Connect with us

Headline

भारतसँग न्युजिल्याण्ड फेरि सुपर ओभरमा पराजित

wesportz

Published

on

न्युजिल्याण्डलाई एकपटक फेरि सुपर ओभरमा पराजित गर्दै भारतले पाँच म्याचको ट्वान्टी ट्वान्टी अन्तर्राष्ट्रि श्रृंखलामा ४–० को अग्रता लिएको छ । भारतले यसअघि नै श्रृंखला कब्जा गरिसकेको भएपनि चौथो खेल निकै रोमाञ्चक बन्न पुगेको थियो ।

अन्तिम ओभरमा हातमा ७ विकेट रहेको स्थितिमा न्युजिल्याण्डलाई ७ रनमात्र चाहिएको स्थितिमा भारतले चार विकेट लिएपछि दुई टिमबीचको श्रंखलामा लगातार दोश्रो पटक खेल सुपर ओभरमा धकेलिएको थियो ।

जितका लागि १ सय ६६ रन पछ्याएको न्युजिल्याण्डबिरुद्ध शार्दुल ठाकुरले अन्तिम ओभर लिएर आएका थिए । उनले पहिलो बलमै रोस टेलरलाई २४ रनमा आउट गरे भने दोश्रो बलमा ड्यारेल मिचेलले चौका प्रहार गरेका थिए । तीन रन बाकी रहेको स्थितिमा ५७ रन बनाएर इनिङ्गस सम्हालेका टिम सेफर्ट रन आउट हुन पुगे ।

मिचेल स्यान्ट्नरले चौथो बलमा एक रन लिए भने पाचौं बलमा मिचेल पेभिलियन फर्कन पुगे । अन्तिम बलमा दुई रन चाहिदा स्याट्नरले दोश्रो रन लिन खोज्दा रनआउट भएपछि खेल सुपर ओभरमा पुगेको थियो । न्युजिल्याण्डले २० ओभरमा ७ विकेटको क्षतिमा एक सय ६५ रन बनायो ।

सुपर ओभरमा सिफर्ट र मन्रोले एक–एक वटा चौका प्रहार गरेपछि भारतले १४ रनको लक्ष्य पाएको थियो । जवाफमा केएल राहुलले टिम साउदीको पहिलो दुई बलमै छक्का र चौका प्रहार गरेपछि भारत जित नजिक पुगेको थियो । तेश्रो बलमा राहुल पेभिलयन फर्केपनि कप्तान बिराट कोहलीले चौथो र पाचौं बलमा दुई रन र चौका प्रहार गर्दै भारतलाई जित दिलाए ।

यसअघि २२ रनमा ओपनर मार्टिन गप्टिललाई गुमाएको न्युजिल्याण्डलाई कोलिन मुन्रो र सिफर्टले ८४ रनको साझेदारी गर्दै सम्हालेका थिए । मुन्रोले ४७ बलमा ६ चौका र तीन छक्का प्रहार गर्दै ६४ रन बनाए । सिफर्टले ३९ बलमा चार चौका र तीन छक्का हिर्काएका थिए ।

मनिष पाण्डेले अद्र्धशतक प्रहार गरेपछि भारतले ८ विकेटको क्षतिमा एक सय ६५ रन बनाएको थियो । टप अर्डरमा लोकेश राहुलले केही आकर्षक शटहरु खेलेपनि मिडल अर्डर चल्न नसक्दा भारत एक समय कम योगफलमै समेट्ने देखिएको थियो ।

तर छैटौं नम्बरमा ब्याटिङ्ग गर्न आएका पाण्डेले ३६ बलमा अद्र्धशतक पुरा गर्दै चुनौतिपूर्ण योगफलतर्फ धकेलेका थिए । मनिषले तीन चौकाको मद्दतमा नटआउट ५० रन बनाए । ८८ रनमै ६ विकेट गुमाएको भारतीय इनिङ्गसलाई पाण्डेले शार्दुल ठाकुर (२०) सँग ४३ रनको साझेदारी गर्दै उकासेका थिए ।

राहुलले २६ बलमा तीन चौका र दुई छक्काको मद्दतमा ३९ रन बनाए । कसिलो बलिङ्ग गरेका इश सोधीले न्युजिल्याण्डका लागि चार ओभरमा मात्र २६ रन खर्चिएर तीन विकेट लिएका थिए । यस्तै हमिस बेनेटले पनि दुई विकेट हात पारे ।

Headline

अनिलको आकर्षक इनिङ्गसमा आर्मीको लगातार दोश्रो जित

wesportz

Published

on

त्रिभुवन आर्मी क्लबले प्रधानमन्त्री कप राष्ट्रिय एकदिवसीय क्रिकेट प्रतियोगितामा लगातार दोश्रो जित हात पारेको छ ।

मुलपानी क्रिकेट मैदानमा आर्मीले कर्णाली प्रदेशलाई ८१ रनले पराजित गर्यो । दुई बर्षपछि प्रधानमन्त्री कप खेलेका पुर्व राष्ट्रिय टोलीका ओपनर अनिल मण्डलले आकर्षक ब्याटिङ्ग गर्दै ८९ रन बनाएपनि कर्णालीले आर्मीलाई ४३ दशमलव १ ओभरमै १ सय ९५ रनमा अल आउट गरेको थियो ।

दोश्रो ओभरदेखि नै विकेट गुमाउन थालेको कर्णाली ३३ दशमलव ३ ओभरमा १ सय १५ रनमा अल आउट भएको थियो । आर्मीको सहज जितमा दुई बाया हाते स्पिनर सुशन भारी श्रेष्ठ र शाहब आलमले संयुक्त रुपमा ७ विकेट लिएका थिए ।

भारीले ८ दशमलव ३ ओभरमा १९ रन खर्चदै चार विकेट लिए भने पहिलो खेल खेलेका साहबले १० ओभरमा ४४ रन दिएर तीन विकेट लिएका थिए । कर्णालीका लागि कप्तान रविन्द्र जँग शाहीले ३० रन बनाए भने हेमन्त ओलीले १६ रन जोडेका थिए । अन्य ब्याट्स्म्यानहरुले उल्लेखनीय प्रदर्शन गर्न सकेनन् । रविन्द्र र हेमन्तले कर्णालीको २८ रनको पर्टनरशिप गरेका थिए ।

यसअघि पहिलो ब्याटिङ्ग गरेको आर्मीले ओपनर राजु रिजाललाई शुन्यमै गुमाएको थियो । आर्मी ४२ रनमा तीन विकेटको अवस्थामा पुगेपछि अनिलले कप्तान बिनोद भण्डारीसँग शतकीय साझेदारी गर्दै टिमलाई सम्हालेका थिए ।

एक समयका राष्ट्रिय टोलीकै उत्कृष्ट ओपनर बनिसकेका अनिलले बिनोदसँग चौथो विकेटका लागि १ सय १५ रनको साझेदारी गरेका थिए । तर बिनोद आउट भएपछि आर्मीको इनिङ्गस संघर्षरत हुन पुगको थियो । यसअघिको खेलमा गण्डकीबिरुद्ध शतक प्रहार गरेका बिनोदले ५५ बलमा ४१ रन बनाए । उनले तीन चौका र एक छक्का प्रहार गरे ।

१ सय १४ बलको इनिङ्गसमा अनिलले १४ चौका प्रहार गरेका थिए । कर्णालीका लागि दिनेश अधिकारी, राज शाह र दिवान पुनले दुई–दुई विकेट लिएका थिए ।

Continue Reading

Headline

डिफेन्डिङ्ग च्याम्पियन पुलिस बागमतीसँग ७ विकेटले पराजित

wesportz

Published

on

बागमती प्रदेशले पहिलो खेलमै डिफेन्डिङ्ग च्याम्पियन नेपाल पुलिस क्लबलाई ७ विकेटले पराजित गर्दै प्रधानमन्त्री कप राष्ट्रिय एकदिवसीय क्रिकेट प्रतियोगितामा उत्कृष्ट शुरुवात गरेको छ ।

त्रिवि क्रिकेट मैदानमा तिब्र गतिका बलर नन्दन यादव र लेग स्पिनर तिलक भण्डारीले ४–४ विकेट लिएपछि निकै कमजोर ब्याटिङ्ग प्रदर्शन गरेको पुलिस २९ दशमलव तीन ओभरमा १ सय ११ रनमै अल आउट भयो । पुलिसले प्रधानमन्त्री कप इतिहासमै सबैभन्दा कम योगफल बनाएको हो ।

जवाफमा लामो समयमा मैदान फर्किएका पृथु बास्कोटाले इशान पाण्डे (१२) सँग अद्र्धशतकीय साझेदारी गरेपछि बागमतीले ३३ दशमलव ४ ओभरमा तीन विकेटको क्षतिमा १ सय १४ रन बनायो ।

राष्ट्रिय टोलीका पुर्व कप्तान पारस खड्का (१७) सहित पहिलो तीन विकेट मात्रै ३५ रनमा गुमाएपछि सुस्त शुरुवात गरेको बागमती केही समयका लागि दवाबमा रहेको थियो । पृथुले केही आकर्षक शटहरु प्रहार गर्दै दवाब कम गरे भने इशानले पुलिसका बलरहरुको धैर्यताको परिक्षा लिएका थिए ।

उनले ६६ बलमा दुई चौकाको मद्दतमा १७ रन बनाए । पृथुले ६६ बलमा पाँच चौका र तीन छक्काको मद्दतमा ४८ रन बनाएका थिए ।

यसअघि कुशल भुर्तेल र सुनिल धमलाले पुलिसका लागि पहिलो विकेटका लागि ३२ रनको साझेदारी गरेका थिए तर रामनरेश गिरीले पहिलो दुई विकेट लिनुका साथै नन्दनले कुशललाई पेभिलियन फर्काएपछि उसले अर्को ३४ रनमा तीन ब्याट्स्म्यानलाई गुमाएको थियो ।

चौथो विकेटका लागि दिपेन्द्र सिँह ऐरि र आरिफ शेखले गरेको ३४ रनको साझेदारी पुलिसको लागि सबैभन्दा ठूलो रहन पुग्यो । तिलकले आरिफलाई एलबिडब्लु धरापमा पारेसँगै पुलिसको पतन शुरु भएको थियो ।

पुलिसले अन्तिम सात विकेट ११ रनमै गुमाएको थियो । आरिफ र दिपेन्द्रले समान २१ रन जोडेका थिए । कुशल र धमलाले पनि समान १७ रन बनाए । अन्य ब्याट्स्म्यानहरुले दोहोरो अंकमा रन जोड्न सकेनन् ।
तिलकले ७ दशमलव ३ ओभरमा १७ रन खर्चिए भने नन्दनले ९ ओभरमा ३१ रन खर्र्चिए ।

Continue Reading

Headline

बागमतीबिरुद्ध डिफेन्डिङ्ग च्याम्पियन पुलिस १ सय ११ मै अल आउट

wesportz

Published

on

डिफेन्डिङ्ग च्याम्पियन नेपाल पुलिस क्लबले प्रधानमन्त्री कप राष्ट्रिय एकदिवसीय क्रिकेट प्रतियोगितामा निकै कमजोर ब्याटिङ्ग प्रदर्शन गरेको छ ।

ज्ञानेन्द्र मल्लको कप्तानीमा रहेको बागमती प्रदेशले पुलिसलाई २९ दशमलव तीन ओभरमा १ सय ११ रनमै सिमित गर्यो । प्रधानमन्त्री कपमा पुलिसको यो हालसम्मकै सर्वाधिक कम टिम योगफल हो । पुलिसलाई सस्तै समेट्ने क्रममा तिब्र गतिका बलर नन्दन यादव र लेग स्पिनर तिलक भण्डारीले ४–४ विकेट लिएका थिए ।

कुशल भुर्तेल र सुनिल धमलाले पुलिसका लागि पहिलो विकेटका लागि ३२ रनको साझेदारी गरेका थिए तर रामनरेश गिरीले पहिलो दुई विकेट लिनुका साथै नन्दनले कुशललाई पेभिलियन फर्काएपछि उसले अर्को ३४ रनमा तीन ब्याट्स्म्यानलाई गुमाएको थियो ।

चौथो विकेटका लागि दिपेन्द्र सिँह ऐरि र आरिफ शेखले गरेको ३४ रनको साझेदारी पुलिसको लागि सबैभन्दा ठूलो रहन पुग्यो । तिलकले आरिफलाई एलबिडब्लु धरापमा पारेसँगै पुलिसको पतन शुरु भएको थियो ।

पुलिसले अन्तिम सात विकेट ११ रनमै गुमाएको थियो । आरिफ र दिपेन्द्रले समान २१ रन जोडेका थिए । कुशल र धमलाले पनि समान १७ रन बनाए । अन्य ब्याट्स्म्यानहरुले दोहोरो अंकमा रन जोड्न सकेनन् ।

तिलकले ७ दशमलव ३ ओभरमा १७ रन खर्चिए भने नन्दनले ९ ओभरमा ३१ रन खर्र्चिए ।

Continue Reading
राष्ट्रिय5 hours ago

स्लिपबाट पारसले थर्ड म्यान दिपेशलाई सोधेः “ओरिजिनल घडी हो ?”

Headline8 hours ago

अनिलको आकर्षक इनिङ्गसमा आर्मीको लगातार दोश्रो जित

Headline10 hours ago

डिफेन्डिङ्ग च्याम्पियन पुलिस बागमतीसँग ७ विकेटले पराजित

Headline12 hours ago

बागमतीबिरुद्ध डिफेन्डिङ्ग च्याम्पियन पुलिस १ सय ११ मै अल आउट

Headline13 hours ago

लिभरपुल भर्सेस म्यानचेस्टर युनाइटेडमा हेर्नै पर्ने तीन प्रमुख भिडन्त

Headline13 hours ago

लिभरपुल भर्सेस म्यानचेस्टर युनाइटेडमा हेर्नै पर्ने तीन प्रमुख भिडन्त

Headline16 hours ago

पोचेटिनोको अनुपस्थितिमा पिएसजी लिग वानको शिर्ष स्थानमा

Headline16 hours ago

ब्राइटनसँग लिड्स पराजित, चेल्सी र लेस्टर बिजयी

राष्ट्रिय1 day ago

बागमती प्रदेशका खेलाडीलाई पुरस्कार नै पुरस्कार

Headline1 day ago

पारसको ब्याट प्रायोजकमा चर्चित एडिडास

Headline4 weeks ago

१० फुटबलर जसले बार्सिलोना जान मानेनन्

Headline4 months ago

धेरै ऋणको भारी बोकेका पाँच युरोपेली क्लबहरु

Headline8 months ago

ब्राजिलले पाएको अहिलेसम्मकै उत्कृष्ट १० फुटबलर

Headline4 months ago

सात महादेशका सात उत्कृष्ट खेलाडीहरु

Headline5 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline8 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline3 months ago

फेरि पनि टिममा अटाएनन् स्ट्राइकर बिमल

Headline7 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline5 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending