Connect with us

Headline

ट्वान्टी ट्वान्टीमा धेरै पटक शुन्यमा आउट हुने नेपाली ब्याट्सम्यान

wesportz

Published

on

नेपाली क्रिकेट ट्वान्टी ट्वान्टी अन्तर्राष्ट्रियको तथ्यांकमा सुचिकृत हुन थालेको पाँच बर्षभन्दा बढी भइसकेको छ । यद्दपी नेपालले यो पाँच बर्षको अन्तरालमा ५० ट्वान्टी ट्वान्टी अन्तर्राष्ट्रिय पनि खेलेको छैन । नेपालले अहिलेसम्म ३३ वटा ट्वान्टी ट्वान्टी अन्तर्राष्ट्रिय खेलेको छ भने पुर्व कप्तान पारस खड्काको नाममा एक शतक पनि आइसकेको छ । नेपालकै लागि सोमपाल कामीले २०१५ मा हंगकंगबिरुद्ध ४० रन जोड्दै १० औं नम्बरका व्याट्स्म्यानकले बनाएको सर्वाधिक रनको बिश्व किर्तिमान पनि कायम गर्न सफल भएका छन् ।

ट्वान्टी ट्वान्टी क्रिकेटले व्याट्स्म्यानहरुलाई मनोबैज्ञानिक रुपले नै खुलेर खेल्ने दवाब दिइरहेको हुन्छ त्यै कारण कैयौं व्याट्स्म्याहरु यो संरचनाको क्रिकेटमा खाता नखोलि पेभिलियन फर्किने गरेका हुन्छन् । यही समस्या नेपाली क्रिकेटमा छ भने धेरै नेपाली व्याट्स्म्यानहरु डक आउट हुने गरेका छन् ।
हेरौं को को छन् नेपाली क्रिकेटमा ट्वान्टी ट्वान्टी अन्तर्राष्ट्रियमा सबैभन्दा बढी डक आउट हुने ब्याट्स्म्यानहरु ।
५. सन्दिप लामिछाने
नेपाली राष्ट्रिय क्रिकेट टोलीका युवा बलर हुन् सन्दिप लामिछाने । नेपालका लागि २० वटा ट्वान्टी ट्वान्टी अन्तरास्ट्रिय खेल खेलेका सन्दिपले नौं पटक ब्याटिंङ गरेका छन् भने त्यस मध्य दुई पटक रनको खाता पनि खोल्न सकेनन् ।
लेग स्पिनर सन्दिप नेपालका एक मात्र खेलाडी हुन् जसले विश्वभर संचालन हुने प्रतिष्ठित ट्वान्टी ट्वान्टी लिगहरु खेलेका छन् । सन्दिपले इन्डियन प्रिमिएर लिग, बिग ब्यास लिग, क्यारेबियन लिग, पाकिस्तान सुपर लिग, बंगलादेश प्रिमिएर लिग जस्ता लिगहरुको अनुभब बटुली सकेका छन् ।
४. कारण केसी
नेपाली रास्ट्रिय क्रिकेट टोलीले एकदिवसीय राष्ट्रको मान्यता पाउनुको पछाडी तिब्र गतिका बलर करण केसीको ठुलो हात रहेको छ ।
सन् २०१८ मा नामिबियामा आयोजना भएको विश्व क्रिकेट लिग डिभिजन टुमा क्यानडा बिरुद्धको खेलमा नेपाल हारको नजिक थियो । उक्त खेलमा हारको समान गरेको खण्डमा नेपाली टोलीको भविष्य अन्धकारमय हुने थियो भने जीत निकालेको खण्डमा एकदिवसीय मान्यताको लागि एक कदम टाढा हुने थियो । हातमा एक विकेट रहेको र जीतका लागि ५१ रन आवस्यकता रहेको अवस्थामा करणले सन्दिपसँग अन्तिम विकेटका लागि ५१ रन जोड्दै नेपाललाई अकल्पनीय जीत दिलाए ।
सोही बर्ष जिम्बाब्वेमा आयोजना भएको विश्वकप छनोटमा सातौँ स्थान हात पार्दै नेपालले एकदिवसीय राष्ट्रको मान्यता पाएको थियो ।
आक्रमक शैलीमा ब्याटिंङ गर्न सक्ने करणले नेपालको लागि २० खेल खेलेका छन् । १८ पारीमा ब्याटिंङ गरेका करण दुई पटक डकआउट भएका छन् । कारणले नेपालको तर्फबाट खेल्दै सर्वाधिक अविजित ४० रनको मद्धतमा कुल एक सय ८२ रन प्रहार गरिसकेका छन् ।
३. पवन सर्राफ
नेपाली टोलीका उदाउंदा अलराउण्डर हुन् पवन सर्राफ । यु१९ टोलीका सदस्य पवनले नेपाली टोलीबाट खेल्न थालेको धेरै समय भएको छैन तर पनि उनलाई भविष्यको आशावादी खेलाडीको रुपमा हेर्ने गरिन्छ ।
आक्रमक ब्याटिंङ गर्न सिपालु पवनले नेपालको लागि १२ खेल खेल्दै ११ पारीमा ब्याटिङ गर्ने मौका पाएका छन् । तर उनी तीन पटक रनको खाता खोल्न पनि असमर्थ रहेका थिए । पवनले नेपालको लागि अहिले सम्म ट्वान्टी ट्वान्टीमा एक सय चार रन आफ्नो नाममा लेखाएका छन् ।
२. पारस खड्का
यो नाम सबै क्रिकेट समर्थकको लागि अस्चार्य लग्न सक्छ । नेपाली टोलीको लागि ट्वान्टी ट्वान्टी र एकदिवसीय खेलमा शतक प्रहार गर्ने ब्याट्सम्यान पारस खड्का ट्वान्टी ट्वान्टीको तीन पारीमा शुन्य रनमा आउट भएका छन् ।
नेपाली टोलीका पुर्व कप्तान पारसले नेपालको तर्फबाट ३३ खेल खेल्दै ३२ पारीमा सात सय ९९ रन प्रहार गरिसकेका छन् । उनी नेपालको लागि ट्वान्टी ट्वान्टीमा सर्वाधिक रन बनाउने खेलाडी समेत हुन् ।पारसको ट्वान्टी ट्वान्टीमा सर्वाधिक अविजित एक सय छ रन छ जुन उनले सिंगापुर बिरुद्ध प्रहार गरेका थिए ।
१. प्रदिप ऐरी
नेपालको तर्फबाट खेल्दै सबैभन्दा धेरै पटक शुन्य रनमा आउट हुने खेलाडी हुन् नेपाली राष्ट्रिय टोलीका पुर्व ओपनर प्रदिप ऐरी । प्रदिप चार पटक शुन्य रनमा पेभेलियन फर्किएका छन् ।
उनले नेपालको लागि ११ खेल खेलेका छन् भने मात्र ८७ रन जोडेका छन् ।
माथि उल्लेख गरिएको खेलाडी बाहेक तिब्र गतिका बलर अविनास बोहरा, पुर्व बायाँ हाते स्पिनर शक्ति गौचन र अर्का बायाँ हाते स्पिनर सुसन भारी पनि ट्वान्टी ट्वान्टी अन्तरास्ट्रिय खेलमा समान दुई दुई पटक डक आउट भएका छन् ।

Headline

९० औं मिनेटको गोलले बार्सिलोना जोगियो

wesportz

Published

on

बायर्न म्युनिखसँग च्याम्पियन्स लिगमा लज्जास्पद पराजय व्यहोरेको एक हप्ता भन्दा कम समयमा बार्सिलोना एक पटक फेरि घरेलु मैदान क्याम्प नोउमा चुकेको छ । यसपटक स्पेनिस महारथी जित विहिन ग्रानडासँग १–१ गोलको बराबरीमा रोक्कियो ।

डिफेन्डर रोनाल्ड अरुजोले ९० औं मिनेटमा गोल गर्दै बार्सिलोनालाई बाल बाल बचाए पनि झण्डै २७ हजार घरेलु समर्थकहरुले टिमको प्रदर्शनलाई भने मन पराएनन् । खेलमा ग्रानडाले दोश्रो मिनेटमै अग्रता बनाएको थियो । उसका लागि डोमिँगोस डुवार्टेले हेडरमार्फत गोल गरेका थिए ।

अर्जेन्टिनी सुपरस्टार लियोनल मेस्सी पेरिस सेन्ट जमाईन गएपछि पहिलो पटक हार व्यहोर्ने क्रममा च्याम्पियन्स लिगमा बायर्नसँग ३–० ले हारेको बार्सिलोनालाई कमजोर टोलीले रोकेपछि पुरै टिम र प्रशिक्षक रोनाल्ड कोमनमाथि दवाब बढ्दै जान थालेको छ ।

लगातार दुई खेल हारेको ग्रानडा क्याम्प नोउमा सोमबार आईपुग्दा उ चार खेलमा जितविहिन रहदै आएको थियो । “हामीले शुरुवातमै गोल गरेको भए मज्जाले जित्ने थियौं । उनीहरुले पहिलो गोल गरेपनि पुरै टिम डिफेन्समै लागेको थियो,” अरुजोले भने ।

बराबरीले बार्सिलोना सातौं स्थानमा कायम रहेको छ भने शिर्ष स्थानको रियल म्याड्रिड भन्दा पाँच अंकले पछाडी छ । बार्सिलोनाले एक खेल कम खेलेको छ ।

Continue Reading

Headline

नेपाली फुटबल टोलीले बलियो ओमानसँग मैत्रीपूर्ण खेल्ने !

wesportz

Published

on

साफ च्याम्पियनसिपको तैयारीका लागि हाल कतारमा रहेको नेपाली राष्ट्रिय फुटबल टोलीले बलियो खाडी राष्ट्र ओमानसँग अन्तर्राष्ट्रिय मैत्रीपूर्ण खेल्ने भएको छ ।

बरियताको हिसाबमा नेपालको लागि यो निकै महत्वपूर्ण खेल हुनेछ । फिफा बरियतामा नेपाल १ सय ६१ स्थानमा रहेको छ भने ओमान ७८ औं स्थानमा छ । नेपाली टोलीको श्रोतका अनुसार नेपाल कतारमै यसको गृहकार्यमा जुटेको र ओमानले पनि स्विकार गरिसकेको छ ।

“अन्य केही समस्या नभए नेपाल र ओमानबीचको खेल तय नै रहेको छ,” श्रोतले विस्पोर्ट्जलाई जानकारी दियो । खेलको मिती र स्थान तय नभएपनि नेपाल सिधै माल्दिभ्स जाने भएका कारण यो खेल कतारमै हुनेछ ।

पछिल्लो केही महिना यता लगातार उच्च स्तरका टोलीहरुसँग खेल्दै आएको नेपाल कतारबाट सिधै माल्दिभ्सका लागि उड्नेछ । कोरोना भाइरसको पहिलो लहर केही शान्त भएपछि बङ्गलादेशबिरुद्धको अन्तर्राष्ट्रिय मैत्रीपूर्णदेखि अन्तर्राष्ट्रिय फुटबलमा पुनरागमन गरेको नेपालले त्यसपछि आफ्नै भुमिमा थ्रि नेसन्स कपको आयोजना गर्दै त्यसमा जित पनि हात पारेको थियो ।

त्यसपछि नेपालमा कोरोनाको दोश्रो लहरका दौरान नै नेपाल सुपर लिगको आयोजना भयो भने इराकसँग एक अन्तर्राष्ट्रिय मैत्रीपूर्ण र बिश्वकप तथा एसिया कपको संयुक्त छनौटमा अष्ट्रेलिया, जोर्डन र चाइनिज ताईपेईसँग खेलेको थियो ।

भारतसँग दशरथ रँगशालामा दुई अन्तर्राष्ट्रिय मैत्रीपूर्ण पछि नै नेपाली टोली कतार गएको थियो ।

Continue Reading

Headline

अन्तिम ४ मिनेटमा दुई गोल गर्दै रियलको सनसनीपूर्ण जित

wesportz

Published

on

निर्धारित समयको अन्तिम चार मिनेटमा दुई गोल गर्दै रियल म्याड्रिडले स्पेनिस ला लिगामा भ्यालेन्सियामाथि २–१ को रोमाञ्चक जित हात पार्दै अंक तालिकाको शिर्ष स्थानमा उक्लिएको छ ।

पहिलो हाफमा कुनै गोल हुन नसकेपछि ६६ औं मिनेटमा ह्युगो डुरोले भ्यालेन्सियालाई अग्रता दिलाएका थिए । तर खेलको अन्तिम समय भने भ्यालेन्सियाले त्यो अग्रतालाई जोगाउन सकेन । करिम बेञ्जेमाको पासमा भिनिसियस जुनियरको प्रहार डिफ्लेक्ट हुदै गोल हुँदा रियलले ८६ औं मिनेटमा बराबरी गर्यो ।

त्यसको दुई मिनेटपछि नै भुमिका फेरियो । यसपटक भिनिसियसको पासमा बेञ्जेले हेडरमार्फत सिजनको आफ्नो छैटौं गोल गरे ।

जितपछि रियल डिफेन्डिङ्ग च्याम्पियन एट्लेटिको म्याड्रिडलाई दुई अंकले पछि पार्दै १३ अंकका साथ शिर्ष स्थानमा उक्लिएको छ । तेश्रो स्थानमा रहेको भ्यालेन्सिया र चौथोमा रहेको रियल सोसिडाडको समान १० अंक रहेको छ ।

भ्यालेन्सियाले यो सिजनको शुरुवातमा आफ्नो पहिलो खेल हारेको हो । आइतबार नै भएको खेलमा रियल सोसिडाडले सेभियासँग गोलरहित बराबरी खेल्यो । अन्य दुई खेल पनि बराबरीमा टुङ्गिएका थिए । मायोर्काले भिलारियालसँग गोलरहित र रियल बेटिसले इस्पान्योलसँग २–२ को बराबरी खेल्यो ।

Continue Reading
Headline9 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline8 months ago

फुटबलमा थापिएका ५ अचम्मका बाजीहरु

Headline5 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline12 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!