Connect with us

Headline

आईसीसीले दियो भारतलाई सन् २०२१ को विश्वकप सार्ने धम्की 

wesportz

Published

on

अन्तरास्ट्रिय क्रिकेट परिषद (आईसीसी) ले भारतीय क्रिकेट बोर्ड (बीसीसीआई) लाई सन् २०२१ मा भारतमा आयोजना हुने ट्वान्टी ट्वान्टी विश्वकप भारतबाट अन्यत्र सार्ने धम्की दिएको छ ।
आईसीसीले बीसीसीआईले विश्वकपका लागि भारतीय सरकारबाट कर छुटको व्यवस्था नामिलायको भन्दै समयमा नै यस विषयमा निर्णय दिन नसकेको खण्डमा विश्वकप नै सार्ने धम्की दिएको हो ।

पछिल्लो दुई महिना देखि आईसीसी र बीसीसीआई बीचमा यसै बिषयलाई लिएर इमेल आदान-प्रदान भएको पनि खुलासा भएको छ । बीसीसीआईले मे १८ सम्ममा यस बिषयमा सरकारसँग अनुमती लिएर आईसीसीलाई पत्राचार गर्ने जनाएता पनि यस बिषयमा केहि टुंगो लगाउन सकेको छैन । अहिले आएर बीसीसीआईले कोरोनाको कारण भन्दै जुन ३० सम्मको समय माग गरेको तर आईसीसी भने अस्विकृत गरेको छ ।
आईसीसीले अप्रिल २९ मा बीसीसीआईलाई पठाएको इमेलमा यदि भारत र आईसीसी व्यपार कर्पोरेसन बीच भएको सम्झौताको पालना नगरेको खण्डमा मे १८ मा यो सम्झौता रद्द गर्ने लेखेको थियो ।
बीसीसीआईलाई भारत सरकारबाट कर छुटको व्यवस्था गर्न धेरै समय रहेको थियो । तर हाम्रो सम्झौता अनुसार कम्तिमा पनि १८ महिना अघि कर छुटको व्यवस्था गर्न पर्ने हुन्थ्यो । जस अनुरुपको समय भनेको डिसेम्बर ३१ २०१९ रहेको थियो । तर बीसीसीआईले भने अहिले आएर जुन ३० अथवा लकडाउन खुलेको ३० दिन पछिको समय माग गरेको छ ।
करको बिषय बीसीसीआई र आईसीसीको विवाद चलेको यो पहिलो घटना भने होइन । भारतले सन् २०१६ मा आयोजना गरेको ट्वान्टी ट्वान्टी विश्वकपका क्रममा कर छुट नभएका कारण आईसीसीले करिब २०-३० मिलियन डलर गुमाएको थियो ।
भारतमा सन् २०२१ को ट्वान्टी ट्वान्टी तथा सन् २०२३ को एकदिवसीय विश्वकपमा कर छुटको ब्यबस्था गरेको खण्डमा दुबै विश्वकप भारतबाट सार्ने चेतवानी फेर्ब्रुवरी २०१८ मा नै दिइसकेको छ । दुबै विश्वकप गरेर कर छुट नपाएको खण्डमा आईसीसीले एक सय मिलियन डलर भन्दा बढी गुमाउने जनाएको छ ।

Headline

प्रधानमन्त्री कपमा नेपाल पुलिसको सशक्त पुनरागमन

wesportz

Published

on

ओपनरद्वय सुनिल धमला र कुशल भुर्तेलले आक्रमक अद्र्धशतक प्रहार गरेपछि डिफेन्डिङ्ग च्याम्पियन नेपाल पुलिस क्लबले प्रधानमन्त्री कप राष्ट्रिय एकदिवसीय क्रिकेट प्रतियोगितामा सशक्त पुनरागमन गरेको छ ।

पहिलो खेलमा बागमती प्रदेशबिरुद्ध १ सय ११ रनमै समेटिदै सात विकेटले पराजित भएको पुलिसले त्रिवि क्रिकेट मैदानमा बुधबार सुदुरपश्चिमलाई ९ विकेटको फराकिलो अन्तरले पराजित गर्यो ।

दिपेन्द्र सिँह ऐरि र सागर ढकालले चार–चार विकेट लिएपछि सुदुरको ब्याटिङ्ग धराशायी हुदै ३३ दशमलव १ ओभरमा १ सय १० रनमै सिमित भयो । कुशल र सुनिलले आकर्षक ब्याटिङ्ग गरेपछि पुलिसले १७ ओभरमै मात्र एक विकेटको क्षतिमा १ सय ११ रन बनायो ।

सुनिलले ५७ बलमा ५३ रन बनाउदै ६ चौका र दुई छक्का प्रहार गरे । कुशलले ४४ बलमा ५१ रन बनाए । बिजयी चौका प्रहार गर्दै अद्र्धशतक पुरा गरेका कुशलले ९ चौका र एक छक्का हिर्काए ।

यसअघि राम्रो अवस्थामा पुगिसकेको सुदुरपश्चिम ३० रनको अन्तरालमा ९ विकेट गुमाउदै सस्तोमै समेटिएको थियो । सुदुर बागमती प्रदेशबिरुद्धको आफ्नो पहिलो खेलमा पनि १ सय १९ रनमै अल आउट भएको थियो ।

पुलिसले इनिङ्गसको दोश्रो बलमै सन्तोष भट्टलाई आउट गर्दै आकर्षक शुरुवात गरेको थियो । खडक बोहोरा र सन्जु दमाईले त्यसपछि ८० रनको साझेदारी गर्दै बलियो स्थितिमा पुर्याएका थिए । तर खडकलाई सागर ढकालले एलबिडब्लु ट्रयापमा पारेपछि सुदुरको पतन शुरु भएको थियो ।

आकर्षक ब्याटिङ्ग गरेका खडकले ५३ बलमा आठ चौका प्रहार गर्दै ४० रन बनाए । सन्जुलाई पनि सागरले नै पेभिलियन फर्काएका थिए । सन्जुले ५८ बलमा ३५ रन जोडे । उनले पाँच चौका प्रहार गरेका थिए ।

अरुण ऐरी (१३) र अर्जुन साउद (१०) बाहेक अन्य कुनै ब्याट्स्म्यानले दोहोरो अंकमा रन जोड्न सकेका थिएनन् । पुलिसका लागि सागरले १० ओभरमा मात्र १८ रन खर्चिए भने दिपेन्द्रले ६ दशमलव १ ओभरमा मात्र १० रन दिएका थिए । सुदुरका पाँच जना ब्याट्स्म्यानले खाता खोल्न सकेका थिएनन् ।

Continue Reading

Headline

महिला लिग आजबाट, पहिलो खेलमै बिभागीय डर्बी

wesportz

Published

on

राष्ट्रिय महिला लिगको उत्घाटन खेलमा आज त्रिभुवन आर्मी फूटबल क्लब र नेपाल पुलिस क्लब भिड्दै छन् ।

अखिल नेपाल फूटबल संघ(एन्फा)ले सार्वजनिक गरेको खेल तालिका अनुसार आज आर्मी र पुलिस भिड्न लागेका हुन् ।

उत्घाटन खेल र फाइनल खेल त्रिपुरेश्वर स्थित दशरथ रंगशालामा हुनेछ भने अन्य खेल सातदोबाटो स्थित एन्फा कम्प्लेक्समा हुनेछ । यस पटकको लिग डबल राउन्ड रोविनको आधारमा हुनेछ ।

एक महिना चल्ने प्रतियोगितामा सात टोलीको सहभागीता रहनेछ । तीन विभागिय क्लब त्रिभुवन आर्मी फूटबल क्लब, नेपाल पुलिस क्लब र नेपाल एपीएफ क्लब सहित चौदण्डीगढी नगरपालिका उदयपुर, बिराटनगर महानगरपालिका, वालिङ नगरपालिका स्याङ्जा र चन्द्रपुर नगरपालिका रौतहटको रहनेछन् ।

यसपटक प्रतियोगिताको विजेताले १५ लाख नगत प्राप्त गर्नेछ भने उपविजेताले ८ लाख पाउनेछन् भने यस्तै तेस्रो हुने टोलीले ५ लाख र चौथो हुने टोलीले ३ लाख प्राप्त गर्ने एन्फाले जनाएको छ ।

खेल नेपाली समय अनुसार दशरथ रंगशालामा २:०० बजे सुरु हुने छ  ।

Continue Reading

Headline

धनगढी क्रिकेट एकेडेमीमा सगरमाथा सिमेन्टको प्रायोजन

wesportz

Published

on

सगरमाथा सिमेन्टले धनगढी क्रिकेट एकेडेमीको स्तरोन्नतीका लागि प्रायोजन सम्झौता गरेको छ ।

सम्झौता अनुसार सगरमाथा सिमेन्टले तीनवर्षका लागि धनगढी क्रिकेट एकेडेमीलाई आवश्यक पर्ने खेल सामाग्री, आयोजना गर्ने प्रतियोगिता, ग्रासरुट कार्यक्रम लगायत अन्य कार्यहरुमा सहयोग गर्नेछ । धनगढी क्रिकेट एकेडेमीले भने प्रयोग गर्ने जर्सी, आयोजना गर्ने प्रतियोगितामा सिमेन्टको लोगो प्रयोग गर्नेछ ।

तीन बर्षका लागि भएको प्रायोजना सम्झौतामा घोराही सिमेन्ट इन्डिष्ट्रिका तर्फबाट मार्केटिङ प्रमुख प्रतिक अधिकारी र एकेडेमीका अध्यक्ष सुवास शाहीबीच हस्ताक्षर भएको हो ।

“धनगढी क्रिकेट एकेडेमीसँग हाम्रो लामो सहकार्य रहँदै आएको छ । विगतमा पनि हामीले धनगढी क्रिकेट लिग हुँदै धनगढी प्रिमियर लिगलाई पनि मुख्य प्रायोजन गरिसकेका छौं । नेपाली क्रिकेटको विकासका लागि प्रतिबद्ध हाम्रो कम्पनीले यसपटक एकेडेमीमार्फत ग्रासरुट क्रिकेटको विकासमा योगदान गर्ने निर्णय गरेको हो,” अधिकारीले भने ।

“ग्रासरुट क्रिकेटको विकासमा सगरमाथा सिमेन्टको प्रवेशले नेपाली क्रिकेटको प्रवद्र्धनमा ठूलो भूमिका खेल्नेछ । पुनः एकपटक सहकार्यका लागि कम्पनीलाई धेरै धेरै धन्यवाद दिन चाहान्छौं । धनगढीलाई क्रिकेटका शहरका रुपमा चिनाउँन र यहाँ देशकै पहिलो फ्रेन्चाइजी क्रिकेट प्रतियोगिता आयोजना गर्न सगरमाथा सिमेन्टको प्रमुख हात रहेको छ,” एकेडमीका अध्यक्ष शाहीले भने ।

Continue Reading
Headline8 mins ago

प्रधानमन्त्री कपमा नेपाल पुलिसको सशक्त पुनरागमन

Headline41 mins ago

महिला लिग आजबाट, पहिलो खेलमै बिभागीय डर्बी

Headline52 mins ago

धनगढी क्रिकेट एकेडेमीमा सगरमाथा सिमेन्टको प्रायोजन

Headline1 hour ago

८० मा एक विकेट मात्रै गएको सुदुर १ सय १० मै अल आउट

Headline6 hours ago

लेस्टरसँगको हारपछि चेल्सी व्यवस्थापक लाम्पार्ड थप दवाबमा

Headline15 hours ago

एन्फाको १९ औँ साधारण सभा सम्पन्न, मनोनयनको ब्यवस्था खारेज

Headline17 hours ago

ढँग नभएका क्रिकेट पदाधिकारीको हैकमवादी शैली

Headline19 hours ago

लुम्बिनीको जितमा सन्दिप, सौरभ, अनिल र बिक्रम नायक

Headline22 hours ago

कर्णाली प्रदेशको राष्ट्रिय क्रिकेटमा पहिलो जित

Headline24 hours ago

भारतको टेस्ट इतिहासकै उत्कृष्ट जित, लगभग दोश्रो रोजाईको टोलीसँग अष्ट्रेलिया हार्यो

Headline1 month ago

१० फुटबलर जसले बार्सिलोना जान मानेनन्

Headline4 months ago

धेरै ऋणको भारी बोकेका पाँच युरोपेली क्लबहरु

Headline9 months ago

ब्राजिलले पाएको अहिलेसम्मकै उत्कृष्ट १० फुटबलर

Headline4 months ago

सात महादेशका सात उत्कृष्ट खेलाडीहरु

Headline5 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline8 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline3 months ago

फेरि पनि टिममा अटाएनन् स्ट्राइकर बिमल

Headline7 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline5 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending