Connect with us

Headline

बिश्व खेलकुदमा पनि फैलिएको ‘जस्टिस फर जर्ज’ को आगो

wesportz

Published

on

अमेरिकाको मिनियापोलिस शहरमा प्रहरीको ज्यादतिका कारण ज्यान गुमाएका ४६ बर्षिय जर्ज फ्लोएडको लागि न्यायको माग गर्दै मिनेसोटा राज्यदेखि सल्किएको आगो बिश्व खेलकुदमा पनि फैलिएको छ ।

आइतबार राति जर्मन बुन्डेसलिगामा भएको खेलमा बोरुसिया डर्टमण्डका स्ट्राइकर जेडन साञ्चाले पेडरबर्नबिरुद्ध गोल गरेपछि जर्सि उचाल्दै भित्री टि–शर्टमा लेखिएको ‘जस्टिस फर जर्ज फ्लोएड’ (जर्ज फ्लोएडका लागि न्याय) देखाउदै समर्थन देखाएका थिए । शनिबाबर बुन्डेसलिगाका सबै खेलहरुमा फुटबलरहरुले जर्जका लागि न्याय माग गरेका थिए भने अन्य खेलकुदका हस्तीहरुले पनि यसमा साथ दिएका छन् ।

अश्वेत नागरिक फ्लोएडलाई एक ठगी मुद्दाको अनुसन्धानमा मे २५ मा प्रहरीले गिरफ्तार गरेको थियो । गोरा प्रहरी डेरेक चभिनले गिरफ्तारीकै क्रममा हतकडी लगाइएका फ्लोएडलाई गाडीको छेउमा लडाएर झण्डै ९ मिनेटसम्म बलपुर्वक घाटीमा थिच्दा उनको ज्यान गएको थियो । चभिन र फ्लाएड एउटै नाइट क्लबमा सुरक्षा दिने काम गर्दै आएका थिए ।

जर्ज फ्लोएड (बाया ) र डेरेक चभिन

‘जस्टिस फुर जर्ज’ नारा लगाउदै शुरु भएको बिरोध अहिले पुरै अमेरिकामा फैलिएको छ भने कतिपय स्थानमा यसले हिंसात्मक रुप पनि लिइरहेको छ । पछिल्लो समय अमेरिकामा अश्वेत नागरिकहरु माथि हुदै आएको प्रहरी ज्यादतिको बिरोध फ्लोएडको मृत्यु पछि चरम बिन्दुमा पुगेको छ ।

फ्लोएडले घाटी थिचिदै गर्दा बारम्बार “म साँस फेर्न सकिरहेको छैन अफिसर” भन्दै छोड्न आग्रह गर्दा पनि चभिनले नछोडेको स्पष्ट देखिएको भिडियो नै सार्वजनिक भएपछि अमेरिकाका अश्वेत नागरिक मात्र नभई गोराहरुले पनि ठूलै संख्यामा साथ दिइरहेका छन् ।

घट्नामा संलग्न चारै जना प्रहारीलाई बर्खास्त गर्नुका साथै चभिनमाथि “थर्ड डिग्रि मर्डर” चार्ज लगाइएपनि आन्दोलनकारीहरुले त्यो काफी नभएको बताउदै आएका छन् । उनीहरुले अन्य तीन प्रहरी अधिकारीहरुलाई पनि कडा सजाय दिइनुपर्ने माग गर्दै आइरहेका छन् । आन्दोलनले हिंसात्मक रुप लिन थालेपछि हाल अमेरिकाको ४० शहरमा कर्फ्यु लगाइएको छ ।

जस्टिस फर जर्ज लेखिएको टि–शर्टमा साञ्चो

“करिअरको पहिलो ह्याट्रिक पुरा गर्दा म खुशी छु तर अहिले दुनियामा यस्ता कुराहरु पनि भइरहेका छन् जसमा हामीले परिवर्तन ल्याउनका लागि सम्बोधन गर्न आवश्यक छ । सही के हो भन्न हामी डराउनु हुदैन । न्यायका लागि हामी एकै साथ उभिनुपर्छ । सँगै हुदा हामी बलियो हुन्छौं,” इङ्गल्याण्ड फर्वार्ड साञ्चोले आइतबारको खेलपछि आफ्नो इन्स्टाग्राममा लेखेका छन् ।

बोरुसिया मोइचेनग्ल्याडब्याचका फ्रेञ्च फुटबलर मार्कस थुरामले बुन्डेसलिगामै युनियन बर्लिनबिरुद्धको खेलमा गोल गरेपछि आफ्नो घुँडा मैदानमा राखेका थिए । थुरामको संकेत सन् २०१६ मा अमेरिकी फुटबलका क्वार्टरब्याक कोलिन केपरनिकले राष्ट्रिय गान गाउदा अमेरिकामा जारी रङ्गभेदबिरुद्ध को शैलीसँग मिल्दो जुल्दो थियो ।

आफ्नो सकृय करिअरमा सामाजिक मुद्दाहरुमा खासै टिप्पणी नगरेका अमेरिकन बास्केटबल लिजेण्ड माइकल जोर्डनले अमेरिकामा गाढिएर बसेको रङ्गभेदको खुलेरै आलोचना गरे । “म निकै दुखि छु, साच्चिकै चोट पुगेको छ र निकै क्रुद्ध पनि छु । हामीले धेरै सहिसकेको छौं । अन्याय बिरुद्ध हामी शान्तिपूर्ण तरिकाले लड्नुपर्छ र जवाफदेहिताको माग कायम राख्नुपर्छ,” जोर्डनले भने ।

अर्का एनबिए स्टार लेब्रोन जेम्सले ट्विटरमा “अमेरिकाले हामीलाई किन माया गर्दैन” लेखेका थिए । यस्तै टेनिस स्टार सेरेना विलियम्सले इन्स्टाग्राममा एउटा निकै लामो भिडियो पोस्ट गरिन जसमा एक अफ्रिकन–अमेरिकन युवतीले भनेकी छिन्ः “हामी कालो मानिस हौ र हामीले यस्तो महसुस गर्न नपरोस ।”

टेनिसकी उदीयमान खेलाडी कोको गउफले आफ्नो इन्स्टाग्रामा एक सरल प्रश्न मात्र गरेकी छिनः “के अब मेरो पालो हो ?”

Headline

मेस्सीको दुई गोलमा बार्सिलोनाको फराकिलो जित

wesportz

Published

on

अर्जेन्टाइन सुपरस्टार लियोनल मेस्सीले दुई गोल गरेपछि बार्सिलोनाले स्पेनिस ला लिगामा गेटाफेलाई ५–२ को फराकिलो अन्तरले पराजित गरेको छ ।

खेलमा मेस्सीले ८ मिनेटमै अग्रता दिलाए पनि क्लेमेन्ट लेँगेटको आत्मघाती गोलले गेटाफे खेलमा फर्किएको थियो । गेटाफे गोलकिपर डेभिड सोरियासँग असमझदारीका कारण डिफेण्डर चाक्लाले आत्मघाती गोल गर्दा बार्साले २८ औं मिनेटमा अग्रता फर्काएको थियो ।

मेस्सीले ३३ औं मिनेटमा गोल गरेपछि बार्साले अग्रता दोब्बर पार्यो । ६९ औं मिनेटमा एनेस उनाइले पेनाल्टीमा गोल गर्दै गेटाफेलाई केही आशा त दिलाए तर रोनाल्ड अरुजोले ८७ र एन्टोइन ग्रिजमनले थप गरिएको तेश्रो मिनेटमा पेनाल्टीमा गोल गर्दै बार्साको जित फराकिलो बनाएका थिए ।

ला लिगामा मेस्सी यो सिजन पनि २३ गोलका साथ सर्वाधिक गोलकर्ताको सुचीमा पहिलो नम्बर मै छन् । भिलारियालका जेरार्ड मोरेनोको २० र एट्लेटिको गएका मेस्सीको पुर्व बार्सिलोना टिम मेट लुईस सुवारेजको १९ गोल छ । रियल म्याड्रिडका करिम बेन्जेमाले १८ गोल गरेका छन् ।

एक खेल कम खेलेको बार्सिलोनाले शिर्ष स्थानको एट्लेटिको म्याड्रिडसँगको दुरी ५ अंकमा छोट्याएको छ । हुवेस्कालाई बिहिबार नै २–० ले हराएको एट्लेटिकोको ३२ खेलबाट ७३ अंक छ । समान खेलबाट दोश्रो स्थानको रियल म्याड्रिडको ७० अंक छ ।

एट्लेटिको र बार्सिलोना मे ८ मा खेल्ने छन् । बिहिबार नै भएका अन्य खेलमा ग्रानडाले आईबारलाई ४–१ र रियल सोसिडाडले सेल्टा भिगोलाई २–१ ले हरायो ।

Continue Reading

Headline

नेपालद्वारा मलेसिया ६९ रनको बिशाल अन्तरले पराजित

wesportz

Published

on

मलेसियालाई सशक्त ब्याटिङ्ग प्रदर्शन मार्फत ६९ रनको फराकिलो अन्तरले पराजित गर्दै नेपालले त्रिदेशीय ट्वान्टी ट्वान्टी अन्तर्राष्ट्रिय श्रृंखलाको लिग चरणमा शान्दार अन्त्य गरेको छ

त्रिवि क्रिकेट मैदानमा करण केसीको आक्रमक ब्याटिङ्गसँगै नेपालले ७ विकेट गुमाउदै २ सय १७ रनको बिशाल योगफल बनायो जवाफमा मलेसियाले निरन्तर विकेट गुमाएपनि १९ दशमलव १ ओभरमा १ सय ४८ रनमा अल आउट भयो

सोमपाल कामीले आफ्नो पहिलो दुई ओभरमा दुई विकेट लिएपछि दवाबमा आएको मलेसियाले आक्रमक ब्याटिङ्गलाई जारी राख्यो तर बिशाल लक्ष्यको दवाबमा रोकिएको थियो

अमिनुदिन राम्लीले १८ बलमा पाँच छक्का र एक चौका प्रहार गर्दै सर्वाधिक ४१ रन लिएका थिए सन्दिप लामिछाने, डेब्युटेन्ट कमल सिँह ऐरि र सोमपाल कामीले ३३ विकेट लिएका थिए सन्दिपले प्रतियोगितामा सर्वाधिक ११ विकेट लिइसकेका छन् सोमपालको नाममा पाँच विकेट रहेको छ      

यसअघि करणले धुवाधार ब्याटिङ्ग गर्दै १३ बलमा सात बिशाल छक्का प्रहार गर्दै ४५ रन जोडेपछि नेपालले आफ्नो ट्वान्टी ट्वान्टी अन्तर्राष्ट्रिय इतिहासकै दोश्रो सर्वाधिक योगफल बनायो

नेपालको ट्वान्टी ट्वान्टी अन्तर्राष्ट्रिय इतिहासमा सर्वाधिक ठूलो योगफल भुटानबिरुद्ध १३ औं दक्षिण एसियाली खेलकुदमा बनाएको २ सय ३६ रन हो

करणले बिष्फोटक पारी खेल्दै कुशल मल्ल (१० बलमा १९ रन) सँग २३ बलमा ६६ रन जोड्नु अघि अन्य ब्याट्स्म्यानहरुले पनि उल्लेखनीय योगदान दिदा नेपाल बिशाल योगफल बनाउन सफल भएको थियो

पहिलो विकेटका लागि कुशल भुर्तेल (१६) र आसिफ शेखले ३३ रन जोडेपछि कप्तान ज्ञानेन्द्र मल्लले नेपालको बिशाल स्कोरको आधार खडा गरेका थिए आसिफसँग ७३ रनको साझेदारी गरेका ज्ञानेन्द्रले चार छक्का र एक चौकाको मद्दतमा २५ बलमा ४१ रन बनाएका थिए

आसिफले ३२ बलमा ४२ रन बनाएका उनले तीन चौका र तीन छक्का हिर्काए यसअघि नेदरल्याण्ड्सबिरुद्धको खेलमा आफ्नो पहिलो ट्वान्टी ट्वान्टी अन्तर्राष्ट्रिय अद्र्धशतक प्रहार गरेका दिपेन्द्र सिँह ऐरिले पनि छरितो रुपमा रन बटुल्दै १७ बलमा ३३ रन बनाए उनले पाँच चौका र एक छक्का हिर्काए

नेपालको इनिङ्गस सुस्त हुदै गर्दा करणले अविश्वसनीय पारी खेलेका थिए उनले १८ औं ओभरमा धिभेन्द्रन मोगनलाई एकै ओभरमा चार छक्का प्रहार गरेका थिए १९ औं ओभरमा मुहम्मद वफिकलाई कुशल मल्लले दुई र करणले एक छक्का प्रहार गरेका थिए

सैयद अजिजको बलमा करण थर्ड म्यानमा अनवर रहमानको उत्कृष्ट डाइभिङ्ग क्याचमा रनआउट भएका थिए अजिजले अन्तिम ओभरमा सोमपाललाई पनि आउट गर्दै मात्र चार रन खर्चिएका थिए

Continue Reading

Headline

करण केसीले १३ बलमै ४५ रन ठोकेपछि नेपालको मलेसियाबिरुद्ध बिशाल योगफल

wesportz

Published

on

करण केसीको आक्रमक ब्याटिङ्गसँगै नेपालले ट्वान्टी ट्वान्टी अन्तर्राष्ट्रियमा आफ्नो दोश्रो सर्वाधिक ठूलो योगफल बनाएको छ ।

त्रिवि मैदानमा जारी त्रिदेशीय ट्वान्टी ट्वान्टी अन्तर्राष्ट्रिय श्रृंखलामा करण १३ बलमा सात बिशाल छक्का प्रहार गर्दै ४५ रन जोडेपछि नेपालले मलेसियालाई ७ विकेटको क्षतिमा २ सय १७ रन प्रहार गरेको छ ।

नेपालको ट्वान्टी ट्वान्टी अन्तर्राष्ट्रिय इतिहासमा सर्वाधिक ठूलो योगफल भुटानबिरुद्ध १३ औं दक्षिण एसियाली खेलकुदमा बनाएको २ सय ३६ रन हो ।

करणले बिष्फोटक पारी खेल्दै कुशल मल्लसँग २३ बलमा ६६ रन जोड्नु अघि अन्य ब्याट्स्म्यानहरुले पनि उल्लेखनीय योगदान दिदा नेपाल बिशाल योगफल बनाउन सफल भएको थियो ।

पहिलो विकेटका लागि कुशल भुर्तेल (१६) र आसिफ शेखले ३३ रन जोडेपछि कप्तान ज्ञानेन्द्र मल्लले नेपालको बिशाल स्कोरको आधार खडा गरेका थिए । आसिफसँग ७३ रनको साझेदारी गरेका ज्ञानेन्द्रले चार छक्का र एक चौकाको मद्दतमा २५ बलमा ४१ रन बनाएका थिए ।

आसिफले ३२ बलमा ४२ रन बनाएका । उनले तीन चौका र तीन छक्का हिर्काए । नेपालको इनिङ्गस सुस्त हुदै गर्दा करणले अविश्वसनीय पारी खेलेका थिए । उनले १८ औं ओभरमा धिभेन्द्रन मोगनलाई एकै ओभरमा चार छक्का प्रहार गरेका थिए । १९ औं ओभरमा मुहम्मद वफिकलाई कुशल मल्लले दुई र करणले एक छक्का प्रहार गरेका थिए ।

सैयद अजिजको बलमा करण थर्ड म्यानमा अनवर रहमानको उत्कृष्ट डाइभिङ्ग क्याचमा रनआउट भएका थिए । अजिजले अन्तिम ओभरमा सोमपाल कामीलाई पनि आउट गर्दै मात्र चार रन खर्चिएका थिए ।

Continue Reading
Headline48 mins ago

मेस्सीको दुई गोलमा बार्सिलोनाको फराकिलो जित

अन्तर्राष्ट्रिय9 hours ago

पडिक्कलको पहिलो आईपीएल शतकमा बेंगलोरको लगातार चौथों जित

Headline16 hours ago

नेपालद्वारा मलेसिया ६९ रनको बिशाल अन्तरले पराजित

Headline18 hours ago

करण केसीले १३ बलमै ४५ रन ठोकेपछि नेपालको मलेसियाबिरुद्ध बिशाल योगफल

Headline19 hours ago

दिपेन्द्र, कुशल र आसिफलाई माइ सेकेण्ड टिचरको साथ

Headline20 hours ago

कमल सिँह ऐरिले पाए नेपालको लागि ट्वान्टी ट्वान्टी अन्तर्राष्ट्रिय डेब्युको मौका

Headline21 hours ago

रोनाल्डो फर्कदा युभेन्टसको जित, इन्टर बराबरीले पनि मजबुत

Headline23 hours ago

नेपाल मलेसिया भिड्दै गर्दा सन्दिपको १ सयौं टि ट्वान्टी, कुशल अर्को किर्तिमान नजिक

Headline24 hours ago

जर्मन बुन्डेसलिगाः रेलिगेसन सहन नसकेपछि साल्के खेलाडीहरुमाथि आक्रमण, अण्डा प्रहार

Headline1 day ago

अर्को जितपछि ग्वार्डियोलाले भने सुपर लिग एउटा समाप्त अध्याय

Headline4 months ago

१० फुटबलर जसले बार्सिलोना जान मानेनन्

Headline7 months ago

धेरै ऋणको भारी बोकेका पाँच युरोपेली क्लबहरु

Headline12 months ago

ब्राजिलले पाएको अहिलेसम्मकै उत्कृष्ट १० फुटबलर

Headline7 months ago

सात महादेशका सात उत्कृष्ट खेलाडीहरु

Headline8 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline11 months ago

ट्रान्सफर मार्फत सर्वाधिक कमाउने ५ खेलाडी

Headline6 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline6 months ago

फेरि पनि टिममा अटाएनन् स्ट्राइकर बिमल

Headline10 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline8 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending

error: Content is protected !!