Connect with us

Headline

के गर्दैछन् एन्फा अण्डर–१६ को ‘गोल्डेन ब्याच’ का खेलाडीहरु ?

wesportz

Published

on

गौरव फुयाल, काठमाडौं

२०७१ साल भदौ २६ गते नेपाली अण्डर–१६ टोली थाइल्याण्डको राजमंगला रंगशालामा उत्तर कोरियाको बलियो टोलीसँग खेल्दै थियो । गर या मरको स्थितीमा रहेको यो खेलमा नेपाली खेलाडीहरु झिनो आशाका साथ मैदानमा उत्रिए । नेपाल ४–१ ले पराजित हुन पुग्यो । क्वार्टर फाइनलमा स्थान बनाउनका लागि नेपाललाई मात्र बराबरी आवश्यक थियो तर टोलीले फराकिलो अन्तरको नतिजा सुम्पन पुग्यो ।

तर कथा यहाँबाट शुरु हुदैन ।

यो त थाइल्याण्डमा भएको प्रतियोगिताभन्दा एक बर्ष अगाडीको कुरा हो जब नेपालले एफसी अण्डर–१६ च्याम्पियनसिपको छनोट चरण अन्तर्गत समुह सी को खेलमा बलिया तुर्कमेनिस्तान र बहराइनलाई हराएको थियो । अप्रत्याशित प्रदर्शन गरेको नेपालले इराकलाई पनि बराबरीमा रोक्दै नेपाली फुटबलमा एन्फाको ‘गोल्डेन ब्याच’ को नाम कमायो ।

थाइल्याण्डमा भएको मुख्य प्रतियोगितामा कुवेतलाई हराउदै उज्बेकिस्तानसँग बराबरी गरेपछि नेपालले आफ्नो घरमा गरेको प्रदर्शन भाग्यको खेल नभएको भनेर पनि साबित गरिदियो । महत्वपूर्ण खेलमा नेपाली टोली उत्तर कोरियासँग पराजित त भयो तर नेपाली युवा फुटबलरहरुबाट निकै बिरलै देखिने प्रदर्शनका कारण उनीहरुबाट भविष्यले ठूलै आशा राख्यो । नेपाली सिनियर फुटबल अहिले त्यही ब्याचको वरिपरि घुमिरहेको छ ।

अहिले थाइल्याण्डमा भएको त्यो प्रतियोगिता भएको झन्डै ७ बर्ष पुरा हुन लागिसकेको छ । नेपाल फुटबलकै भविष्यको रुपमा हेरिएको यो ‘गोल्डेन ब्याच’ का खेलाडीहरु अहिले के गर्दै होलान ?

रोमन रसाइली, गोलकिपर

रोमन रसाइली अहिले नेपाल एपिएफ क्लबको टोलीमा बैकल्पिक गोलकिपरको रुपमा खेल्दै आएका छन् । मोफसलमा धेरै प्रतियोगिताहरु खेल्दै आएका रोमनले २०७५ को लिग पनि एपिएफबाटै खेलेका थिए । घुँडाको चोटका कारण रोमन केही बर्ष मैदान बहिर नै बस्नु परेको थियो ।

सृजन श्रेष्ठ, गोलकिपर
अण्डर–१६ चयाम्पियनशिपमा बैकल्पिक गोलकिपरको रुपमा टोलीमा रहेका सृजन खुट्टामा बोकेका चोटका कारण लामो समय देखी फुटबलबाट बहिर छन् ।

सोजित गुरुङ्ग, गोलकिपर

एफसी अण्डर–१६ च्यम्पियनसिप खेल्दाको बैकल्पिक खेलाडी सोजित अहिले लिग र मोफसलका प्रतियोगिता हरु फ्रेन्ड्स क्लबबाट खेल्दै आइरहेका छन् ।

रुपेश तमाङ, डिफेन्डर
साफ अण्डर–१९ च्याम्पियनसिपको बन्द प्रशिक्षणको बेला घाइते हुन पुगेका रुपेश अहिले सम्म पनि मैदान फर्कन सकेका छैनन् । २०७२ को राष्ट्रिय लिग मोरङबाट खेलेका रुपेश अहिले मैदानमा नफर्केको चार बर्ष बढी हुन लागिसकेको छ ।

अनन्त तमाङ, डिफेन्डर

अनन्त तमाङ अहिले नेपाली राष्ट्रिय टोलीका महत्वपूर्ण सदस्यको रुपमा स्थापित भईसकेका छन् । थ्री स्टारबाट घरेलु लिग र मोफसलका प्रतियोगिताहरु खेल्दै आएका अनन्तले नेपालका लागि सागमा दुई स्वर्ण, बङबन्धु गोल्डकप र एफसी सोलिडारिटी कप जिति सकेका छन् । अनन्तले नेपालका लागि २७ खेल खेलिसकेका छन् ।

आकाश थापा, डिफेन्डर

आकाश थापा अहिले ब्रिटिस लाहुरेकोरुपमा कार्यरत छन् । एन्फा कम्प्लेक्समा भएको साफ अण्डर–१९ च्याम्पियनसिप जितेका आकाशले अर्को बर्षनै ब्रिटिस आर्मी जाने निर्णय गरेका थिए ।

अमित तमाङ, डिफेन्डर

अमित तामाङ संकटा क्लबका महत्वपूर्ण सदस्य हुन् । २०७५ सालको लिगमा संकटा दोस्रो स्थानमा सिमित रहे पनि उत्कृष्ट प्रदर्शन गरेका अमितले लगातार संकटाबाट खेल्दै आइरहेका छन् । २०७६  सालको लिग पनि उनले संकटाबाट नै खेलेका थिए ।

दिनेश राजबंशी, डिफेन्डर

एएफसी अण्डर १६ च्याम्पियनशिपपछि दिनेशले उमेर समुहमा केही महत्वपूर्ण खेलहरु पनि खेलेका थिए । उनी नेपालमै भएको साफ अण्डर १९ च्याम्पियनसिपको बिजेता पनि हुन् । उनले राष्ट्रिय टोलीबाट खेलिसकेका छन् भने बिमल, अञ्जन र सन्तोष तामाङसँगै नाइट क्लब कान्डमा परेपछि टिमबाट हटाइएका थिए । पुलिसबाट पनि खेलेका दिनेशले ए डिभिजन लिगमा च्यासलबाट  प्रतिबन्ध सकेपछि एक खेल खेल्दै  उनले सहभागिता जनाए ।

सुधन थापा, डिफेन्डर

साफ अण्डर–१९ च्याम्पियनसिप खेल्दाका डिफेन्डर सुधन अहिले भारतीय गोर्खा सेनामा कार्यरत रहेका छन् ।

जनोम मान लिगल, डिफेन्डर

एएफसी अण्डर–१६ च्याम्पियनसिप खेल्दाका डिफेन्डर जानोम मान लिगल अहिले भारतीय गोर्खा सेनामा कार्यरत छन् ।

गौरब बुढाथोकी, मिडफिल्डर

२०७५ र २०७६ सालको लिग च्यासल युथ क्लबबाट खेलेका गौरब बुढाथोकी त्यसपछिका दिनमा बिभिन्न मोफसल प्रतियोगिताहरुमा खेलिरहेका छन् ।

बिकाश थापा, मिडफिल्डर

मिडफिल्डमा खेल्दै नेपालको अण्डर–१६ टोलीलाई दोस्रो चरणमा पुर्याएका बिकाश थापा अहिले बिदेश पलायन भएका छन् ।

किरण सुनार, मिडफिल्डर

किरण सुनार पनि लामो समयदेखि भारतमा बसोबास गर्दै आएका छन् । अण्डर–१६ टोलीलाई दोस्रो चारणमा पुर्याउन योगदान गरेका उनले नेपाली क्लबबाट थोरै मात्र खेलहरु खेलेका थिए ।

हेमन्त थापा मगर, मिडफिल्डर

हेमन्त थापा मगर हाल च्यासल युथ क्लब बाट लिग र मोफोसलका प्रतियोगिताहरु खेल्दै आइरहेका छन् । हेमन्त थापा मगर नेपालले १३ औँ सागमा स्वर्ण पदक जित्दाको टोलीमा थिए ।

अनिल राइ, मिडफिल्डर

अनिल राइ अहिले नेपाली लिग फ्रेन्डस क्लबबाट खेल्दै आइरहेका छन् । अण्डर–१६ च्याम्पियनसिप खेल्दाका मिडफिल्डर उनी भारतीय गोर्खा आर्मीमा भर्ति भएका थिए । उनी अहिले पटनामा भारतीय आर्मीको टिमबाट खेल्ने गरेका छन् ।

सन्जोक राइ, मिडफिल्डर

सन्जोक राइ अहिले थ्री स्टारबाट लिग र मोफसलक प्रतियोगिताहरु खेल्दै आइरहेका छन् । २०७६ को लिगमा पहिलो ह्याट्रिक गर्न सफल सन्जोक यो नेपाली क्यालेन्डरमा आठ गोल गर्दै थ्री स्टारका टप स्कोरर भएका थिए । सन्जोक राष्ट्रिय टोलीको बन्द प्रशिक्षाणमा पनि परिसकेका छन् ।

बिमल घर्ती मगर, फर्वार्ड

बिमल कुनै पनि नेपाली फुटबल समर्थकको लागि नौलो नाम होइन ।  नाइट क्लब काण्डबाट छुट्कारा पाउदै मच्छिन्द्र क्लबबाट लिगको अन्तिम खेल र मोफसलका प्रतियोगिता खेल्दै गरेका उनी अहिले भने कल्ब बिहिन छन् । बिमलले राष्ट्रिय टोलीका लागि १५ बर्षमै डेब्यु गरेका थिए । डेब्यु खेलमै पाकिस्तान विरुद्ध गोल गरेका उनले हालसम्म राष्ट्रिय जर्सीमा ३५ खेल खेलिसकेका छन् ।

अन्जन बिष्ट, फर्वार्ड

नेपाली राष्ट्रिय टोलीका महत्वपूर्ण सदस्य समेत रहेका अन्जन बिष्ट अहिले मनाङ मस्र्याङ्गदीबाट लिग र बिभिन्न मोफसलका प्रतियोगिताहरु खेल्दै आएका छन् । बिमलसँगै नाइट क्लब काण्डमा मुछिएका उनी आफ्नो प्रतिबन्ध चाडै सक्काउदै लिगको बिचबाट मनाङ मस्र्याङ्गदीका लागि खेलेका थिए । अन्जनले राष्ट्रिय टोलीका लाथि ३० खेल खेलिसकेका छन् ।

शिव सुबेदी, फर्वार्ड

अण्डर–१६ एएफसी चम्पियनसिप खेल्दाका फर्वार्ड शिव सुबेदी अहिले भारतीय गोर्खा सेनामा कार्यरत छन् ।

सुनिल बल, फर्वार्ड

सुनिल बल च्यासल युथ क्लबबाट लिग र मोफसलका प्रतियोगिताहरु खेल्दै आएका छन् । राष्ट्रिय टोलीबाट नि खेल्दै आहिरहेका उनी १३ औं सागको स्वर्ण र एफसी सोलिडारिटी कप जित्दाका मुख्य खेलाडी पनि थिए । सुनिलले राष्ट्रिय टोलीको लागि ९ खेल खेलिसकेका छन् ।

 

(अन्य दुई खेलाडीहरु रवि भण्डारी र तेजेन्द्र पुन सामाजिक सञ्जालमा पनि नरहेको उनीहरुका खेलाडी साथीहरुलाई जानकारी लिदा पनि सम्पर्क हुन सकेन ।)

 

 

Headline

ओलम्पिक्सः रेफ्रिको निर्णयको बिरोधमा फ्रेञ्च बक्सर एक घण्टा रिंग भित्रै धर्नामा

wesportz

Published

on

टोकियो ओलम्पिक्स अन्तर्गत सुपर हेभिवेट क्वार्टर फाइनल फाइटमा रेफ्रिले आफूलाई अयोग्य घोषित गरिदिएको बिरोधमा एक फ्रेञ्च बक्सरले एक घण्टा रिंगमै बसेर धर्ना दिएका छन् ।

२६ बर्षिय मुराद एलिएभलाई ब्रिटिस बक्सर फ्रेजर क्लार्कबिरुद्धको खेलमा रेफ्रि एण्डी मुस्टाचियोले चार सेकेण्ड बाकी रहेको स्थितिमा जानाजान टाउकोले हानेको भन्दै अयोग्य ठहराएका थिए ।

रेफ्रिको निर्णय आउने बित्तिकै उनी मुस्टाचियोलाई संकेत गर्दै चिच्याउन थालेका थिए । त्यसपछि उनले आफ्नो माउथ गार्ड निकाल्दै लातले हानेका थिए भने निरन्तर चिच्याईरहे। त्यसपछि क्लार्क तर्फ अघि बढ्दै उनले “मैले जितेको हो, मैले जितेको हो” भन्दै दाबी गर्दै थिए ।

दुई बक्सर केही क्षणको लागि भिड्न लागेको जस्तो स्थिति सृजना भएपनि पछि तल झरेका थिए । क्लार्कलाई औपचारिक रुपमै बिजेता घोषणा गरेपछि एलिएभ एउटा टेलिभिजनको क्यामेरा समात्दै लेन्सतर्फ हातले “नाई, नाई” भन्दै इशारा गरिरहेका थिए ।

दुई बक्सरले हात मिलाएपनि एलिएभ भने असन्तुष्टि व्यक्त गर्दै रिंग भित्रै धर्ना दिएर बस्न थाले । आधा घण्टा क्यानभासमै बसेपनि उनी आफ्नो फ्रेञ्च टिमसंग कुरा गर्न गए र १५ मिनेटपटि फर्किएर फेरि अर्को आधा घण्टा धर्ना दिए ।

पहिलो चरण आफ्नो पक्षमा पारेका एलिएभले आफूलाई रेफ्रिले अयोग्य हुन सक्ने चेतावनी नै नदिएको बताएका छन् । उनले यसअघि क्लार्कलाई जुन ८ मा भएको खेलमा अंकमै पराजित गरेका थिए ।

Continue Reading

Headline

लोकाटोलीलाई युभेन्टस भित्र्याउनेमा नेदभेद बिश्वस्त

wesportz

Published

on

इटालियन सिरी आ महारथी युभेन्टस सासुलोलाई उपयुक्त प्रस्ताव राख्दै घरेलु मिडफिल्डर म्यानुएल लोकाटोलीलाई भित्र्याउनेमा बिश्वस्त रहेको छ ।

युरो कप अन्तर्गत स्विट्जरल्याण्डबिरुद्धको जितमा २३ बर्षिय लोकाटेली चोटग्रस्त मार्को भेराट्टीको स्थानमा खेल्दै दुई गोल गर्न सफल भएपछि एक्कासी चर्चामा आएका थिए ।

“हामी लोकाटेली चाहन्छौं र उनलाई पनि हामी । मलाई लाग्छ हामीले राखेको प्रस्ताव सासुलालाई चित्त बुझ्नेछ,” युभेन्टसका निर्देशक तथा चेक रिपब्लिक लेजेण्ड पाभेल नेदभेदले भने । युभेन्टस प्रशिक्षक मासिमिलियनो एलेग्री लोकाटेली चाहन्छन् भने पुर्व एसि मिलान खेलाडीपनि आफ्नो चलनचल्तीको मुल्य (४० मिलियन युरो) भन्दा कममा आबद्द हुन इच्छुक छन् ।

“कोभिड १९ को हालको परिस्थितिलाई मध्येनजर गर्दै हामीलेसासुलोलाई सबैभन्दा उपयुक्त प्रस्ताव राखेका छौं । हामी आत्मबिश्वासका साथ प्रतिक्षा गरिरहेको छौं र उनलाई युभेन्टस ल्याउन चाहन्छौं,” नेदभेदले भने ।

Continue Reading

Headline

ग्रिलिसलाई इंगलिस फुटबलकै महंगो ट्रान्सफरमा भित्र्याउदै सिटी

wesportz

Published

on

एस्टन भिल्ला मिडफिल्डर ज्याक ग्रिलिसलाई ब्रिटिस ट्रान्सफर इतिहासको किर्तिमानी रकममा भित्र्याउन म्यानचेस्टर सिटीले प्रस्ताव राखेको छ ।

सिटीले २५ बर्षिय भिल्ला कप्तान ग्रिलिसलाई१ सय मिलियन पाउण्डमा क्लब भित्र्याउन गृहकार्य अघि बढाएको हो । यो ब्रिटिस फुटबलमा सबैभन्दा बढी रकमको ट्रान्सफर रकम हो ।

दुई प्रिमियर लिग क्लबहरु लामो समयदेखि यो ट्रान्सफरलाई लिएर छलफल गर्दै आएका छन् । सिटी व्यवस्थापक पेप ग्वार्डियोलाको प्रमुख लक्ष्य नै ग्रिलिस भित्र्याउनु रहेको छ ।

अर्को साता देखि शुरु हुने प्रि सिजन अघि नै ग्वार्डियोलाले सिटीलाई प्रस्ताव राख्न लगाउदै आफ्नो आशय स्पष्ट पारेको हो ।

यो सम्झौता हुने हो भने ग्रिलिस ब्रिटिस क्लब इतिहासमा सबैभन्दा महंगा ट्रान्सफरमा अनुबन्धित हुने खेलाडी बन्ने छन् । हालसम्म कुनै पनि इंगलिस क्लबले सबैभन्दा बढी तिरेको रकम पउल पोग्बाका लागि हो ।

२०१६ मा पोग्बा युभेन्टसबाट म्यानचेस्टर युनाइटेड आउदा उसले ८९ मिलियन पाउण्ड तिरेको थियो । सबैभन्दा बढी रकम तिर्नेशिर्ष तीनमै युनाइटेड रहेको छ । युनाइटेडले अर्का बेलायती खेलाडी ह्यारी मग्वायरका लागि ७८ मिलियन र बेल्जियन स्ट्राइकर रोमेलु लकाकुकालागि ७५ मिलियन पाउण्ड तिरेको थियो ।

मग्वायर हाल सबैभन्दा महंगा डिफेण्डर पनि हुन् । त्यसअघि डच अन्तर्राष्ट्रिय भर्जिल भान डाइकलाई लिभरपुलले ७५ मिलियन पाउण्ड तिरेको थियो ।

सिटीले भने अनुरुपको पैसा तिरेको खण्डमा ग्रिलिस फुटबल इतिहासकै सबैभन्दा नवौं महंगा खेलाडी पनि बन्नेछन् ।

Continue Reading
Headline9 hours ago

ओलम्पिक्सः रेफ्रिको निर्णयको बिरोधमा फ्रेञ्च बक्सर एक घण्टा रिंग भित्रै धर्नामा

राष्ट्रिय10 hours ago

दुई महिना पछिलाई सर्यो लिग, विजेताले ७५ लाख पाउने 

Headline16 hours ago

लोकाटोलीलाई युभेन्टस भित्र्याउनेमा नेदभेद बिश्वस्त

अन्तर्राष्ट्रिय20 hours ago

हफिजले किफायती बलिङ र कप्तान बाबरको अर्धशतकमा पाकिस्तानको रोमान्चक जित 

अन्तर्राष्ट्रिय2 days ago

डिकवेला, मेन्डिस र गुनथिलकालाई एक वर्षको प्रतिबन्ध 

Headline2 days ago

ग्रिलिसलाई इंगलिस फुटबलकै महंगो ट्रान्सफरमा भित्र्याउदै सिटी

अन्तर्राष्ट्रिय2 days ago

स्टोक्सको अनिश्चित समयका लागि क्रिकेटबाट बिश्राम 

राष्ट्रिय2 days ago

अलमुताईरी र नेम्बांग बीचको विवादमा एन्फाले मन्त्रालयको सहयोग लिने   

Headline3 days ago

नेपालको ओलम्पिक्स सहभागिता सक्कियो

अन्तर्राष्ट्रिय3 days ago

भारतको लज्जास्पद हार, श्रीलंकालाई शृंखला 

Trending

error: Content is protected !!