Headline
रोकियो थ्री स्टारको बिजय यात्रा, आर्मीको उत्कृष्ट प्रदर्शन
Published
4 years agoon
By
wesportzनवयुग श्रेष्ठको दर्शनीय एक्रोब्यटिक सट र सन्तोष तमाङको उत्कृष्ट फ्रि किकको मद्दतमा त्रिभुनवन आर्मी क्लबले शहीद स्मारक ए डिभिजन लिगमा थ्रि स्टारलाई २–० ले पराजित गरेको छ ।
एन्फा कम्प्लेक्समा भएको खेलमा पहिलो मिनेट देखि नै आक्रमक प्रदर्शन गरेको आर्मी उत्कृष्ट लयमा देखिएको थियो । नवयुगले दिएको पासमा भरत खवासले गरेको प्रहार बचाउन थ्री स्टारका गोलरक्षक प्रिसोले पहिलो मिनेटमै कसरत गर्नुपरेको थियो ।
१२ औ मिनेट मा थ्री स्टारका रुपेश केसीले तीन खेलाडीलाई बिट गर्दै गरेको उत्कृष्ट प्रहार युद्ध शाहीको खुट्टामा लागि कर्नर हुन पुगेको थियो । त्यसपछि आर्मीका लागि नवयुग र जर्ज प्रिन्स कार्कीले एक–एक वटा अवसर खेर फालेका थिए । भरतको अर्को प्रहारलाई गोलरक्षक प्रिसोले उत्कृष्ट बचाउ गरे ।
४१ औ मिनेटमा अफसाइड ट्रयाप बिट गर्दै नवयुगले दिएको पास जर्ज प्रिन्स कार्कीले भेटाए । खेलकै उत्कृष्ट मानिएको उक्त मुभमा प्रिन्सले भरतलाई बल दिए तर त्यसमा उनी चुक्न पुगे ।
५१ औ मिनेटमा थ्री स्टारका अनन्त तमाङले गरेको गल्तीलाई नवयुगले वान भर्सेस वानमा गोल गर्न चुकेका थिए । ५५ औ मिनेट भरत खवासले दिएको क्रस बलमा नवयुगले एक्रोब्यटिक सटमा गोल गर्दै आफ्नो पुरानो गल्ती सच्याउन सफल भएका थिए ।
गोल खान पुगेपछि थ्री स्टार लगतार दबाबमा परेको थियो । ७९औं मिनेटमा सुमन अर्याललाई अशोक खवासले लडाए बापत पाएको फ्रि किकमा सन्तोष तमाङले बललाई उत्कृष्ट ढंगले घुमाउदै जाली चुमाएका थिए । इन्जुरी समयमा आर्मीका बिकास तमाङले बल ह्यन्ड गर्दै थ्री स्टारले पेनाल्टी पएको थियो । रुपेशले हानेको पेनाल्टीलाई गोलकिपर बिकेश कुथुले उत्कृष्ट बचाउ गरेका थिए ।
सुमनले जोगाए संकटाबिरुद्ध पुलिसको नाक
बिभागीय टोली नेपाल पुलिस क्लबले संकटा क्लबमाथि २–१ को जित निकाल्यो । पुलिसका लागि सुमन लामा नायक बने । दुवै गोल उनले नै गरेका थिए । खेलको १५ औं मिनेटमा सुमनले पुलिसलाई अग्रता दिलाए । गोलरक्षक र डिफेन्सबीच तालमेल नमिल्दाको अवस्थामा सुमनको ट्यापिङ प्रहार गोलमा परिणत भएको थियो ।
तर पुलिसको त्यो अग्रता भने लामो समय टिकेन । तीन मिनेट पछि नै संकटाले पेनाल्टी मार्फत गोल फर्कायो । पुलिसका अजित भण्डारीले पेनाल्टी बक्समा ह्याण्ड गरेपछि पाएको पेनाल्टीलाई अमितले गोलमा परिणत गरेका थिए ।
३३ औं मिनेटमा सुमनको अर्को गोलबाट पुलिसले २–१ को अग्रता लिएको थियो । प्रवेश कुँवरको क्रसमा सुमनले वान भर्सेस वानमा गोलरक्षक विनय श्रेष्ठलाई बिट गर्दै गोल गर्न सफल भएका थिए ।
दोस्रो हाफमा भने दुवै टोलीले उत्तिकै प्रयास गरेपनि गोल भने हुन सकेको थिएन । ६० औं मिनेटमा प्रल्हाद रोयको प्रहार पुलिसका गोलरक्षक शत्रुघन चौधरीले मुस्किलले बचाए । ७१औं मिनेटमा सुमनको क्रस पासलाई सौजन राईले पेनाल्टी बक्समा भेट्न सकेनन् ।
८३औं मिनेटमा अमितको प्रहारलाई गोलरक्षक शत्रुघनले पञ्च गर्दै बचाए । रिवाउन्डमा दिपेश आलेमगरले प्रयास गरेपनि डिफेन्डरले क्लियर गरिदिए ।
८२ औं मिनेटमा संकटाका लक्ष्मण रुचालको पेनाल्टी बक्स बाहिरको प्रहार आकाशियो । ८६ औं मिनेटमा भोला सिलवालको कर्नरमा पुलिसका कप्तान सुमन सुवेदीको हेडर गोलरक्षक बिनय श्रेष्ठले पञ्च गर्दै बचाए । जितसँगै पुलिसले लिगमा ७ अंक बनाएको छ भने हार पछि संकटा ४ अंकमा सिमित भएको छ ।
You may like
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
2 years agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।