Connect with us

Headline

ए डिभिजन लिगमा म्याच फिक्सिङको गन्ध ?

wesportz

Published

on

गौरव फुयाल, ललितपुर

मङ्गलबार शहीद स्मारक ए डिभिजन लिगको आठौँ चरणमा लिगको अन्तिममा रहेको सरस्वती युवा क्लबले हिमालयन शेर्पासँग खेल्दै थियो । पछिल्लो ८ खेलमा मात्र दुई गोल गरेको सरस्वती र उपाधी दाबेदार मच्छिन्द्र क्लबलाई २–० स्तब्ध पारेको शेर्पाबीचको भिडन्त अचम्मैसँग जारी लिगकै हाइ स्कोरिङ्ग खेल भयो ।

त्यसअघि बराबरीबाट एक अंक मात्र बटुलेको सरस्वती सबैले टाउको नै कन्याउनु पर्ने गरि ४–३ को जित रच्दै खेल आफ्नो पक्षमा पार्न सफल भयो । लिगको शुरुवात अघि ठूला क्लबका प्रशिक्षकहरुले पनि लिगमा यो टिम बलियो र यो कमजोर भन्न मिल्दैन भनेका थिए । तर बिश्लेषक शैलीमा हेर्ने हो भने शेर्पा सरस्वतीको तुलनामा निकै बलियो टोली हो – शरिरिक, मानसिक र रणनैतिक हिसाबले ।

लिग दौरान मैदानमा निर्धारित समय मात्र गरेर ७ सय २० मिनेट बिताइसक्दा दुई गोलमात्र गरेको सरस्वतीले त्यही बलियो शेर्पालाई चार गोल ठोक्नु लिगलाई नजिकबाट नियालेका दर्शक र मिडियाले शंकाको बिषय मान्नु जायज नै छ । सरस्वतीले चार गोल गरेर मात्र होइन, शेर्पाले गोल खाएको पनि धेरैलाई नपचेको हो । खेलमा भएका सबै गोल सेट पिसमै भएका छन्, या त फल पछिको फ्रि किकमा अथवा कर्नरमा ।

पहिलो हाफमा २–२ गोलको बराबरीपछि धेरै गोल हेर्न पाइयो भनेर दङ्ग परेका दर्शकको मनमा दोश्रो हाफको अन्त्यतिर भने चिसो पस्न थाल्यो जब ८४ औँ मिनेटमा काजिम बुसारीले गोल गर्दै सरस्वतीलाई ३–२ को अग्रता दिलाए ।

बुसारीको क्रसलाई बिचमै रोक्दै शेर्पाका डिफेन्डर आशिष गुरुङ आफ्नै कर्नरतर्फ बल हान्दै डिफेण्ड गर्छन् । कर्नर बलमा बुसारी हेडिङ्ग गर्न अघि बढ्छन् र गोलरक्षक किशोर गिरीले कुनै पनि प्रतिक्रिया नदिदा सहजै गोल हुन्छ । गोल गरेको भन्दा भनि गोल हुन दिएको स्पष्ट देखिन्थ्यो ।

त्यसपछिका थप दुई गोल पनि कम रोचक छैनन् ।

खेलको छैठौ तथा सरस्वतीको अन्तिम गोल यू–१९ टिमका मनिष थापाले गर्दा उनी करिब ४५ यार्डमा बल आफ्नो नियन्त्रणमा लिन्छन् र तिर्थ बहादुर बस्नेतलाई दिन्छन् । तिर्थ डि बक्स बाहिरै मनिषलाई पास दिन्छन् । मनिष शेर्पाका तीन डिफेन्डर र गोलरक्षक गिरीलाई बिट गर्दै डि बक्स भित्रबाट अत्यन्तै सहज गोल गर्छन् ।

मच्छिन्द्रलाई रोक्न सफल शेर्पाको रक्षापक्तिले मनिषलाई रोक्नका लागि न त अफसाइड ट्रयाप राख्यो न त मर्किङ नै ग¥यो । सबैको लागि मिलोमतोको गन्ध फैलिनु स्वभाविक नै थियो ।

अन्तिम गोलपनि छलफल गर्न योग्य नै छ । थपिएको पाँच मिनेटको इन्जुरी समयमा शेर्पाले फ्रि किक पाउने बित्तिकै एक दर्शक प्याराफिटबाटै चिच्याउछन्ः “यो त हन्ड्रेड पर्सेन्ट (शत प्रतिशत) गोल हुन्छ ।” शेर्पाका रवी थापा फ्रिकिका लागि जान्छन् । रविले ३५ यार्ड भन्दा टाढाबाट गरेको प्रहारले आरामसँग जाली चुम्छ । सरस्वतीका गोलरक्षक बिष्णु कुमार केसीले अप्रत्यासित रुपमा बल रोक्न गरेको सुस्त प्रयास । उनी निकै लेट डाईभ हान्छन् र बल भित्र छिरिसकेको हुन्छ ।

बिष्णुमा अनुभवको कमि हुन सक्छ । तर आठ खेलमा पोस्ट सम्हालेका प्रदिप भण्डारीको स्थानमा सरस्वतीले प्रतियोगिताको निकै महत्वपूर्ण चरणमा किन अनुभव बिहिन बिष्णुलाई खेलाउन पुग्यो ?

खेल सकिए लगतैको पोस्ट म्याच कन्फ्रेन्समा दुबै टिमका प्रशिक्षकले म्याच फिक्सिङ नभएको दाबी गरे । सरस्वतीका प्रशिक्षक प्रदिप नेपालले आफ्नो टिमलाई ३ अंक आवश्यक रहेको र दिएको हौसलाका कारण राम्रो खेलेको दाबी गर्छन् । शेर्पाका प्रशिक्षक सञ्जीव बुढाथोकी मिलोमतोबारे थाहा पाउने जिम्मा मिडियाकै रहेको बताउछन् ।

दुई टिमबीचको खेल बारे लिग निर्देशक संजिब मिश्र भन्छन्: “खेलाडीको गोल गर्ने तरिका र हाउभाउले केही शंका देखिएको छ । त्यसको इन्टिग्रिटी अफिसरले अनुसन्धान गर्नेछन् । यसलाई स्पष्ट रुपमा दाबी गर्न त सकिदैन । हामी भिडियो फुटेजको आधारमा हेर्नेछौ अनी त्यसको अनुसन्धान अगाडी बढाउनेछै ।”

इन्टिग्रिटी अफिसर सुदिप आचार्यबाट घटनाको जानकारी लिन खोज्दा उनी उपस्थित हुन चाहेनन् ।

हिमालयन शेर्पा एन्फा अध्यक्ष कर्मा छिरिङ शेर्पाको क्लब हो । उनी त्यहा पनि अध्यक्ष पदमै आसिन छन् । सरस्वतीका अध्यक्ष एन्फा उपाध्यक्ष शिक्षित पराजुली हुन् । यस्तो स्थितीमा एन्फाले खेललाई अनुसन्धानको दायरामा ल्याउला की नल्याउला कसैले भन्न सक्दैन ।

स्पष्ट के छ भने नेपाली घरेलु लिगमा म्याच फिक्सिङ्गको शंका लामै समयदेखि नै चल्दै आएको छ । यसअघि भएका लिगहरुमा पनि रेलिगेसन बच्नका लागि धेरै पटक नै फिक्सिङ्ग भएको दाबी गर्नेहरु धेरै छन् । यसमा अनुसन्धान नहुनु प्रमाणको अभाव भनिएपनि मुख्य कारण एन्फा गम्भिर नहुनु नै हो ।

एन्फाले म्याच फिक्सिङ्ग हुन नदिनका लागि इन्टिग्रिटी अफिसरको नेतृत्वमा कमिटी बनाएको त छ तर यसले आफूले अनुसन्धान गरेको र त्यसको परिणाम अहिलेसम्म पनि बाहिर निकालेको छैन ।

न नेपालको घरेलु फुटबल कसैले सोच्नै नसक्ने गरि सफा नै रहेको हो की ?

 

तस्विर सौजन्यः एन्फा

Headline

विलियम्सनको तेश्रो दोहोरो शतकपछि न्युजिल्याण्डले बनायो ५ सय १९ रन

wesportz

Published

on

केन विलियम्सनले करिअरकै उच्च स्कोर बनाउदै दोहोरो शतक पुरा गरेपछि न्युजिल्याण्डले वेष्ट इण्डिजबिरुद्धको पहिलो टेस्टको पहिलो इनिङ्गसमा ५ सय १९ रन रन बनाएको छ ।

पहिलो दिन बर्षका कारण केही बिथोलिएपछि दुई विकेटको क्षतिमा २ सय ४३ रनबाट अघि खेल्दै न्युजिल्याण्डले मात्र पाँच विकेट गुमाई २ सय ७६ रन जोड्दै इनिङ्गस समाप्तिको घोषणा गर्यो । वेष्ट इण्डिजले शुक्रबार नै आफ्नो पहिलो इनिङ्गस थाल्दै विकेट नगुमाई ४९ रन बनाएको छ ।

वर्तमान बिश्व क्रिकेटका महान ब्याट्स्म्यानमध्येका एक विलियम्सनले एक पटक फेरि उत्कृष्ट इनिङ्गस खेल्दै न्युजिल्याण्डलाई ठूलो योगफलसम्म डोर्याए । घरेलु टोलीको अन्तिम विकेटको रुपमा आउट हुनुअघि उनले ४ सय १२ बलको म्याराथन इनिङ्गसमा २ सय ५१ रन बनाए ।

टेस्टमा यो उनको तेश्रो दोहोरो शतक हो भने समग्रमा उनले २२ शतक प्रहार गरिसकेका छन् । न्युजिल्याण्डबाट सबैभन्दा बढी शतक बनाउने खेलाडीहरुको सुचीमा उनी पछाडी रोस टेलर रहेको छ । टेलरले १९ शतक बनाएका छन् भने ३० बर्षिय विलियम्सनले सबैलाई धेरै पछाडी छोड्ने तय छ ।

विलियम्सको शुक्रबारको इनिङ्गसमा ३४ चौका र दुई छक्का सामेल थियो । उनको यसअघिको उच्च व्यक्तिगत योगफल २ सय ४२ रन रहेको थियो, जुन उनले २०१५ मा श्रीलंकाबिरुद्ध बनाएका थिए ।

विलियम्सनले पाचौं विकेटका लागि टम ब्लन्डेल (१४) सँग ७२ र काइल जेमिसनसँग सातौं विकेटका लागि ९३ रनको साझोदारी गरेका थिए । जेमिसन ६४ बलमा पाँच चौका र दुई छक्का प्रहार गर्दै ५१ रनमा नटआउट रहे । वेष्ट इण्डिजका लागि केमार रोच र सानोन ग्याब्रियलले तीन–तीन विकेट हात पारे ।

Continue Reading

Headline

ग्यारेथ बेलले गरे २ सयौं करिअर गोल

wesportz

Published

on

ग्यारेथ बेलले करिअरको २ सयौं गोल गरेपछि टोटेन्ह्याम हट्स्पर लिन्जसँग ३–३ गोलको बराबरी खेल्दै युएफा युरोपा लिगको नकआउट चरणमा प्रवेश गरेको छ ।

अवे खेलमा स्पर्सलाई बराबरीका लागि दुई पेनाल्टीको आवश्यक परेको थियो जसमध्ये एकमा बेलले गोल गरेका थिए । यसै सिजन रियल म्याड्रिडबाट आफ्नो पुरानो क्लबबाट फर्केका बेलले करिअरमा आफ्नो २ सयौं गोल गर्न भ्याए ।

अष्ट्रियामा स्पर्सले निकालेको नतिजाले समुह जे बाट बेल्जियन टोली एन्टवर्प पनि अर्को चरणमा पुगेको छ । बिहिबार नै ब्रागा, एसि मिलान, लिले, भिल्लारियाल, डिनामो जाग्रेब, रेड स्टार बेलग्रेड, स्लाभिया प्राग, बायर लेभरकुसन, रेन्जर्स, बेन्फिका, ग्रानडा र पिएसभी आइन्डहोभन पनि नकआउट चरणमा प्रवेश गरेका छन् ।

लेस्टर सिटी, आर्सनल, होफेन्हाइम र एएस रोमा भने यसअघि नै अन्तिम ३२ का लागि छनोट भइसकेका छन् ।

लिन्जमा घरेलु टोलीले पहिलो हाफमा दबदबा कायम राखेपनि पिटर मिकोर्लले एक मात्र गोल गरेका थिए । स्पर्सले ह्याण्डबलमा पेनाल्टी पायो र त्यसमा बेलले गोल गरे । सन हिउङ–मिनले ५६ औं मिनेटमा काउन्डर अट्याकमा गोल गर्दै स्पर्सलाई अग्रता दिलाए तर ८४ औं मिनेटमा होजे माउरिन्होले रक्षात्मक रणनीति अपनाए पनि बराबरी गोल गर्न सफल भए ।

तीन मिनेटपछि नै स्टेभन बर्गविनमाथि फउल भएपछि प्राप्त पेनाल्टीलाई डेलि अलिले गोलमा परिणत गरे । स्पर्सले खेल आफ्नो पक्षमा गइसकेको सोच्दै गर्दा अतिरिक्त समयमा ममोदोउ कारामोकोले बराबरी गोल गरे ।

समुह एच मा मिलानले दुई गोलले पछि परेको स्थिति उल्टाउदै सेल्टिकलाई ४–२ ले हरायो । रेन्जर्सले स्ट्यान्डर्ड लिगलाई ३–२ ले हरायो ।

Continue Reading

Headline

अर्को बर्ष म र मेस्सी सँगै खेल्नेछौंः नेमार

wesportz

Published

on

पेरिस सेन्ट जर्माइन तथा ब्राजिल स्टार नेमारले च्याम्पियन्स लिगमा म्यानचेस्टर युनाइटेडलाई ३–१ ले पराजित गर्दा दुई गोल गरे लगत्तै अर्को सिजन अर्जेन्टिनी सुपरस्टार लियोनल मेस्सीसँगै खेल्ने इच्छा ब्यक्त गरेका छन् ।

६ पटकका बालोन डि ओर बिजेता मेस्सीसँगै बार्सिलोनामा चार सिजन बिताएपछि नेमार २०१७ मा २ सय ६४ मिलियन डलरको किर्तिमानी ट्रान्सफर रकममा फ्रेन्च लिग वान टोलीसँग आबद्ध भएका थिए । “मेस्सीसँगै मैदानमा फुटबलको रमाइलो पल बिताउने मैले सबैभन्दा बढी चाहेको कुरा हो । म उनीसँगै खेल्न चाहन्छु । अर्को बर्ष यो गर्नु पर्छ,” पिएसजीसँग २०२२ सम्मको सम्झौतामा रहेका नेमारले भने ।

नेमार २०१९ मै बार्सिलोना फर्किने भनिएपनि पिएसजीले चाहे अनुरुपको पैसा तिर्नका लागि स्पेनिस फुटबल महारथी असफल रहेको थियो । कोरोना भाइरस महामारीका कारण यो सिजन १ सय २२ मिलियन युरो तलबमा कटौति गर्दै आर्थिक घाटाको क्षतिपुर्ति ब्यहोर्ने निर्णयमा पुगेको बार्सिलोना अर्को सिजन पनि पैसाको अभावमै नेमारलाई भित्र्याउन सक्षम देखिदैन ।

बार्साले नेमारका लागि पैसा तिर्न नसक्ने भएपनि मेस्सीले यो सिजनदेखि नै क्लब छोड्न प्रयास गरेको हुदा उनी अर्को सिजन अगष्टमा अन्य क्लब जाने लगभग निश्चित छ । शायद नेमारले मेस्सीलाई पिएसजीमै हेर्न सकिने संकेत गरेका हुन् की ?

बार्साका तत्कालीन अध्यक्ष योसेप बार्तोमेउले यो सिजन मेस्सीलाई जान नदिए पनि अब उनको पुरै बोर्डले नै राजीनामा गरेको अवस्थामा अर्जेन्टाइन स्ट्राइकरलाई आफ्नो बहिर्गमनमा केही सहज परिस्थिति आउन सक्ने देखिन्छ ।

यो सिजनको शुरुवातमा प्रिमियर लिग क्लब म्यानचेस्टर सिटी मेस्सीलाई भित्र्याउन तम्तयार देखिन्थ्यो तर यो सिजनको अन्त्यमा ३४ बर्ष लाग्ने उनलाई लिनका लागि पिएसजी पनि आतुर हुने देखिन्छ । “उनी मेरो स्थानमा खेल्न सक्छन् । मलाई कुनै समस्या छैन । मलाई निकाल्दे हुन्छ,” ठट्टा गर्दै नेमारले भने ।

Continue Reading
Headline5 mins ago

विलियम्सनको तेश्रो दोहोरो शतकपछि न्युजिल्याण्डले बनायो ५ सय १९ रन

Headline4 hours ago

ग्यारेथ बेलले गरे २ सयौं करिअर गोल

Headline1 day ago

अर्को बर्ष म र मेस्सी सँगै खेल्नेछौंः नेमार

Headline1 day ago

रोनाल्डोले गरे आफ्नो करिअरको ७ सय ५० औं गोल

Headline1 day ago

च्याम्पियन्स लिग: पिएसजीको युनाइटेड माथि सानदार जित, चेल्सीका लागि जिरुड एक्लैको चार गोल

Headline2 days ago

च्यम्पियन्स लिग:पिएसजीको समना गर्दै म्यानचेस्टर युनाइटेड

Headline2 days ago

टिमले नै नरुचाएका मलनले आफूलाई साबित गर्दै जितेको समर्थन

Headline2 days ago

अष्ट्रेलियाबिरुद्ध भारतको सान्त्वना जित, म्याक्सवेलको विकेटले खेल बदलियो

Headline2 days ago

पुर्व कप्तान कर्माचार्य राष्ट्रिय टोली छनोट समितिका संयोजक

Headline2 days ago

बिमल, सन्तोष सहित ५८ खेलाडीलाई बन्द प्रशिक्षणका लागि बोलाइयो

Headline3 months ago

धेरै ऋणको भारी बोकेका पाँच युरोपेली क्लबहरु

Headline7 months ago

ब्राजिलले पाएको अहिलेसम्मकै उत्कृष्ट १० फुटबलर

Headline2 months ago

सात महादेशका सात उत्कृष्ट खेलाडीहरु

Headline3 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline6 months ago

ट्रान्सफर मार्फत सर्वाधिक कमाउने ५ खेलाडी

Headline2 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 month ago

फेरि पनि टिममा अटाएनन् स्ट्राइकर बिमल

Headline5 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline4 months ago

एक युगको अन्त्य हुँदा बार्सामा क्रान्ति एक मात्र बिकल्प

Headline4 months ago

आर्सनलको दुर्गतिः न च्याम्पियन्स लिग, न युरोपा लिग

Trending