्नेछ,” उनले भने ।

मिश्रका अनुसार सरकारले स्विकृति दिने र खेलाडीहरुको कोरोना परिक्षण गर्न मद्दत गर्ने हो भने कार्यसमितिमा छलफल गर्दै लिगलाई सुचारु गर्न सम्भव रहेको मान्छन् । “खेल संघलाई यस्तो समयमा चाहिने भनेकै सरकारको साथ हो । खेल शुरु गराउन हामीलाई स्विकृति दिदै खेलाडीको स्वास्थ्य परिक्षणमा सहयोग गर्ने हो भने रोकिएको बी डिभिजन लिग भदौं सम्ममा सुचारु गराउन सकिएला,” उनले भने ।

एन्फा महासचिव ईन्द्रमान तुलाधर पनि सरकारकै प्रोटोकोल अनुसार लाग्ने हो भने लिग गर्न सकिने बताउछन् । “हामीले लिगलाई प्राथमिकता दिनै पर्छ र दिन्छौ पनि । रोकिएको लिगलाई सिघ्र सञ्चालनमा ल्याउन आवश्यक छ तर यो कार्यमा हामी सरकारको निर्णय कुर्नु पर्ने हुन्छ । केही दिनमा एएफसीले पनि लिगका लागि प्रोटोकल एन्फालाई पठाउने छ र सोही अनुरुप हामी काम गर्नेछौ,” तुलाधरले भने ।
“लामो समयको लकडाउनले खेलाडीहरुको स्वास्थ्य र फिट्नेसमा समस्या हुन सक्छ । उनीहरुलाई प्रशिक्षण गराउन पनि आवश्यक छ, त्यही कारण लिगलाई फर्काउन हामी तयार छौ ।”
तर यहा कुरा बि डिभिजन लिगको मात्र छैन । ए डिभिजन लिग, महिला लिग, राष्ट्रिय लिग र सि डिभिजन लिग सबै कोरोनाको संक्रमणले प्रभावित बनेको छ । ११ चरणसम्म चल्ने बि डिभिजन लिगमा पाचौँ चरणका खेलहरु समेत नसकिएको अवस्थामा अब एन्फाले आफ्नो बार्षिक क्यालेन्डरमा हेरफेर गर्नुपर्ने छ ।

पिरामिड लिगको हिसाबले यी लिगहरुले निरन्तरता पाउनु जरुरी देखिन्छ । तर अहिले ए र सि डिभिजन पनि तोकिएको समयमा नहुने देखिन्छ । घरेलु फुटबल त उथल–पुथल हुने छ नै साथ–साथै राष्ट्रिय टोलीले खेल्ने अन्तर्राष्ट्रिय खेलहरुमा पनि असर पर्नेछ ।

“फुटबल गतिविधि ठप्प बन्दा भविष्यमा यसले निकै असर पार्नेछ । यसका लागि हामी अहिलेदेखि नै खेल तालिका देखी प्रतियोगिताहरु सन्चालनमा ल्याउनका लागि कार्य समितीको बैठकमा निर्णय लिने छौं,” तुलाधरले भने ।

एएफसीले केही दिन अगाडि विश्वकप २०२२ र एसियन कप २०२३ को लागि जारी गरेको प्रस्तावित मितीका कारण पनि एन्फालाई अझै दबाब थपिएको छ ।  “हामीले अब खेल्ने तीन अन्तर्राष्ट्रियका कारण क्यालेन्डरमा कस्तो फेरबदल गर्नु पर्ने हो त्यसको निर्णय कार्यसमितिको बैठकमा निर्णय लिनु आवश्यक छ,” मिश्रले भने ।

कोरोना भाईरसको उचित रोकथाम नहुने हो भने नेपालले दशरथ रँगशालामा खेल्नका लागि तय गरिएका अन्तर्राष्ट्रिय खेलहरु पनि कहिले हुने भन्न सकिदैन । भइहालेको खण्डमा दर्शकले प्रवेश नपाउने लगभग तय छ । दर्शकले प्रवेश नपाउदा ती तीन खेलबाट एन्फाले गर्ने ठूलो आम्दानी पनि गुमाउनेछ ।

गौरव फुयाल नेपाली खेल्कुद पत्रकारितामा नयाँ नाम हो । उनी फुटबल विश्लेषक हुन् । उनले बिशेष गरि फुटबलबारे लेख्ने गर्दछन।

Corona Virus

सचिन तेन्दुल्करलाई कोरोना भाइरस

wesportz

Published

on

भारतीय लेजेण्ड क्रिकेटर सचिन तेन्दुल्करलाई कोरोना पोजिटिभ भएको छ । सचिनले सामाजिक सञ्जालमार्फत आफूलाई कोरोना देखिएको बताएका हुन् ।

सचिनले आफू हाल घरमै आइसोलेसनमा रहेको र आवश्यकता अनुरुपको सावधानी अपनाइरहेको बताएका छन् । उनको घरका अन्य सदस्यहरुलाई भने कोरोना नेगेटिभ देखाएको छ ।

“मैले लगातार परिक्षण गर्नुका साथै कोभिडलाई टाढै राख्न आवश्यकता अनुसारको सतर्कता अपनाइरहेको थिए । निकै सानो लक्षण पछि मलाई पोजिटिभ देखिएको छ । घरमा अरु सबैजनालाई नेगेटिभ देखाएको छ,” सचिनले सामाजिक सञ्जालमा लेखेका छन् ।

“मैले आफूलाई क्वारेन्टिनमा राखेको छु र डाक्टरको सुझाव अनुरुप स्वास्थ्य प्रोटोकोल फलो गर्दैछु । मलाई सहयोग गरिरहनु भएका सम्पूर्ण स्वास्थ पदाधिकारीहरुलाई म धन्वाद दिन चाहन्छु । तपाईहरु पनि आफ्नो हेरबिचार गर्नु होला,” उनले भनेका छन् ।

भारतमा केही साता यता दैनिक रुपमा कोरोनाका हजारौंको संख्यामा बिरामीहरु बढ्न थालेका छन् । यसअघि केही खुकुलो गरिपनि अहिले सार्वजनिक स्थानहरुमा पनि स्वास्थ्य ऐन अन्तर्गत कडाइ गरिएको छ ।

Continue Reading

Corona Virus

सन्दिपलाई कोरोना, ज्ञानेन्द्रसहित अन्य तीन खेलाडीको रिपोर्ट तीन दिनमै नेगेटिभ

wesportz

Published

on

नेपाली स्टार युवा लेग स्पिनर सन्दिप लामिछानेलाई कोरोना भाइरस पोजिटिभ देखिएको छ । सन्दिपले आफ्ना सामाजिक सञ्जाल पेजहरुमार्फत आफूलाई कोरोना पोजिटिभ भएको बताएका हुन् ।

सन्दिपले आफूलाई कोरोना भएको जानकारी गराइरहदा कप्तान ज्ञानेन्द्र मल्लसहित अन्य तीन राष्ट्रिय टोलीका खेलाडीहरुको रिपोर्ट भने नेगेटिभ आएको छ । क्यानले बिहिबारदेखि शुरु भएको बन्द प्रशिक्षणअघि गराएको परिक्षणमा ज्ञानेन्द्रसँगै टोलीका उप–कप्तान दिपेन्द्र सिँह ऐरि र युवा ब्याट्स्म्यान रोहित कुमार पौडेलेलाई कोरोना पोजिटिभ देखिएको थियो ।

तर तीन जना खेलाडीहरुले शुक्रबार तीन दिन भित्रै आफ्नो रिपोर्ट नेगेटिभ आएको सार्वजनिक गरेका थिए । अर्का भेटेरान स्पिनर बसन्त रेग्मीलाई पनि कोरोना पोजिटिभ देखिएको छ । उनी भने ठिक भइसकेका छैनन् ।

मलाई कोभिड–१९ पोजिटिभ भएको तपाईहरुलाई जानकारी दिनु मेरो कर्तब्य हो । बुधबारदेखि मेरो जिउ दुख्ने भइरहेको थियो । अहिले भने मेरो स्वास्थ्यमा केही सुधार आइरहेको छ । सबै कुरा राम्रो भयो भने म फेरि मैदानमा फर्कनेछु । मेरो लागि प्रार्थना गर्नुहोला, सन्दिपले फेसबुक र ट्विटरमा लेखेका छन् ।

कोरोना भाइरस महामारीपछि ठप्प भएको क्रिकेटलाई क्यानले बन्द प्रशिक्षण मार्फत सुचारु गर्न खोजिरहेको छ । शुरुवाती चरणमा २२ खेलाडी बोलाइए पनि चार जनालाई कोरोना भएपछि अन्य पाँच खेलाडीलाई क्यानले प्रशिक्षणका लागि बोलाएको थियो ।

Continue Reading

Corona Virus

राष्ट्रिय क्रिकेट टोलीका कप्तान, उप–कप्तानसहित ४ जनालाई कोरोना पोजिटिभ

wesportz

Published

on

नेपाली राष्ट्रिय क्रिकेट टोलीका कप्तान ज्ञानेन्द्र मल्ल, उपकप्तान दिपेन्द्र सिंह एरि, रोहित कुमार पौडेल सहित नेपाल क्रिकेट संघका स्टाफ प्रदिप लामालाई कोरोना संक्रमण भएको छ । ज्ञानेन्द्रले फेसबुकमा एक स्टेटस राख्दै आफुलाई कोरोना भएको जनाएका हुन् ।

नेपाल क्रिकेट संघले बन्द प्रशिक्षणका लागि २२ जना खेलाडीलाई बोलाएको थियो भने हिजो मात्र सबै खेलाडीको पिसिआर परिक्षण गरेको थियो । बुधबार प्राप्त रिपोर्टमा उनी कोरोना भाइरस पोजिटिभ देखिएका हुन् ।

ज्ञानेन्द्रले आफुलाई कोरोनाको कुनै पनि लक्षण देखा नपरेको र अब केही दिनका लागि सेल्फ क्वारेन्टिनमा जाने पनि पोस्टमार्फत जानकारी दिएका छन् । त्यस्तै उनले आफ्नो सम्पर्कमा आएकाहरुलाई पनि आफ्नो परिक्षण गर्न आग्रह गरेका छन् ।

क्यानले बिहिबारदेखि शुरु हुने गरि २२ जना क्रिकेटरहरुलाई बन्द प्रशिक्षणका लागि बोलाएको थियो । तीन खेलाडीहरुलाई कोरोना पोजिटिभ देखिएपछि क्यानले पाँच अन्य खेलाडीहरुलाई बन्द प्रशिक्षणका लागि बोलाएको बुधबार नै जानकारी दिएको छ ।

थप प्रशिक्षणका लागि बोलाइएका खेलाडीहरुमा बिक्रम सोब, अनिल साह, कुशल भुर्तेल, रित गौतम र लोकेश बम रहेका छन् ।

Continue Reading
१३औं दक्षिण एसियाली खेलकुद3 hours ago

ओलम्पिक्सको सबैभन्दा कान्छी खेलाडी जाजाको सुन्नै पर्ने कहानी

Headline9 hours ago

इजरायलीसंग सामना नगर्न अल्जेरियन जुडो खेलाडीले ओलम्पिक्स त्यागे

Kalpana Pariyaar
Headline11 hours ago

टोकियो ओलम्पिक्सः नेपालका दुवै खेलाडी पहिलो चरणबाटै आउट

अन्तर्राष्ट्रिय20 hours ago

फर्नान्डो र राजपाक्साको अर्धशतकमा श्रीलंकाको सान्त्वना जित

अन्तर्राष्ट्रिय24 hours ago

बंगलादेश माथि जिम्बाब्वेको सहज जित 

Headline1 day ago

ओलम्पिक्स इतिहासका १० अविस्मरणीय क्षणहरु

Headline1 day ago

ओलम्पिक्सको भयावह नाजी परम्परा जुन अझै कायम छ

अन्तर्राष्ट्रिय2 days ago

नैम र सरकारको शतकिय साझेदारीमा बंगलादेशको जित 

Headline2 days ago

ओलम्पिक्स पुरुष फुटबलः फ्रान्सको लज्जास्पद हार

Headline3 days ago

ब्राजिलियन लेजेण्ड फोर्मिगाको सात ओलम्पिक्सको गर्विलो इतिहास

Trending

error: Content is protected !!