Connect with us

Headline

के यो बर्ष लिभरपुलकै हुन्छ त ?

पछिल्लो २९ बर्षदेखि लिभरपुल फ्यानहरु प्रिमियर लिग ट्रफि कुरेर बसिरहेका छन् । क्लोप आफैले एनफिल्डको बागडोर सम्हाल्न थालेको चार बर्ष पुरा भइसकेको छ ।

wesportz

Published

on

नेक्स्ट सिजन इज आवर्स (अर्को बर्ष त हाम्रो हो)– लिभरपुलका फ्यानहरुको हरेक इङ्गलिस प्रिमियर लिग सिजन यही वाक्यसँगै अन्त्य हुने गरेको छ । तर १९९१ देखि चल्दै आएको यो भनाइमा जर्मन म्यानेजर योर्गेन क्लोपले यो सिजन पूर्णबिराम लाउने छाटकाँट देखाएका छन् ।

यो सिजनको क्रिसमस  ब्रेक अघिको अन्तर्राष्ट्रिय बिश्राम सम्म लिभरपुल शिर्ष स्थान मा कायमै रहेको छ । उसले दोस्रो स्थानको लेस्टर र तेश्रोेमा रहेको चेल्सीसँग समान ८ अंक को दूरी पनि कायम राखेको छ । अहिले लिभरपुलको खेलमा जुन  प्रगति आएको छ त्यसको श्रेय क्लोपलाइ नै जान्छ ।

क्लोप तिनै व्यवस्थापक हुन् जसले लिभरपुललाई २००६ पछि पहिलो पटक २०१९ को यइएफए च्याम्पियन्स लिगको बिजेता बनाए । यो सफलताको लागि क्लोप लिभरपुलका फ्यानहरुको मन खुलेर तारिफ गर्ने गर्दछन् ।  फ्यानहरुले देखाएको धैर्यता र विश्वासको लागि आफू सधै आभारी रहेको क्लोप बताउछन् ।  आभारी नहुन् पनि कसरी ? पछिल्लो २९ बर्षदेखि लिभरपुल फ्यानहरु प्रिमियर लिग ट्रफि कुरेर बसिरहेका छन् । क्लोप आफैले एनफिल्डको बागडोर सम्हाल्न थालेको चार बर्ष पुरा भइसकेको छ । तर अन्य व्यवस्थापक र क्लोपमा भने फरक छ ।

सन् २०१५ को अक्टोबरमा लिभरपुल ओर्लिएका उनि कसैले नपत्याएको लिभरपुल टिमलाई सन् २०१८ को च्याम्पियन्स लिगको फाइनलसम्म डो¥याए । पहिलो सिजन लिभरपुल बसाइ सोचे जस्तो नभएपनि क्लोपले ध्वस्त क्लबलाई युरोपा खेल्न योग्य सम्म बनाए ।  दोस्रो सिजन उनले आफ्नो पुरानै नीतिबाट सानो क्लबको ठूला खेलाडी भित्राउन थाले, जस्तै साउथह्याम्टन स्टार सादिओ माने, साल्केका जोल माटिप, जर्मन कल्ब माइन्जका क्यारियस र अर्का ठूला ट्रान्सफर थिए न्युकासलका जोर्जिनियो वाइनाल्डम ।

लिभरपुलका समर्थकहरुले त्यति बेला क्लोपमाथि आशा राखे जब उनले सन् २०१५ मा आठौं स्थानमा रहेको क्लबलाई अर्को दुई सिजन चौथो स्थानसम्म उकासे । शायद यहीबाट शुरु भएको थियो लिभरपुलमा क्लोपतन्त्र ।  आफूले सोचे जस्तो मजबुत टोली बनाउनका लागि कस्तो खेलाडी भित्राउने र कस्लाई रिलिज गर्ने राम्रो ज्ञान भएका क्लोपले सन् २०१७ मा मोहम्मद सलाह, डोमिकि सोलंकी र एलेक्स अक्सलेज च्याम्बर्लेनलाई एनफिल्ड ल्याए ।

क्लबमा राम्रो प्रभाव जमाएर राखेका ब्राजिलियन मिडफिल्डर काउटिन्होले बार्सिलोना रोजेर जादा उनले खासै पछूलो नभएको भन्दै बोल्ड अभिब्यक्ति समेत दिए ।  २०१८ को शुरुवात मै लिभरपुल पहिले जस्तो थिएन । अग्रपंक्तिमा सलाह, माने र फर्मिनोलाई राख्दै उसले आक्रमक फुटबल खेल्न शुरु गरिसकेको थियो । २०१८ को पहिलो खेल देखि नै  देखिन्थ्यो क्लोपमा प्रिमियर लिगको भोक । सबै पक्षमा अब्बल देखिन थालेको लिभरपुरलाई राइट ब्याकको कमि थियो र त्यसको लागि उनले क्लबकै उत्पादन ट्रेन्ट एलेक्जेण्डर–आर्नोल्डको सहि सदुपयोग गरेर देखाइदिए । अहिले उनी बिश्वकै उत्कृष्ट राइट ब्याकमा पर्दछन् ।

२०१७–२०१८ शुरुवात देखि लिभरपुल आक्रमक भएपनि आफ्नो लय समात्न नसकेपछि च्याम्पियन्स लिगलाइ मूख्य चुनौती मान्दै अघि बढ्यो । गत सिजन च्याम्पियन्स लिगको उपाधि जित्न सफल लिभरपुलका समर्थकहरुको मनोबल उच्च छ । उति नै उच्च छ क्लोप र लिभरपुल टिमकै मनोबल ।

च्याम्पियन्स लिगको उपाधिसँगै क्लोपले लिभरपुललाई बिश्वकै उत्कृष्ट क्लब बनाइसकेका छन् तर इङ्गलिस प्रिमियर लिगको उपाधि जित्नको लागि उनलाई त्यति सजिलो भने हुने छैन ।   यद्दपी, उपाधिको परस्पर दाबेदार म्यानचेस्टर सिटीलाई ३–१ ले पराजित गर्दै लिभरपुलले यसपटक अझै सशक्त दाबेदारी प्रस्तुत गरिसकेको छ । के यसपटक भन्लान त लिभरपुल समर्थकले दिस सिजन इज आवर्स -यो सिजन हाम्रो हो) ?

Click to comment

Leave a Reply

Your email address will not be published. Required fields are marked *

Headline

अष्ट्रेलियाले दशरथ रँगशालामा नेपालबिरुद्ध बिश्वकप छनौट नखेल्ने

wesportz

Published

on

नेपाली दर्शकले राष्ट्रिय टोलीले दशरथ रँगशालामा अन्तर्राष्ट्रिय फुटबल खेलेको हेर्न अझै कुर्नु पर्ने भएको छ । विश्वकप छनौट अन्तर्गत नेपाल र अष्ट्रेलियाबीच दशरथ रङ्गशालामा हुने भनिएको खेल फेरि स्थगित भएको छ ।

कोरोना भाइरसका कारण एकपछि अर्को मिति तय हुँदा पछिल्लो पटक चैत १७ गते यो खेल हुने निर्णय गरिएको थियो ।

अष्ट्रेलियन फुटबलले कोरोनाकै कारण ट्राभल रेष्ट्रिक्सन र क्वारन्टिनको समस्या रहेको भन्दै एएफसीमा निवेदन दिएपछि खेल स्थगित भएको अखिल नेपाल फुटबल संघका अध्यक्ष कर्मा छिरिङ शेर्पाले बताएका छन् ।

नेपालले चैत १२ गते चाइनिज ताइपेइसँग खेल्ने कार्यक्रम रहेको थियो तर त्यो पनि यसअघि नै स्थगित भइसकेको थियो । बिश्व फुटबलको सर्वोच्च निकाय फिफाले एशियन फुटबल कन्फेडेरेशनलाई अब सेन्ट्रल भेन्युमै जुन १५ भित्र प्रत्येक समुहमा बाकी रहेका सबै छनौट खेलहरु खेल्ने गरि कार्यक्रम तय गर्न डेडलाइन दिएको पनि शेर्पाले जानकारी दिएका छन् ।

सेन्ट्रल भेन्युको लागि प्रत्येक समुहमा सहभागि सबै राष्ट्रले दाबेदारी प्रस्तुत गर्न पाउनेछन् । एन्फाले पनि सेन्ट्रल भेन्युकोलागि दाबेदारी प्रस्तुत गर्ने र सक्दो प्रयास गर्ने अध्यक्ष शेर्पाले बताए । तर अन्य देशको तुलनामा सिमिति श्रोत रहेको अवस्थामा नेपालमा खेल हुने संभावना न्युन रहेको छ ।

Continue Reading

Headline

पिवाईसी बिबिए क्रिकेट फागुन २० देखि मुलपानीमा

wesportz

Published

on

पब्लिक युथ क्याम्पसको आयोजनामा पिवाईसी इन्टर कलेज बिबिए क्रिकेट प्रतियोगिता फागुन २० देखि शुरु हुने भएको छ ।

त्रिभुवन बिश्वबिद्यालय अन्तर्गत व्यवस्थापन संकायको बिबिए कार्यक्रम पढाउने कलेजहरुको पहलमा बर्षेनी हुने प्रतियोगिता डिफेन्डिङ्ग च्याम्पियनले आयोजना गर्नु पर्ने प्रावधान रहेको छ । यस अघि शंकर देव क्याम्पसले आयोजना गरेको संस्करणमा पब्लिक युथ बिजयी भएको कारण उसले यो बर्ष प्रतियोगित आयोजना गर्न गइरहेको हो ।

पब्लिक युथले प्रतियोगिता व्यवस्थापनको सम्पूर्ण जिम्मा चन्द ब्रदर्श प्राइभेट लिमिटेडलाई दिएको छ । मुलपानी क्रिकेट मैदानमा हुने प्रतियोगितामा नेपाल भरबाट १७ बिबिए क्याम्पसहरुले सहभागिता जनाउने छन् । प्रतियोगिता ट्वान्टी ट्वान्टी फरम्याटमा खेलाइने जानकारी व्यवस्थापक चन्द ब्रदर्शले दिएको छ ।

उपाधि जित्ने टोलीले ८५ हजार नगद पुरस्कार पाउने छन् भने उपबिजेता टोलीले ३५ हजार प्राप्त गर्ने छन् । यस्तै म्यान अफ दि सिरिज, बेस्ट ब्याट्स्म्यान र बेस्ट बलरले पनि नगद पुरस्कार प्राप्त गर्ने छन् ।

प्रतियोगिताको मुख्य प्रायोजक संयुक्त रुपमा एडुक्वेस्ट नेपाल र एक्सेल्सिया कलेज रहेका छन् । यसअघि राष्ट्रिय तथा प्रदेश स्तरीय खेलकुद आयोजनाको प्रशस्त अनुभव बटुलिसकेको चन्द ब्रदर्शका प्रबन्ध निर्देशक रविन्द्र चन्दले प्रतियोगिताको लागि उत्साहित रहेको बताए ।

“हामीले बिभिन्न समिति निर्माण गर्दै प्रतियोगितालाई सहज रुपले आयोजना गर्नका लागि सम्पूर्ण तयारीहरु पुरा गरिसकेका छौं । मुलपानीमा हुने प्रतियोगिता प्रतिस्पर्धात्मक र गुणात्मक हुने हाम्रो अपेक्षा छ,” रविन्द्रले बुधबार आयोजित एक पत्रकार सम्मेलनमा भने ।

Continue Reading

Headline

मेयर कपको उद्घाटन खेलमा आर्मी र एपीएफ भिड्ने

wesportz

Published

on

नेपाल क्रिकेट संघ (क्यान) ले आगामी शनिबारबाट सुरु हुन लागेको मेयर कपको खेल तालिका सार्वजनिक गरेको छ ।

पहिलो दिनको खेलमा प्रधानमन्त्री कपको विजेता त्रिभुवन आर्मी क्लब र उपविजेता एपीएफ क्लब भिड्ने भएका छन् । उनीहरु टियु क्रिकेट मैदानमा खेल्ने छन् भने पहिलो दिनमा नै मुलपानी क्रिकेट मैदानमा नेपाल पुलिस क्लब र बागमती प्रदेश खेल्ने छन् ।

समुह चरणमा कुल १० खेल खेलिने छ । जस मध्य टियुमा छ खेल हुने छन् भने मुलपानीमा बाँकी चार खेल खेलिने छ ।

समुह चरणमा सबै टोलीले एक अर्कासँग प्रतिष्पर्धा गर्ने छ र शिर्ष दुई टोलीले अर्को शनिबार हुने फाइनलमा उपाधिका लागि भिड्ने छन् ।

मेयर कपमा प्रधानमन्त्री कप राष्ट्रिय क्रिकेट प्रतियोगिताको सेमिफाइनल पुगेका टोलीहरु – त्रिभुवन आर्मी क्लब, एपीएफ, नेपाल पुलिस क्लब र बागमती प्रदेश तथा काठमाडौँ मेयर ११ गरेर कुल पाँच टोलीको सहभागिता रहने छ । हिजो मात्र क्यानले प्रधानमन्त्री कपको समुह चरणमा उत्कृस्ट प्रदर्शन गर्ने खेलाडी समेट्दै काठमाडौँ मेयर ११ को टोलीको नाम सार्वजनिक गरेको थियो ।

प्रतियोगिता काठमाडौँ महानगरपालिकाको ५० लाख नगद सहयोगमा संचालन हुन लागेको हो । मेयर कप यहि फागुन २२ गतेबाट फागुन २९ गते सम्म टियु क्रिकेट मैदानमा संचालन हुनेछ ।

प्रधानमन्त्री कपको उपाधि आर्मीले उचालेको थियो । आर्मीले उपाधि चुम्ने क्रममा फाइनलमा एपीएफलाई ३३ रनले पराजित गरेको थियो ।

Continue Reading
Headline52 mins ago

अष्ट्रेलियाले दशरथ रँगशालामा नेपालबिरुद्ध बिश्वकप छनौट नखेल्ने

Headline1 hour ago

पिवाईसी बिबिए क्रिकेट फागुन २० देखि मुलपानीमा

Headline3 hours ago

मेयर कपको उद्घाटन खेलमा आर्मी र एपीएफ भिड्ने

Headline5 hours ago

बि डिभिजन: श्री कुमारीलाई हराउँदै मध्यपुर रेलिगेसन जोनबाट बहिर

Headline7 hours ago

बुम्राले इंग्ल्यान्ड विरुद्धको बाँकी सबै खेलहरु गुमाउने

Headline12 hours ago

‘एक पटक शिर्ष चारको अनुभव त गरौं’

Headline12 hours ago

भिनिसियसले अन्तिम समयमा गरेको गोलमा रियलको उद्दार

अन्तर्राष्ट्रिय18 hours ago

टेस्टमा पहिलो पटक भिड्दै अफगानिस्तान र जिम्बाब्वे

Headline20 hours ago

चम्किदै किरण , पन्जाबका लागि छैँठौ क्लिनशीट

Headline22 hours ago

मेयर कपका लागि काठमाडौँ मेयर ११ को टोली सार्वजनिक

Headline2 months ago

१० फुटबलर जसले बार्सिलोना जान मानेनन्

Headline6 months ago

धेरै ऋणको भारी बोकेका पाँच युरोपेली क्लबहरु

Headline10 months ago

ब्राजिलले पाएको अहिलेसम्मकै उत्कृष्ट १० फुटबलर

Headline5 months ago

सात महादेशका सात उत्कृष्ट खेलाडीहरु

Headline6 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline9 months ago

ट्रान्सफर मार्फत सर्वाधिक कमाउने ५ खेलाडी

Headline5 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline4 months ago

फेरि पनि टिममा अटाएनन् स्ट्राइकर बिमल

Headline8 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline7 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending