Connect with us

Headline

दिपेश चम्केपछि एम एम कपको पहिलो खेलमा प्रदेश १ बिजयी

wesportz

Published

on

बाया हाते स्पिनर दिपेश कंडेलले उत्कृष्ट प्रदर्शन गर्दै ६ विकेट लिएपछि प्रदेश १ ले एमएम कप एकदिवसीय राष्ट्रिय क्रिकेट प्रतियोगितामा बिजयी शुरुवात गरेको छ ।

इनरुवा रंगशालामा बिहिबार भएको खेलमा प्रदेश १ ले प्रदेश ५ लाई सानो योगफलका बावजुद ६८ रनको फराकिलो अन्तरले पराजित ग¥यो । समुह सि अन्तर्गतको खेलमा टस जिति पहिलो ब्याटिङ्ग गरेको प्रदेश १ ३१ दशमलव २ ओभरमा १ सय २० रनमै अल आउट हुन पुग्यो । तर दिपेशले घातक बलिङ्ग गर्दै आफूले गरेको सात ओभरमै ६ विकेट लिएपछि प्रदेश ५ १८ ओभरमै ५२ रनमै अल आउट हुन पुग्यो ।

मृनाल गुरुङ्गलाई पहिलो ओभरको पहिलो बलमै मुकुन्द यादवले बोल्ड गरेपछि दिपेशले प्रदेश ५ को ब्याटिङ्गलाई ध्वस्त पारेका थिए । उनले त्यसपछिका ६ विकेट लिएका थिए । अर्को ओपनर बिराट भण्डारीले प्रदेश ५ का लागि सर्वाधिक २८ रन बनाए । ३४ बलको सामना गरेका उनले चार चौका प्रहार गरे ।

बिशाल बिक्रम केसी (१२) प्रदेश ५ को लागि दोहोरो अंकमा रन बटुल्ने एक मात्र ब्याट्स्म्यान रहेका थिए । मुकुन्द र मनो तामाङले पनि प्रदेश १ का लागि दुई दुई विकेट लिए । म्यान अफ द म्याच दिपेशले २० रनमात्र खर्चदै एक मेडन पनि राखेका थिए ।

दिपेशको प्रदर्शनले प्रदेश ५ का लेग स्पिनर बिक्रम कुमार भुषालको पाँच विकेटको प्रदर्शनलाई पनि आझेलमा पारेको थियो । ५२ रनमै ६ विकेट गुमाएको प्रदेश १ लाई दिपेश र फिर्दोस अन्सारीले ४९ रनको साझेदारी गर्दै सम्मानजनक योगफल तर्फ धकेलेका थिए ।

फिर्दोसले २३ र दिपेशले २२ रन बनाए । यस्तै कप्तान पुष्प थापाले पनि २२ रनको योगदान दिएका थिए । बिक्रमले ८ दशमलव २ ओभरमा २४ रन खर्चदै पाँच विकेट लिए । उनले दुई मेडन पनि राखेका थिए ।

प्रतियोगिता अन्तर्गत शुक्रबार प्रदेश ५ र प्रदेश ३ भिड्नेछन् । १२ टोलीको सहभागित रहेको लिग कम नकआउट प्रतियोगितामा मलेशियन टोलीले पनि भाग लिएको छ ।

Click to comment

Leave a Reply

Your email address will not be published. Required fields are marked *

Headline

रोनाल्डोलाई दोस्रो पटक कोरोना संक्रमण,बार्सिलोना विरुद्धको खेल गुमाउने

wesportz

Published

on

लगातार दोस्रो पटक कोरोना भाइरसको परिक्षणमा नतिजा पोजेटिभ आए पछि कृष्चियानो रोनाल्डोले युएफा च्याम्पियन्स लिगमा बार्सिलोनासँगको खेल गुमाउने पक्का भएको छ ।

युएफाको कोभिड-१९ प्रोटोकलका अनुसार खेलाडीले खेल हुनु भन्दा एक साता अगाडि नेगेटिभ परीक्षण गर्नु पर्ने हुन्छ तर रोनाल्डोको आज गरिएको परिक्षणमा  नतिजा नेगेटिभ  नआएको कारण उनले च्याम्पियन्स लिग अन्तर्गत बार्सिलोना विरुद्धको समूह चरणको खेल गुमाउने पक्का भएको छ ।

एक साता अघि पोर्चुगल फुटबल संघले सुपरस्टार  फुटबलर  क्रिष्चियानो रोनाल्डोलाई कोरोना भाईरस संक्रमण भएको बताएको थियो ।

३५ बर्षिय रोनाल्डोले प्रशिक्षण स्थल छोड्दै आइसोलेसनमा गएका थिए । नेसन्स लिग अन्तर्गत फ्रान्स विरुद्धको खेल सकिए पछि भएको कोरोना भाईरसको परिक्षणजो नतिजामा उनको परीणाम पोजेटिभ आएको थियो ।

दोस्रो चोटी नतिजा पोजेटिभ आए पनि रोनाल्डोले उनलाई कोरोना भाइरसको कुनै पनि लक्षण देखा नपरेको र आफु स्वास्थ्य रहेको बताएका थिए ।

 

Continue Reading

Headline

इङ्गल्याण्ड र अमेरिकासँग मैत्रीपूर्ण नखेल्ने अष्ट्रेलियाको निर्णय

wesportz

Published

on

अष्ट्रेलियाले बेलायतमा इङ्गल्याण्ड र अमेरिकासँग खेल्ने भनिएको दुई मैत्रीपुर्ण खेल कोरोना भाइरसका कारण नखेल्ने निर्णय गरेको छ ।

अष्ट्रेलियन प्रशिक्षक ग्रहम अर्नोल्डको टोली, इङ्गल्याण्ड र अमेरिकासँगको दुई खेल अगाडि प्रशिक्षण शिविरको लागि युरोपमा राष्ट्रिय टोली भेला गर्न तयार रहेको थियो।

यस अघी न्युजल्याण्डसँग खेल्ने भनिएको मैत्रिपूर्ण खेल पनि अन्तिम समयमा आएर नखेल्ने निर्णय लिएको अष्ट्रेलियन फुटबल निकाय साकारोेसले यो पटक पनि इङ्गल्याण्ड र अमेरिकासँगको मैत्रीपूर्ण खेल नखेल्ने निर्णय गरेको हो  ।

“गत हप्ता मात्रै हामीले लन्डनमा दुई मैत्रीपूर्ण खेल खेल्ने योजना राम्रोसँग अगाडि बढाएका थियौँ,”फुटबल फेड्रेसन अष्ट्रेलियाले भन्यो।

“तर कोभिड-१९ को महामारी बढ्दै गएका कारण हामीले दुई मैत्रिपूर्ण खेलहरु नखेल्ने निर्णय लिएका छौँ । एसिया र युरोपबाट खेलाडीहरु बोलाँउदा कोरोना भाईरसको जोखिम बढ्ने हुँदा हामी यस बिषयबाट पछि हट्न लागेका हौँ,”

“मेडिकल टोलीको सुझाव अनुरुप फिफाले युरोपमा क्यालेन्डरको बहेक अन्य फुटबल गतिबिधीहरु नगराउने निर्णय लिएको छ,”

यो दुई खेल पनि नखेल्ने भए पछि २०२० मा अष्ट्रेलियन फुटबल टोलीले एक खेल पनि खेलेको छैन ।

कोरोना भाईरसका २०२१ का लागि सरेको २०२२ विश्वकप तथा एसियन कप छनोटको समुह जीमा रहेको अष्ट्रेलियाले नेपाल,कुवेत र चाइनिज ताइपेको समाना गर्न बाँकी रहेको छ ।

Continue Reading

Headline

अनपेक्षित संकट टार्न क्लासिकोबाट जवाफ दिने पर्खाइमा रियल म्याड्रिड

wesportz

Published

on

बलियो रक्षापंक्ति र जित्ने अथक इच्छाशक्तिका कारण तीन महिनाअघि मात्र रियल म्याड्रिडले स्पेनिस ला लिगाको उपाधि हात पारेको थियो । तर शनिबार बार्सिलोनाबिरुद्ध सिजनको पहिलो एल क्लासिकोका लागि तयारी गरिरहदा रियल पत्र–पत्र बाहिर निकालिएको टोली हुनेछ ।

गत हप्ता आफ्नो इतिहासमै माथिल्लो श्रेणीमा उक्लिएको काडिजसँग घरेलु मैदानमा पहिलो पटक पराजित भएपछि रियल बुधबार च्याम्पियन्स लिगको समुह चरणको पहिलो खेलमा युक्रेनी क्बल शख्तर दोनेस्कसँग ३–२ ले स्तब्ध हुन पुग्यो ।

च्याम्पियन्स लिगमा लामो इतिहास रहेको शख्तरसँग रियल हार्नै नहुने भने होइन । तर रियल यस्तो शख्तर टोलीसँग हार्न पुग्यो जसको १० पहिलो रोजाइका खेलाडी र ९ स्टाफ कोरोना भाइरसको संक्रमणका कारण सहभागी हुन सकेका थिएनन् ।

गत सिजन मात्रै २५ गोल खाएको रियलको त्यही रक्षापंक्तिबिरुद्ध काडिजले जसरी चाहे अुनरुपको खेल खेल्न सकेको थियो, शख्तरले जिदानको ब्याक लाइनमा बिश्वंस मच्चाउन सकेको थियो र अन्य कुनै रात भइदेको भए अझै बढी गोल गर्ने थियो । पहिलो हाफमा १३ मिनेटको अन्तरमा रियलले तीन गोल खाएको थियो । यो त्यही रियल टोली हो जसको बिरुद्ध गत सिजन कोरोना भाइरसपछि ला लिगा सुचारु भएपछिको ९ खेलमा मात्र तीन गोल गरिएको थियो ।

टिमप्रतिको प्रतिबद्धता र खेलमा एकाग्रता मापन गर्ने कुनै औजार नभएपनि काडिज र शख्तरबिरुद्धका खेलमा केही म्याड्रिडका खेलाडीहरुले आफ्नो धार गुमाएको स्पष्ट देखिन्थ्यो । पासमा सटिकता नुहुनुका साथै बिपक्षी पोस्टमा दवाब बनाउन गरेको ढिलाइ गरेका कारण सुस्त प्रदर्शन गरेको यो रियल टोली जुन र जुलाईको जस्तो पर्फेक्ट छैन ।  “हामी खेलको लगभग सम्पूर्ण पक्षमा कतै–कतै पछि परेका छौ । तर सबैभन्दा महत्वपूर्ण हामी आत्मबिश्वासमा चुक्नु भएन,” जिदानले भने ।

केही हिसाबले यो प्रतिगमन नभएर सधैजसो उपाधि हातमा आउने देखिएपछि उत्कृष्ट बन्दै जाने तर सामान्य दिनहरुमा चुक्ने गरेको रियल पुरानै लयमा फर्किएको हो ।स्पेनको लकडाउनका कारण ध्यान एकतृत हुनु अघि रियल एकै किसिमको प्रदर्शन गर्न चुक्दै संकटबाट गुज्रिरहेको थियो । फेब्रुवरी र मार्चमा आठ मध्ये मात्र तीन खेल जित्दा रियल सेल्टा भिगो, लेभान्ते, रियल बेटिस र रियल सोसिडाडजस्ता टिमहरुबिरुद्ध चुक्न पुगेको थियो ।

बुधबार रियलबिरुद्ध गोल गरेपछि खुशियाली मनाउदै शख्तर दोनेस्कका खेलाडीहरु ।

गत बर्ष यो समयमा रियल मायोर्कासँग पराजित भएको रियललाई ११ खेलमा मात्र पाँचमा जित दिलाउन सकेपछि जिदान बर्खास्त हुने नाजुक स्थिति सम्म पुगेका थिए । तर जिदानले नै रियलको फर्म फर्काउदै बार्सिलोनासँगको रेसलाई कायम राखे र उपयुक्त समयमै आफ्नो उपाधि दाबेदारलाई पछाडी छोडेका थिए ।

ढल्कदो उमेरका खेलाडीहरुको जमात रहेको रियलको टोलीबाट जिदानले सकेसम्म बढी प्रदर्शन निकालेका थिए । रियलको बागडोर सम्हाल्न फर्किएका जिदानले टोली रिफ्रेस हुने बताएपनि दुई बर्षपछि परिस्थिति भने उस्तै रहेको छ ।

बार्सिलोनाले जस्तै रियलले पनि कोरोनाले निम्त्याएको आर्थिक संकटका कारण टोलीमा तिब्र परिवर्तन ल्याइन नसकिने बुझिसकेको छ । स्पेनका प्रमुख क्लबहरुका लागि ट्रान्सफर विन्डो मुख्यत मुल्य घटाउने कसरतको रुपमा रहेको थियो जसले गर्दा उनीहरुको स्तर माथि उठ्न सकेको छैन । एट्लेटिको म्याड्रिड बुधबार बायर्नसँग ४–० ले पराजित हुनु यसको एउटा उदाहरण हो ।

यसको मतलब शनिबारको एल क्लासिको यसअघिको जस्तो क्लासिक नहुन सक्छ तर यो रियलका लागि निकै महत्वपूर्ण छ, र जिदानको लागि पनि ।  एक हप्तामा दुई हार एउटा कुरा हो तर तेश्रो पराजय बेहोर्दा परस्पर प्रतिद्वन्दी बार्सिलोना हुने हो भने यो रियलका लागि बिध्वंसात्मक हुन सक्छ, र ला लिगाको प्रकृयालाई नै परिवर्तन गर्न पनि सक्छ ।

“म प्रशिक्षक हु र मैले समाधान खोज्न सक्नुपर्छ । मैले आज पाउन सकिन र मेरो खेलाडीहरुका लागि निकै गाह्रो पनि भएको थियो,” बुधबारको पराजयपछि जिदानले भने । आफ्नो खेलाडीहरुको शक्ति संचय भइरहेको ज्ञान भएपनि च्याम्पियन्स लिगका खेलहरु आउने केही हप्तामा आइरहेको कारण जिदान यही लयमा गइरहन सक्दैनन् । व्यस्त तालिकाले जिदानबाट टिममा रोटेसनको माग गरे पनि अहिलेको टोलीको सिमिततको बारेमा पनि उनी अनभिज्ञ नभएका होइनन् ।

फर्लान्ड मेन्डीले आफूलाई मार्सेलोको तुलनामा लेफ्ट ब्याक पोजिसनमा भरपर्दो बिकल्प भएको साबित गरेका छन् । कासिमिरो एक मात्र उपयुक्त डिफेन्सिभ मिडफिल्डर रहेका छन् । लुका जोभिचले करिम बेन्जेमाको स्थान लिन सक्दैनन् ।

घुँडाको चोटका कारण शख्तरबिरुद्धको खेल गुमाएका सर्जियो रामोस बार्सिलोनाबिरुद्ध फर्कन पर्ने हो । रियलले रामोसको अनुपस्थितिमा पछिल्लो ८ च्याम्पियन्स लिग खेलहरु मध्ये सात मा पराजय व्यहोरेको छ । यदि जिदानले रामोसको उपस्थितिमा रियलको उत्कृष्ट छनक पाउने हो भने रियलले क्याम्प नोउबाटै पुनरागमन गर्दा अचम्म नमान्दा हुन्छ ।

बार्साको लागि भने घरेलु दर्शकको अुनपस्थितिमै घरेलु टोलीको दवाब कायम गर्नु पर्ने दवाब हुनेछ । र रियललाई आलोचकहरुको मुख थुन्न दवाब हुनेछ । तर लामो समयका लागि भिड्न सक्ने तागत रियलमा रहेकोमा शंक भने कायमै रहेको छ । काडिज र शख्तरले यो साबित त गरिसकेका छन् ।

Continue Reading
IPL 20209 hours ago

पाण्डे र शंकरको शतकीय साझेदारीमा हैदराबादको सहज जित

IPL 202011 hours ago

राजस्थानको सामान्य ब्याटिङ, हैदराबादलाई १५५ रनको लक्ष्य 

IPL 202013 hours ago

टस जितेर हैदराबाद पहिले फिल्डिङ गर्दै

Headline14 hours ago

रोनाल्डोलाई दोस्रो पटक कोरोना संक्रमण,बार्सिलोना विरुद्धको खेल गुमाउने

IPL 202014 hours ago

जित्नै पर्ने खेलमा राजस्थान र हैदराबाद भिड्दै 

IPL 202016 hours ago

भारतले गर्ने अस्ट्रेलिया भ्रमण सुनिश्चित, अस्ट्रेलिया सरकारले दियो स्विकृति

Headline19 hours ago

इङ्गल्याण्ड र अमेरिकासँग मैत्रीपूर्ण नखेल्ने अष्ट्रेलियाको निर्णय

Headline21 hours ago

अनपेक्षित संकट टार्न क्लासिकोबाट जवाफ दिने पर्खाइमा रियल म्याड्रिड

Headline23 hours ago

‘हामीले फुटबल खेल्न बिर्सिएका छैनौँ’

Headline1 day ago

च्याम्पियन्स लिगः बायर्न सामु एट्लेटिको नीरिह, लिभरपुलको कठिन जित

Headline1 month ago

धेरै ऋणको भारी बोकेका पाँच युरोपेली क्लबहरु

Headline6 months ago

ब्राजिलले पाएको अहिलेसम्मकै उत्कृष्ट १० फुटबलर

Headline1 month ago

सात महादेशका सात उत्कृष्ट खेलाडीहरु

Headline2 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline5 months ago

ट्रान्सफर मार्फत सर्वाधिक कमाउने ५ खेलाडी

Headline2 weeks ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline4 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline2 months ago

एक युगको अन्त्य हुँदा बार्सामा क्रान्ति एक मात्र बिकल्प

Headline3 months ago

आर्सनलको दुर्गतिः न च्याम्पियन्स लिग, न युरोपा लिग

Headline4 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Trending