Connect with us

Corona Virus

क्वारेन्टिनको चपेटामा क्रिकेट

Published

on

आदर्श ढकाल, काठमाडौं

कारोना भाइरसका कारण स्थगित भएको क्रिकेट गतिविधि केही देशहरुमा शुरु भइसकेका छन् । श्रीलंकाले अघिल्लो हप्ता आफ्ना खेलाडीहरुको छुट्टा–छुट्टै समुहमा प्रशिक्षण शुरु गराएको छ भने पाकिस्तानले पनि आफ्नो सरकारसँग प्रशिक्षण गराउन अनुमति कुरिरहेको छ ।

तर यी दुई दक्षिण एसियाली राष्ट्रबीच कोरोनाको प्रभावलाई लिएर ठूलै असमानता छ । जहाँ श्रीलंका निकै कम प्रभावित देशहरु मध्ये पर्दछ, पाकिस्तानमा कोरोना संक्रमितको संख्या १ लाख पुग्न लागिसकेको छ भने २ हजारको मृत्यु भइसकेको छ । श्रीलंकामा संक्रमितको संख्या २ हजार पनि छैन भने हालसम्म ११ जनाले ज्यान गुमाएका छन् ।

इङ्गल्याण्ड कडा सावधानीका साथ क्रिकेट सुचारु गर्ने भन्दै जुलाईका लागि वेष्ट इण्डिजबिरुद्धको टेस्ट श्रृंखलाको मिति तय गरेसँगै पाकिस्तानलाई पनि खेलाडी तमतयार गर्नुपर्ने बाध्यकारी स्थिति छ । वेष्ट इण्डिजपछि पाकिस्तानले इङ्गल्याण्डमा खेल्ने गइरहेको छ । दुई देशबीचको श्रृंखलाको मिति भने तय भइसकेको छैन ।

नेपाली क्रिकेट टोलीले थाइल्याण्डमा एसिसि इस्टर्न रिजन ट्वान्टी ट्वान्टी एसिया कप क्वालिफायर खेलेर फर्के यता क्रिकेट खेलेको छैन । मार्चको पहिलो हप्ता सम्पन्न ट्वान्टी ट्वान्टी क्वालिफायरपछि फर्केको नेपाली टोली अहिले लकडाउनमै रहेको छ । क्वालिफायर अघि नै मार्च १४ देखिका लागि तय भएको एभरेष्ट प्रिमियर लिग पनि अनिश्चितकालका लागि स्थगित भइसकेको छ ।

पाकिस्तानको तुलनामा नेपालमा संक्रमित संख्या निकै कम रहेका छ । सोमबारको सरकारी तथ्यांक अनुसार नेपालमा संक्रमितको संख्या ३ हजार ७ सय ६२ रहेको छ भने १४ जनाको मृत्यु भएको छ । सरकारले बनाएको सिस्टमले दुई महिनाको लकडाउन आफूलाई महामारीसँग लड्नका लागि सबै पक्षसँग समय खरिद गरिएको हो भन्ने बुझ्न नसक्दा नेपालमा हरेक दिन संक्रमितको संख्या बढ्न पुगेको छ ।

यस्तो परिस्थितमा अन्य देशहरुले सावधानी अपनाउदै गर्दा नेपाली क्रिकेटको लागि भने स्थिति निकै जटिल बनेको छ र यसले लामो समय नेपाली क्रिकेटलाई शिथिल बनाउन पनि सक्नेछ ।

के भन्छ नेपाल क्रिकेट संघ ?

अन्तर्राष्ट्रिय क्रिकेट परिषद् (आईसिसि) ले कोरोनापछि क्रिकेटमा फर्किनका लागि केही दिन अघि ब्याक टु क्रिकेट भनेर एउटा निर्देशन जारी गरेको थियो । त्यसमा कुनै पनि क्रिकेटिङ्ग राष्ट्रमा कुनै पनि टिमले भ्रमण गर्दा अथवा क्रिकेट म्याच खेलाउदा पालना गर्नु पर्ने नयाँ नियमहरु समावेश गरिएको छ । र, आफ्ना सदस्य राष्ट्रहरुले जारी गरेको निर्देशिका अनुरुप नै चल्न भनिएको छ ।

“अहिले हामीलाई आईसिसिले क्रिकेट खेलाउ भनेर अनुमति दिदा पनि त्यो गर्न सक्दैनौं । आईसिसिले देशको सरकारले जे भन्छ त्यही अनुरुप अघि बढ्न भनेको छ । नेपालमा सरकारले अहिले नै खेलकुदलाई चलायमान बनाउनका लागि कुनै किसिमको अनुमति दिएको छैन । अहिले हामीले गर्न सक्ने भनेको खेलाडीहरुलाई अनलाइन मार्फत कसरी आफू फिट रहन सकिन्छ भन्ने हो र त्यो भने भइरहेको छ,” क्यान सचिव अशोक नाथ प्याकुरेलले क्रिकेटिङ्गनेपाललाई भने ।

प्याकुरेलका अनुसार सरकारले स्किृति दिने हो भने क्यान क्रिकेट सुचारु गर्न सक्षम छ । “सरकारले १० जनासम्म खेलाडी भेला गर्न अनुमति दिन्छ भने हामी खेलाडीहरुलाई अहिले नै अभ्यासमा राख्न सक्छौं । सरकारको निर्देशन मातहत नै रहेर क्रिकेटलाई चलायमान बनाउनका लागि हामी ‘मेडिकल्ली’ नै तयार छौं,” प्याकुरेल भन्छन् ।

तर कोरोनाका कारण बर्षको शुरुवातमा जति क्रिकेट खेलाइन सम्भव थियो त्यो भने हुन सकेन । प्रि–मनसुन शुरु भइसकेका कारण अब क्रिकेट संघले आफ्नो क्यालेण्डर अन्तर्गत रहेका घरेलु प्रतियोगितालाई पनि स्थगित गर्नु पर्ने भइसकेको छ ।

राष्ट्रिय क्रिकेट टोलीका कप्तान ज्ञानेन्द्र मल्ल कोरोनाका शुरुवाती दिनमा दिशा बिहिन भएपनि अब सावधानीका साथ क्रिकेट सुचारु गर्नुपर्ने बताउछन् । “अनलाइनमार्फत नै फिट रहने उपायले लामो समयका लागि काम गर्दैन । आफूलाई खेलमा कायम राख्ने हो भने मैदानमा उत्रनै पर्छ । हामी केही समय अघि दिशा बिहिन थियौं तर अब कसरी सावधानीपुर्वक अगाडी बढ्न सक्छौं यसको ज्ञान भइसककोछ,” ज्ञानेन्द्रले भने ।

“सबैभन्दा महत्वपूर्ण त खेलाडीहरुको स्वास्थ्य नै हो । हाम्रा धेरै जसो खेलाडीहरु बोर्डर नजिक छन् । कोरोनाको रेड जोनमा रहदा खेलाडीहरु खतरामा हुन्छन् । राम्रो उपाय भनेको हाम्रा खेलाडीहरुलाई एक ठाँउमा ल्याएर क्वारेन्टिनजस्तो सुविधामा राखेर अभ्यासमा राख्दा हुन्छ । मलाई लाग्छ हामीलाई त्यो व्यवस्था कायम गर्न गाह्रो छैन,” कप्तान नियुक्त भए यता तीन अन्तर्राष्ट्रिय प्रतियोगितामा नेतृत्व गरिसकेका ज्ञानेन्द्र भन्छन् ।

“अहिले हामी एकदिवसीय अन्तर्राष्ट्रिय मान्यता भएको देश हौं । हामी यस्तो स्थितिमा छौं जहा हामीलाई पहिले भन्दा दुई गुणा बढी काम गर्नुपर्ने स्थिति छ । लकडाउनको केही समय शायद सबैको लागि राम्रो ब्रेक थियो । यसले क्यानलाई पनि आरामका साथ क्रिकेट बिकासको लागि योजना तयार गर्न मद्दत गरेको होला । हामी लामो समय अभ्यासबिहिन भएर बस्न मिल्दैन र आशा गरौं सरकारले यसको लागि स्थिति सहज बनाउनेछ,” उनले भने ।

nepal in lords, Nepali cricket team to play in lords,

सन् २०१६ मा इंग्ल्यान्ड भ्रमणका क्रममा पहिलो पटक लर्ड्समा एमसीसीसँगको मैत्रीपुर्ण खेल खेले पछि सामुहिक तस्बिर लिंदै नेपाली क्रिकेट टोली ।  तस्बिर : कौशल अधिकारी / विस्पोर्ट्ज़

नेपालमा कोरोनाको प्रभाव कम भएको स्थितिमा घरेलु क्रिकेट फर्कन सक्छ । दर्शकलाई प्रवेश निषेध गराउदै अत्यन्तै कडा सावधानीकाबीच राष्ट्रिय प्रतियोगिता गराउन त सकिएला तर जति नै उल्लेख्य संख्यामा घरेलु क्रिकेट खेलिएपनि यसले नेपाललाई क्रिकेट बिश्वकप लिग टु का टोलीहरुलाई चुनौति दिन भने पुग्दैन । अहिलेको स्थिति हेर्ने हो भने नेपाल लगायत अन्य थुप्रै एशोसिएट राष्ट्र कोरोनाका कारण अन्तर्राष्ट्रिय प्रतियोगिता पनि केही समय खेल्नै नसक्ने स्थितिमा पुगेका छन् ।

कस्तो छ अन्तर्राष्ट्रिय स्तरमा स्थिति ?

आईसिसिले अघि सारेको ब्याक टु क्रिकेट गाइडलाईन ती टेस्ट राष्ट्रहरुको लागि मात्र हो जसले आफ्नो दममा अन्तर्राष्ट्रिय क्रिकेट सञ्चालन गर्न सक्छन् । इङ्गल्याण्डले जुलाई देखि वेष्ट इण्डिज, पाकिस्तान, अष्ट्रेलिया र आयरल्याण्डलाई खाली रँगशालामा खेल्न गइरहेको छ । कोरोनाको प्रभाव कम भएको स्थितिमा सामाजिक दुरी कायम गर्दै दर्शकलाई पनि प्रवेश दिन सक्नेछ ।

न्युजिल्याण्ड र अष्ट्रेलिया कोरोनाले कम प्रभावित छन् र दुवै देशले यसअघि नै ठूला प्रतियोगिताहरु गर्न पनि तयार रहेको बताउदै आएका छन् । दर्शक नभएको स्थितिमा पनि यी देशहरुले टेलिभिजन प्रशारण अधिकारमार्फत प्रशस्त आम्दानी गर्न सक्छन् । भ्रमणकारी टोलीका सदस्यहरुलाई आफ्नै खर्चमा क्वारेन्टिनमा राख्न उनीहरुको लागि कुनै ठूलो कुरा हुदैन ।

आईसिसिकै तालिका कुरेर बस्ने नेपाल लगायतका अन्य एशोसिएट राष्ट्रहरुको निकट भविष्य भने निकै अध्यारो छ । कोरोनापछि अहिले हरेक देशले १४ दिने क्वारेन्टिनको नियम लगाएका छन् । लिग टुमा रहेको नेपालसँगै अन्य ६ देशहरुले यो नियम पनि मान्नै पर्नेछ । लिग टुको खर्च आईसिसिले बेहोर्ने भएकाले क्वारेन्टिन खर्च पनि उसले नै बेहोर्नु पर्ने हुन्छ । तर अन्तर्राष्ट्रिय क्रिकेट नै ठप्प भइदिदा आईसिसि आफै आर्थिक संकट तर्फ मोडिएको छ ।

कोरोना भाइरसले फुटबल चारैतर्फ ठप्प भइदिदा अन्तर्राष्ट्रिय फुटबलको सर्वोच्च निकाय फिफाले राहत स्वरुप आफ्ना सदस्य राष्ट्रहरुलाई पाँच लाख अमेरिकी डलर राहत स्वरुप उपलब्ध गराउने निर्णय गर्यो । फुटबलपछि क्रिकेट सबैभन्दा लोकप्रिय खेल मध्ये पर्दछ तर आर्थिक रुपमा भने आइसिसि त्यति सबल छैन । यहा कुनै तुलना नै हुन नसक्ने स्थिति छ ।

आर्थिक मन्दीमा आईसिसिको नजर अष्ट्रेलियामा आयोजनका लागि तय गरिएको २०२० बिश्वकपसँगै अन्य टेस्ट राष्ट्रहरुको प्रगतिमै केन्द्रित हुनेछ । क्वारेन्टिन बस्नु नपर्ने स्थिति नआउञ्जेल लिग टु लगायत आईसिसिकै खर्चमा हुने महिला क्रिकेट, उमेर समुह क्रिकेटमा पनि प्रत्यक्ष प्रभाव पार्नेछ । अण्डर १९ बिश्वकप र महिला बिश्वकपबाहेक अन्य कुनै पनि प्रतियोगितामा आईसिसिलाई आम्दानी हुदैन ।

फेब्रुवरीमा लिग टु का चार खेल खेलेको नेपालले आफूले यो व्यवस्थापमा पाउने ३६ एकदिवसीय अन्तर्राष्ट्रिय मध्ये २०२० मा अझै १२ वटा खेल्न बाकी रहेको छ । यो सँगै अगष्टमा लर्डसमा मेरिलबोन क्रिकेट क्लबसँगको खेल पनि रहेको थियो । तर कोरोना भाइरस र क्वारेन्टिन बस्नै पर्ने बाध्यकारी नियमका कारण यो बर्ष सम्भव देखिदैन ।
क्वारेन्टिन आवश्यकत नपर्ने स्थिति कहिले आउने यसको दुँगो पनि छैन ।

आम्दानी नहुने एशोसिएट क्रिकेटका प्रतियोगिता, उमेर समुह क्रिकेट, क्षेत्रिय क्रिकेट, महिला बिश्वकप वा एसिया कप छनौट सबैलाई अब कोरोनाको प्रभावले नराम्ररी नै सताउनेछ जसको असर केही समय कायम रहनेछ ।

Corona Virus

सचिन तेन्दुल्करलाई कोरोना भाइरस

Published

on

भारतीय लेजेण्ड क्रिकेटर सचिन तेन्दुल्करलाई कोरोना पोजिटिभ भएको छ । सचिनले सामाजिक सञ्जालमार्फत आफूलाई कोरोना देखिएको बताएका हुन् ।

सचिनले आफू हाल घरमै आइसोलेसनमा रहेको र आवश्यकता अनुरुपको सावधानी अपनाइरहेको बताएका छन् । उनको घरका अन्य सदस्यहरुलाई भने कोरोना नेगेटिभ देखाएको छ ।

“मैले लगातार परिक्षण गर्नुका साथै कोभिडलाई टाढै राख्न आवश्यकता अनुसारको सतर्कता अपनाइरहेको थिए । निकै सानो लक्षण पछि मलाई पोजिटिभ देखिएको छ । घरमा अरु सबैजनालाई नेगेटिभ देखाएको छ,” सचिनले सामाजिक सञ्जालमा लेखेका छन् ।

“मैले आफूलाई क्वारेन्टिनमा राखेको छु र डाक्टरको सुझाव अनुरुप स्वास्थ्य प्रोटोकोल फलो गर्दैछु । मलाई सहयोग गरिरहनु भएका सम्पूर्ण स्वास्थ पदाधिकारीहरुलाई म धन्वाद दिन चाहन्छु । तपाईहरु पनि आफ्नो हेरबिचार गर्नु होला,” उनले भनेका छन् ।

भारतमा केही साता यता दैनिक रुपमा कोरोनाका हजारौंको संख्यामा बिरामीहरु बढ्न थालेका छन् । यसअघि केही खुकुलो गरिपनि अहिले सार्वजनिक स्थानहरुमा पनि स्वास्थ्य ऐन अन्तर्गत कडाइ गरिएको छ ।

Continue Reading

Corona Virus

सन्दिपलाई कोरोना, ज्ञानेन्द्रसहित अन्य तीन खेलाडीको रिपोर्ट तीन दिनमै नेगेटिभ

Published

on

नेपाली स्टार युवा लेग स्पिनर सन्दिप लामिछानेलाई कोरोना भाइरस पोजिटिभ देखिएको छ । सन्दिपले आफ्ना सामाजिक सञ्जाल पेजहरुमार्फत आफूलाई कोरोना पोजिटिभ भएको बताएका हुन् ।

सन्दिपले आफूलाई कोरोना भएको जानकारी गराइरहदा कप्तान ज्ञानेन्द्र मल्लसहित अन्य तीन राष्ट्रिय टोलीका खेलाडीहरुको रिपोर्ट भने नेगेटिभ आएको छ । क्यानले बिहिबारदेखि शुरु भएको बन्द प्रशिक्षणअघि गराएको परिक्षणमा ज्ञानेन्द्रसँगै टोलीका उप–कप्तान दिपेन्द्र सिँह ऐरि र युवा ब्याट्स्म्यान रोहित कुमार पौडेलेलाई कोरोना पोजिटिभ देखिएको थियो ।

तर तीन जना खेलाडीहरुले शुक्रबार तीन दिन भित्रै आफ्नो रिपोर्ट नेगेटिभ आएको सार्वजनिक गरेका थिए । अर्का भेटेरान स्पिनर बसन्त रेग्मीलाई पनि कोरोना पोजिटिभ देखिएको छ । उनी भने ठिक भइसकेका छैनन् ।

मलाई कोभिड–१९ पोजिटिभ भएको तपाईहरुलाई जानकारी दिनु मेरो कर्तब्य हो । बुधबारदेखि मेरो जिउ दुख्ने भइरहेको थियो । अहिले भने मेरो स्वास्थ्यमा केही सुधार आइरहेको छ । सबै कुरा राम्रो भयो भने म फेरि मैदानमा फर्कनेछु । मेरो लागि प्रार्थना गर्नुहोला, सन्दिपले फेसबुक र ट्विटरमा लेखेका छन् ।

कोरोना भाइरस महामारीपछि ठप्प भएको क्रिकेटलाई क्यानले बन्द प्रशिक्षण मार्फत सुचारु गर्न खोजिरहेको छ । शुरुवाती चरणमा २२ खेलाडी बोलाइए पनि चार जनालाई कोरोना भएपछि अन्य पाँच खेलाडीलाई क्यानले प्रशिक्षणका लागि बोलाएको थियो ।

Continue Reading

Corona Virus

राष्ट्रिय क्रिकेट टोलीका कप्तान, उप–कप्तानसहित ४ जनालाई कोरोना पोजिटिभ

Published

on

नेपाली राष्ट्रिय क्रिकेट टोलीका कप्तान ज्ञानेन्द्र मल्ल, उपकप्तान दिपेन्द्र सिंह एरि, रोहित कुमार पौडेल सहित नेपाल क्रिकेट संघका स्टाफ प्रदिप लामालाई कोरोना संक्रमण भएको छ । ज्ञानेन्द्रले फेसबुकमा एक स्टेटस राख्दै आफुलाई कोरोना भएको जनाएका हुन् ।

नेपाल क्रिकेट संघले बन्द प्रशिक्षणका लागि २२ जना खेलाडीलाई बोलाएको थियो भने हिजो मात्र सबै खेलाडीको पिसिआर परिक्षण गरेको थियो । बुधबार प्राप्त रिपोर्टमा उनी कोरोना भाइरस पोजिटिभ देखिएका हुन् ।

ज्ञानेन्द्रले आफुलाई कोरोनाको कुनै पनि लक्षण देखा नपरेको र अब केही दिनका लागि सेल्फ क्वारेन्टिनमा जाने पनि पोस्टमार्फत जानकारी दिएका छन् । त्यस्तै उनले आफ्नो सम्पर्कमा आएकाहरुलाई पनि आफ्नो परिक्षण गर्न आग्रह गरेका छन् ।

क्यानले बिहिबारदेखि शुरु हुने गरि २२ जना क्रिकेटरहरुलाई बन्द प्रशिक्षणका लागि बोलाएको थियो । तीन खेलाडीहरुलाई कोरोना पोजिटिभ देखिएपछि क्यानले पाँच अन्य खेलाडीहरुलाई बन्द प्रशिक्षणका लागि बोलाएको बुधबार नै जानकारी दिएको छ ।

थप प्रशिक्षणका लागि बोलाइएका खेलाडीहरुमा बिक्रम सोब, अनिल साह, कुशल भुर्तेल, रित गौतम र लोकेश बम रहेका छन् ।

Continue Reading
Headline1 month ago

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

अन्तर्राष्ट्रिय1 month ago

 ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै

लेख3 months ago

केन्या माथि नेपालको कीर्तिमानी जित

लेख3 months ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख3 months ago

नेपाल टी२० लिग : खेलाडी दर्ता सुरु, चार मापदण्ड तय

लेख3 months ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख3 months ago

नेपालले हरायो केन्यालाई 

लेख3 months ago

नेपालका लागि केन्या टुर महत्वपूर्ण

लेख4 months ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख4 months ago

नयाँ प्रशिक्षक प्रभाकर भन्छन् : पहिलो काम लिग टु

लेख4 months ago

बाना कपका लागि सुदुरपश्चिमको जर्सी सार्वजनिक  

लेख4 months ago

यस्ता छन् एन्फा कार्यसमिति बैठकका निर्णयहरू

लेख4 months ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख4 months ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline4 months ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline4 months ago

 नेपालको पोस्टमा भारतको गोलको वर्षा 

Headline4 months ago

साफ महिला च्याम्पियनसिप :  नेपाललाई सजिलो समूह

Headline4 months ago

लगातार दोस्रो जित निकाल्दा नेपाल फाइनल नजिक 

Headline4 months ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline4 months ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Headline1 month ago

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

अन्तर्राष्ट्रिय1 month ago

 ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै

लेख3 months ago

केन्या माथि नेपालको कीर्तिमानी जित

लेख3 months ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख3 months ago

नेपाल टी२० लिग : खेलाडी दर्ता सुरु, चार मापदण्ड तय

लेख3 months ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख3 months ago

नेपालले हरायो केन्यालाई 

लेख3 months ago

नेपालका लागि केन्या टुर महत्वपूर्ण

लेख4 months ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख4 months ago

नयाँ प्रशिक्षक प्रभाकर भन्छन् : पहिलो काम लिग टु

लेख4 months ago

बाना कपका लागि सुदुरपश्चिमको जर्सी सार्वजनिक  

लेख4 months ago

यस्ता छन् एन्फा कार्यसमिति बैठकका निर्णयहरू

लेख4 months ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख4 months ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline4 months ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline4 months ago

 नेपालको पोस्टमा भारतको गोलको वर्षा 

Headline4 months ago

साफ महिला च्याम्पियनसिप :  नेपाललाई सजिलो समूह

Headline4 months ago

लगातार दोस्रो जित निकाल्दा नेपाल फाइनल नजिक 

Headline4 months ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline4 months ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Trending

error: Content is protected !!